သိကြားမင်းမေး၍ ဘုရားရှင်ဖြေသည်…

မြတ်စွာဘုရားရှင် မာဂဓတိုင်း ရာဇဂြိုဟ်ပြည်၏ အရှေ့အရပ်၊ အမ္ဗသဏ္ဍအမည်ရှိသော ပုဏ္ဏားရွာ၏ မြောက်အရပ် ဝေဒိယကတောင် ဣန္ဒသာလဂူ၌ သီတင်းသုံးနေတော်မူစဉ်က ဖြစ်ပါ၏။ နတ်ပြည်ခြောက်ထပ်ကို အစိုးရတော်မူသော နတ်တို့၏အရှင် သိကြားမင်းသည် ဘုရားရှင် ထိုဣန္ဒသာလဂူတွင် သီတင်းသုံးနေထိုင်တော် မူသည့် သတင်းကို ကြားသိပြီး မိမိသန္တာန်၌ ဖြစ်ပေါ်လျက်ရှိသည့် သံသယများနှင့် ပတ်သက်၍ မေးမြန်းလျှောက်ထားလိုသည့် စိတ်ကူးဖြစ်ပေါ်ခဲ့၏။ ထိုအကြံကြောင့်ပင် သိကြားမင်းသည် အခြံအရံ ပရိတ်သတ်များနှင့်အတူ ဘုရားရှင်ရှိတော်မူရာ အရပ်သို့ ရောက်ရှိလာပြီး ဘုရားရှင်၏ ခွင့်ပြုချက်ဖြင့် မိမိသိလိုသည်များကို မေးလျှောက်လေ၏။

ထိုသို့ သိကြားမင်းမေးသဖြင့် ဘုရားရှင်ကိုယ်တိုင် ဖြေကြားဟောတော်မူပေးမှုကို သုတ္တန်အမည်တစ်ခုအဖြစ် မှတ်တမ်းတင်ထားပါ၏။ ထိုသုတ္တန်၏အမည်ကား “သက္ကပဥှ“သုတ်တော်ပင် ဖြစ်ပါ၏။ သက္ကဟူသည် သိကြားဟုအဓိပ္ပါယ်ရပြီး ပဥှသည်ကား အမေးပုစ္ဆာဟု အဓိပ္ပါယ်ရ၏။ ထို့ကြောင့် စာဖတ်သူများ အလွယ်နားလည်နိုင်စေရန် ဤနေရာ၌ “သိကြားမင်းမေး၍ ဘုရားရှင်ဖြေသည်“ဟူ၍ ခေါင်းစဉ်တစ်ခုတပ်ကာ သိကြားမင်းနှင့် ဘုရားရှင်တို့၏ အမေးအဖြေများကို မှတ်သားနာယူ ကြည်ညိုပြီး လိုက်နာကျင့်သုံးနိုင်ရန် အများနာလည်နိုင်မည့် စကားအသုံးများဖြင့် တစ်ဆင့်ပြန်လည် မျှဝေပေးခြင်း ဖြစ်ပါသည်။
ပရိတ်သတ်အခြံအရံများဖြင့် ဘုရားရှင်ထံ ရောက်လာသည့် သိကြားမင်းသည် ဘုရားရှင်ကို ဖူးမြှော်ပြီး မိမိသိလိုသည်များနှင့် စပ်လျဉ်း၍ ဘုရားရှင်ထံမှ ခွင့်ပြုချက်ကို ရယူကာ မေးခွန်းများ စတင်မေးလျှောက် လေတော့၏။

သိကြားမင်းအမေး…
“အရှင်ဘုရား လောကရှိ လူနတ်ဗြဟ္မာ အသုရာနှင့် နဂါးဂန္ဓဗ္ဗစသူတို့ဟာ တစ်ဦးအပေါ်တစ်ဦး ရန်ငြိုးကင်းကြစေဖို့၊ ဒဏ်ထားခြင်းကင်းကြစေဖို့၊ ရန်ကင်းကြစေဖို့၊ စိတ်ဆင်းရဲခြင်းကင်းကြစေဖို့၊ အမျက်ထွက်ခြင်းကင်းကြစေဖို့ စသဖြင့် လိုလားတောင့်တကြပါတယ်။ ဒါပေမယ့် ဒီလို လိုလားတောင့်တ ကြပေမယ့်လည်း တစ်ဦးနဲ့တစ်ဦး ရန်ငြိုးတွေဖွဲ့ကြ၊ ဒဏ်ခတ်ကြ၊ ရန်ပြုကြ၊ စိတ်ဆင်းရဲအောင်လုပ်ကြ၊ အမျက်ထွက်အောင် လုပ်ကြပါတယ်။ ဒီလိုတောင်တပေမယ့် တောင့်တတိုင်း ဖြစ်မလာတာဟာ ဘယ်လိုအနှောင်အဖွဲ့ကြောင့်ပါလဲဘုရား…“

မြတ်စွာဘုရားအဖြေ…
“နတ်တို့အရှင် သိကြားမင်း ပုဂ္ဂိုလ်သတ္တ၀ါတွေဟာ တစ်ဦးနဲ့တစ်ဦး သိကြားမင်းပြောတဲ့ ဆန္ဒများနဲ့ လိုလားတောင့်တပေမယ့် သူတို့လိုလားတောင့်တတိုင်း ဖြစ်မလာရတာဟာ သူတို့သန္တာန်မှာ ရှိနေကြတဲ့ ဣဿာမစ္ဆရိယ သံယောဇဉ်တွေကြောင့်ပဲ ဖြစ်ပါတယ်။ ဣဿဆိုတာ သူတပါးအပေါ်မနာလိုခြင်းဖြစ်ပြီး မစ္ဆရိယဆိုတာကတော့ မိမိမှာရှိတဲ့အရာတွေမှာ ၀န်တိုခြင်း ဖြစ်ပါတယ်“

သိကြားမင်း…
“အရှင်ဘုရား ဒီလိုဆိုရင် ဒီဣဿာမစ္ဆရိယတို့ရဲ့ အခြေခံအကြောင်းတရား၊ တိုးတက်ဖြစ်ပွားရာ အကြောင်းတရား၊ ထင်ရှားဖြစ်ပေါ်ရာ အကြောင်းတရား၊ စတင်ဖြစ်ပေါ်ရာ အကြောင်းတရားဟာ ဘာကြောင့်ဖြစ်ရပြီး ဘယ်လိုတရားများရှိရင် ဒီဣဿာမစ္ဆရိယ ဖြစ်တတ်ပြီး ဘယ်လိုတရားများ မရှိပါက ဒီတရားများ မဖြစ်တတ်ပါလဲဘုရား…“

မြတ်စွာဘုရား…
“နတ်တို့အရှင် သိကြားမင်း ချစ်ခြင်း မုန်းခြင်းဆိုတဲ့ သဘောတရားဟာ ဒီဣဿာမစ္ဆရိယတို့ရဲ့ အခြေခံစတင်ဖြစ်ပေါ်ရာဖြစ်ပြီး ထင်ရှားတိုးတက်ရာလည်း ဖြစ်စေပါတယ်။ ဒီချစ်ခြင်းမုန်းခြင်းရှိရင် ဣဿာမစ္ဆရိယ ရှိတတ်ပြီး၊ ချစ်ခြင်းမုန်းခြင်းမရှိရင်တော့ ဣဿာမစ္ဆရိယလည်း မရှိတတ်ပါဘူး“

သိကြားမင်း…
“အရှင်ဘုရား ဒီလိုဆိုရင် ဒီချစ်ခြင်းမုန်းခြင်းတို့ရဲ့ အခြေခံစတင်ဖြစ်ပေါ်ရာနဲ့ ထင်ရှားတိုးတက်ရာတို့ဟာ ဘာကြောင့်ဖြစ်ရပြီး ဘယ်လိုအရာက ဒီချစ်ခြင်းမုန်းခြင်း ဖြစ်မဖြစ်ကို ဖန်တီးပေးတယ်ဆိုတာ သိချင်ပါတယ်ဘုရား…“

မြတ်စွာဘုရား…
“သိကြားမင်း လိုချင်ခြင်း ဆန္ဒကြောင့် ဒီချစ်ခြင်းမုန်းခြင်းတို့ စတင်ဖြစ်ပေါ် တိုးတက်ပြန့်ပွားခြင်းဖြစ်ပြီး ဒီလိုချင်ခြင်းဆန္ဒရှိရင် ချစ်ခြင်းမုန်းခြင်း ရှိတတ်ကာ လိုချင်ခြင်း ဆန္ဒမရှိရင်တော့ ဒီချစ်ခြင်းမုန်းခြင်းလည်း မရှိတတ်ပါဘူး“

သိကြားမင်း…
“အရှင်ဘုရား ဒီလိုဆိုရင် ဒီလိုချင်ခြင်းဆန္ဒရဲ့ အခြေခံစတင်ဖြစ်ပေါ်ခြင်းနဲ့ တိုးတက်ထင်ရှားခြင်းတို့ဟာ ဘာကြောင့်ဖြစ်ရပြီး ဘယ်အရာက ဒီလိုချင်ခြင်းဆန္ဒ ဖြစ်မဖြစ်ကို ဖန်တီးပေးပါလဲဘုရား…“

မြတ်စွာဘုရား…
“သိကြားမင်း ကြံစည်ခြင်း ၀ိတက်ကြောင့် ဒီလိုချင်ခြင်း ဆန္ဒတို့ စတင်ဖြစ်ပေါ် တိုးတက်ပြန့်ပွားခြင်းဖြစ်ပြီး ဒီကြံစည်ခြင်း ၀ိတက်ရှိရင် လိုချင်ခြင်း ဆန္ဒရှိတတ်ကာ ၀ိတက်မရှိပါက ဆန္ဒလည်း မရှိတတ်ပါဘူး…“

သိကြားမင်း…
“အရှင်ဘုရား ဒီလိုဆိုရင် ဒီကြံစည်ခြင်း ၀ိတက်ရဲ့ အခြေခံစတင်ဖြစ်ပေါ်ရာနဲ့ တိုးတက်ထင်ရှားရာတို့ဟာ ဘာကြောင့်ဖြစ်ပေါ်ပြီး ဘယ်အရာများက ဒီကြံစည်ခြင်း ၀ိတက် ဖြစ်မဖြစ်ကို ဖန်တီးပေးပါလဲဘုရား…“

မြတ်စွာဘုရား…
“သိကြားမင်း သံသရာချဲ့ထွင်တတ်တဲ့ တဏှာ မာန ဒိဋ္ဌိဆိုတဲ့ ပပဉ္စတရားအစုကြောင့် ဒီကြံစည်ခြင်း ၀ိတက်တို့ စတင်ဖြစ်ပေါ် တိုးတက်ပြန့်ပွားခြင်းဖြစ်ပြီး ဒီသံသရာ ချဲ့ထွင်တတ်တဲ့ ပပဉ္စတရားများရှိရင် ၀ိတက်ရှိတတ်ကာ ပပဉ္စတရားများ မရှိပါက ကြံစည်ခြင်း ၀ိတက်လည်း မရှိတတ်ပါဘူး…“

သိကြားမင်း…
“အရှင်ဘုရား ဒီလိုဆိုရင် ဘယ်လိုအကျင့်မျိုးကို ကျင့်ကြံအားထုတ်ရင် ဒီသံသရာ ချဲ့ထွင်တတ်တဲ့ ပပဉ္စတရားများ ချုပ်ငြိမ်းစေပြီး နိဗ္ဗာန်သို့ရောက်ကြောင်း အကျင့်ကို ကျင့်သည်မည်ပါလဲဘုရား…“

မြတ်စွာဘုရား…
“သိကြားမင်း ၀မ်းမြောက်ခြင်းဟူသော သောမနဿ၊ နှလုံးမသာခြင်းဟူသော ဒေါမနဿ၊ လျစ်လျူရှုခြင်းဟူသော ဥပေက္ခာလို့ခေါ်တဲ့ ခံစားခြင်း ဝေဒနာကမ္မဋ္ဌာန်းကို ကျင့်ကြံပွားများ အားထုတ်နိုင်ပါက ဒီသံသရာ ချဲ့ထွင်တတ်တဲ့ တဏှာ၊ မာန၊ ဒိဋ္ဌိဆိုတဲ့ ပပဉ္စတရားများကို ချုပ်ငြိမ်းစေပြီး နိဗ္ဗာန်သို့ရောက်ကြောင်း အကျင့်ကို ကျင့်ရာရောက်ပါတယ်။ ဟုတ်ပါတယ်။ ၀မ်းမြောက်ခြင်း သောမနဿမှာလည်း မှီဝဲအပ်တဲ့ သောမနဿ မမှီဝဲအပ်တဲ့ သောမနဿလို့ နှစ်မျိုးရှိပြီး ဒီသောမနဿကို အမှီပြုခြင်းကြောင့် မိမိသန္တာန်မှာ အကုသိုလ်တရား တိုးပွားပြီး ကုသိုလ်တရားများ ဆုတ်ယုတ်ပါက အဲဒီသောမနဿကို မမှီဝဲအပ်ဘဲ၊ ဒီသောမနဿကို အမှီပြုခြင်းကြောင့် မိမိမှာ အကုသိုလ်တရားများ ဆုတ်ယုတ်ပြီး ကုသိုလ်တရားများ တိုးပွားပါက အဲဒီသောမနဿကို မှီဝဲအပ်ပါတယ်။ ကြံစည်ခြင်း ၀ိတက်၊ သုံးသပ်ခြင်း ၀ိစာရနှင့် တကွဖြစ်တဲ့ ဒီဝမ်းမြောက်ခြင်းမှာ ၀ိတက်ဝိစာရမရှိတဲ့ ၀မ်းမြောက်ခြင်းက ပိုပြီးမြတ်ပါတယ်။ (ဆိုလိုသည်မှာ အကုသိုလ်တရား ဆုတ်ယုတ်ပြီး ကုသိုလ်တရား တိုးပွားစေမည့် ကြံစည်သုံးသပ်ခြင်းကင်းသည့် နှစ်သက်ခြင်း သောမနဿကိုသာ သိအောင်ကြိုးစားလိုက်နာ ကျင့်သုံးရမည်ဟု ဆိုလိုပါ၏။)

ဒီလိုပဲ နှစ်လုံးမသာခြင်း ဒေါမနဿမှာလည်း မှီဝဲအပ်တဲ့ ဒေါမနဿ၊ မမှီဝဲအပ်တဲ့ ဒေါမနဿလို့ နှစ်မျိုးရှိပြီး ဒီဒေါမနဿကို အမှီပြုခြင်းကြောင့် မိမိသန္တာန်မှာ အကုသိုလ်တရား တိုးပွားပြီး ကုသိုလ်တရားများ ဆုတ်ယုတ်ပါက အဲဒီဒေါမနဿကို မမှီဝဲအပ်ဘဲ၊ ဒီဒေါမနဿကို အမှီပြုခြင်းကြောင့် မိမိသန္တာန်မှာ အကုသိုလ်တရားများ ဆုတ်ယုတ်ပြီး ကုသိုလ်တရားများ တိုးပွားပါက အဲဒီဒေါမနဿကို မှီဝဲအပ်ပါတယ်။ ကြံစည်ခြင်း ၀ိတက်၊ သုံးသပ်ခြင်း ၀ိစာရနှင့် တကွဖြစ်တဲ့ ဒီနှလုံးမသာခြင်းမှာ ၀ိတက်ဝိစာရမရှိတဲ့ နှလုံးမသာခြင်းက ပိုပြီးမြတ်ပါတယ်။ (ဆိုလိုသည်မှာ အကုသိုလ်တရား ဆုတ်ယုတ်ပြီး ကုသိုလ်တရား တိုးပွားစေမည့် ကြံစည်သုံးသပ်ခြင်းကင်းသည့် နှလုံးမသာခြင်း ဒေါမနဿကိုသာ သိအောင်ကြိုးစားလိုက်နာ ကျင့်သုံးရမည်ဟု ဆိုလိုပါ၏။)

လျစ်လျူရှုခြင်း ဥပေက္ခာမှာလည်း မှီဝဲအပ်၊ မမှီဝဲအပ်တဲ့ ဥပေက္ခာလို့ နှစ်မျိုးရှိပြီး မှီဝဲသဖြင့် အကုသိုလ်တရားတိုးပွားပြီး ကုသိုလ်တရား ဆုတ်ယုတ်ပါက အဲဒီဥပေက္ခာကို မမှီဝဲအပ်ဘဲ မှီဝဲသဖြင့် အကုသိုလ်တရား ဆုတ်ယုတ်ပြီး ကုသိုလ်တရားတိုးပွားပါက အဲဒီဥပေက္ခာကို မှီဝဲအပ်ပါတယ်။ ကြံစည်ခြင်း ၀ိတက်၊ သုံးသပ်ခြင်း ၀ိစာရနှင့် တကွဖြစ်တဲ့ ဒီလျစ်လျူရှုခြင်းမှာ ၀ိတက်ဝိစာရမရှိတဲ့ လျစ်လျူရှုခြင်းက ပိုပြီးမြတ်ပါတယ်။ (ဆိုလိုသည်မှာ အကုသိုလ်တရား ဆုတ်ယုတ်ပြီး ကုသိုလ်တရား တိုးပွားစေမည့် ကြံစည်သုံးသပ်ခြင်းကင်းသည့် လျစ်လျူရှုခြင်း ဥပေက္ခာကိုသာ သိအောင်ကြိုးစားလိုက်နာ ကျင့်သုံးရမည်ဟု ဆိုလိုပါ၏။)

သိကြားမင်း…ဆိုခဲ့ပြီးတဲ့အတိုင်း သောမနဿ၊ ဒေါမနဿ၊ ဥပေက္ခာဟူသော ဝေဒနာကမ္မဋ္ဌာန်းကို လိုက်နာကျင့်ကြံ အားထုတ်နိုင်ပါက သံသရာချဲ့ထွင်တတ်တဲ့ တဏှာမာနဒိဋ္ဌိဆိုတဲ့ တရားများ ချုပ်ငြိမ်းစေမည်ဖြစ်ပြီး နိဗ္ဗာန်ရောက်ကြောင်း အကျင့်ကို ကျင့်ရာရောက်စေပါတယ်“

အထက်ပါ ဖော်ပြချက်များကား သက္ကပဥှသုတ်တွင် ဟောတော်မူထားသည့် မြတ်စွာဘုရားရှင်နှင့် သိကြားမင်းတို့၏ အမေးအဖြေ ဆွေးနွေးခန်း တစ်စိတ်တစ်ပိုင်းဖြစ်ပါ၏။ ထိုအမေးအဖြေများကို ကြည်ညိုကြည့်ပါက သတ္တ၀ါတို့၏ သံသရာဒုက္ခ၊ ခန္ဓာဝန်ဒုက္ခများ၏ အခြေခံဖြစ်ပေါ်ကြောင်းများ၊ ထိုတရားများကြောင့် ဘ၀တွင် မည်မျှဒုက္ခများနှင့် ကြုံတွေ့နေရကြောင်းများကို သိရှိနိုင်မည်ဖြစ်ပြီး ထိုဒုက္ခများချုပ်ရာ အကျင့်ကိုလည်း မှတ်သားနာယူနိုင်မည် ဖြစ်ပါ၏။ သံသရာချဲ့ထွင်တတ်သည့် တဏှာမာနဒိဋ္ဌိဟူသော ပပဉ္စတရားများကြောင့် ကြံစည်ခြင်း ၀ိတက်ဖြစ်ပေါ်လာကြောင်း၊ ၀ိတက်ဖြစ်ခြင်းကြောင့် လိုချင်ခြင်း ဆန္ဒ ဖြစ်ပေါ်လာကြောင်း၊ ဆန္ဒဖြစ်ခြင်းကြောင့် ချစ်ခြင်းမုန်းခြင်း ဖြစ်ပေါ်လာကြောင်း၊ ချစ်ခြင်းမုန်းခြင်း ဖြစ်ခြင်းကြောင့် မနာလိုခြင်း ဣဿာ ၀န်တိုခြင်း မစ္ဆရိယ ဖြစ်ပေါ်လာကြောင်း ထိုဣဿာမစ္ဆရိယကြောင့်ပင် သတ္တ၀ါတို့သည် တစ်ဦးနှင့်တစ်ဦး ရန်ငြိုးဖွဲ့ခြင်း၊ ဒဏ်ထားခြင်း၊ ရန်ပြုခြင်း၊ စိတ်ဆင်းရဲစေခြင်း၊ အမျက်ထွက်စေခြင်းများ ဖြစ်ပေါ်လာကြခြင်း ဖြစ်သည်ကို ကောင်းစွာနားလည် သဘောပေါက်နိုင်၏။ အခြေခံကား တဏှာမာနဒိဋ္ဌိဟူသည့် သံသရာချဲ့ထွင်တတ်သည့် တရားများကြောင့်ပင် ဖြစ်သည်ကို ရှင်းလင်းစွာ နားလည်နိုင်ပေမည်ဖြစ်၏။ ထိုသံသရာ ချဲ့ထွင်တတ်သည့် တရားများ ချုပ်ငြိမ်းစေရန်အတွက်လည်း ဘုရားရှင်ပေးတော်မူသည့်နည်းမှာ ဝေဒနာကမ္မဋ္ဌာန်းကို ကျင့်ကြံပွားများ အားထုတ်စေနည်းပင် ဖြစ်၏။ ထို့ကြောင့် ဒုက္ခအပေါင်းဖြစ်ပေါ်ခြင်း၏ အခြေခံ အကြောင်းဖြစ်သည့် တဏှာမာနဒိဋ္ဌိဟူသော သံသရာချဲ့တတ်သည့် တရားများကို ဝေဒနာကမ္မဋ္ဌာန်း ပွားများအားထုတ်ခြင်းဖြင့် အလျင်အမြန် ချုပ်ငြိမ်းစေရန် အချိန်ရှိခိုက် ကြိုးစားနိုင်ကြဖို့ သိကြားမေး၍ ဘုရားရှင်ဖြေထားသည့် နည်းကိုယူကာ တစ်ဆင့်ပြန်လည် မျှဝေပေးလိုက်ရပေတော့ သတည်း။ သာဓု… သာဓု… သာဓု…

Read more »

ရတာမလို လိုတာမရ ဤလောက…

“ယမ္ပိစ္ဆံ နလဘတိ တမ္ပိ ဒုက္ခံ= အလိုရှိသည့်အရာကို မရခြင်းသည်လည်း ဒုက္ခ“ လို့ ဘုရားရှင်က ဟောတော်မူပါတယ်။ မှန်ပါတယ်။ လိုနေတာကိုက ဒုက္ခဖြစ်နေတာပါလိုတဲ့အတွက် ရချင်တယ်။ ရချင်တဲ့အတွက် ရအောင်လုပ်တယ်။ ရလာပြန်တော့လည်း အဲဒီအပေါ်မှာ ငြီးငွေ့လာပြန်တယ်။ ပြီးတော့ နောက်တစ်ခု ထပ်လိုချင်ပြန်ပါတယ်။ မရေးသေးတာကိုရချင်၊ ရတော့လည်း တစ်ခြားဟာ လိုချင်၊ တစ်ခြားဟာလိုချင်လာတဲ့ အတွက် လက်ရှိရထားတာကို မလိုချင်ပြန်တော့ပါဘူး။ ဒီတော့ ဘာဖြစ်လာလဲဆိုတော့ ရချင်တာက တစ်မျိုး၊ ရနေတာက တစ်မျိုး ဖြစ်နေပြန်ပါတယ်။ တစ်ခါတစ်လေတော့ ကိုယ်ရတာကို မကျေနပ်နိုင်၊ အလိုမပြည့်နိုင်ဖြစ်ရုံမက သူများရတာကိုပါ လိုချင်လာပြန်ပါတယ်။ သူများကလည်း သူ့ရှိတဲ့အရာကို မလိုချင်ပဲ ကိုယ့်ကိုကြည့်ပြီး ကိုယ်ဆီကအရာကို လိုချင်နေကြပြန်ပါတယ်။ တစ်ယောက်က တစ်ယောက်ကို အားကျပြီး ကိုယ့်ရှိတဲ့အရာကို အလိုမကျ သူ့ဆီကအရာကို တောင့်တကြပြန်ပါတယ်။ ရချင်တာကတစ်မျိုး ရနေတာက တစ်မျိုးဖြစ်နေကြပါတယ်။ ဒါကြောင့်လည်း “ ရတာမလို လိုတာမရတဲ့ လောကကြီးပါလား“ လို့ ဆိုကြခြင်းဖြစ်ပါတယ်။

တကယ်တော့ အာသဝေါကုန်ခမ်းပြီး ရဟန္တာအဖြစ်ကို မရသေးသမျှ ဘယ်သူမှ အလိုပြည့်ကြမှာ မဟုတ်ပါဘူး။ ခုတစ်မျိုးတော်ကြာတစ်မျိုး ဖြစ်နေတဲ့ စိတ်ကြောင့်လည်း ခုလိုချင်ပေမယ့် နောင်မလိုချင် ဖြစ်တတ်သလို အခုရနေတာကိုလည်း မရချင်ဖြစ်လာ၊ စိတ်ကုန်လာ ဖြစ်တတ်ပါတယ်။ ကိုယ်ရထားတာကို အလိုမပြည့်နိုင်ပဲ သူများရနေတာကို လိုချင်တတ်ကြပြန်ပါတယ်။ ကိုယ့်ဘ၀ကို မကျေနပ်နိုင်ဘဲ သူများဘ၀ကို အားကျနေတတ်ပြန်ပါတယ်။ တစ်ခါတစ်လေ တွေ့ရတတ်ပါတယ်။ လူတွေက ဘုန်းကြီးတွေဘ၀ကို အားကျလို့ သာသနာ့ဘောင်ဝင်ဖို့ ကြိုးစားကြပေမယ့် ဘုန်းကြီးအချို့ကျပြန်တော့ လူ့ဘ၀အားကျကာ လူထွက်ဖြစ်တတ်ကြ တာတွေလည်း ရှိပြန်ပါတယ်။ တစ်ချို့လည်း နာမည်ကြီးနေတဲ့သူတွေကို ကြည့်ပြီးသူတို့ဘ၀လေးကို အားကျလို့ သူတို့လိုဖြစ်အောင် ကြိုးစားကြပေမယ့် နာမည်ကြီးနေတဲ့ သူတွေကလည်း သူတို့ဘ၀ရဲ့ ဒုက္ခနဲ့ လွတ်လပ်မှု မရှိတာတွေကြောင့် ဘာမှမဖြစ်ဘဲ ရိုးရိုးအေးအေးလေးပဲ ဖြစ်နေတဲ့ သာမန်လူတွေရဲ့ ဘ၀ကို အားကျပြန်ပါတယ်။ တစ်ချို့ကျပြန်တော့လည်း ကိုယ်နေရတဲ့ လက်ရှိဘ၀အခြေအနေနဲ့ လက်ရှိနေရတဲ့ တိုင်းပြည်နိုင်ငံကြောင့် တိုးတက်ပြီး ကြီးကျယ်ခမ်းနားတဲ့ နိုင်ငံကြီးတွေကို ပြောင်းရွေ့နေထိုင်ဖို့ ကြိုးစားကြသလို တိုးတက်ပြီး နိုင်ငံမှာရှိနေတဲ့ သူတွေကျပြန်တော့ ရုပ်ပိုင်းဆိုင်ရာ ဆင်းရဲ့ပေမယ့် အေးချမ်းပြီး စိတ်ချမ်းသာမယ်ထင်တဲ့ နိုင်ငံလေးတွေကို ပြောင်းရွေ့နေထိုင်ဖို့ ကြိုးစားကြပြန်ပါတယ်။ ဒါတွေအားလုံးဟာ ကိုယ်ရဲ့လက်ရှိ အခြေအနေတွေပေါ်မှာ အလိုမကျဖြစ်ပြီး တစ်ခြားအရာတွေပေါ်မှာ တောင့်တလိုချင်မှုတွေ၊ ရတာကိုမလိုချင်ဘဲ လိုတာကို ရချင်တာတွေကြောင့်ပဲ ဖြစ်ပါတယ်။ စာစကားနဲ့ ပြောရရင်ရှိတာလေးနဲ့ မရောင့်ရဲနိုင်ကြလို့ပဲ ဖြစ်ပါတယ်။

ဟုတ်ပါတယ်။ ဘုန်းဘုန်းတို့လည်း နာမည်ကြီးပုဂ္ဂိုလ်တွေနဲ့ ဆက်ဆံပြောဆိုဖူးပါတယ်။ တစ်ခါတစ်လေ သူတို့တွေရဲ့ ညဉ်းသံလေးတွေ ကြားရပါတယ်။ တစ်ချို့ ဆရာတော်ကြီးများက ဆိုဆုံးမဖူးပါတယ်။ “အရှင်ဘုရားတို့… ဘုန်းမကြီးကြစေနဲ့၊ နာမည်မကြီးကြစေနဲ့၊ တပည့်တော်တို့လည်း ငယ်တုန်းက ဒီစိတ်လေးတွေနဲ့ ကြိုးစားအားထုတ်ခဲ့ကြလို့ ခုဒီဘ၀ကို ရောက်လာခဲ့တယ်၊ ရောက်လာတော့လည်း ဒီလိုနေရတဲ့ဘ၀ကို ငြီးငွေ့လာတယ်၊ ဒကာဒကာမတွေနဲ့ ပြောဆိုဆက်ဆံရမှာကို စိတ်ကုန်လာတယ်..၊ တစ်ခါတစ်လေ ဘာမှမဖြစ်တဲ့ ဘ၀၊ ရိုးရှင်းတဲ့ဘ၀လေးကိုပဲ ပြန်လိုချင်နေမိတယ်၊ စိတ်ကလည်း ခက်သား ရတာကိုတော့ မလိုချင်ဘူး မရတာကျတော့ လိုချင်ပြန်တယ်၊ ဒါကြောင့် အရှင်ဘုရားတို့လည်း သိပ်ပြီးမလိုချင်ကြနဲ့၊ ရှိတဲ့အတိုင်းအတာလေး အပေါ်မှာပဲ ကျေနပ်နိုင်အောင် ကြိုးစားကြ…“ စသဖြင့် သြ၀ါဒ ပေးတာလေးတွေကို မှတ်သားရဖူးပါတယ်။

ဘုန်းကြီးလေ ဒုက္ခရောက်လေဆိုတဲ့ ဒီစကား သိပ်မှန်ပါတယ်။ တစ်လောက မင်းကွန်းဆရာတော်ကြီးရဲ့ ထေရုပ္ပတ္တိလေးကို ဖတ်မိတော့ ဆရာတော်ရဲ့ ကဗျာလေးတွေထဲမှာ တိပိဋကဖြစ်ပြီးနောက် နာမည်ကြီးပြီး ပူဇော်မှုတွေများ၊ ဒကာဒကာမတွေများ လာတဲ့အခါ သိပ်ပင်ပန်းရတဲ့ အကြောင်း ညဉ်းထားတာလေး ဖတ်ရတော့ “သြော်… ဆရာတော်တို့ ဒုက္ခကလည်း မသေးပါလား“လို့ အပင်ပန်းခံ၊ ဒုက္ခခံပြီး အမျိုးဘာသာ၊ သာသနာအတွက် ကြိုးစားဆောက်ရွက်တော် မူခဲ့တဲ့အပေါ် ကြည်ညိုလေးစားမိရင်း တစ်ဘက်ကလည်း ဒီလိုဒုက္ခတွေကြောင့် ပင်ပန်းရတဲ့အကြောင်း ညဉ်းထားတဲ့ ညဉ်းချင်းလေးဖတ်ရတော့ ဆရာတော်ကြီးကို သနားမိပြီး စိတ်မကောင်းဖြစ်ရပြန်ပါတယ်။ စိတ်မကောင်းဖြစ်ဆိုလည်း ဖြစ်ချင်စရာပါ။ ဆရာတော်ရဲ့ ညဉ်းချင်းလေးက သိပ်ပြီးရသမြောက်နေတာကိုး။ ဆရာတော်ကြီးက…
“တိပိဋကဓရ ဖြစ်ရတဲ့အာနိသင်၊
ဒီကိုယ်တော် ဖတ်ဖတ်မောပေါ့ကွယ့် ပြောမပြချင်။
ကိုယ့်ကျောင်းနှင့်ကိုယ့်ရပ်တွင် နေချင်လျှက် မနေရ။
အပူအအေး ယှက်ထွေးကာ ဒဏ်ခံလို့ စုန်အဆန် မြန်းရတဲ့ခရီးမှာကွယ့် ကြီးတဲ့ဒုက္ခ။
မငြင်းသာတဲ့ မဆန်သာ နိုင်ငံတော်သာသနာရေးပေမို့ကွယ် ပြေးမလွတ်ပါ၊
သူတကာချမ်းသာလို့ ထင်မြင်ကြ
သို့ကတဲ့... စိတ်ထဲမှာ သံဝေယူလို့ ကံမွေဟူ ဤအဖြစ်ကိုကွယ် နှစ်လို့ခံရ။ (ညည်းချင်းသဖြန်)
လို့ စပ်ဆိုတော်မူခဲ့တဲ့ ဒီညဉ်းချင်းလေးဟာ သတ္တ၀ါတွေရဲ့ အလိုမပြည့်မှုတွေ၊ ဖြစ်နေတာနဲ့ ဖြစ်ချင်တာတွေဟာ ထင်သလို မရဘူးဆိုတာတွေကို အသိပေးနေ၊ သံဝေဂပေးနေသလို ဖြစ်ပါတယ်။

မှန်ပါတယ်။ ပုဂ္ဂိုလ်တစ်ယောက်ဟာ သိပ်ပြီးနာမည်ကြီးလာ ဘုန်းကြီးလာပြီဆိုရင် ဒုက္ခပါကြီးလာပါတော့တယ်။ ဒါကိုမသိတဲ့အခါ ဒီဒဏ်ကို မခံဖူးသူတွေက အားကျမိကြမှာ၊ အဲဒီပုဂ္ဂိုလ်အတိုင်း ဖြစ်ချင်မိကြမှာ ဓမ္မတာပါ။ ကိုယ့်မှာမရှိတဲ့အရာ၊ ကိုယ်မကြုံဖူးတဲ့အရာ၊ ကိုယ်ဖြစ်ချင်ပေမယ့် မဖြစ်တဲ့အရာတွေ သူများမှာဖြစ်နေတာကို ကြည့်ပြီး ဘယ်သူတွေက ဒုက္ခလို့ ဘယ်လောက်ပဲပြောပြော ကိုယ်ကဖြစ်ချင်နေ၊ ရချင်နေတဲ့အတွက် ဒီဒုက္ခဆိုတဲ့အရာကိုပဲ လိုလိုချင်ချင်ဖြစ်နေတတ်ပါတယ်။ ဒါနဲ့ပတ်သက်လို့ ကြားဖူးတာလေး တစ်ခုရှိပါတယ်။ ရယ်စရလို့ ဆိုပေမယ့် ကြည့်သူရဲ့ အမြင်ပေါ်လိုက်ပြီး ခြားနားကြောင်းကို ဒီအကြောင်းလေးက သက်သေပြနေပါတယ်။ ရှေးတုန်းက ဆရာတော်ကြီးတစ်ပါးဟာ ကပ္ပိယသာဂိဆိုတဲ့ ကလေးနဲ့ အတူနေပါတယ်။ သာဂိလေးဟာ ဆရာတော့်အနားမှာ အမြဲနေပေးရပါတယ်။ ဆရာတော်လိုတာကို လုပ်ပေးရပါတယ်။ ဆရာတော်ဆွမ်းစားရင်လည်း အမြဲအနားမှာ ရှိပေးရပါတယ်။ အမြဲအနားမှာ နေနေတော့ ဆရာတော်ကြီးရဲ့ နေထိုင်ပြောဆို ကျင့်ကြံတာတွေကိုလည်း သိခွင့်ရနေပါတယ်။ ဆရာတော်ကြီးဟာ လက္ခဏာရေးသုံးပါးကို အမြဲဆင်ခြင်နေတဲ့ ဆရာတော်ဖြစ်တော့ ဘာပဲလုပ်လုပ် ဘာပဲစားစား အနိစ္စ၊ ဒုက္ခ၊ အနတ္တစသည် ဆင်ခြင်လေ့ရှိပါတယ်။ တစ်နေ့တော့ ဆရာတော်ကြီးဟာ ဆွမ်းစားချိန် ဆင်ခြင်နေကျအတိုင်း ဟင်းဆယ်တဲ့အခါလည်း ဒုက္ခဒုက္ခ..၊ အသားတုံးကို ဘုဉ်းပေးတဲ့အခါလည်း ဒုက္ခဒုက္ခ..၊ ကြက်သားတုံးကို ဆယ်ထည့်တဲ့အခါလည်း ဒုက္ခဒုက္ခ..၊ ၀က်သားတုံးထည့်လည်း ဒုက္ခဒုက္ခ..စသည်ဖြင့် နှုတ်မှထွက်ပြီး ဆင်ခြင်ပါတယ်။ ဒါကို အနားမှာ ယက်ခပ်ပေးနေတဲ့ သာဂိက ကြက်သားတုံး ၀က်သားတုံးတွေကို ကြည့်ကာ အားမလိုအားမရဖြစ်ပြီး “အင်း… ဒါမျိုးဒုက္ခကတော့ သာဂိတို့လည်း ခံစားချင်ပါရဲ့“လို့ နှုတ်က ရေရွတ်မိပါတယ်တဲ့။ ဒီအကြောင်းလေးဟာ ဟာသရသဖြစ်စရာ ဆိုပေမယ့် ဆရာတော်ကြီးရဲ့ ခံယူချက်နဲ့ သာဂိရဲ့ အမြင်မတူ ဖြစ်စဉ်လေးပါ။ ဆရာတော်ကြီးဟာ ဒီလိုရသမျိုး နေ့စဉ်ဘုဉ်းပေးနေရတဲ့အတွက် ငြီးငွေ့ပြီး ဒုက္ခလို့ထင်ကာ ဆင်ခြင်နေပေမယ့် သာဂိအတွက်ကတော့ သုခဖြစ်နေတော့တာပါ။ ဒါကြောင့် သတ္တ၀ါတွေဟာ ကိုယ့်အနေအထားကို အလိုမကျဖြစ်ပြီး သူများကိုအားကျမှု ဖြစ်တတ်ကြခြင်းပါ။ ဘယ်လိုပဲဖြစ်ဖြစ် ကိုယ့်အခြေအနေအရ ရှိတဲ့အတိုင်းအတာလေးကို ရောင့်ရဲနိုင်အောင် ကြိုးစားခြင်းဟာ နေရတဲ့ခိုက်မှာ သက်သောင့်သက်သာ ဖြစ်စေပါတယ်။

ဒီနေရာမှာ သဘောကျစရာကောင်းတဲ့ စကားလေးတစ်ခုရှိပါတယ်။ “ရှိတာလေးနဲ့ ရောင့်ရဲပါ“တဲ့။ ဒီစကားလေးက သိပ်တန်ဘိုးရှိပါတယ်။ ဗုဒ္ဓစာပေမှာတော့ “တုဋ္ဌီ သုခါ ယာ ဣတရေန= ရသမျှ၊ ရှိသမျှနဲ့ ကျေနပ်နှစ်သိမ့်နိုင်ခြင်းဟာ ချမ်းသာ၏“ လို့ ဖော်ပြထားပါတယ်။ သိကြတဲ့အတိုင်းပဲ ရတာလေးအပေါ်မှာ မရောင့်ရဲနိုင် မကျေနပ်နိုင်ကြတော့ တစ်ချို့က ပိုပြီးရအောင် ကြိုးစားကြပါတယ်။ ပိုပြီးလိုချင် ပိုပြီးရချင်တော့ တရားတာရော မတရားတာရော မသိတော့ဘဲ ရဖို့တစ်ခုတည်းကြည့်ပြီး လုပ်မိကြရာက ပစ္စုပ္ပန်မှာရော သံသရာမှာပါ ဒုက္ခဖြစ်ကြရပါတယ်။ ရချင်တဲ့ လိုချင်တဲ့ လောဘဆိုတာ အကန့်လေးနဲ့ တားပေးရပါတယ်။ အဲဒါကို တုဋ္ဌီ (ရောင့်ရဲတင်းတိမ်နိုင်ခြင်း)လို့ ခေါ်ပါတယ်။ အကန့်မထားရင် ရပြီးရင်းရချင်၊ လိုပြီးရင်လိုချင် ဖြစ်လာတတ်ပါတယ်။ ရပြန်တော့လည်း ကျေနပ်နှစ်သိမ့်မှု မဖြစ်နိုင်ဘဲ နောက်တစ်ခုကို ရဖို့အားထုတ်လာတတ်ပါတယ်။ ဒီလိုနဲ့ မဆုံးနိုင်တော့ဘဲ နောက်ဆုံးတော့ အလိုမကျမှုတွေနဲ့သာ လည်နေကြပါတော့တယ်။

သတ္တ၀ါတွေဟာ ရနေတာကို မကျေနပ်နိုင်၊ မတင်းတိမ်နိုင်ဖြစ်တတ်ပြီး မရသေးတာကို လိုချင်တတ်တာ သဘာဝဖြစ်ပေမယ့် ရှိသမျှအတိုင်းအတာ၊ ရသမျှအတိုင်းအတာ၊ ကံပေးသမျှ အတိုင်းအတာလေးနဲ့တော့ ရောင့်ရဲ့နိုင်အောင် ကြိုးစားသင့်ပါတယ်။ ဒီလိုမှ မရောင့်ရဲ့နိုင်ရင် ရချင်မှု၊ လိုချင်မှု၊ ရသမျှကို အလိုမကျနိုင်မှု၊ ရပြီးတော့လည်း ထပ်ရချင်မှု၊ သူ့ရှိတာကို အားကျမှု စတာတွေကြောင့် ဒီဟာတွေနောက်ကို လိုက်ရင်းလိုက်ရင်း မဆုံးနိုင်အောင်ပင် ဖြစ်နေတတ်ပါတယ်။ သေချာတာကတော့ ကိုယ်ကဘယ်လိုပဲ လိုချင်ရချင်နေပေမယ့် လောကကြီးဟာ သူ့သဘောအတိုင်းသာ ဖြစ်နေတော့ လိုချင်တာကို ရချင်မှလည်း ရနိုင်မှာ၊ ရတဲ့ဟာလည်း ကိုယ်လိုချင်တဲ့ဟာ ဖြစ်ချင်မှဖြစ်မှာဆိုတာပါပဲ။ ဒါကြောင့် ရတာမလို လိုတာမရတဲ့ လောကကြီးမှာ ရချင်မှုနောက်တွေပဲ လိုက်မနေကြပဲ ရသမျှ ရှိသမျှအပေါ်မှာသာ ရောင့်ရဲနိုင်အောင်၊ ကျေနပ်နိုင်အောင် ကြိုးစားသင့်ကြပါကြောင်း..

Read more »

သိအောင်လုပ်ပါ…

သိခြင်းနှင့် မသိခြင်းကို စာလိုပြောလျှင် ၀ိဇ္ဇာနှင့် အ၀ိဇ္ဇာဟု ပြောနိုင်၏။ အ၀ိဇ္ဇာကား မသိခြင်းဖြစ်ပြီး ၀ိဇ္ဇာကား သိခြင်းဖြစ်၏။ မသိမှုများလာလျှင် သိမှုကွယ်ပျောက်တတ်ပြီး သိလာလျှင်ကား မသိမှုကို ပယ်ဖျောက်ပေးတတ်၏။ ထိုသိမှုသည် ဖတ်မှတ်လေ့လာ နာကြားသဖြင့် သိရှိရသည့် အမှတ်သညာ အသိနှင့် လက်တွေ့လိုက်နာကျင့်ကြံ အားထုတ်သဖြင့် သိရှိလာသည့် ဉာဏ်နှင့်ယှဉ်သည့် အသိဟူ၍ နှစ်မျိုးရှိ၏။ ထိုအသိနှစ်မျိုးလုံး ရှိရန်လိုအပ်၏။ ယနေ့ခေတ် လူအများစုသည် ပညာသိဖြင့် သိရန်ဝေးစွ သညာသိဖြင့်ပင် သိသူအလွန်ရှားနေသည်ကို တွေ့ရ၏။ အထူးသဖြင့် ဗုဒ္ဓဘာသာ အများစုသည် ထိုသို့ဖြစ်နေကြ၏။ ဗုဒ္ဓဘာသာ အမည်ခံထားသော်လည်း မိမိတို့ကိုးကွယ်သည့် ဗုဒ္ဓဘာသာနှင့်စပ်၍ တစ်လုံးတစ်ပါဒမျှ မသိဖြစ်နေကြ၏။ ဗုဒ္ဓ၏ စစ်မှန်သည့် အဆုံးအမများနှင့် တွေ့ကြုံနေရသော်လည်း မသိမှုများက ဖုံးလွှမ်းထားသဖြင့် သိခွင့်သာပါလျှက် မသိကြဘဲ ဖြစ်နေကြ၏။ မသိ၍ သိအောင်လုပ်သည်လား ဆိုသော်လည်း မလုပ်ကြပေ။ စင်စစ် မသိပါက သိအောင်လုပ်သင့်၏။ ရှေးဦးစွာ သညာသိဖြင့် သိအောင်ကြိုးစားပြီး ပညာသိဖြင့် သိသည်အထိ အားထုတ်သင့်၏။ “မသိ၍ မလုပ်၊ မလုပ်သဖြင့် မသိ“ သို့ဆိုလျှင် မည့်သည့်အချိန်တွင် လုပ်၍ မည်သည့်အချိန်တွင် သိကြမည်နည်း။ ဤသို့သာ မလုပ်မသိ၊ မသိမလုပ် သံသရာတွင် ကျင်လည်နေမည်ဆိုပါက ပညာသိဖြင့် သိရန်မဆိုထားဘိ သညာသိဖြင့် သိရန်ပင် အလွန်ဝေးကွာ နေပေတော့မည်သာ ဖြစ်၏။

စာရေးသူသည် အသက်အရွယ်အရ ဖြတ်သန်းကျင်လည်ရသည့် ပတ်ဝန်းကျင် အနေအထားအရ လူအတော်များများနှင့် တွေ့ကြုံဆက်ဆံ ပြောဆိုဟောပြောဖူး၏။ လူငယ်၊ လူလတ်၊ လူကြီး အရွယ်သုံးမျိုးလုံးနှင့် ဆုံမိဖူး၏။ မသိမှုကား သုံးမျိုးလုံး အတူတူပင် ဖြစ်ကြ၏။ တစ်ခါတစ်ရံ လူကြီးများကပင် မသိမှု ပိုကြသေး၏။ အရင်မွေး၍သာ အကြီးဖြစ်နေသော်လည်း အသိပညာ အနေဖြင့်ကား အငယ်ဖြစ်နေကြ၏။ မသိမှုများလာသည့် အခါ အမှားအမှန်ကိုလည်း မခွဲခြားတတ်ဘဲ ဖြစ်တတ်၏။ အမှားကို အမှန် အမှန်ကို အမှားထင်နေမိတတ်၏။ ထို့ထက် ပိုဆိုသည်ကား မသိမှု အလွန်အားကောင်းလာသည့် အခါ ကုသိုလ်မှန်း မသိ အကုသိုလ်မှန်း မသိဖြစ်လာတတ်ခြင်းပင် ဖြစ်၏။ ကုသိုလ်ကို အကုသိုလ်ထင်၊ အကုသိုလ်ကို ကုသိုလ်ထင်ကာ ရေလိုက်လွဲလာတတ်ခြင်းပင် ဖြစ်၏။ အကယ်၍ တစ်စုံတစ်ဦးသည် ကုသိုလ် အကုသိုလ်ကို မသိဖြစ်နေလျှင် လူ့ဘ၀ကို ရနေသော်လည်း ထိုသူကို လူဟုပင် ဆိုရန်ခက်ခဲလှ၏။ စင်စစ် လူဟူသည် “ကုသလာကုသလံ မနသိ ဇာနာတီတိ မနုေဿာ= ကုသိုလ်အကုသိုလ်ကို သိတတ်သောကြောင့် လူမည်၏“ ဟု ဆိုသဖြင့် ကုသိုလ်အကုသိုလ်ကို ခွဲခြားသိရှိရန် လိုအပ်လှ၏။ အကြောင်းအကျိုး၊ အကောင်းအဆုံးကို နားလည်သဘောက်ပေါက်ရန် လိုအပ်လှ၏။ ထိုသို့ မဟုတ်လျှင် လူ့ဘ၀ကို ရနေသော်လည်း လူဟုဆိုရန် မလွယ်လှပေ။ ထို့ကြောင့်လည်း ဘုရားရှင်က “မနုဿဿ ဘာဝေါ ဒုလ္လဘော= လူ၏အဖြစ်သည် ရခဲလှ၏“ဟု ဆိုခြင်းဖြစ်၏။ ထိုသို့ လူ့ဘ၀ကို ရနေသော်လည်း လူမဖြစ်သည့်သူများ၊ လူဟုခေါ်ရန် မသင့်သူများသည် မသိမှုများကြောင့်သာ ထိုအခြေအနေသို့ ရောက်နေခြင်းဖြစ်၏။ မသိမှုသည် သတ္တ၀ါများကို မည်သည့်အခါမျှ ကောင်းကျိုးပေးမည် မဟုတ်ပေ။ သို့ဖြစ်၍လည်း သိအောင်လုပ်ရန် တိုက်တွန်းနေရခြင်းဖြစ်၏။

ဗုဒ္ဓရှင်တော်မြတ်က “ဘာပဲဖြစ်ဖြစ် အမှန်အတိုင်း သိအောင်လုပ်“ဟု ဟောတော်မူထား၏။ ထိုစကားကို ပါဠိလို “ပဇာနာတိ“ဟုဆို၏။ “ပဇာနာတိ= အထူးထူးအပြားပြားသိ၏“ဟု အဓိပ္ပါယ်ရ၏။ အထူးထူးအပြားပြား သိခြင်းဟူသည် မိမိ၏အတွင်း အပြင်နှင့် ပတ်သက်သည်များကို သိခြင်းဖြစ်၏။ ရှင်းအောင်ပြောရလျှင် စိတ်နှင့် ရုပ်တွင်ဖြစ်ပေါ်လာသည့် အရာမှန်သမျှကို သိခြင်းဖြစ်၏။ ထို့ထက်ပိုပြီး ရှင်းအောင်ပြောရလျှင် ခန္ဓာငါးပါးတွင် ဖြစ်ပေါ်လာသည့် အရာများကို သိခြင်းဖြစ်၏။ ခန္ဓာငါးတွင် ရုပ်ခန္ဓာသည် တစ်ပါးတည်းသာဖြစ်ပြီး နာမ်ခန္ဓာကား လေးပါးရှိ၏။ ထို့ကြောင့် ရုပ်ကိုသိအောင်လုပ်ဖို့ထက် နာမ်ခန္ဓာဟုခေါ်သည့် စိတ်ကို သိအောင်လုပ်ဖို့က ပိုခက်လှ၏။ ဘုရားရှင်သည် ထိုအသိခက်လှသည့် စိတ်ကို သိစေရန် မိမိကိုယ်ကို သတိကပ်ထားရန် လိုကြောင်း သတိတရားဖြင့် စောင့်ကြည့်ပြီး “မိမိသန္တာန်မှာ ရာဂစိတ်ဖြစ်လျှင်လည်း ရာဂစိတ်ဖြစ်သည်ဟု သိ၏၊ ရာဂကင်းသည့်စိတ်လျှင်လည်း ရာဂကင်းသည့် စိတ်ဖြစ်သည်ဟု သိ၏၊ ဒေါသစိတ်ဖြစ်လျှင်လည်း ဒေါသစိတ်ဖြစ်သည်ဟု သိ၏၊ ဒေါသကင်းသည့် စိတ်ဖြစ်လျှင်လည်း ဒေါသကင်းသည့် စိတ်ဖြစ်၏ဟု သိ၏၊ မောဟင်းစိတ်ဖြစ်လျှင်လည်း မောဟစိတ်ဖြစ်သည်ဟု သိ၏၊ မောဟကင်းသည့် စိတ်ဖြစ်လျှင်လည်း မောဟကင်းသည့် စိတ်ဖြစ်သည်ဟု သိ၏“ စသည်ဖြင့် ဖြစ်ပေါ်လာသည့် မည်သည့်စိတ်ကိုမဆို ဖြစ်ခိုက်ဖြစ်စဲမှာ သိရန်လိုကြောင်း ရှင်းပြတော်မူ၏။ အဘယ့်ကြောင့် ထိုသို့ မည်သည့်စိတ်ဖြစ်ဖြစ် ဖြစ်ခိုက်ကို သိရန်လိုသည်ဟုဆိုရခြင်းမှာမူ ဖြစ်ခိုက်ကို သိမှသာလျှင် ထိုစိတ်သည် ရှေ့ဆက်မဖြစ်နိုင်ဘဲ ရပ်တန့်သွားမည်ဖြစ်သောကြောင့် ဖြစ်၏။ အကယ်၍ ထိုစိတ်၏ ဖြစ်စဲဖြစ်ခိုက်ကို မသိလျှင် အစွဲတရားဝင်လာတတ်ပြီး ထိုစိတ်၏ စေခိုင်းရာနောက်ပါသွားကာ ကိလေသာများ၊ အကုသိုလ်တရားများသာ တိုးပွားလာတတ်ပေ၏။ မည်သည့်စိတ်မဆို ချက်ချင်းသိလျှင် ချက်ချင်းရပ်တန့်နိုင်မည်ဖြစ်ပြီး ချက်ချင်းမသိဘဲ ဖြစ်နေပါလျှင် ထိုစိတ်၏ လွှမ်းမိုးသက်ရောက်မှုကို ခံရလျှက် လောဘစိတ်၊ ဒေါသစိတ်၊ မောဟစိတ်များ အဖြစ်ပြောင်းလဲ သွားတတ်၏။ ထိုအခါ မနောကံအပြစ်မှသည် နှုတ်ဖြင့်ကျူးလွန်မှု ၀စီကံအပြစ်၊ ကိုယ်ထိလက်ရောက် ကျူးလွန်မှု ကာယကံအပြစ် အထိ ကျရောက်လာတတ်ပေ၏။ ဤသည်မှာ ဖြစ်ပေါ်လာသည့် စိတ်ကို ဖြစ်ခိုက်တွင် မသိမှုကြောင့်ဖြစ်၏။

မှန်၏။ မည်သူမဆို တစ်ခါတစ်ရံ မိမိတို့၏ စိတ်ကို သတိထားကြည့်မိသည့် အခါလေးများ ရှိတတ်၏။ ဖြစ်ပေါ်နေသည့် ကောင်းစိတ်၊ မကောင်းစိတ်ကို သတိထားမိသည့် အခါများလည်း ရှိတတ်၏။ ထိုသို့ သတိထားမိလိုက်သည့်အခါ ဖြစ်ပေါ်နေသည့် ထိုစိတ်သည် ရပ်တန့်သွားပြီး ရှေ့ဆက်မဖြစ်တော့ဘဲ နောက်စိတ်တစ်ခု ဖြစ်ပေါ်လာသည်ကို သတိပြုမိကြမည်ဖြစ်၏။ ဤသည်မှာ စိတ်၏သဘောပင် ဖြစ်၏။ စိတ်သည်တစ်ချိန်တည်းတွင် မည်သည့်အခါမျှ နှစ်စိတ်ဖြစ်ရိုးမရှိပေ။ အလွန်လျင်မြန်သောကြောင့်သာ နှစ်စိတ်သုံးစိတ်ဖြစ်သည့်ဟု ထင်မှတ်တတ်ကြ၏။ ရှေ့စိတ်ကို သိလိုက်သည့်နှင့် ထိုရှေ့စိတ်ပျောက်ပြီး နောက်သိသည့်စိတ် ဖြစ်ပေါ်လာ၏။ ထိုနည်းအတိုင်း သိလိုက်သိလိုက်တိုင်း စိတ်အသစ်အသစ် ဖြစ်ပေါ်နေခြင်းဖြစ်၏။ ထိုဖြစ်တိုင်းဖြစ်တိုင်း စိတ်ကိုသိအောင် ကြိုးစားရန်သာ လိုအပ်လှ၏။ ဥပမာအားဖြင့် တစ်စုံတစ်ခုကိုဖြစ်စေ တစ်စုံတစ်ယောက်ကိုဖြစ်စေ အကြောင်းပြုပြီး မိမိ၏စိတ်တွင် အလိုမကျဖြစ်သည့်စိတ်၊ မနာလိုဖြစ်သည့်စိတ် ဖြစ်ပေါ်လာသည့်အခါ ထိုစိတ်ဖြစ်သည်ကို ချက်ချင်းသိနိုင်အောင် သတိပြုသင့်၏။ ထိုစိတ်ဖြစ်ခိုက်တွင် “ငါ့မှာ ဒီစိတ်ဖြစ်နေပါလား“ဟု သိလိုက်သည်နှင့် တစ်ပြိုင်နက် ထိုစိတ်သည်ရှေ့ဆက် မဖြစ်တော့ဘဲ ရပ်တန့်သွားတော့၏။ ထို့ကြောင့် မည်သည့်စိတ်ဖြစ်ဖြစ် ဖြစ်ခိုက်ကို သိအောင်ကြိုးစားဟု ဆိုခြင်းဖြစ်၏။ အကယ်၍ ဖြစ်ပေါ်လာသည့် စိတ်၏ဖြစ်စဲဖြစ်ခိုက်ကို မသိပါက အစွဲတရားဝင်လာတတ်၏။ ဒေါသဖြစ်သည့်အခိုက် ထိုဒေါသစိတ်ကို မသိပါက အစွဲတရားဝင်လာပြီး ဒေါသအလျောက် ပြောဆိုမိတတ်၊ ကိုယ်ထိလက်ရောက် ကျူးလွန်မိတတ်၏။ ဤသည်မှာ ဖြစ်ခိုက်ကို မသိဘဲ စွဲသွားမိသောကြောင့်ဖြစ်၏။ ထို့အတူပင် တစ်စုံတစ်ယောက် သို့မဟုတ် တစ်စုံတစ်ခုအပေါ် သဘောကျ ကျေနပ်နှစ်သက်မိသည့် စိတ်ဖြစ်ပေါ်လာသည့် အခါတွင်လည်း ထိုစိတ်၏ ဖြစ်ခိုက်ကို သိအောင်သတိပြုရမည် ဖြစ်၏။ မသိဘဲ လွှတ်ထားမိပါက အစွဲတရားဖြစ်ပေါ်လာပြီး တဏှာရာဂစိတ်၊ လိုချင်တပ်မက်မှု လောဘစိတ်စသည် ဖြစ်ပေါ်တတ်၏။ အကယ်၍ လိုချင်သည့်အတိုင်း ဖြစ်မလာပြန်လျှင် ဒေါသစိတ်က ထပ်ဆင့်ဝင်လာတတ်ပြန်၏။ ဤသဘောသည်လည်း ဖြစ်ပေါ်လာသည့် စိတ်၏ဖြစ်ခိုက်ကို မသိသောကြောင့်သာ ဖြစ်၏။ ထို့ကြောင့် မည်သည့်စိတ်ပဲ ဖြစ်ဖြစ် သိအောင်လုပ်ရမည်ဟု ဆိုခြင်းဖြစ်ပါ၏။

မဟာစည် ဆရာတော်ကြီး မိန့်တော်မူသည့် တရားရှုမှတ်နည်း လင်္ကာလေးရှိ၏။ “ဖြစ်ခိုက်မရှု ရုပ်နာမ်စု စွဲမှုဝင်ရောက်သည်၊ ဖြစ်တိုင်းမှတ်ရှု ရုပ်နာမ်စု စွဲမှုကင်းပျောက်သည်“ ဟူ၍ဖြစ်၏။ ဆိုလိုသည်မှာ မိမိ၏ စိတ်တွင်ဖြစ်စေ၊ ရုပ်တွင်ဖြစ်စေ ဖြစ်သမျှ၊ ပေါ်သမျှကို ဖြစ်ခိုက်ပေါ်ခိုက်တွင် သိရန်လိုအပ်ပြီး မသိလိုက်ပါက အစွဲတရားဝင်တတ်ကြောင်း၊ ဖြစ်သမျှအခိုက်ကို သိလိုက်နိုင်ပါက အစွဲကင်းပျောက်မည်ဖြစ်ကြောင်း ဆိုလို၏။ အစွဲတရားသည်ကား အလွန်ကြောက်စရာကောင်းလှ၏။ စွဲလန်းမိလျှင် အမှန်ကို မမြင်ဖြစ်လာ၏။ မမြဲခြင်းသဘောကို မြဲသည်ဟု ထင်လာတတ်ပြီး မရှိကို အရှိဟု ထင်လာတတ်၏။ မပိုင်သည်ကို ပိုင်သည်ဟု ထင်လာတတ်ပြီး ငါမဟုတ်သည်ကို ငါဟုထင်လာတတ်၏။ ထို့ကြောင့်လည်း ငါ၊ ငါ့ဥစ္စာ၊ ငါ့ရာထူး၊ ငါ့ဂုဏ်ဝါစသည်ဖြင့် ငါစွဲများဖြင့် အချိန်ကုန်ကာ လောဘ၊ ဒေါသ၊ မောဟ၊ မာနစသည် ပြိုင်လာကြခြင်းဖြစ်၏။ သေချာသည်မှာ အကောင်းဖြစ်စေ အဆိုးဖြစ်စေ စွဲလန်းမိလျှင် မကောင်းဖြစ်တတ်ပြီး ဒုက္ခရောက်တတ်သည် ဟူသည့်အချက်ပင် ဖြစ်၏။ စင်စစ်။ ထိုအစွဲတရားဖြစ်ပေါ်ခြင်း၏ အကြောင်းကား မသိမှုကြောင့်ပင် ဖြစ်ပါ၏။ ထိုမသိမှုသည်လည်း ဖြစ်ခေါ်ပေါ်ခိုက်ကို မသိလိုက်မှုပင် ဖြစ်၏။ ဖြစ်ခိုက်ပေါ်ခိုက်ကို သိလိုက်ပါက ထိုအစွဲတရား ဖြစ်ပေါ်ရန် အကြောင်းမရှိတော့ပေ။ အစွဲတရားကင်းလျှင် ဒုက္ခကင်းမည်သာ ဖြစ်၏။ ဒုက္ခကင်းခြင်းသည် ချမ်းသာခြင်းပင်ဖြစ်၏။ ထို့ကြောင့် ဒုက္ခမရှိ ချမ်းသာသိဖို့ အစွဲမရှိကြရန် လိုကြောင်း ဆိုခြင်းဖြစ်၏။ အစွဲမရှိရန်အတွက်ကား သိမှပင်ဖြစ်၏။

အချုပ်အားဖြင့် ပြောလိုသည်မှာ ဘာပဲဖြစ်ဖြစ် သိအောင်လုပ်ရန် ပြောလိုရင်းဖြစ်၏။ ကာမဂုဏ် အာရုံများ တိုးတက်ဖြစ်ထွန်း များပြားလာသည့် ယနေ့ခေတ်တွင် ထိုကာမဂုဏ်အာရုံများ၏ ဖုံးလွှမ်းမှုကြောင့် သတ္တ၀ါတို့သည် လောဘ၊ ဒေါသ၊ မောဟ မာနစသည့် ကိလေသာများဖြင့်သာ အချိန်ကုန်နေကြပြီး သိသင့်သိထိုက်သည်များကို မသိနိုင်ဖြစ်နေကြရ၏။ မသိကြသဖြင့် ဒုက္ခများလည်း ဖြစ်နေကြရ၏။ ဒုက္ခဖြစ်ရခြင်းသည် စွဲလမ်းမိကြသဖြင့် ဖြစ်ရခြင်းဖြစ်၏။ ထိုစွဲလန်းမှု၏ အကြောင်းကား မသိမှု အ၀ိဇ္ဇာကြောင့်ပင် ဖြစ်ပါ၏။ ထိုမသိမှုကို အကြွင်းမဲ့ ပယ်သတ်နိုင်ရန်အတွက်ကား အစစအရာရာ သိအောင်ကြိုးစားမှသာ ဖြစ်ပေမည်။ သိရန်အတွက်ကား ရှေးဦးစွာ သညာသိဖြစ်ဖြင့် သိအောင်ကြိုးစားရမည်ဖြစ်ပြီး ထိုမှ ပညာသိဖြင့် သိအောင် ကြိုးစားရမည်သာ ဖြစ်ပါ၏။ ပညာသိဖြင့် သိရန်အတွက်ကား မြတ်စွာဘုရားရှင်၏ လမ်းညွှန်မှုအတိုင်း စိတ်မှာဖြစ်စေ၊ ရုပ်မှာဖြစ်စေ ဖြစ်ပေါ်လာသည့် အရာများကို သတိကပ်လျက် ဖြစ်ခိုက်ပေါ်ခိုက်၊ ဖြစ်စဲပေါ်စဲမှာပင် သိအောင်ကြိုးစားရမည်သာ ဖြစ်ပါ၏။ ထိုသို့ ဖြစ်ခိုက်ပေါ်ခိုက်တွင် အလိုက်သင့် လိုက်သိနေမည်ဆိုလျှင် ရုပ်နာမ်ကိုအမှီပြု၍ အစွဲတရားလည်း ဖြစ်ပေါ်လာမည် မဟုတ်တော့ပေ။ အစွဲမရှိလျှင် ဒုက္ခလည်း မရှိနိုင်ပေ။ ဒုက္ခမရှိလျှင် အခိုက်အတန့်အားဖြင့် ငြိမ်းနေမည်သာ ဖြစ်ပါ၏။ အကြွင်းမဲ့ ငြိမ်းရန်အတွက်ကား အကြွင်းမရှိ ပယ်သတ်နိုင်ရန် လိုအပ်ပေ၏။ ထို့ကြောင့် မသိမှုများကြောင့် စွဲလမ်းမှုတွေဖြစ်နေရပြီး စွဲလမ်းမှုများကြောင့် ဒုက္ခဖြစ်နေကြရသည့် လောကကြီးတွင် ဒုက္ခဖြစ်ကြောင်း စွဲလန်းမှုကို ပယ်ဖျောက်နိုင်ရန် မည်သည့်အရာပဲဖြစ်ဖြစ် ဖြစ်ခိုက်ပေါ်ခိုက်၊ ဖြစ်စဲပေါ်စဲတွင် သိအောင်သာလုပ်ကြပါဟု တိုက်တွန်းလိုက်ရပါသတည်း။

Read more »

Spot မှသည် com အဖြစ်သို့… သို့မဟုတ် http://www.phonephonevi.blogspot.com မှ http://www.venvicitta.com သို့ …

အရုဏ်ဆွမ်း ဘုဉ်းပေးနေချိန် ထူးထူးခြားခြား ဖုန်းသံကမည်လာပါတယ်။ ကပ္ပိယဒကာလေးကို အခန်းထဲက ဖုန်းကိုသွားယူခဲ့ဖို့ ပြောပြီး ဖုန်းနားထောင်လိုက်တော့ “အရှင်ဘုရား… ဦးဝိစိတ္တပါလားဘုရား..“ဆိုတဲ့ အမေးနဲ့အတူ ဒကာမတစ်ယောက်ရဲ့ အသံကိုကြားလိုက်ရပါတယ်။ “အင်း… ဟုတ်ပါတယ်… ဒကာမ၊ ဘာဖြစ်လို့လဲ…“ ဆိုတော့ “တစ်ခြားမဟုတ်ပါဘူးဘုရား အရှင်ဘုရား ဘလောဂ်စပေါ့ ကနေပြီး ဒေါ့ကွန်ကို ပြောင်းမယ်ဆိုတာ သိရလို့… အဲဒါတပည့်တော်မ ဒိုမိန်ဝယ်လှူချင် လို့ပါဘုရား..၊ ဘယ်လိုလုပ်ရတယ်ဆိုတာ တပည့်တော်ကို အမိန့်ရှိပါဘုရား“ ဆိုပြီး ဒိုမိန်ဝယ်ပုံဝယ်နည်းမေးကာ ဘုန်းဘုန်းနဲ့ ဖုန်းပြောရင်းပဲ သူကိုယ်တိုင် တစ်ခါတည်း ဒိုမိန်တစ်ခု ၀ယ်ယူလှူဒါန်းလိုက်ပါတယ်။ စောစောစီးစီး ထူးခြားတဲ့ အလှူရှင်နဲ့ ဒိုမိန်အလှူတစ်ခု အထမြောက် အောင်မြင်သွားခဲ့ပါတယ်။ ဒါကြောင့်လည်း ဘုန်းဘုန်းရဲ့ အင်တာနက်စာမျက်နှာလေးဟာ စပေါ့မှနေ ကွန်အဖြစ်သို့ နေ့ချင်းညချင်း ပြောင်းလဲသွားခဲ့ပါတယ်။

ဒီလိုတိကျတဲ့ ကွန်အဖြစ်နဲ့ ကိုယ်ပိုင်ဆိုက်ဒ်လေးတစ်ခု ဖြစ်လာအောင် အကြံပြုသူကတော့ ဘုန်းဘုန်းတို့ထက်တောင် စာတွေရေးနိုင်၊ အွန်လိုင်းဘာသာရေး ပြန့်ပွားမှုတွေ လုပ်နေနိုင်၊ နေ့စဉ်နီးပါးပို့စ်လေးတွေ ရေးတင်နေနိုင်တဲ့အပြင် အသိမှသည် အကျင့်သို့ရောက်အောင် လက်တွေ့ကျင့်ကြံ ကြိုးစားနေတဲ့ အဖြူရောင်မေတ္တာ အင်တာနက်စာမျက်နှာပိုင်ရှင် ဘလောက်ဂါ ဒကာလေးဖိုးသားပဲ ဖြစ်ပါတယ်။ တစ်နေ့တော့ ဒီဒကာလေးဟာ ဘုန်းဘုန်းရဲ့ဘလောဂ် စီဘောက်စ်မှာ ဘုန်းဘုန်းရဲ့ ဘလောက်ကို ကွန်အဖြစ် ပြောင်းပေးစေချင်ပါကြောင်း သူ့အနေနဲ့ ဘုန်းဘုန်းတို့ရေးသမျှ ပို့စ်လေးတွေကို အီးမေးလ်မှတစ်ဆင့် မျှဝေပေးနေပေမယ့် ဘုန်းဘုန်းဆိုက်ဒ်ကို တိုက်ရိုက်ဝင်လို့ရအောင် ကိုယ်ပိုင်ဒိုမိန်နဲ့ ကွန်(com) သို့မဟုတ် နက်(net)အဖြစ်ပြောင်းလိုက်ရင် ဘလောက်ဂ်ကို ၀င်လို့မရတဲ့နေရာတွေကလည်း ၀င်လို့ရသွားနိုင်ကြောင်း အကြံပြု လျှောက်ထားလာတဲ့အတွက် ဘုန်းဘုန်းလည်း သူ့အကြံအတိုင်း ကိုယ်ပိုင်ဒိုမိန်နဲ့အတူ http://www.phonephonevi.blogspot.com/ မှ http://www.venvicitta.com/ အဖြစ်သို့ ပြောင်းလဲဖြစ်သွားခဲ့ပါတယ်။

အကျိုးတရားမှန်သမျှ အကြောင်းတရားကင်းပြီး ဘာမှမဖြစ်ဘူးဆိုတဲ့ ပဋိစ္စသမုပ္ပါဒ်ကို အခြေခံထားတဲ့ အမြဲထာဝရ မှန်ကန်နေတဲ့ မြတ်ဗုဒ္ဓရဲ့ ကြောင်းကျိုးဝါဒလေးဟာ ခုလိုလက်တွေ့ဘ၀မှာပဲ အကြောင်းကြောင့် အကျိုးပေါ်လာတာလေးတွေကို ရရှိခံစားရတာတွေကိုမြင်တော့ ဗုဒ္ဓဘုရားရှင်အပေါ် ဖြစ်ပေါ်နေတဲ့ ယုံကြည်မှုသဒ္ဓါဟာ ပိုပိုလို့တိုးလာမိပါတယ်။ စဉ်းစားတိုင်းကြည်ညိုရင်း စဉ်းစားတိုင်း ကြည်ညိုရင်းဖြစ်ရသလို သဗ္ဗညုတဉာဏ်တော်နဲ့ ကြည်ရှုဟောထားတော်မူတဲ့ မြတ်ဓမ္မများဟာ လက်တွေ့ဘ၀တွေထဲမှာ တစ်ခုပြီးတစ်ခု တစ်ခုပြီးတစ်ခု မှန်မှန်နေတာတွေ့ရတော့ အတိုင်းထက်အလွန် ပီတိတရားတွေ ဖြစ်စေခဲ့ပါတယ်။ ကျေးဇူးကြီးတော်မူတဲ့ အနန္တအနှိုင်းမဲ့ အရှင်မြတ်ပါတကားဟု နှလုံးသားထဲမှာ သဒ္ဓါတရားတွေ စွဲထင်သွားစေပါတော့တယ်။

ဟုတ်ပါတယ်။ ဘာမှမလုပ်ရင် ဘာမှမဖြစ်သလို တစ်ခုခုကို လုပ်နေရင်လည်း အလုပ်ကနေ ပြန်ပြီးအကျိုးသက်ရောက်စေတယ် ဆိုတာ အလုပ်လုပ်နေတဲ့သူတိုင်း ခံစားရတဲ့ လက်တွေ့ကျတဲ့ သာဓကတစ်ခုဖြစ်ပါတယ်။ ဘုန်းဘုန်းရဲ့ ကိုယ်တွေ့လေးနဲ့ ပြောကြည့်ရရင် ဘလောဂ်စာမျက်နှာတစ်ခုကို ဖန်တီးပြီး လက်တွေ့စာတွေရေးပြီး ဘာသာရေး အသိတွေ ပေးဖြစ်လာတော့ အရင်တုန်းက ဘာမှမလုပ်လို့ ဘာမှမဖြစ်လာတာတွေဟာ ခုတော့ အလုပ်လုပ်နေရင်း အကျိုးတွေ ဖြစ်ထွန်းနေပါတယ်။ အရင်းဆုံး အကျိုးဖြစ်ခဲ့တာက ဘုန်းဘုန်းကိုယ်တိုင်ပါ။ စာတွေရေးမယ်၊ ဘာသာရေးဆိုင်ရာ အမေးလေးတွေ မေးဖြေပေးတော့မယ်ဆိုတော့ စိတ်ထဲတွေ့ရာတွေ လျှောက်ရေးလျှောက်ဖြေ ပေးနေလို့မရတော့ပါဘူး။ ထေရ၀ါဒ ဗုဒ္ဓစာပေတွေနဲ့ မကိုက်ညီတဲ့ တစ်လွဲအယူအဆတွေကို ပေါက်ကရ လျှောက်ပြောနေလို့ မဖြစ်တော့ပါဘူး။ ဒါကြောင့် စာပေါင်းစုံကို ဖတ်ဖြစ်လာပါတယ်။ ဘာသာရေးရော အထွေထွေ ဗဟုသုတများရောပေါ့။ ဒီလို စာပေါင်းစုံဖတ်ဖြစ်တော့ စာပေကပေးတဲ့ အသိတွေ၊ ဟိုတုန်းက အမှတ်တမဲ့ ဖြစ်ခဲ့တဲ့ ဓမ္မတွေဟာ ဘုန်းဘုန်းကို ပိုပြီးတည်ကြည်စေ၊ လေးနက်စေ၊ သဒ္ဓါတရားကောင်းစေ၊ ဘာသာ၊ သာသနာနဲ့ အမျိုးကို ပိုပြီးစောင့်ရှောက်စေခဲ့ပါတယ်။ ဒါဟာ အလုပ်လုပ်လာခဲ့တဲ့ ဘုန်းဘုန်းရဲ့ လက်တွေ့ဘ၀ အကျိုးကျေးဇူးပါ။ စာတွေ့ရယ်လက်တွေ့ရယ် ပေါင်းပြီးရရှိလာတဲ့ ဒီအသိတွေကို တစ်ဆင့်ပြန်လည် မျှဝေပေးလာဖြစ်ပြန်တော့လည်း တစ်ခြားသူများအတွက်လည်း အသိပညာတွေ ထပ်တိုးလာ၊ စိတ်ငြိမ်းချမ်းမှုလေးတွေရလာ၊ စိတ်ဓာတ်လေးတွေ ပြုပြင်လာနိုင်တာ စတာတွေဖြစ်စေခဲ့ပါတယ်။ ဒီလိုအကျိုးပြုလာတာကိုလည်း တစ်ဘက်သူများရဲ့ ပြန်လည်တုန့်ပြန်မှုများက တစ်ဆင့်ပြန်လည် ခံစားမိတော့ ကျေနပ်မှု ပီတိလေးတွေ တိုးလာရပါတယ်။ “သြော်… ပီတိကိုစား အားရှိပါ၏“ ဆိုတာ ဒါပါလားလို့ ကိုယ့်လုပ်ရပ်အပေါ် ထပ်ပြီးကျေနပ်မှုတွေ၊ အားသစ်တွေ ဖြစ်စေပြန်ပါတယ်။ သေချာတာကတော့ ဒါဟာ ဘာမှမလုပ်ရင် ဘာမှမဖြစ်သလို့ တစ်ခုခုကို လုပ်နေတဲ့သူတွေရဲ့ လက်တွေ့အကျိုးသက်ရောက်မှုပါပဲ။

ခုလည်း အလုပ်လုပ်နေတဲ့ အတွက် အမျိုးဘာသာ သာသနာရဲ့ အကျိုးကို လိုလားသူတွေရဲ့ စွမ်းဆောင်ချက်ကြောင့် အကျိုးတစ်ခု ဖြစ်ခဲ့ပြန်ပါပြီ။ စပေါ့မှသည် ကွန်အဖြစ်နဲ့ ဗုဒ္ဓစာပေတွေ ဘာသာရေးအသိတွေ ကျယ်ကျယ်ပြန့်ပြန့် ဖြန်ဝေနိုင်ဖို့ အကြောင်းတွေ ဖြစ်ခဲ့ပြန်ပါပြီ။ အကြောင်းကောင်းတွေ ပေါ်ပေါက်ခဲ့ပြန်ပါပြီ။ အကြောင်းကောင်းပြီဆိုရင် အကျိုးလည်းကောင်းပေပြီပေါ့။ အကျိုးကောင်းတွေ ဖြစ်စေဖို့ အကြောင်းကောင်းတွေ ဖြစ်အောင် ပံ့ပိုးပေးခဲ့ကြတဲ့ ဒကာလေးဖိုးသား၊ ပြီးတော့ အလှူဒါနကို လိုအပ်နေတဲ့အချိန်မှာ လိုအပ်တဲ့အရာကို ထက်သန်စွာ ပေးလှူပေးတတ်တဲ့ ဒိုမိန်အလှူရှင် အဝေးရောက် ဒကာမတစ်ဦးတို့ရဲ့ စေတနာကလည်း ကိုယ့်အတွက်ရော အများအတွက်ပါ ကောင်းကျိုးတွေကို ဖြစ်စေခဲ့ပါတယ်။ အကြိမ်ကြိမ်လည်း သာဓုခေါ်ဖြစ်နေ၊ အကြောင်းကောင်းတွေ ဖန်တီးပေးနေသူတွေကိုလည်း မေတ္တာတွေ ပို့ဖြစ်နေပါတော့တယ်။ အမှန်အတိုင်းပြောရရင် ဘုန်းဘုန်းကို ဒကာလေးဖိုးသားက ဒိုမိန်ဝယ်ပြီး ကွန်အဖြစ်ကို ပြောင်းဖို့အကြံပြုတော့ ကိုယ်ကိုယ်တိုင် ဒိုမိန်ဝယ်ဖို့ ကြိုးစားကြည့်ပါသေးတယ်။ ခက်တာက credit card က ဘုန်းဘုန်းမှာ မရှိပြန်ဘူး။ ဒီနိုင်ငံမှာရှိတဲ့ ဘုန်းဘုန်းတို့လူမျိုးတွေ မေးကြည့်ပြန်တော့လည်း မရှိကြဘူး။ မရှိတာက မလုပ်နိုင်လို့ မဟုတ်ပါဘူး။ ဒီနိုင်ငံမှာက ဘုန်းဘုန်းတို့လူမျိုးများအတွက် ဒီလိုကဒ်မျိုးလုပ်ဖို့ အခက်အခဲ ဖြစ်တာကြောင့်ပါ။ ဒါကြောင့် ဘုန်းဘုန်းစိတ်ထဲမှာ အလွန်ရင်းနှီးတဲ့ ဂျပန်ဒကာမတစ်ယောက်ကို အကူအညီတောင်းဖို့ စဉ်းစားနေတုန်း ဒီနေ့မနက် စောစောပဲ ဘုန်းဘုန်းတို့ မြန်မာဒကာမ တစ်ဦးရဲ့ အလှူက ဦးသွားခဲ့ပါတယ်။ သူများဆီက စပြီးအကူအညီတောင်းဖို့ အမြဲတမ်းဝန်လေတတ်တဲ့ ဘုန်းဘုန်းအတွက်ကတော့ ဒိုမိန်အလှူရှင်ရဲ့ ကျေးဇူးကြောင့် ၀န်လေးတဲ့အလုပ်ကို မလုပ်ဖြစ်ဘဲ ကောင်းသောအလုပ်ရဲ့ ကောင်းကျိုး အဖြစ်လက်တွေ အကျိုးဖြစ်ထွန်းခဲ့ပါတော့တယ်။

ဒီနေရာမှာ ဘုန်းဘုန်းပြောချင်တာက အလုပ်လုပ်ဖို့ပါ။ ဘာမှမဖြစ်ချင်ရင်တော့ ဘာမှမလုပ်ဘဲ နေလို့ရပေမယ့် တစ်ခုခုဖြစ်ချင်ရင်တော့ တစ်ခုခုကို လုပ်မှဖြစ်မှာပါ။ ဘာမှမလုပ်တဲ့ သူတွေအတွက် အချိန်တွေဟာ အချည်းနှီးပိုနေတတ်၊ အချည်းနှီး ကုန်ဆုံးနေတတ်ပေမယ့် အလုပ်လုပ်နေသူတွေ အတွက်ကတော့ အချိန်မလောက်ဘဲ ရှိတတ်ပြီး ကုန်ဆုံးသွားသမျှ အချိန်တွေဟာလည်း အကျိုးရှိတဲ့ ကုန်ဆုံးမှုတွေချည်းပါပဲ။ ဘုန်းဘုန်းအနေနဲ့ ဒုတိယ၀ါကို မြန်မာပြည်မှာ ပြန်ဆိုမယ်ပြောတော့ ဒကာလေးတစ်ယောက်က အရှင်ဘုရား ဟိုရောက်ရင် ဘယ်လိုနေမလဲ… ပျင်းနေမှာပေါ့နော်လို့ ပြောဖူးပါတယ်။ ဘုန်းဘုန်းပြန်ပြောဖြစ်တာက “ပျင်းဖို့ အချိန်မရလောက်ပါဘူး“လို့ပါပဲ။ ဘာဖြစ်လို့လည်းဆိုတော့ ဘုန်းဘုန်းအတွက်က ဘယ်နေရာရောက်ရောက် အလုပ်လုပ်နေမှာ ဖြစ်လို့ပါ။ အလုပ်လုပ်နေတဲ့သူအတွက် အလုပ်လည်း မရှားပါဘူး။ ဘုန်းဘုန်းက အဲဒီဒကာလေးကို ဘုန်းဘုန်းမြန်မာပြည် ပြန်ရောက်တဲ့အခါ “၀ါတွင်းသုံးလ ကျောင်းမှာရှိတဲ့ တပည့်တွေကို စာချပေးရဖို့ ရှိကြောင်း၊ အထူးသဖြင့် ဘုန်းဘုန်းကျောင်းကို ကိုးကွယ်နေတဲ့ ရပ်ကွက်ထဲက အသက်အရွယ် ကြီးနေပြီဖြစ်တဲ့ ဆင်းရဲသား ဒကာကြီး ဒကာမကြီးများကို ဥပုသ်နေ့တိုင်း တရားဓမ္မဟောပြောပေးရင် ၀ိပဿနာအလုပ်ကိုလည်း အားထုတ်ခိုင်းမှာဖြစ်ကြောင်း၊ ပြီးတော့ လူငယ်များအတွက်လည်း ဘာသာရေးအနှစ်သာရများကို ဟောပြောပို့ချပေးမှာဖြစ်ကြောင်း၊ အဲ… မြန်မာပြည်မှာ ရှိတဲ့အချိန်မှာတော့ အွန်လိုင်းကနေ စာရေးတဲ့အလုပ်ကိုတော့ ထင်သလောက် လုပ်နိုင်မှာမဟုတ်ကြောင်း“ စသဖြင့် ပြောပြဖြစ်ပါတယ်။

ဆိုလိုတာက အလုပ်လုပ်နေမှုနဲ့ ပတ်သက်လို့ပါ။ အလုပ်တစ်ခုခုကို လုပ်နေတဲ့သူများအတွက် အလုပ်မရှားသလို အချိန်လည်းမလောက်ပါဘူး၊ ပျင်းချိန်လည်း မရပါဘူးလို့ ဆိုလိုတာပါ။ အဓိကကတော့ ဘယ်နေရာရောက်ရောက် အလုပ်လုပ်နေဖို့ပါပဲ။ ဘုန်းဘုန်းအမြဲအမှတ်ရနေတဲ့ ဆုံးမစကားလေးတစ်ခု ရှိပါတယ်။ အင်းစိန်ရွာမ ပရိယတ္တိစာသင်တိုက် ဆရာတော် ဦးတိလောကဘိဝံသရဲ့ “စားဖို့လုပ်ခြင်းထက် လုပ်ဖို့စားခြင်းက ပိုကောင်းတယ်“ ဆိုတဲ့ စကားလေးပါ။ သိပ်ကောင်းပြီး ထိမိတဲ့ စကားလေးပါ။ ဘုန်းဘုန်းတို့တတွေ စားဖို့အတွက်ပဲ လိုက်နေရင် ပြီးမှာမဟုတ်တော့ပါဘူး။ စားခဲ့တဲ့ဘ၀တွေကလည်း မနည်းပါဘူး။ ခုလည်းစားနေတုန်း၊ နောင်လည်းစားနေကြဦးမှာပါ။ သံသရာတစ်လျှောက်လုံး စားလာခဲ့ကြတာ၊ စားဖို့နောက်ချည်းပဲ လိုက်နေခဲ့ကြတာဆိုတော့ ပင်ပန်းလိုက်တာ။ ဆရာတော် ပြောသလိုပဲ လုပ်ဖို့စားကြတာဆိုရင် အစားနဲ့ပတ်သက်ပြီး သိပ်ဒုက္ခမရောက်နိုင်ပါဘူး။ ပြီးတော့ လုပ်နေတဲ့သူအတွက်လည်း အစားက မရှားပြန်ပါဘူး။ ဒါကြောင့် စားဖို့ချည်းပဲ လုပ်မနေကြဘဲ လုပ်ဖို့အတွက် စားတာလို့ စိတ်မှာထားပြီး အလုပ်ကိုပဲ ကြိုးစားလုပ်ကြဖို့ပါ။

ထားပါတော့။ ဘုန်းဘုန်းလည်း ပြောချင်တာက တစ်ခြား ပြောနေတာက တစ်ခြားဖြစ်နေပြန်ပါပြီ။ အဓိကပြောချင်တာက ဘုန်းဘုန်းရဲ့ ဓမ္မစာမျက်နှာ လိပ်စားပြောင်းသွားတယ် ဆိုတာကို ပြောချင်တာပါ။ လိပ်စာပြောင်းပေမယ့် အရင်လိပ်စာနဲ့ ၀င်ရင်လည်း ရီဒါရိုက်လုပ်ပေးထားတဲ့ အတွက် အပြောင်းအလဲ မရှိပါဘူး။ စတိုင်လ်ရော၊ စာသားရော၊ အကြောင်းအရာရော ဘာမှ မပြောင်းလဲဘဲ လိပ်စာသာ ပြောင်းလဲလိုက်ခြင်း ဖြစ်ကြောင်း ပြောချင်တာပါ။ ဒီအကြောင်းပြောင်းရင်းနဲ့ အကြောင်းအကျိုး ဆက်စပ်မှုလေးကိုလည်း ပြောဖြစ်သွား၊ အလုပ်လုပ်နေသူတွေ အကြောင်းလည်း ဂုဏ်ပြုသွားဖြစ်ခဲ့ခြင်း ဖြစ်ပါတယ်။ ဘယ်လိုပဲ ဖြစ်ဖြစ် အားလုံးကို တိုက်တွန်းလွန်တာက အလုပ်လုပ်နေကြဖို့ပါ။ ဘာမှမလုပ်ဘဲမနေကြဘဲ တစ်ခုခုကို လုပ်နေကြဖို့ပါ။ တစ်ခုခုဆိုပြီးရောဆိုပြီး မဟုတ်တာတွေလည်း မလုပ်မိကြဖို့လိုပါတယ်။ အဟုတ်လုပ်မှ အဟုတ်ဖြစ်မှာ ဖြစ်သလို အကောင်းလုပ်မှလည်း အကောင်းဖြစ်လာမှာပါ။ ဒါကြောင့် အကောင်းဖြစ်ဖို့ မကောင်းပစ်ပြီး ပြောင်းပြစ်လိုက်ကြပါဟု တိုက်တွန်းရင်း…

Read more »

ဗြဟ္မစိုရ်တရားနှင့် လူမှုဆက်ဆံရေး…

ဘုန်းဘုန်းတို့ တရားပွဲတစ်ခုမှာ ဒကာမကြီးတစ်ယောက်က သူ့ရဲ့အတွေ့အကြုံလေးကို လျှောက်ပါတယ်။ “အရှင်ဘုရား… တပည့်တော်ဟာ အသက်အရွယ် ကြီးရင့်လာတာနဲ့အမျှ ဖြတ်သန်းခဲ့ရတာတွေလည်း များပြီ၊ တွေ့ကြုံခဲ့ရတာတွေလည်း များပြီ၊ ဆက်ဆံခဲ့ရသူတွေလည်း တော်တော်စုံခဲ့ပြီဘုရား။ အထူးသဖြင့် အကျင့်စရိုက်အမျိုးမျိုး ရှိတဲ့သူတွေနဲ့အများကြီး တွေ့ကြုံဆက်ဆံခဲ့ရပါတယ်။ အခုလည်းဆက်ဆံတုန်း၊ နောင်လည်း ဆက်ဆံနေရဦးမှာပါ။ ဒါပေမယ့် အရှင်ဘုရားရေ… လူတွေက အမျိုးမျိုး ဆိုတော့ တပည့်တော်ဘက်က ဘယ်လိုပဲကြိုးစား ဆက်ဆံဆက်ဆံ လူမှုဆက်ဆံရေးမှာ အဆင်မပြေလှဘူးဘုရား..။ တပည့်တော်လည်း ကြိုးစားတာပဲ မှန်ကန်ပြီး အကျိုးရှိတဲ့ လူမှုဆက်ဆံရေး မဖြစ်ခဲ့ဘူးဘုရား…။ အဲဒါ… အရှင်ဘုရားအနေနဲ့ ဘုရားအဆုံးအမနဲ့ ကိုက်ညီမယ့် လူမှုနယ်ပယ်မှာ အကောင်းဆုံး ဆက်ဆံနိုင်မယ့် ဆက်ဆံနည်းလေးရှိရင် တပည့်တော်မကို မိန့်ကြားပေးပါဘုရား“ လို့ လျှောက်ဖူးပါတယ်။ “အင်း… ရှိပါတယ် ဒကာမကြီး…၊ ဗြဟ္မစိုရ်တရားလေး လက်ကိုင် ထားပြီး ဆက်ဆံကြည့်ပါ၊ အားလုံးနဲ့ အဆင်ပြေသွားပါလိမ့်မယ်“ လို့ ဘုန်းဘုန်း အနေနဲ့ အဖြေပေးလိုက်ပါတယ်။

ဟုတ်ပါတယ်။ လောကမှာ လူအမျိုးမျိုး၊ အကျင့်စရိုက်အမျိုးမျိုး၊ သဘောထားအမျိုးမျိုးရှိတဲ့ အတွက်ကြောင့် စိတ်တွေလည်း အမျိုးမျိုး ဖြစ်နေကြပြီး လူမှုဘ၀ဆက်ဆံရေးဟာ တစ်ဦးနဲ့တစ်ဦး အဆင်ပြေပြေ ရှိဖို့မလွယ်လှပါဘူး။ ဒါပေမယ့် လွယ်အောင်ဆက်ဆံလို့တော့ ရပါတယ်။ အဲဒါက ကိုယ့်ကိုယ်ကို အရင်ပြုပြင်ပြီး ကိုယ်ကိုယ်တိုင်ရဲ့ စိတ်ထဲမှာ ရှိရမယ့် တရားလေးများကို တည်ရှိအောင် ကြိုးစားရယူကာ ဆက်ဆံကြည့်တဲ့ နည်းလေးပါ။ ဒီနည်းကို ဗြဟ္မစိုရ်တရား လက်ကိုင်ထားပြီး ဆက်ဆံတဲ့နည်းလို့ အလွယ်ပြောနိုင်ပါတယ်။ တကယ်တော့ လောကမှာ လူတွေအမျိုးမျိုး ရှိတယ်လို့ ပြောနေကြပေမယ့် မြန်မာ၊ တရုတ်၊ ဂျပန်၊ ကိုရီးယား၊ အမေရိကန်၊ အင်္ဂလန်စတဲ့ အမည်နာမတွေကိုမသုံးဘဲ မနုဿဘုံလို့ခေါ်တဲ့ လူ့ဘုံမှာရှိတဲ့ လူသားတွေလို့သာ ပြောလိုက်ရင် လူအမျိုးအစား အများကြီး မရှိတော့ပါဘူး။ လူအမျိုးမျိုးလည်း မကွဲတော့ပါဘူး။ အသားအရောင်၊ အဖြူအမည်း၊ ဆံပင်အမွေး အဖြူအနီစတာတွေဟာ အရေပြားပေါ်မှာ ဖြစ်လာတဲ့ ကွဲပြားခြားနားမှုများသာဖြစ်ပြီး ပခုံးနှစ်ဘက်ကြားက ခေါင်းပေါက်လာကြကာ ရုပ်နာမ်နှစ်ပါးခန္ဓာငါးပါးနဲ့ ဖွဲ့စည်းထားတဲ့ လူလို့သာနားလည်လိုက်ရင် လူအမျိုးအစား မများတော့ပါဘူး။ တိတိကျကျ ခွဲခြားလိုက်ရင် လေးမျိုးပဲ ရှိပါတယ်။ အဲဒီလေးမျိုးက..

၁။ ကိုယ်နဲ့တန်းတူဖြစ်တဲ့သူ
၂။ ကိုယ့်အောက်နိမ့်ကျတဲ့သူ
၃။ ကိုယ့်ထက်သာတဲ့သူ
၎။ ကိုယ့်နဲ့တန်းတူလည်းမဟုတ်၊ နိမ့်ကျတာလည်းမဟုတ်၊ သာတာလည်းမဟုတ်တဲ့ ကြားဖြစ်တဲ့သူ
တို့ပဲဖြစ်ပါတယ်။
ဆိုတော့ကား ဘယ်လောက်ပဲလူတွေ အမျိုးမျိုးရှိနေပါစေ ဒီလေးမျိုးထဲမှာပဲ သွားပြီးအကျုံးဝင်ပါတော့တယ်။ အဲဒီတော့ ဒီလူလေးမျိုးကိုပဲ အဆင်ပြေအောင် ဆက်ဆံနိုင်မယ်၊ ဆက်ဆံလိုက်မယ်ဆိုရင် လူမှုဘ၀ဆက်ဆံရေးဟာ အားလုံးအဆင်ပြေသွားမှာပါ။ ကောင်းပါပြီ။ ဒီလူလေးမျိုးကို ဘယ်လိုစိတ်ထား၊ ဘယ်လိုတရားတွေနဲ့ လိုက်ကိုင်ထား ဆက်ဆံကြမလဲဆိုရင် ခုနပြောခဲ့တဲ့ ဗြဟ္မစိုရ်တရား လက်ကိုင်ထားပြီး ဆက်ဆံကြည့်ဖို့ပါပဲ။ ဗြဟ္မစိုရ်ဆိုတာ ဗြဟ္မစရိယဆိုတဲ့ ပါဠိစကားလုံးကို တိုက်ရိုက်မြန်မာမှုပြုထားခြင်း ဖြစ်ပါတယ်။ ဗြဟ္မစရိယ = မြတ်သောအကျင့်လို့ အဓိပ္ပါယ်ယူနိုင်သလို ဗြဟ္မာ့ပြည်ရောက်ကြောင်း အကျင့်လို့လည်း နားလည်နိုင်ပါတယ်။ ဗြဟ္မ= မြတ်သော၊ တစ်နည်းအားဖြင့် ဗြဟ္မာတို့နဲ့ သက်ဆိုင်သော၊ စရိယ= အကျင့်လို့ တစ်လုံးချင်းအဓိပ္ပါယ် ဖွင့်ဆိုနိုင်ပါတယ်။ ဒီဗြဟ္မစရိယခေါ် ဗြဟ္မစိုရ်တရား လေးပါးရှိပါတယ်။ ဒီလေးပါးက…

၁။ မေတ္တာ
၂။ ကရုဏာ
၃။ မုဒိတာ
၎။ ဥပေက္ခာ

ဆိုတဲ့ တရားလေးပါးပါပဲ။ မေတ္တာက ချစ်ခင်ခြင်း အကျိုးလိုလာခြင်းလို့ အဓိပ္ပါယ်ရပြီး ကရုဏာကတော့ သနားခြင်းလို့ အဓိပ္ပါယ်ရပါတယ်။ မုဒိတာကတော့ သူတပါးကြီးပွား တိုးတက်မှုအပေါ် ၀မ်းမြောက်ခြင်းဖြစ်ပြီး ဥပေက္ခာကတော့ အပြစ်လည်းမဖြစ်၊ အချစ်လည်းမဖြစ်၊ တစ်နည်းအားဖြင့် ကုသိုလ်လည်းမဖြစ်၊ အကုသိုလ်လည်းမဖြစ်ခြင်းလို့ အဓိပ္ပါယ်ရပါတယ်။ ဒီတော့ကား လူအမျိုးမျိုးမရှိ လေးမျိုးပဲရှိတဲ့ လူမျိုးများကို ဒီတရားလေးပါးပဲ လက်ကိုင်ထား ဆက်ဆံကြည့်နိုင်မယ်ဆိုရင် လူမှုနယ်ပယ် ဆက်ဆံရေးဟာ သေချာပေါက် အဆင်ပြေသွားမှာပါ။

ပမထဆုံး တန်းတူဖြစ်တဲ့သူ။ တန်းတူဖြစ်တယ်ဆိုတာ ကိုယ်နဲ့အသက်အရွယ်၊ ရာထူးဌာနန္တရ၊ ဂုဏ်အားဖြင့် တန်းတူဖြစ်တဲ့သူကို ပြောတာပါ။ ဒီလို အစစအရာအရာ တူညီနေတဲ့ အတူဖြစ်နေတဲ့ သူတွေကို တွေ့ရင် မေတ္တာတရားလက်ကိုင်ထားပြီး ဆက်ဆံကြည့်ရမယ်တဲ့။ ဆက်ဆံကြည့်ပါပေါ့…။ အဲလို မေတ္တာတရား မထားနိုင်ဘူးဆိုရင်တော့ သူနဲ့ကိုယ်ဟာ အကုန်တူနေတဲ့အတွက် သူ့ထက်ငါသာအောင် ပြိုင်ဆိုင်တတ်ကြပါတယ်။ ပြိုင်လာပြီဆိုရင်တော့ မကောင်းတော့ပါဘူး။ ပညာတွေပြိုင်၊ ရာထူးတွေပြိုင်၊ မာနတွေပြိုင်စသဖြင့် လုပ်လာတတ်ကြပါတယ်။ ပြိုင်ရင်းပြိုင်ရင်းနဲ့ အနိုင်ရအောင် မဟုတ်တဲ့နည်းတွေ သုံးလာတတ်ပါတယ်။ ခဏအနိုင်ရဖို့အတွက် သံသရာနဲ့အပြိုင် ပေးဆပ်ရတဲ့အထိ လုပ်လာတတ်ပါတယ်။ ဒီအခါမှာ ပြိုင်ရင်းပြိုင်ရင်း အရှုံးတွေဖြစ်ကာ အပါယ်ခရီးမှာ လုံးလုံးနစ်တတ်ကြပါတယ်။ ဘာပဲဖြစ်ဖြစ် သူများနဲ့ ပြိုင်တာမကောင်းပါဘူး။ သို့သော် ကိုယ့်ကိုယ်ကိုတော့ ပြိုင်နေရပါမယ်။ ယနေ့ငါနဲ့ မနက်ဖြန်ငါဟာ မတူအောင် ပြိုင်နေရပါမယ်။ မကောင်းတဲ့ ဘက်မှာမဟုတ် ကောင်းတဲ့ဘက်တွေမှာပါ။ ယနေ့ငါဟာ ကံငါးပါးမလုံသေးပေမယ့် မနက်ဖြန်ငါကတော့ ကံငါးပါးလုံစေရမယ်လို့ ပြိုင်ရပါမယ်။ ယနေ့ငါဟာ ကိုယ်ကျင့်တရား မကောင်းပေမယ့် မနက်ဖြန်ငါကတော့ ကိုယ်ကျင့်တရားကောင်းရမယ်လို့ ပြိုင်ရပါမယ်။ ယနေ့ငါဟာ ဒါန၊ သီလ၊ ဘာဝနာ အလုပ်တွေကို ဒီလောက်ပဲ လုပ်နိုင်သေးပေမယ့် မနက်ဖြန်ငါကတော့ ဒီထက်ပိုပြီး လုပ်နိုင်ရမယ့်လို့ ပြိုင်ရပါမယ်။ ဒီနေ့ငါဟာ စိတ်ထားလေးတွေကို ဒီလောက်ပဲ ပြုပြင်နိုင်သေးပေမယ့် မနက်ဖြန်ငါကတော့ ဒီထက်ပိုပြီး ပြုပြင်နိုင်ရမယ်လို့ ပြိုင်ရပါမယ်။ ဒါက ကိုယ့်ရဲ့ သံသရာကောင်းရေးအတွက် ပြိုင်ရမှာကို ပြောတာပါ။ သူတပါးတွေနဲ့ကတော့ ပြိုင်ဖို့မလိုပါဘူး။ တူလာရင် မေတ္တာနဲ့ ဆက်ဆံတတ်ဖို့ပဲ လိုပါတယ်။ သူ့အကျိုးကို ကြည့်တတ်မြင်တတ်အောင် ကြိုးစားပေးဖို့ပဲ လိုပါတယ်။ ဒါဆိုရင် တန်းတူဖြစ်တဲ့သူတွေနဲ့ ဆက်ဆံရာမှာ အခက်အခဲ မရှိနိုင်တော့ပါဘူး။ ဒါကြောင့် ကိုယ်နဲ့တန်းတူဖြစ်တဲ့သူကို မေတ္တာတရား လက်ကိုင်ထားပြီး ဆက်ဆံကြည့်ဖို့၊ မေတ္တာမထားနိုင်က ပြိုင်လာနိုင်ပြီး ပြိုင်လာရင် အပြစ်ဖြစ်လာတတ်တဲ့အတွက် မပြိုင်ကြဖို့ ဆိုခြင်းဖြစ်ပါတယ်။

နောက် ကိုယ့်အောက်နိမ့်ကျတဲ့သူ။ ဒီနိမ့်ကျတယ်ဆိုရာမှာလည်း အသက်အရွယ်၊ ရာထူးဌာနန္တရ၊ ဂုဏ်အားဖြင့် နိမ့်ကျတာကို ပြောတာပါ။ ဒီလို ကိုယ့်အောက်နိမ့်ကျတဲ့သူကိုတော့ ကရုဏာတရားလက်ကိုင်ထားပြီး ဆက်ဆံကြည့်ပါတဲ့။ ကရုဏာဆိုတာ သနားခြင်းကို ပြောတာပါ။ အဲလို ကိုယ့်အောက်နိမ့်ကျတဲ့သူတွေနဲ့ ဆက်ဆံတဲ့အခါမှာ သနားခြင်း ကရုဏာတရား မထားနိုင်ရင် အနိုင်ယူလာတတ်၊ အနိုင်ကျင့်လာတတ်ပါတယ်။ အနိုင်ကျင့်လာပြီဆိုရင်လည်း မကောင်းတော့ပါဘူး။ နိုင်ထက်စီးနင်းလုပ်တာ မတရားဖိနှိပ်မှုပြုတာ၊ တစ်ဘက်သူကို အကျပ်အတည်း ဒုက္ခဖြစ်အောင်လုပ်တာ စတာတွေဟာ အကုသိုလ်အပြစ်တွေနဲ့ ဆက်ဆံနေပြီး အပါယ်လားစေနိုင်တဲ့အထိ ဖြစ်တတ်ပါတယ်။ သေချာစဉ်းစားကြည့်ရင် ကိုယ့်လောက်မှမတော်၊ ကိုယ့်လောက်မှ အရည်အချင်းမရှိ၊ ကိုယ့်လောက်မှ ကံအကျိုးပေးမကောင်းလို့ ကိုယ့်အောက်ရောက်နေကာ ကိုယ့်ထက်နိမ့်ကျနေသူကို ဘာကြောင့် အနိုင်ယူကြတော့မှာလဲ…၊ သူ့ကိုနိုင်လို့ကော ကိုယ့်အတွက် ဘာအကျိုးဖြစ်သွားမှာလဲ..၊ ကိုယ့်လောက်မှ မရှိဘဲ အစစအရာရာ နိမ့်ကျနေသူကို အနိုင်ယူတော့ကော ကိုယ်ကဘာတွေ ရသွားမှာလဲ…စသဖြင့် စဉ်းစားစရာတွေပါ။ ဒါပေမယ့် ရသွားတာတစ်ခုတော့ ရှိလိမ့်မယ်။ ကိုယ့်အောက်နိမ့်ကျသူကို အနိုင်ယူလိုက်တဲ့ ဒေါသကြောင့် အကုသိုလ်အပြစ်ဖြစ်သွားပြီး ဒေါသရဲ့ နောက်ဆက်တွဲအဖြစ် နောင်တနဲ့ သောကတွေ ရသွားပါလိမ့်မယ်။ ဒါဟာ ကရုဏာမထားနိုင်ဘဲ အနိုင်ယူလိုက်ခြင်းရဲ့ ဆိုးကျိုးပါ။ ဒါကြောင့် ကိုယ့်အောက်နိမ့်ကျသူကို အနိုင်မယူဘဲ သနားခြင်း ကရုဏာတရား လက်ကိုင်ထားပြီး ဆက်ဆံနိုင်မယ်ဆိုရင် ဒီလိုသူမျိုးများရှိတဲ့ လူမှုနယ်ပယ် ဆက်ဆံရေးဟာ အဆင်ပြေသွားမှာပါလို့ ဆိုရခြင်းဖြစ်ပါတယ်။

ကိုယ်ထက်သာသူနဲ့ ဆက်ဆံဖို့ကတော့ မုဒိတာတရား အထူးလိုအပ်ပါတယ်။ မုဒိတာဆိုတာ ၀မ်းမြောက်ပေးတာ၊ အတူပျော်ရွှင် ကျေနပ်ပေးတာကို ပြောတာပါ။ ကိုယ့်ထက် အသက်သိက္ခာဂုဏ်ဝါ၊ ရာထူးဌာနန္တရ စသည်သာသူကို ဆက်ဆံတဲ့အခါ ဒီမုဒိတာက အလွန်အရေးပါပါတယ်။ မုဒိတာတရား ထားနိုင်မှ အဆင်ပြေအောင် ဆက်ဆံနိုင်ပါတယ်။ မုဒိတာတရား မထားနိုင်ဘူးဆိုရင်တော့ သူနဲ့ဆန့်ကျင်ဘက်ဖြစ်တဲ့ ဣဿာနဲ့ မစ္ဆရိယ တရားတွေက ၀င်ရောက်နေရာ ယူသွားတတ်ပါတယ်။ ဣဿာဆိုတာ သူတပါးအပေါ်မှာ မနာလိုဖြစ်တာ၊ မစ္ဆရိယဆိုတာက မိမိမှာရှိတာကို ၀န်တိုတာပါ။ နှစ်ခုလုံးမကောင်းပါဘူး။ စာပေက ဒီတရားနှစ်ပါးကို အတွင်းရန်သူနှစ်ဦးလို့ ဆိုပါတယ်။ ဒီအတွင်းရန်သူ နှစ်ဦးကိုယ့်သန္တာန်မှာဖြစ်ပြီဆိုရင် သူတို့က ကိုယ့်ကိုအရင် နှိပ်စက်တော့တာပါပဲ။ ဒီလိုနှိပ်စက်ခံရတော့ ကိုယ်ကလည်း ဒီနှစ်ပါးရဲ့ စေ့ဆော်စေခိုင်းချက်နဲ့ သူတပါးအပေါ်မှာလည်း ဒုက္ခပေးနှိပ်စက်မိပြန်ပါတယ်။ ဒီတရားနှစ်ပါးဟာ ကိုယ့်ကိုလည်း ပူလောင်စေတတ်သလို သူတပါးကိုလည်း ပူလောင်စေတတ်ပါတယ်။ ဒါကြောင့် ဒီတရားတွေ မ၀င်အောင် အမြဲကြိုးစားရပါတယ်။ ဒီတရားဝင်လာတာဟာ ခုနပြောခဲ့တဲ့ မုဒိတတရား မရှိလို့၊ မုဒိတာတရား ခေါင်းပါးလို့ဖြစ်တာပါ။ ဒါကြောင့် မုဒိတာ ပွားနိုင်အောင် ကြိုးစားပါလို့ ဆိုရခြင်းဖြစ်ပါတယ်။ အပြောလွယ်သလောက် အလုပ်ခက်တာ ဒီမုဒိတာ တရားပါ။ များသောအားဖြင့် လူတွေဟာ ကရုဏာတရား ဖြစ်ဖို့လွယ်သလောက် မုဒိတာတရားပွားပေးဖို့ ခက်တတ်ကြပါတယ်။ ခက်လို့ မပြုပြင်ဘူး ဒီတိုင်းထားလိုက်မယ်ဆိုရင် ပိုလို့သာ ဆိုးစေပါလိမ့်မယ်။ ဒါကြောင့် ကိုထက်သာတဲ့ သူတွေနဲ့ အဆင်ပြေအောင် ဆက်ဆံနိုင်ဖို့ သူတပါးရဲ့ တိုးတက်မှုအပေါ်၊ အောင်မြင်မှုအပေါ်၊ အစစအရာရာ ၀မ်းမြောက်ဝမ်းသာ ပေးနိုင်အောင် မုဒိတာတရား လက်ကိုင်ထားပြီး ဆက်ဆံကြည့်ဖို့လိုပါတယ်။ ဒီလိုဆိုရင် လူမှုနယ်ပယ်မှာ အဆင်ပြေသွားပါလိမ့်မယ်။

တစ်ချို့ကျတော့ မေတ္တာထား ဆက်ဆံပေးလို့လည်းမရ၊ ကရုဏာတရားထားပေးလို့လည်း မဖြစ်၊ မုဒိတာပွားပေးလို့လည်း အဆင်မပြေတဲ့ ဟိုဟာလည်းမဟုတ် ဒါလည်းမဟုတ်တဲ့ ကြားဖြစ်နေတဲ့ သူတွေလည်း ရှိပါတယ်။ ဒီလိုသူမျိုးကိုတော့ ဥပေက္ခာတရား လက်ကိုင်ထားပြီး ဆက်ဆံကြည့်စေချင်ပါတယ်။ အဆင်ပြေသွားပါလိမ့်မယ်။ ဥပေက္ခာဆိုတာ ပြီးပြီးရော သူဟာသူ ဖြစ်ချင်ရာဖြစ်ဆိုပြီး လျစ်လျူ ရှုပစ်လိုက်တာမျိုး မဟုတ်ပါဘူး။ တစ်ဘက်သူကို အမှီပြုပြီး ကုသိုလ်လည်း မဖြစ်၊ အကုသိုလ်လည်း မဖြစ်အောင် နေလိုက်တာပါ။ ငါကောင်းရဲ့သားနဲ့ ငါ့အပေါ်ဒီလိုလုပ်တာ တော်ပြီကွာ ဒင်းထိုက်နဲ့ဒင်းပဲ ရှိပါစေဆိုတဲ့ ကိုယ်အလိုမကျလို့ လှည့်မကြည့်ဘဲ ပြစ်ထားတာမျိုး မဟုတ်ပါဘူး။ သူ့အပေါ် အမုန်းတရားလည်း မထား၊ အချစ်တရားလည်း မထားဘဲ ကိုယ့်ကိုယ်ကို အပြစ်မဖြစ်အောင် နေလိုက်တဲ့ သဘောကို ဥပေက္ခာလို့ ဆိုနိုင်ပါတယ်။ တစ်ခါတစ်ရံမှာ တစ်ချို့သူတွေဟာ ဘယ်လိုပဲ ကိုယ့်ဘက်က လိုက်လျောသီးခံ အမျိုးမျိုးကြိုးစား ဆက်ဆံပေမယ့် အဆင်မပြေကြပါဘူး။ ဒီလိုသူမျိုးကို အတင်းအဓမ္မလိုက်ပြီး ကြိုးစားဆက်ဆံနေရရင်လည်း သူကဘာမှဖြစ်မှာမဟုတ်ဘူး ကိုယ်သာအကုသိုလ်တွေ တိုးလာတတ်ပါတယ်။ ဒါကြောင့် ဒီလိုသူမျိုးကျတော့ “အေးလေ… သတ္တ၀ါတွေဆိုတာ သဗ္ဗေသတ္တာ ကမ္မဿကာ ဆိုတဲ့အတိုင်း သူကံနဲ့သူဖြစ်နေတာပါလား၊ အဲဒီလို မတူညီတဲ့ ကံတွေနဲ့ နေသူတွေကို ငါက တူအောင်လိုက်ညှိနေလည်း ငါပဲအကုသိုလ်တွေ တိုးနေတော့မှာပဲ၊ သူ့ကိုအမှီပြုပြီး အကုသိုလ်လည်း မဖြစ်အောင် ကုသိုလ်လည်းမဖြစ်အောင် ငါဘာသာငါနေတာပဲ ကောင်းပါတယ်..“ ဆိုတဲ့ စိတ်လေးနဲ့ပဲ နေနိုင်အောင် ကြိုးစားလိုက်ရင် ဒီလို ကြားကျနေတဲ့သူအပေါ်မှာလည်း အဆင်ပြေအောင် တွေးတတ် နေတတ်၊ ဆက်ဆံတတ်သွားမှာပါ။

အချုပ်အားဖြင့် လူအမျိုးမျိုး အကျင့်အမျိုးမျိုး စိတ်အမျိုးမျိုး ရှိနေတယ်လို့ ဘယ်လောက်ပင် ပြောကြပါစေ၊ လူမျိုးတွေ ဘယ်လိုပဲကွားပြားကြပါစေ၊ အနှစ်သာရ အဆင့်အတန်းနဲ့ ခွဲလိုက်ရင် လေးမျိုးပဲ ရှိတဲ့အတွက် ဒီလူလေးမျိုးကို အဆင်ပြေအောင် ကြိုးစားကာ လူမှုနယ်ပယ်မှာ လူတွေကို အမှီပြုပြီး အကုသိုလ်မဖြစ်အောင် ဆက်ဆံနိုင်ဖို့ အမြတ်ဆုံး ဆက်ဆံနည်းဖြစ်တဲ့ ဗြဟ္မစရိယခေါ် မြတ်သောဗြဟ္မစိုရ် အကျင့်တရားကိုသာ အသုံးပြု ဆက်ဆံတတ်ကြဖို့ပဲ ဖြစ်ပါတယ်။ ဒီဗြဟ္မစိုရ်တရားဟာ ဗြဟ္မပြည်ရောက်ကြောင်း မြတ်သောအကျင့်ကောင်း ဖြစ်ပေမယ့် လူ့ဘောင်အဖွဲ့အစည်းတွင်လည်း ရှိသင့်တဲ့တရား၊ လက်ကိုင်ထားသင့်တဲ့ တရားဖြစ်ပါတယ်။ ဒီဗြဟ္မစိုရ်တရားတွေ မရှိတော့ဘူး၊ ခေါင်းပါးသွားပြီဆိုရင်တော့ အဲဒီလူ့အဖွဲ့အစည်း၊ အဲဒီနေရာ၊ အဲဒီပတ်ဝန်းကျင်၊ အဲဒီမြို့ရွာ၊ အဲဒီတိုင်းနိုင်ငံဟာ ငြိမ်းချမ်းရေးတွေလည်း ခေါင်းပါးကုန်တော့တာပါပဲ။ တစ်ဦးနဲ့တစ်ဦး ဆက်ဆံရေး အဆင်မပြေ ဖြစ်တော့တာပါပဲ။ တစ်ဦးနဲ့တစ်ဦး အဆင်မပြေ ရန်ငြိုးတွေဖြစ်လာရင် စစ်ပွဲတွေလည်း ဖြစ်လာကြတော့တာပါပဲ။ ယနေ့ကမ္ဘာလောကကြီးကို ကြည့်ရင် ဟိုနိုင်ငံဒီနိုင်ငံ လူအချင်းချင်း စစ်ပွဲတွေကိုပဲ ဆင်နွဲနေကြတာကို တွေ့နိုင်ပါတယ်။ ဒါဟာ ဗြဟ္မစိုရ်တရား ခေါင်းပါးနေကြောင်းကို ပြသနေသလိုပါပဲ။ ဒီဗြဟ္မစိုရ်တရား မရှိတော့ဘူးဆိုရင် လူအချင်းချင်း ပြိုင်ဆိုင်ဖို့လည်း ၀န်မလေးတော့ပါဘူး။ အနိုင်ယူဖို့လည်း ၀န်မလေးတော့ပါဘူး။ အကောက်ကြံဖို့လည်း ၀န်မလေးတော့ပါဘူး။ အပြန်အားဖြင့် ဒီတရားတွေ အားကောင်းနေမယ်၊ ဒီတရားတွေအတိုင်း လက်နာကျင့်သုံးနေမယ်၊ တစ်ဦးအပေါ်တစ်ဦး မေတ္တာလေးတွေ၊ ကရုဏာလေးတွေ၊ မုဒိတာလေးတွေနဲ့ ဆက်ဆံပြီး နောက်ဆုံးမရတော့တဲ့အခါ ဥပေက္ခာလေးနဲ့ နေနိုင်အောင် ကြိုးစားနိုင်ကြမယ်ဆိုရင် ကိုယ်ကိုယ်တိုင်လည်း ငြိမ်းချမ်းလာ၊ သက်သောင့်သက်သာ ရှိလာမှာ ဖြစ်တဲ့အပြင် လူဘောင်အဖွဲ့အစည်းကြီးဟာလည်း ငြိမ်းချမ်းလာမယ်၊ အဆင်ပြေလာမယ်၊ သာယာဝပြောလာမယ်ပေါ့။

ဒါကြောင့် ကိုယ်ကိုယ်တိုင်ရော တပါးသူတွေပါ အဆင်ပြေပြေ ရှိစေပြီး လူမှုနယ်ပယ် တစ်ခုလုံး အဆင်ပြေစွာ ဆက်ဆံနိုင်ကြဖို့၊ လူအမျိုးမျိုးနဲ့ ဘာပြဿနာမှ မဖြစ် ငြိမ်းငြိမ်းချမ်းချမ်း နေနိုင်ကြဖို့၊ အကုသိုလ်အဖြစ်နည်းပြီး ကုသိုလ်တရားတွေ တိုးပွားနိုင်စေဖို့၊ မမြတ်တဲ့အကျင့်တွေ ပျောက်ပြီး မြတ်တဲ့အကျင့်တွေ ရောက်စေဖို့ ဗြဟ္မစိုရ်တရား လက်ကိုင်ထားပြီး ကြိုးစားဆက်ဆံကြဖို့ “ဗြဟ္မစိုရ်တရားနဲ့ လူမှုဆက်ဆံရေး“ ဆိုတဲ့ ဒီစာစုလေးဖြင့် သတိပေး တိုက်တွန်းလိုက်ရပါတယ်။

Read more »

ဝါတွင်းကာလနှင့် အိမ်ထောင်ပြုခြင်း…

မြန်မာဗုဒ္ဓဘာသာ အများစုမှာ ဗုဒ္ဓဘာသာနဲ့ မသက်ဆိုင်တဲ့ ဘုရားဟော မဟုတ်တဲ့ အလွန်အရိုးစွဲနေတဲ့ ယုံကြည်ချက်တစ်ချို့ ရှိပါတယ်။ ဥပမာပြောရရင် သေသူကို သရဏဂုံတင်ပေးရမယ် ဆိုတဲ့အချက်၊ ဘုရားတောင်မှ မိဘကျေးဇူးကို နို့တစ်လုံးဘိုးပဲ ကျေအောင်ဆပ်နိုင်တယ်ဆိုတဲ့ အချက်၊ သာသနာ့ဘောင်ဝင်မယ့် မောင်ရှင်လောင်းကို နတ်ပြပေးရတယ်ဆိုတဲ့အချက်၊ အလှူပွဲတွေမှာ မိုးတားဖို့အတွက် ရှင်ဥပဂုတ်ပွဲထိုးပြီး မဏ္ဍပ်ရှေ့မှာ ချထားပေးလေ့ရှိတဲ့အချက် စတာတွေပါ။ ဒါတွေက အလွန်လွဲမှားပြီး ယနေ့အထိ အများလက်ခံ ယုံကြည်နေကြတဲ့ အရာတွေထဲက ထင်ရှားတဲ့ အချက်လေးတွေပါ။ ဒီအလွဲတွေထဲက နောက်တစ်ခုက ၀ါတွင်းကာလ အိမ်ထောင်မပြုရ ဆိုတဲ့အချက်ကလည်း တစ်ခုအပါအ၀င် ဖြစ်နေပြန်ပါပြီ။ ၀ါမ၀င်ခင် အိမ်ထောင်ပြုမှ ဖြစ်မယ်၊ ၀ါကျွတ်မှ အိမ်ထောင်ပြုကြမယ်ဆိုတဲ့ အရိုးစွဲနေတဲ့ ဒီအချက်အပေါ်မှာ မျက်မှောက်ခေတ်လူငယ် အတော်များများ ဘ၀င်မကျ ဖြစ်လာကြတာကို တွေ့ရပါတယ်။ ၀ါတွင်းကာလ အိမ်ထောင်မပြုရ ဆိုတဲ့ ဒီအယူအဆဟာ ဘုရားရှင်ဟောကြားတော်မူ၊ သတ်မှတ်တော်မူခဲ့တာလားလို့ မေးလာသူတွေလည်း ရှိပါတယ်။ ဒါကြောင့် ၀ါတွင်းကာလနဲ့ အိမ်ထောင်ပြုခြင်းလို့ ခေါင်းစဉ်တပ်ကာ ပို့စ်တစ်ပုဒ် ရေးဖြစ်ခဲ့ရပြန်ပါတယ်။

တကယ်တော့ ၀ါတွင်းဆိုတဲ့ အခေါ်အဝေါ်ဟာ ရဟန်းတော်များ ၀ါဆိုဝါကပ်ပြုရမယ် ဆိုတဲ့ ၀ိနည်းဥပဒေ ပညတ်သတ်မှတ်ပြီး ချိန်မှသာ ထိုရဟန်းတော်များ ၀ါဆိုဝါကပ်ပြုနေတဲ့ သုံးလတာကာလကို ရည်ရွယ်ပြီး ခေါ်ဝေါ်သုံးစွဲကြတဲ့ ဝေါဟာရဖြစ်ပါတယ်။ ဒီဝါတွင်းဟာ လူတွေအတွက်တော့ မိုးတွင်းကာလပါပဲ။ ရဟန်းတော်များ ၀ါတွင်းသုံးလကာလပတ်လုံး တစ်ခြားတစ်နေရာသို့ ကြွရောက်တော်မမူဘဲ ကိုယ်ဝါဆိုရာ ကျောင်းတိုက်အရာမ်တွင်းမှာပဲ နေထိုင်သီတင်းသုံးကြဖို့ သတ်မှတ်ထားတဲ့ ၀ိနည်းဥပဒေဟာ ၀ါတွင်းကာလမှာ အိမ်ထောင်မပြုရဘူးဆိုတဲ့ လူတွေကြားမှာ ဖြစ်နေတဲ့ အချက်နဲ့ ဘာမှမသက်ဆိုင်ပါဘူး။ ဘယ်သူကဘယ်လို စတင်ခဲ့တယ်၊ ဘယ်တုန်းကစပြီး ပေါ်ပေါက်ခဲ့တယ်ဆိုတာကို အတိအကျ ပြောလို့မရတဲ့ ၀ါတွင်းကာလ အိမ်ထောင်မပြုရ ဆိုတဲ့ ဒီယုံကြည်ချက်ဟာ ဘုရားဟော မဟုတ်တာကတော့ သေချာပါတယ်။ ပိဋကတ်မှာ ပါတဲ့အချက်လည်း မဟုတ်ပါဘူး။ ၀ါတွင်းကာလမှာ အိမ်ထောင်မပြုရဘူးဆိုတဲ့ သတ်မှတ်ချက်တွေ ရှိတယ်ဆိုရင် ၀ါဆိုဖို့ ပညတ်ချက်တွေ မသတ်မှတ်ချိန်တုန်းက ဘယ်လိုသတ်မှတ်ကြသလဲဆိုတာ စဉ်းစားစရာပါ။ ဘုရားရှင်ဝါဆိုဖို့ ၀ိနည်းဥပဒေ သတ်မှတ်ချိန်ဟာ ဘုရားဖြစ်တော်မူပြီး နှစ်ပေါင်းနှစ်ဆယ်ကျော်နောက်ပိုင်းမှ ပေါ်ပေါက်ခဲ့တာပါ။ ၀ါတွင်းကာလနဲ့ ပတ်သက်ပြီး ဘုရားရှင်ဟာ ရဟန်းတော်များအတွက်သာ သီးသန့်ဝိနည်း ဥပဒေထားကာ ပညတ်ချက်ပဲရှိပါတယ်။ လူတွေအတွက် ၀ါတွင်းကာလမှာ ဘာမလုပ်ရဘူး၊ ဘယ်မသွားရဘူး စတဲ့ ဥပဒေ သတ်မှတ်ချက် မရှိပါဘူး။ တစ်ခုတော့ရှိတယ် ဥပုသ်နေ့တွေမှာ ဥပုသ်သီလစောင့် စေလိုတဲ့ ဟောကြားချက်အချို့ရှိပါတယ်။ ဒါကလည်း ၀ါတွင်းကာလမှ မဟုတ်ပါဘူး။ ၀ါတွင်းမဟုတ်တဲ့ အချိန်တွေမှာလည်း ဥပုသ်နေ့များမှာ ဥပုသ်သီလစောင့်လို့ ရပါတယ်။

ဘုရားရှင်ဟာ လူတွေအတွက် ကာမဂုဏ်အာရုံများ နည်းအောင်၊ ကိလေသာများပါးအောင် ကျင့်ကြံနေထိုင်ကြဖို့သာ ဟောကြားလေ့ရှိပါတယ်။ ဘယ်အချိန်မှာ အိမ်ထောင်မပြုရ၊ ပြုရင်ဘာဖြစ်မယ်ဆိုတဲ့ အထူးတလည် ဟောကြားသတ်မှတ်ချက် မရှိပါဘူး။ သာသနာ့ဝန်ထမ်းများကိုတော့ အိမ်ထောင်မပြုရ၊ ကာမဂုဏ်မေထုန် မမှီဝဲရဆိုတာကိုတော့ အထူးသတ်မှတ် ပညတ်တော်မူပါတယ်။ ဒါ့အပြင် အိမ်ထောင်ရေးနဲ့ ပတ်သက်ပြီး ဘုရားရှင် အထူးဟောတော်မူတဲ့အချက်က အိမ်ထောင်ပြုပြီး နောက်ပိုင်း အိမ်ထောင်ရေးကို ဘယ်လိုအဆင်ပြေအောင် နေထိုင်ရမယ့်အချက်နဲ့ အိမ်ထောင်ပြုသူ လင်ယောက်ျား ဇနီးမယားတို့ လိုက်နာကျင့်ကြံရမယ့် တာဝန်များ၊ အိမ်ထောင်ရေးကို ထိခိုက်ပျက်ပြားစေမယ့်အပြင် သံသရာပါ ဒုက္ခရောက်စေမယ့် အိမ်ထောင်ရေး ဖောက်ပြန်မှုများကို မပြုလုပ်ကြဖို့ ပညတ်သတ်မှတ်တော် မူပေးတဲ့ အချက်ပဲဖြစ်ပါတယ်။ ဘယ်အချိန်မှာ အိမ်ထောင်ပြုရမယ်၊ ဘယ်အချိန်မှာ အိမ်ထောင်မပြုရဘူး ဆိုတဲ့အချက် မဟုတ်ပါဘူး။

အိမ်ထောင်ပြုမှုဟာ ရှေးပဝေသဏီတည်းက လုပ်ခဲ့ကြတဲ့အလုပ်ပါ။ ဘုရားရှင်လက်ထက်မှာလည်း အိမ်ထောင်ပြုကြပါတယ်။ အရိယာ ပုဂ္ဂိုလ်များဖြစ်တဲ့ သောတာပန်မှစပြီး အနာဂါမ်အထိ သူတော်စင်တွေလည်း အိမ်ထောင်ပြုကြပါတယ်။ ဘုရားလက်ထက်က လူသန်းပေါင်း ၇၀လောက်ရှိတဲ့ သာဝတ္ထိမြို့ကြီးဟာ အရိယာပုဂ္ဂိုလ်ချည်းပဲ သန်းပေါင်း ၅၀ခန့် ရှိတယ်လို့ ဆိုပါတယ်။ ဒီသာဝတ္တိမြို့သူ မြို့သားတွေဟာလည်း အိမ်ထောင်ပြုကြပါတယ်။ ဒါပေမယ့် သူတို့အိမ်ထောင်ပြုမှုဟာ ၀ါတွင်းကိုရှောင်ပြီး ပြုတယ်ဆိုတာကို ဗုဒ္ဓစာပေမှာ အထူးဖော်ပြတာ မရှိကြပါဘူး။ သူတို့အဆင်ပြေ သင့်လျော်ချိန်မှာ ပြုကြမှာပါ။ ဘုရားရှင်ကိုယ်တော်တိုင်လည်း ၄၅နှစ်ပတ်လုံး အိန္ဒိယနိုင်ငံတစ်ဝှန်း လှည့်လည်သီတင်းသုံးတဲ့ အချိန်ဟာ သာဝတ္ထိမြို့မှာ သီတင်းသုံးချိန်က ပိုများပါတယ်။ ဒီလို ဘုရားရှင် သီတင်းသုံးချိန်များပြီး အရိယာသူတော်စင် အများဆုံးရှိတဲ့ သာဝတ္ထိမြို့မှာ သတ်မှတ်ပညတ် ဟောကြားတော်မူခဲ့တဲ့ တရားတော်တွေဟာလည်း အများကြီးပါ။ အိမ်ထောင်ပြုမှုနဲ့ ပတ်သက်လို့ ကာလသတ်မှတ် ဟောကြားချက်ရှိခဲ့မယ်ဆိုရင် သာဝတ္ထိမြို့သားတို့ရဲ့ အိမ်ထောင်ပြုခြင်း အကြောင်းတွေလည်း စာပေမှာ အများကြီးတွေ့နေရမှာပါ။ ဒါပေမယ့် မရှိခဲ့ပါဘူး။ ဘုရားရှင်ဟာ လူတွေအတွက် အိမ်ထောင်ပြုမှု၊ မပြုမှု၊ အိမ်ထောင်ပြုသင့်တဲ့ ကာလ၊ မပြုသင့်တဲ့ ကာလတွေထက် အိမ်ထောင်တစ်ခုရဲ့ အဆင်ပြေမှု မပြေမှုတွေကို ပိုပြီးဦးစားပေးပါတယ်။ အိမ်ထောင်ရှင် နှစ်ဦးတို့ရဲ့ အိမ်ထောင်ရေးခိုင်မြဲဖို့ လိုက်နာသင့်တဲ့ ကျင့်ဝတ်များကိုသာ ဦးစားပေးဟောတော်မူပါတယ်။

ဒီလိုဆိုရင် ဘုရားဟောမဟုတ်တဲ့ ဒီဝါတွင်းကာလ အိမ်ထောင်မပြုရဆိုတဲ့ သတ်မှတ်ချက်ဟာ မြန်မာပြည်မှာ ဘာကြောင့် လေးလေးနက်နက် ရှိနေကြတာလဲလို့ မေးစရာ ရှိပါတယ်။ ဒီအချက်ကတော့ ရှေးအစဉ်လာကတည်းက အရိုးစွဲလာခဲ့တဲ့ အချက်တွေဖြစ်နိုင်ပါတယ်။ ရှေးကလူကြီးသူမများဟာ ဘုရားသာသနာကို အလွန်သတ်ဝင် ယုံကြည်ကြပြီး ဘာသာရေးကို အထူးအလေးထားတဲ့ သူများဖြစ်ကြပါတယ်။ ရဟန်းတော်များဝါတွင်းကာလ ၀ါဆိုဝါကပ်ပြုကြတဲ့ အချိန်မှာ ဗုဒ္ဓဘာသာဝင်တွေ ဖြစ်တဲ့ လူတွေအနေနဲ့လည်း ကာမဂုဏ်အာရုံများနဲ့ ဆက်စပ်နေတဲ့ ဒီအိမ်ထောင်ပြု သားမွေးခြင်း ကိစ္စများကို မလုပ်ကြဘဲ တစ်နှစ်ပတ်လုံး အလုပ်များနဲ့သာ အချိန်ကုန်နေပြီး မိုးတွင်းကာလမှာသာ အနားရကြတဲ့ အချိန်လေးမှာ ကုသိုလ်ကောင်းမှုများ များများလုပ်ဖြစ်ကြဖို့ ကြိုးစားအားထုတ်ရင်း ၀ါတွင်းကာလမှာ အိမ်ထောင်ပြုခြင်းကို အထူးတလည် မပြုလုပ်ကြခြင်း ဖြစ်နိုင်ပါတယ်။ နောက်တစ်ချက် စဉ်းစားမိတာက ၀ါတွင်းကာလဟာ မိုးရာသီကာလ ဖြစ်တဲ့အတွက် မင်္ဂလာအခမ်းအနားများ ကျင်းပပြုလုပ်ဖို့အတွက် မိုးအဆက်မပြတ်ရွာမှုက အခက်အခဲဖြစ်စေနိုင်တဲ့ အကြောင်းတစ်ခုဖြစ်စေသလို မိုးရာသီကာလ သီးနှံစပါး စိုက်ပျိုးထားချိန်များဖြစ်လို့ စားဝတ်နေရေးအရလည်း အခက်အခဲ ဖြစ်နိုင်တဲ့အချက်ကြောင့်လည်း ဖြစ်နိုင်ပါတယ်။ ဒါကြောင့် မိုးတွင်ကာလ အိမ်ထောင်ပြုခြင်းကို မပြုလုပ်ကြဘဲ ရှောင်ကြဉ်ကြတာဖြစ်နိုင်ပါတယ်။ ဒီအစဉ်အလာများဟာ အခုခေတ်ရောက်လာတဲ့ အခါမှာတော့ ဗေဒင်ယတြာ ဓာတ်ရိုက်ဓာတ်ဆင် ဆရာများရဲ့ လက်ချက်ကြောင့် ၀ါတွင်းကာလ အိမ်ထောင်ပြုရင်ပဲ တစ်ခုခုဖြစ်နိုင်သလို၊ အိမ်ထောင်ရေးပဲ မတည်မြဲတော့သလို၊ တစ်ခုခုပဲ ထဖြစ်တော့မလို ပြောဆိုဟောပြောလာကြရာက ၀ါတွင်းကာလ အိမ်ထောင်မပြုရဆိုတဲ့ အစဉ်အလာ ယုံကြည်မှုကြီးက လွှမ်းမိုးသက်ရောက် လာခဲ့ကြတာလည်း ဖြစ်နိုင်ပါတယ်။

တကယ်တော့ ဘယ်အချိန် အိမ်ထောင်ပြုပြု အိမ်ထောင်ပြုသူ နှစ်ဦးရဲ့ အနေအထားကိုလိုက်ပြီး အိမ်ထောင်ရေး အဆင်ပြေမှု မပြေမှုဆိုတာ ဖြစ်ကြတာပါ။ ၀ါတွင်းကာလ အိမ်ထောင်ပြုမိလို့ အိမ်ထောင်ရေး အဆင်ပြေမှု မပြေမှု ဖြစ်ရတယ်ဆိုတာမျိုး မရှိပါဘူး။ ၀ါပမှာ အိမ်ထောင်ပြုသူတွေလည်း အိမ်ထောင်ရေး ပြဿနာတွေ အများကြီး ရှိနေကြပါတယ်။ အဓိကကတော့ တာဝန်ကိုယ်စီကျေပွန်ပြီး အကျင့်သီလ ကောင်းမွန်နေမှုကသာ အဓိကဖြစ်ပါတယ်။ ဘယ်အချိန် အိမ်ထောင်ပြုမှုက အဓိကမကျပါဘူး။ ဒါပေမယ့် အရိုးစွဲနေတဲ့ ယုံကြည်မှုဟာ အလွန်အမတန် ဖျောက်ဖို့ခက်လှပါတယ်။ အခုဆိုရင် မြန်မာနိုင်ငံ တစ်ဝှန်းလုံးလိုလို ၀ါတွင်းကာလ အိမ်ထောင်ပြုမှုကို ရှောင်ကြတာ များပါတယ်။ ဒါကို ဆန့်ကျင်ပြီး ဖောက်ထွက်ဖို့က အချိန်အများကြီး ယူရမယ့်အနေအထား ရှိပါတယ်။ နောက်တစ်ချက်က ဒီလို အိမ်ထောင်ပြု သားမွေးကိစ္စမျိုးဆိုတာဟာလည်း ဗုဒ္ဓဘာသာရဲ့ လွတ်မြောက်ရေးအရ ကြည့်ရင်အရေးကြီးတဲ့ အချက်မဟုတ်ပါဘူး။ ကာမဂုဏ်အာရုံကို အားပေးတဲ့ သဘောမျိုးလည်း သက်ရောက်ပါတယ်။ ဒါကြောင့်လည်း ဒီလို ၀ါတွင်းကာလ အိမ်ထောင်မပြုရဆိုတဲ့ အယူကြီး ရှိနေကြပေမယ့် ရဟန်းတော်များဘက်ကရော လူကြီးသူမများဘက်ကပါ အထူးတလည် အရေးပေးပြီး ပြောဆိုတွန်းလှန်ခြင်း မပြုကြခြင်း ဖြစ်နိုင်ပါတယ်။ ၀ါတွင်းကာလ အိမ်ထောင်မပြုရတဲ့ အတွက် သံသရာဒုက္ခဖြစ်စေတဲ့ အလုပ်မဟုတ်နိုင်လို့ ဒီအပေါ်မှာ အထူးအလေးထားခြင်း မရှိကြခြင်း ဖြစ်ပါတယ်။ တစ်ဘက်ကလည်း ဗုဒ္ဓဘာသာ ယုံကြည်မှု အားကောင်းလှတဲ့ မြန်မာနိုင်ငံဟာ သံဃာတော်များ အလေးအနက်ထားရာ ၀ါတွင်းကာလမှာ သာသနာ့ဝန်ထမ်းတွေတောင် ဒီလိုနေကြတာမဟုတ် ဗုဒ္ဓဘာသာဝင်များလည်း အိမ်ထောင်ပြု သားမွေးခြင်းများကို ရှောင်ကြဉ်ကြတယ်ဆိုတဲ့ အချက်ဟာ အကောင်းဘက်ကကြည့်ရင် ဂုဏ်ယူစရာ ကောင်းလှတဲ့အချက်ပါ။ ဒါပေမယ့် ဒီအချက်က ဘုရားဟောလို့၊ ဗေဒင်ယတြာဆရာတွေက ပြောလို့ အိမ်ထောင်မပြုကြဘူးလို့ နားလည်သတ်မှတ် ပြောဆိုကြတယ်ဆိုရင်တော့ မကောင်းပါဘူး။ ဘုရားရှင်အနေနဲ့ ၀ါတွင်းကာလ အိမ်ထောင် မပြုရဘူးဆိုတဲ့ အချက်ကို လုံးဝဟောကြားတော် မမူပါဘူး။ ဒီလို ဘုရားဟော မဟုတ်တာကို ဘုရားဟောသလိုမျိုး ပြောဆိုသတ်မှတ်ကြရင်လည်း အပြစ်ဖြစ်ကြပါတယ်။
ဒီနေရာမှာ ၀ါတွင်းကာလ အိမ်ထောင်မပြုခြင်းကို ဘုရားဟောလို့ မပြုတာလို့ မမှတ်ကြဘဲ ၀ါတွင်းကာလ အခိုက်အတန့်လေးမှာ ကိလေသာ အာရုံကာမဂုဏ်များ နည်းနေစေဖို့နဲ့ ကုသိုလ်ကောင်းမှုများ များများလုပ်ခွင့် ရစေဖို့ အိမ်ထောင်ပြုခြင်းကို မပြုကြခြင်း ဖြစ်တယ်လို့ လက်ခံယုံကြည်လိုက်ကြရင် အလွန်ကောင်းပါတယ်။ သေချာတာကတော့ ၀ါတွင်းကာလမှာ လူတွေလည်း အိမ်ထောင်မပြုရ၊ မေထုန်မပြုရ၊ ရှစ်ပါးသီလပဲ ဆောက်တည်ပြီး နေရမယ်ဆိုတာ သတ်မှတ်ဟောကြားချက် မရှိပါဘူးဆိုတာပါ။ မိမိတို့အနေဖြင့် ၀ါတွင်းကာလ အိမ်ထောင်ပြုလိုကလည်း ပြုနိုင်ကြပါတယ်။ ၀ါတွင်းကာလ အိမ်ထောင်ပြုလို့ အပါယ်ငရဲ လားရတယ်ဆိုတာ မရှိပါဘူး။ အိမ်ထောင်ကျပြီး အိမ်ထောင်ရေးဖောက်ပြန်လို့ ကာမေသုမိစ္ဆာစာရကံ ကျူးလွန်လို့ အပါယ်ငရဲ လားရတာပဲ ရှိပါတယ်။ ဒါကြောင့် ၀ါတွင်းကာလနဲ့ အိမ်ထောင်ပြုခြင်းသည် ဘာမှမသက်ဆိုင်တဲ့ အတွက် ဘုန်းကြီးတွေရဲ့ ၀ါဆိုချိန်ကြောင့် တို့တွေအိမ်ထောင်ပြုရေးကို ထိခိုက်တယ်ဆိုတာ မတွေးကြဖို့နဲ့ အိမ်ထောင်ပြုလိုက ၀ါတွင်းဝါပ အဓိကမကျဘဲ အိမ်ထောင်ကျပြီး နောက်ပိုင်းအိမ်ထောင်ရှင်နှစ်ဦးတို့ရဲ့ တာဝန်ကျေမှုနဲ့ အိမ်ထောင်ရေး မဖောက်ပြန်မှုကသာ အဓိကကျပါကြောင်း ထပ်လောင်းတင်ပြလိုက်ရပါတယ်။

Read more »

မချစ် မမုန်း အကောင်းဆုံး…

“ချစ်သောသူတို့နှင့်လည်း မပေါင်းလင့်၊ မုန်းသောသူတို့နှင့်လည်း မပေါင်းလင့်၊ ချစ်သောသူတို့ကို မမြင်ရခြင်းသည် ဆင်းရဲ၏၊ မုန်းသောသူတို့ကို မြင်ရခြင်းသည်လည်း ဆင်းရဲ၏၊ ထို့ကြောင့် လူကိုဖြစ်စေ ပစ္စည်းဥစ္စာကိုဖြစ်စေ ချစ်ခင်စွဲလန်းခြင်းကို မပြုရာ၊ ချစ်ခင်စွဲလန်းဖွယ်တို့နှင့် ကွေကွင်းရခြင်းသည်လည်း မကောင်းသည်သာတည်း၊ ချစ်ခြင်းမုန်းခြင်း မရှိသောသူတို့အား အနှောင်အဖွဲ့တို့သည် မရှိကြကုန်“ (ဓမ္မပဒ၊ ပိယ၀ဂ်၊ တယောဇန ပဗ္ဗဇိတ၀တ္ထု)
ဤစကားတော်သည်ကား မြတ်စွာဘုရားရှင်တော်မြတ် နှုတ်တော်မှထုတ်ဖော် ဟောကြားတော်မူခဲ့သည် တရားမြတ်ဖြစ်ပါ၏။ အချစ်အမုန်းကို အရှင်းဆုံးဖြစ်အောင် တိုတိုနဲ့လိုရင်းရောက်စေသည့် တရားစကားဖြစ်၏။ အချစ်အမုန်းရှိလျှင် ဆင်းရဲရှိနေမည်ဖြစ်သောကြောင့် မချစ်မမုန်းဘဲ နေနိုင်ခြင်းသည်သာ အကောင်းဆုံးဖြစ်ကြောင်း မိန့်တော်မူထား၏။ အချစ်ရှိလျှင် အပြစ်ရှိတတ်သကဲ့သို့ အမုန်းရှိလျှင်လည်း အရှုံးရှိတတ်ပြန်၏။ ချစ်လျှင်လည်း မကောင်း၊ မုန်းလျှင်လည်း မကောင်းသည့် လောကကြီးတွင် မချစ်မမုန်းခြင်းသည်သာ အကောင်းဆုံး ဖြစ်ပါ၏။


မြတ်စွာဘုရားရှင် သာဝတ္ထိပြည် ဇေတ၀န်ကျောင်းတော်မှာ သီတင်းသုံးတော်မူစဉ်က ဖြစ်ပါ၏။ သာဝတ္ထိပြည်ရှိ မိသားစုတစ်စုသည် မိသားစုလိုက် သာသနာ့ဘောင်သို့ ၀င်ရောက်ခဲ့ကြ၏။ ရှေးဦးစွား သားဖြစ်သူသည် ရဟန်းဘ၀ကို ရယူခဲ့၏။ ထို့နောက် ဖခင်ကြီးသည်လည်း သားနောက်လိုက်ကာ ရဟန်းပြုခဲ့၏။ လင်ယောက်ျားနှင့် သားမရှိတော့သဖြင့် မိခင်ဖြစ်သူသည်လည်း ဘိက္ခုနီမအဖြစ်ဖြင့် သာသနာ့ဘောင်သို့ ၀င်ရောက်ခဲ့တော့၏။ ထိုမိသားစု၏ သံယောဇဉ်ကား ကြီးမားလှ၏။ လူ့ဘ၀မှာပင် တစ်ဦးနှင့်တစ်ဦး သံယောဇဉ် ရှိကြသည်မဟုတ် သာသနာ့ဘောင် ရောက်လာချိန်အထိ သံယောဇဉ်က မပြတ်လှ။ ထို့ကြောင့် သူတို့သုံးဦးသည် တစ်ကျောင်းတည်းတွင် အတူစုပြီး နေထိုင်ကြ၏။ ထိုသူတို့၏ နေထိုင်သည့်ကျောင်းသည် သူတို့၏လူ့ဘ၀က အိမ်သဖွယ်ဖြစ်နေတော့၏။ အတူတကွ စားခြင်းသောက်ခြင်း စကားပြောခြင်းဖြင့်သာ အချိန်ကုန်နေကြ၏။ တစ်ကျောင်းတည်းတွင် မိသားစုလိုက် အတူတကွနေထိုင်ပြီး တရားအားမထုတ်ဘဲ အချည်းနှီး အချိန်ကုန်နေကြသည့်အပြင် အခြားသီတင်းသုံးဖော်များကိုပင် အနှောက်အယှက် ဖြစ်စေတော့၏။ ထို့ကြောင့် ရဟန်းတော်အချို့မှ ထိုအကြောင်းကို မြတ်စွာဘုရားရှင်အား လျှောက်ထားလိုက်၏။ ထိုအခါ ဘုရားရှင်မှ ထိုသူများအား ရှေ့တော်သို့ ခေါ်တော်မူပြီး “သင်တို့သည် သာသနာ့ဘောင်သို့ ၀င်ရောက်လာပြီး ထိုကဲ့သို့ အိမ်ထောင်စုတစ်စု အနေမျိုးဖြင့် အတူတကွ အချိန်အကြာကြီး နေထိုင်ခြင်းကို မပြုသင့်ကြောင်း၊ ချစ်ခင်သူများကို မမြင်ရခြင်း၊ မချစ်မနှစ်သက်သူများကို မြင်နေရခြင်း နှစ်မျိုးလုံးသည် ဒုက္ခဆင်းရဲ့ကိုသာ ဖြစ်စေကြောင်း၊ ထို့ကြောင့် သင်တို့သည် မည်သည့်သတ္တ၀ါ၊ မည်သည့်အရာဝတ္ထုအပေါ်ကိုမျှ တွယ်တာမှု သံယောဇဉ် မထားသင့်ကြောင်း“ စသည်ဖြင့် တရားစကား မိန့်ကြားတော်မူခဲ့၏။ ဒေသနာတော်အဆုံးတွင် ထိုမိသားစု သုံးဦးသည် သေတာပတ္တိဖိုလ်သို့ မျက်မှောက်ပြုသွားကြ၏။

မှန်၏။ ချစ်ခြင်း၊ မုန်းခြင်းဟူသည် တွယ်တာမှု သံယောဇဉ်ကြောင့် ဖြစ်၏။ တွယ်တာမှု သံယောဇဉ်၏ သဘောကား ထိုသံယောဇဉ်ကို မဖြတ်နိုင်သေးသမျှ ဆင်းရဲဒုက္ခကိုသာ ဖြစ်စေတော့၏။ လူဖြစ်စေ ရဟန်းဖြစ်စေ သံယောဇဉ် ဖြစ်မိပြီဆိုလျှင် ပူလောင်ဆင်းရဲကိုသာ ဖြစ်စေ၏။ အချို့က ချစ်ခြင်းကိုသာ သံယောဇဉ်ဟု ထင်မှတ်နေကြ၏။ စင်စစ် မုန်းခြင်းသည်လည်း သံယောဇဉ် တစ်မျိုးပင်ဖြစ်၏။ စာပေက ထိုအမုန်းသံယောဇဉ်ကို ပဋိဃသံယောဇဉ်ဟု ဆို၏။ တစ်စုံတစ်ယောက်ကို ချစ်မိပြီ သံယောဇဉ်ဖြစ်မိပြီဆိုလျှင် အချိန်ပြည့် ထိုသူ့ကိုသာ သတိရနေတတ်၊ ထိုသူ၏အကြောင်းကိုသာ စဉ်းစားနေတတ်၊ ထိုသူနှင့်ပတ်သက်သည်များကိုသာ မြင်ယောင်နေတတ်မိ၏။ ဤသဘောကား အချစ်သံယောဇဉ်ကြောင့် ဖြစ်သည့်သဘောဖြစ်၏။ ထို့အတူပင် တစ်စုံတစ်ယောက်ကို မုန်းမိပြီဆိုလျှင်လည်း ထိုသူ့အကြောင်း၊ ထိုသူနှင့်ပတ်သက်သည့် သတင်းစကား၊ ထိုသူမည်သို့မည်ပုံဖြစ်သည်၊ ထိုသူသည် မိမိအပေါ် မည်သိုမည်ပုံ ပြုမူဆက်ဆံ ပြောဆိုခဲ့သည် စသည်တို့ကိုသာ မကြာခဏ သတိရနေမိ၏။ ထို့ထက်ဆိုးသည်ကား ထိုသူသည် အခြားတစ်နေရာတွင် မိမိထက်အောင်မြင်နေသည်၊ မိမိထက်သာနေသည် စသည့်အသံများကြားရလျှင် ပို၍ပင် မခံချိမခံသာဖြစ်ကာ သူ့အပေါ် မကောင်းသည့်စိတ်ထားများဖြင့်သာ တစိမ့်စိမ့်တွေးတော မြင်ယောင်နေမိတော့၏။ ဤသည်မှာလည်း အမုန်းသံယောဇဉ်၏ သဘောပင်ဖြစ်၏။ မည်သည့် သံယောဇဉ်ဖြစ်ဖြစ် နောက်ဆုံး မိမိရလိုက်သည့် အကျိုးရလာဘ်သည်ကား ဆင်းရခြင်းတစ်ခုတည်းပင် ဖြစ်၏။ အချစ်သံယောဇဉ်ကြောင့် ချမ်းသာမှုကို ဖြစ်စေသည်၊ အမုန်းသံယောဇဉ်ကြောင့် ပီတိဖြစ်ရသည်ဟူသည် မရှိလှပေ။ ချစ်ခြင်းမုန်းခြင်း နှစ်ခုလုံး၏ အဆုံးသည်ကား ဆင်းရဲခြင်းသာ နိဂုံးဖြစ်နေပေ၏။ ထို့ကြောင့် မချစ်မမုန်းအကောင်းဆုံးဟု ဆိုခြင်းဖြစ်ပါ၏။

စင်စစ် ချစ်ခြင်းမုန်းခြင်း နှစ်ခုလုံးသည် သစ္စာသဘောဖြင့် ကြည့်လျှင် ဒုက္ခသစ္စာချည်းသာ ဖြစ်၏။ ဆင်းရဲကြောင်း အမှန်တရားသာ ဖြစ်၏။ မြတ်ဗုဒ္ဓက “အပ္ပိယေဟိ သမ္ပယောဂေါ ဒုက္ခော= မချစ်မနှစ်သက်သော သူများ၊ မဖြစ်မနှစ်သက်သော အရာများနှင့် အတူတကွ ပေါင်းသင်းနေထိုင်ရခြင်း“ သည်ဒုက္ခဖြစ်သကဲ့သို့ “ပိယေဟိ ၀ိပ္ပယောဂေါ ဒုက္ခော= ချစ်ခင်နှစ်သက် စုံမက်သူများ၊ ချစ်ခင်နှစ်သက်သော အရာများနှင့် သေကွဲရှင်ကွဲ ကဲရခြင်း“သည်လည်း ဒုက္ခပင်ဖြစ်ကြောင်း ဟောတော်မူ၏။ ထို့ကြောင့် မည်သည့်အရာ၊ မည်သည့်ပုဂ္ဂိုလ်ကိုမျှ တွယ်တာမှုမဖြစ်စေဘဲ မချစ်မမုန်း နေနိုင်အောင် ကြိုးစားသင့်ကြောင်း မိန်ကြားတော်မူခြင်း ဖြစ်၏။

ဘုရားရှင်၏ ထိုမိန့်တော်မူချက်သည် အမှန်ပင်ဖြစ်၏။ တွယ်တာမှု သံယောဇဉ်သည် ပူလောင်မှုကို ဖြစ်စေတတ်၏။ ပူလောင်မှုဖြစ်ပေါ်လာခြင်းသည် ချစ်ခြင်း၊ မုန်းခြင်းကြောင့်ဖြစ်၏။ အချစ်သံယောဇဉ်ဖြစ်စေ၊ အမုန်းသံယောဇဉ်ဖြစ်စေ သံယောဇဉ်ဖြစ်လာလျှင် နောက်ဆက်တွဲအဖြစ် ပူလောင်မှုသဘောက ပါလာပြီးဖြစ်၏။ ချစ်သဖြင့် ပူလောင်ရသကဲ့သို့ မုန်းသဖြင့်လည်း ပူလောင်ရ၏။ ဤနေရာတွင် အချစ်နှင့် မေတ္တာကို ကွဲပြားစွာ နားလည်သဘောပေါက်ရန် လိုအပ်၏။ တွယ်တာမှု တဏှာကြောင့် ဖြစ်ပေါ်လာသည့် ချစ်ခြင်းသည် ကာမရာဂဦးစီးသဖြင့် ပူလောင်စေ၏။ မေတ္တာ၏ ချစ်ခြင်းသည်ကား တွယ်တာမှု ကာမရာဂမပါ သူတပါးတို့၏ အကျိုးကိုလိုလာခြင်း စေတနာသက်သက်သာ ဦးစီးသဖြင့် အေးမြစေ၏။ အမုန်းသည်ကား မေတ္တာ၏ ဆန့်ကျင်ဘက်ဖြစ်သဖြင့် အမြဲတစေ ပူလောင်စေလေ၏။ သေချာတွေးကြည့်လိုက်လျှင် တွယ်တာမှု တဏှာသံယောဇဉ်ကြောင့် ဖြစ်ပေါ်လာသည့် ချစ်ခြင်းမုန်းခြင်းသည် အေးမြမှုကို မဖြစ်စေနိုင်သည်မှာ သေချာလှ၏။ သူတပါးအကျိုးကို လိုလားသည့် စေတနာကြောင့် ဖြစ်ပေါ်လာသည့် မေတ္တာသည်ကား အေးမြမှုကိုဖြစ်စေ၏။ ပီတိတရား တိုးပွားစေ၏။ ထို့ကြောင့် တွယ်တာမှုနှင့်တကွ ဖြစ်သည့် ချစ်ခြင်းအစား တွယ်တာမှုမပါ အကျိုးလိုလားမှု သက်သက်သော စေတနာနှင့်တကွဖြစ်သည့် မေတ္တာတရား များများပွားရန် လိုအပ်ပေ၏။

သို့သော် တွယ်တာမှု သံယောဇဉ် မကင်းသေးသည့် လောကကြီးတွင် ထိုသို့ မချစ်မမုန်းနေနိုင်အောင် ကြိုးစားရန်မှာ လွယ်ကူသည့် အလုပ်မဟုတ်ပေ။ အလွန်သဒ္ဓါတရား အားကောင်းပြီး အထူးကြိုးစား လေ့ကျင့်မှသာ ပြုပြင်လာနိုင်ကြမည် ဖြစ်၏။ ပြုပြင်ကြည့်မည်ဟူသည့် စိတ်ထားလေး ဖြစ်ရန်ရှေးဦးစွား ကြိုးစားသင့်၏။ မည်သည့်အရာမျှ မလုပ်သည်ထက်စာလျှင် အနည်းငယ်စလုပ်ကြည့်သည်က ပို၍ အကျိုးသက်ရောက်မှု ရှိစေ၏။ အဓိက အရေးကြီးသည်မှာ မည်သည့်ပုဂ္ဂိုလ်၊ မည်သည့်အရာ ၀တ္ထုအပေါ်ကိုမျှ သံယောဇဉ်မပိုမိကြရန် လိုအပ်၏။ အချစ်လည်းမပို အမုန်းလည်း မပိုရန် လိုအပ်လှ၏။ အချစ်ပိုလျှင် အပြစ်ပိုလာနိုင်သကဲ့သို့ အမုန်းပိုလျှင်လည်း အရှုံးပိုလာတတ်၏။ အချစ်ကြီးလျှင် အပြစ်ကြီးတတ်သကဲ့သို့ အမုန်းထူးလျှင်လည်း အရှုံးထူးတတ်၏။

ဤနေရာတွင် စာဖတ်သူများအနေဖြင့် မိမိတို့၏ ကိုယ်တွေ့လေးများဖြင့် ချိန်ထိုးကာ စဉ်းစားဆင်ခြင်နိုင်ကြ၏။ မိမိက တစ်စုံတစ်ယောက် သို့မဟုတ် တစ်စုံတစ်ခုကို ချစ်ခင်တွယ်တာမိသည့်အခါ ထိုသူထိုအရာ ၀တ္ထုအပေါ်တွင် မိမိစိတ်တိုင်းကျ ဖြစ်စေလိုသည့် သဘောများ ဖြစ်ပေါ်လာတတ်၏။ မိမိလိုချင်သည့် ပုံစံလေးများ ပေါ်ပေါက်စေလို၏။ မိမိနေထိုင်စေချင်၊ ပြောစေချင်၊ လုပ်ကိုင်စေချင်သည့် ပုံစံများကို မျှော်လင့်လာတတ်၏။ သို့သော် ထိုသို့ ဖြစ်မလာခဲ့။ အရာရာမမြဲခြင်း၊ မိမိအလိုအတိုင်း မဖြစ်ခြင်းဟူသော သဘောတရားကို ထည့်မစဉ်းစားမိသဖြင့် ဖြစ်စေချင်သည့်အတိုင်း ဖြစ်မလာသည့်အခါ ချစ်မိရာမှ အမုန်းဖြစ်လာတတ်၏။ အမုန်းဖြစ်လာလျှင် အပြစ်လည်း ဖြစ်လာလေ့ရှိတတ်၏။ ထိုအခါ အချစ်ကြီးလေ အမျက်ကြီးလေဖြစ်လာတတ်ပြီး အမျက်ကြီးလေ အပြစ်ကြီးလေလည်း ဖြစ်လာတတ်၏။ အချစ်ကြီးသဖြင့် အပြစ်ကြီးသည့် သဘောပင်ဖြစ်၏။ ဤသည်မှာ ချင်ခင်ခြင်းဟူသည့် တွယ်တာမှုကြောင့်ပင်ဖြစ်၏။ ထို့အတူ တစ်စုံတစ်ယောက် တစ်စုံတစ်ခုကို မုန်းမိပြီဆိုလျှင်လည်း ထိုအမုန်းသံယောဇဉ်ကြောင့် ထိုသူများထိုအရာများ၏ ပျက်ဆီးကြောင်းကိုသာ တွေးတောကြံစည်လာတတ်ကြ၏။ ထိုသူထိုအရာများနှင့် ပတ်သက်သည့် မကောင်းသည့် အကုသိုလ် အတွေးများကိုသာ မကြာမကြာဖြစ်ပေါ်စေပြီး ထိုစိတ်နှင့်ပင် တိုက်ဆိုင်တိုင်း၊ ကြုံကြိုက်တိုင်း နှိမ့်ချပြောဆို ပုတ်ခပ်မိစေတတ်၏။ စိတ်၏သဘောကလည်း အခက်သားပင်။ မုန်းမိပြီဆိုလျှင် ထိုသူဘာလုပ်လုပ်၊ ဘာပြောပြော မကောင်းဘက်ကသာ တွေးတောထင်မြင် နေတတ်၏။ ထိုသို့ မကောင်းအမြင် မကောင်းအတွေး ရှိနေသည့်အခါ မိမိကိုယ်တိုင်လည်း စိတ်မကြည်လင်ဖြစ်ပြီး ထိုမကြည်လင်သည့် စိတ်ကြောင့်ပင် ပြောဆိုလုပ်ကိုင်သည့် အရာများသည်လည်း မကြည်လင် မသန့်ရှင်းဖြစ်ကာ အမှားတွေသာ ဆက်တိုက်ဖြစ်စေတော့၏။ အမှားများလာပါက ကောင်းကျိုးသက်ရောက်မှု နည်းလာတတ်၏။ အကျိုးနည်းလာလျှင် တစ်ဖြည်းဖြည်း အရှုံးပေါ်လာတတ်၏။ အမှားများလေ အကျိုးနည်းလေဖြစ်ပြီး အကျိုးနည်းလာသည်နှင့်အမျှ အရှုံးများလာမည်ဖြစ်၏။ ထိုအရှုံးသည် ယခုဘ၀၌ပင် ရှုံးခြင်းဖြစ်လျှင်ကား ဖြေနိုင်သေး၏။ ဘ၀သံသရာအထိ ရှုံးလာမည်ဆိုပါက ဘ၀သည် စုန်းစုန်းမြုပ်လေတော့မည် ဖြစ်၏။ မြုပ်ပါများလျှင် ပြန်၍နှုတ်ရန် ခက်လာတတ်၏။ အောက်ဆုံးအထိ မြုပ်သွားမည်ဆိုလျှင်ကား နှုတ်ရန်အလွန် ခဲရင်းသွားစေလေတော့၏။ ထိုအခါ အထက်နှင့်လည်း ပို၍ပင် ဝေးဝေးသွားစေလေတော့၏။ အောက်ဆုံးနှင့် အထက်ဆုံးအဖြစ် အလွန်အလှမ်းကွာဝေးသွားတတ်၏။ စာစကားနှင့် ပြောလျှင်ကား အ၀ိစီနှင့် နိဗ္ဗာန်ဝေးသွားသကဲ့သို့ပင် ဖြစ်၏။ ဤသည်မှာ အမုန်းကြီးသဖြင့် အရှုံးကြီးသွားခြင်း သဘောပင်ဖြစ်၏။ ထို့ကြောင့် အပြစ်မကြီးရန်နှင့် အရှုံးမကြီးရန်အတွက် မချစ်မမုန်း အကောင်းဆုံးဟု ဆိုခြင်းဖြစ်ပါ၏။

အချုပ်အားဖြင့် တွယ်တာမှု တဏှာကြောင့် ဖြစ်ပေါ်တတ်သည့် ချစ်ခြင်းမုန်းခြင်းသည် သတ္တ၀ါတို့အား ငြိမ်းအေးမှုကို မဖြစ်စေဘဲ ပူလောင်မှုကိုသာ ဖြစ်စေသဖြင့် မည်သည့်ပုဂ္ဂိုလ်၊ မည်သည့်အရာအပေါ်ကိုမျှ အနှောင်အဖွဲ့မဖြစ်မိကြရန် လိုအပ်လှ၏။ ချစ်သဖြင့် ဒုက္ခဖြစ်ကြရသကဲ့သို့ မုန်းသဖြင့်လည်း ဒုက္ခဖြစ်တတ်၏။ ချစ်သဖြင့် အပြစ်ဖြစ်ကြသကဲ့သို့ မုန်းသဖြင့်လည်း အရှုံးဖြစ်တတ်ကြ၏။ အပြစ်ဖြစ်လျှင် အရှုံးဖြစ်တတ်သည်မှာ ဓမ္မတာဖြစ်၏။ ဤသည်မှာ အချစ်အမုန်းကြောင့် ဖြစ်ပေါ်လာသည့် အပြစ်အရှုံးပင် ဖြစ်၏။ အပြစ်သည် အကုသိုလ်ဖြစ်ပြီး အရှုံးသည် အကုသိုလ်၏ အကျိုးဖြစ်၏။ ထိုသဘော၏ အခြေခံအကြောင်းသည် တွယ်တာမှုတဏှာကြောင့် ဖြစ်၏။ ထို့ကြောင့် တိုတောင်းလှသည့် ဘ၀အခိုက်အတန့်တွင် ပူလောင်မှုကို ဖြစ်ပေါ်စေတတ်သည် တဏှာ၊ ထိုတဏှာကြောင့် ဖြစ်ပေါ်စေသည့် ချစ်ခြင်း၊ မုန်းခြင်းကို သတိဖြင့် ဆင်ခြင်ကာ နေရသည့်အခိုက် အကောင်းဆုံးနေနိုင်စေရန် မည်သည့်ပုဂ္ဂိုလ်၊ မည်သည့်အရာအပေါ်မျှ အနှောင်အဖွဲ မဖြစ်စေဘဲ မချစ်မမုန်းစနစ်ကို ကျင့်သုံးကြခြင်းဖြင့် အကောင်းဆုံး နေနိုင်အောင် ကြိုးစားသင့်ပါကြောင်း…

Read more »

အလှူကို အားရပါရလှူနိုင်ဖို့နဲ့…. တရားတွေကို နတ်တွေကြားအောင် နှုတ်ကရွတ်တာ ဓမ္မအလှူဖြစ် မဖြစ်…

Q. ဘုန်းဘုန်း
၁။ တပည့်တော် လှူရတာ ဝါသနာပါပါတယ်။ အခု ထေရဝါဒသာသနာ မရှိတဲ့နိုင်ငံ ရောက်နေတော့ အဝေးကနေ မြန်မာပြည်ထဲကို လှမ်းပြီး အလှူအတန်း လုပ်ပေမယ့် ကိုယ်တိုင် လက်နဲ့ လုပ်ရသလို အားမရပါဘူး။ ပီတိဖြစ်တာလဲ များသောအားဖြင့် ကိုယ်တိုင် လက်နဲ့လုပ်ရရင် ပိုဖြစ်တယ် ထင်ပါတယ်။ ဒါနကုသိုလ် များများဝဝ လုပ်ရအောင် ဘယ်လိုလုပ်ရမလဲ ဘယ်လိုဓိဌာန်ရမလဲဘုရား။
၂။ တရားတွေကို နတ်တွေ ကြားအောင် နှုတ်က ရွတ်တာ ဓမ္မအလှူပေးရာ ရောက်ပါသလား။ စိတ်ဝင်တစား တရားနာမယ့် နတ်တွေ အနားမှာ ရှိမရှိ မသိရင် ဘယ်လို လုပ်ရပါ့မလဲ။ ကိုယ်ပေးနေတဲ့အလှူကို ယူသူ ရှိမှ ရှိရဲ့လား သိချင်လို့ပါ။
ဝင်းရန်နိုင်


A. ၁။ အလှူဒါနပြုလုပ်တဲ့အခါ အလှူခံပုဂ္ဂိုလ်မရွေးဘဲ လှူတတ်တယ်၊ လှူလိုတယ်ဆိုရင်တော့ ဒကာတော် ရောက်နေတဲ့နေရာမှာလည်း အားရပါရ ကိုယ်ထိလက်ရောက် လှူနိုင်တဲ့ နေရာများ အများကြီးရှိပါတယ်။ ဥပမာ ဒုက္ခိတဂေဟာများ၊ ဘိုးဘွားရိပ်သာများ၊ သက်ကြီးရွယ်အို စောင့်ရှောက်ရေး နေရာများ စသည်ဖြင့် အများကြီး ရှိပါတယ်။ ထေရ၀ါဒ ရဟန်းသံဃာတော်များကိုမှ လှူချင်တယ်ဆိုရင်တော့ ကိုယ်အာရုံပြုလို့ ရမယ့်ကျောင်းတိုက်များကို သွားရောက်လှူခိုင်းပြီး အဝေးကပဲ အာရုံပြုကာ ပီတိပွားနိုင်အောင် ကြိုးစားနိုင်ပါတယ်။ တစ်ခါတစ်ရံ သိပ်သဒ္ဓါတရားကောင်းပြီး အာရုံပြုမှုကောင်းနေရင်လည်း တစ်ဆင့်လှူဒါန်းခိုင်းပြီး ပီတိဖြစ်အောင် လုပ်လို့ရပါတယ်။ ဘုရားလက်ထက်ကလို ကိုယ်ရှိတဲ့နေရာကို ကြွရောက်အလှူခံစေချင်ရင်တော့ ကိုယ့်ဘက်က အလွန်ပြည့်စုံအောင် ကြိုးစားရပါလိမ့်မ့်မယ်။ ကိုယ်ကျင့်တရားလုံးဝ ကောင်းမွန်အောင်၊ သရဏဂုံကောင်းကောင်းတည်နိုင်အောင်၊ ထက်သန်ပြင်းပြတဲ့ သဒ္ဓါတရားတွေနဲ့ ပြည့်စုံအောင်၊ ရှာဖွေထားတဲ့ ပစ္စည်းဥစ္စာ အလှူဝတ္ထုများဟာလည်း သမ္မာအာဇီဝကျပြီး သန့်ရှင်းအောင် စတဲ့ အချက်တွေနဲ့ ကြိုးစားပြီး နေ့စဉ်အဓိဋ္ဌာန်ပြုရင်တော့ အလှူခံပုဂ္ဂိုလ်များ တစ်နည်းနည်းနဲ့ ရောက်ရှိလာနိုင်ပါတယ်။

၂။ တရားတွေကို နတ်တွေကြားအောင် နှုတ်ကရွတ်တာ ဓမ္မအလှူပေးရာ ရောက်နိုင်ပါတယ်။ စိတ်ဝင်တစား နာတဲ့နတ်တွေလည်း ရှိနိုင်ပါတယ်။ အနီးကပ်ဆုံးကတော့ ကိုယ့်ခန္ဓာကိုယ်ကို စောင့်တဲ့ကိုယ်စောင့်နတ်များနဲ့ လောကပါလနတ်များ၊ ကောင်းတဲ့နတ်များဟာ ကောင်းမှုကုသိုလ်ပြုတဲ့သူရဲ့ အနားမှာ အမြဲရှိနေပါတယ်။ ကိုယ်ကိုယ်တိုင် မျက်စိနဲ့ မမြင်နိုင်ပေမယ့် အမျှယူသာဓုခေါ်ဖို့ ကိုယ့်အနားမှာ အမြဲရှိပါတယ်။ တစ်ခါတစ်ရံ သိပ်ပြီးသဒ္ဓါတရား အားကောင်းလာရင် မထင်မှတ်တဲ့ တိုက်ဆိုင်မှုများနဲ့ ကောင်းမှုကုသိုလ်ပြုတဲ့ သူကို နတ်များက စောင့်ရှောက်တတ်ပါတယ်။ ဒီတိုက်ဆိုင်မှုများကို ကြည့်ရင် ကိုယ့်အနားမှာ သူတော်ကောင်းတွေ၊ နတ်တွေအမြဲရှိတယ်ဆိုတာ မှန်းဆသိနိုင်ပါတယ်။ ကိုယ်လှူပေးနေတဲ့ အလှူကို ယူသူရှိမရှိ ဆိုတဲ့အချက်အတွက်ကတော့ သံသယဖြစ်စရာ မရှိပါဘူး။ အမြဲရှိနေပါတယ်။ တိုက်ရိုက်မျက်စိနဲ့ မမြင်နိုင်ပေမယ့် ဘ၀သံသရာမှာ ကျင်လည်ခဲ့တုန်းက တစ်ချိန်ချိန်က တော်စပ်ပတ်သက်ခဲ့ဖူးသူတွေဟာ ကိုယ့်ရဲ့အလှူကို အမြဲစောင့်မျှော်နေတယ်ဆိုတာ သေချာပါတယ်။ အကယ်၍ သူတို့မရနိုင်တာတောင်မှ ကိုယ့်အတွက်ကတော့ ဒီအလှူပေးတဲ့ကုသိုလ်က ရပြီးသားဖြစ်နေပါတယ်။ ဒါကြောင့် ကိုယ်အလှူပေးတာ ရသည်ဖြစ်စေ မရသည်ဖြစ်စေ ကိုယ်လုပ်ရမယ့် အလုပ်တစ်ခုအဖြစ်၊ ပြီးတော့ ကုသိုလ်ကို ကုသိုလ်နဲ့ ဆင့်တဲ့ အလုပ်တစ်ခုအဖြစ် ယုံကြည်စွာ ဆက်လက်လုပ်ဆောင်ပါလို့ တိုက်တွန်းပါတယ်။

Read more »

အာဇီဝဋ္ဌမကသီလနှင့် စပ်လျဉ်း၍…

Q. ဘုန်းဘုန်း ဖိုးသား တစ်ခု သိချင်လာလို့ပါ.. ၁) အာဇီဝဋ္ဌမက သီလနဲ့ ပုံမှန် ရှစ်ပါးသီလနဲ့ ဘယ်ဟာက ပိုမြတ်ပါသလဲ ဘုန်းဘုန်း.. ၂) အာဇီဝဋ္ဌမက သီလမှာ ၀ိကာလ ဘောဇနာမပါ၊ ပုံမှန် ရှစ်ပါးသီလမှာ ကျတော့ ကုန်းတိုက်၊ ကြမ်းတမ်း၊ အနှစ်မရှိတဲ့ စကားတွေ ပြောဆိုတာ ရှောင်ကြဉ်တာ စသဖြင့်မပါ၊ ဒါမှ မဟုတ် မုသာဝါဒ မှာပဲ အဲဒီ ကုန်းတိုက် စကားတွေ ဘာတွေ ရှောင်ကြဉ်တာ ပါသွားသလား ဘုန်းဘုန်း.. ၃) နောက် အာဇီဝဋ္ဌမက သီလနဲ့ ပုံမှန် ရှစ်ပါးသီလကို ရောသမမွှေပြီး စောင့်ထိန်းချင်သူအဖို့ ဘယ်လို လုပ်သင့်ပါသလဲ ဘုန်းဘုန်း၊ ၄) အာဇီဝဋ္ဌမက သီလရဲ့ နောက်ဆုံး အချက် မိစ္ဆာဇီဝါကိုရှောင်တာက အရက်သေစာ သောက်စားတာတွေပါ ရှောင်ကြဉ်တာ ပါတယ်လို့လည်း ပြောကြတယ်..အဲဒါကော ဟုတ်ပါသလား ဘုန်းဘုန်း။ ဖိုးသား သိချင်တာက သီလက သူ့ဟာသူနေရင်း မကျူးလွန်တာထက် ခံယူဆောက်တည်ပြီးမှ မကျူးလွန်တာကမှ သီလမည်တယ်၊ သီလဆောက်တည်တယ်လို့ ဖတ်ဖူးတော့.. ရောသမမွှေသီလကျတော့ ဘယ်လို ဆောက်တည်ရမလဲ ဘုန်းဘုန်း.. ဘုန်းဘုန်း အားရင်၊ အဆင်ပြေရင် ဖြေကြားပေးပါဦး.. ဖိုးသားကို
ဖိုးသားကြောင့် ဘုန်းဘုန်း အလုပ်အနှောင့်အယှက် ဖြစ်သွားရင် တောင်းပန်ပါတယ် ဘုန်းဘုန်း။ ဖိုးသား သိချင်လာလို့ပါ။
ဘုန်းဘုန်းကျန်းမာပါစေ
ရိုသေစွာဦးတင်လျက်
ဖိုးသား
စိန့်ပီတာစဘတ်၊ ရုရှား


A. မဟာဂန္ဓာရုံဆရာတော်ဘုရားကြီးရဲ့ အာဇီဝဋ္ဌမက သီလအဖွင့်ကို ကိုးကားပြီး ပြောရရင် “အသက်မွေးဝမ်းကျောင်းအတွက် ပစ္စည်းဥစ္စာ ရှာဖွေရသော အလုပ်အကိုင် အရောင်းအ၀ယ် ဟူသမျှကို ပါဠိလို အာဇီဝလို့ ခေါ်ပါတယ်။ မတရားသော ပစ္စည်းဥစ္စာရှာဖွေမှုကို မိစ္ဆာဇီဝလို့ ခေါ်ပါတယ်။ ရှစ်ပါးမြောက်ကို ပါဠိလို အဋ္ဌမလို့ ခေါ်ပါတယ်။ ပါဏာတိပါတာ ဝေရမဏိမှ စပြီးရေတွက်ပါက မိစ္ဆာဇီဝါ ဝေရမဏိသည် ၈ပါးမြောက်သိက္ခာပုဒ် ဖြစ်သဖြင့် မိစ္ဆဇီဝမှ ရှောင်ကြည်မှုလျှင် ရှစ်ပါးမြောက်ရှိသော သီလကို အာဇီဝဋ္ဌမကသီလလို့ ခေါ်ပါတယ်။
၁) အာဇီဝဋ္ဌမကသီလ ဆောက်တည်ပုံကို ပါဠိတော်နဲ့ အဋ္ဌကထာများမှာ တိုက်ရိုက်မပြကြပါ။ ငါးပါးသီလစသည် ဆောက်တည်ပုံကို နည်းယူ၍ ရှေးပညာရှိကြီးများက ဖော်ပြခဲ့တာဖြစ်တယ်လို့ ဆိုပါတယ်။ ရှစ်ပါးသီလနဲ့ ဒီအာဇီဝဋ္ဌမက သီလဘယ်ဟာက ပိုမြတ်သလဲ ဆိုတာထက် ရှစ်ပါးသီလဟာ ဥပုသ်နေ့များမှာ အထူးဆောက်တည်ရတဲ့ သီလမျိုးဖြစ်ပါတယ်။ ဒါကြောင့် ဥပေါသထသီလလို့ ဆိုခြင်းပါ။ ဒီအာဇီဝဋ္ဌမက သီလကတော့ ငါးပါးသီလလိုမျိုး ဆောက်တည်သည်ဖြစ်စေ မဆောက်တည်သည်ဖြစ်စေ ကျူးလွန်ရင် အပြစ်ရှိတဲ့ သီလမျိုးဖြစ်ပါတယ်။ ငါးပါးသီလဟာ သူတော်ကောင်းများ အမြဲစောင့်ထိန်းရမယ့် ကိုယ်ကျင့်သီလဖြစ်သလို အာဇီဝဋ္ဌမကသီလဟာလည်း အထက်တန်းသူတော်စင်တို့ အမြဲထိန်းရမယ့် ကိုယ်ကျင့်သီလဖြစ်ပါတယ်။ ဒါကြောင့် ဒီအာဇီဝဋ္ဌမကသီလကို ကျန်းဂန်များမှာ အာဒိဗြဟ္မစရိယသီလ (မဂ္ဂဗြဟ္မစရိယ၏ အစဖြစ်သောသီလ) လို့လည်း ခေါ်ပါတယ်။ အာဇီဝဋ္ဌမကသီလ လုံခြုံမှ မဂ်ဖိုလ်ရနိုင်ပြီး မလုံရင် မဂ်ဖိုလ်မနိုင်ဟု ဆိုပါတယ်။ ဒါကြောင့် ဒီအာဇီဝဋ္ဌမကသီလသည် မဂ်ဟူသော မြတ်သောအကျင့်၏ အစအခြေခံ သီလဖြစ်သည်ဟု မှတ်သားနိုင်ပါတယ်။

၂) အာဇီဝဋ္ဌမကသီလမှာ ၀ိကာလဘောဇနမပါတာဟာ ၀ိကာလာဘောဇနထက် ပိုပြီးအရေးကြီးတဲ့ အကုသိုလ်အပြစ်ကြီးတဲ့ သီလတွေကို အဓိကဦးစားပေး စောင့်ထိန်းစေလို၍ ဖြစ်တယ်လို့ နားလည်နိုင်ပါတယ်။ ရှစ်ပါးသီလမှာ ကုန်းတိုက်ချောပစ် အတင်းအဖျင်းများမှ ရှောင်ကြည်မှုဆိုတဲ့ သိက္ခာပုဒ်အမည်များသာ တိုက်ရိုက်မပါခြင်းဖြစ်ပါတယ်။ သီလဆောက်တည်ခြင်းရဲ့ အဓိကရည်ရွယ်ချက်က ကာယကံ ၀စီကံ အကုသိုလ်တွေ မဖြစ်အောင် ထိန်းပေးခြင်းဖြစ်တဲ့အတွက် မပါသော်လည်း ၀စီကံအပြစ် မဖြစ်အောင်ထိန်းရပါတယ်။ ရှစ်ပါးသီလလို့ ခေါ်တဲ့ ဥပုသ်သီလဟာ သာမန်ပုဂ္ဂိုလ်များ ဥပုသ်နေ့များမှာ အထူးစောင့်စေလိုတဲ့အတွက် သတ်မှတ်ထားချက်ဖြစ်ပြီး အာဇီဝဋ္ဌမက သီလကတော့ အဆင့်မြင့်သူတော်စင်များ အမြဲစောင့်ထိန်းရမယ့် သီလသတ်မှတ်ချက်ဖြစ်ပါတယ်။ ဒါကြောင့် ဥပုသ်သီလမှာ အာဇီဝဋ္ဌမကသီလမှာပါတဲ့ စောင့်ထိန်းရခက်တဲ့ သီလများမပါဘဲ အာဇီဝဋ္ဌမက သီလမှာတော့ အသေးအဖွဲဖြစ်တဲ့ ၀ိကာလစတဲ့ သီလများ မပါခြင်းဖြစ်ပါတယ်။ ဘယ်မှာပါသည်ဖြစ်စေ မပါသည်ဖြစ်စေ အဓိကကတော့ သီလစောင့်ထိန်းမှုဟာ ကာယက၀စီကံ အမှုတွေမကျူးလွန်မိအောင် ထိန်းပေးခြင်းဖြစ်တဲ့အတွက် ကာယကံ ၀စီကံအမှုများကိုသာ ကောင်းအောင်ကျိုးစားနေရင် ဒီသီလအမျိုးမျိုးကို ထိန်းပြီးသားဖြစ်နေမှာပါ။

၃) အာဇီဝဋ္ဌမကသီလနဲ့ ရှစ်ပါးသီလကို ရောသမမွေပြီး စောင့်ထိန်းလိုပါက နှစ်ခုလုံးမှာပါတဲ့ သီလတွေကို မလွတ်အောင် စောင့်ထိန်းလိုက်ရုံပါပဲ။ သိပ်ရှုပ်နေမယ်ထင်ရင်တော့ မိမိရဲ့ ကာယကံဝစီကံနဲ့ ပတ်သက်တဲ့ အပြစ်တွေမဖြစ်အောင်သာ လုံခြုံအောင်ထိန်းလိုက်ပါ။ ဒါဆိုရင် ဒီသီလနှစ်မျိုးကို တစ်မျိုးစီ ဆောက်တည်နေတယ်လို့လည်း ပြောလို့ရသွားသလို ဒကာလေးပြောသလို ရောသမမွှေပြီး စောင့်တယ်လို့လည်း ပြောလို့ရသွားပါပြီ။

၎) အထက်မှာ ပြောခဲ့သလိုပဲ မိစ္ဆာဇီဝဆိုတာ မကောင်းသဖြင့် အသက်မွေးတာ၊ မတရားသဖြင့် အသက်မွေးတာလို့ ဆိုတဲ့အတွက် မိစ္ဆာဇီဝမှ ရှောင်ကြည်တာဟာ မကောင်းတဲ့ မတရားတဲ့ အသက်မွေးမှုမှ ရှောင်ကြည်တာပါ။ အရက်သေစာ သောက်စားမှုမှ ရှောင်ကြည်တာလို့ တိုက်ရိုက်မပြောသော်လည်း မိစ္ဆာဇီဝမှ ရှောင်ကြည်မှုမှာ အရက်သေစာသောက်စားမှုမှ ရှောင်ကြည်မှုကိုလည်း ထည့်သွင်းယူနိုင်ပါတယ်။ အရက်သောက်ပြီဆိုကတည်းက ကောင်းတဲ့အသက်မွေးမှုလို့ ပြောလို့မရနိုင်ပါဘူး။ မကောင်းသဖြင့် အသက်မွေးမှုလို့ ပြောလို့ရပါတယ်။ ဒါကြောင့် အရက်သေစာသောက်စားမှုကိုလည်း မိစ္ဆာဇီဝထဲမှာ ထည့်သွင်းယူနိုင်ပါတယ်။

မှန်ပါတယ်။ သီလဟာ ခံယူဆောက်တည်ပြီး စောင့်ရတဲ့သီလရှိသလို ခံယူသည်ဖြစ်စေ မယူသည်ဖြစ်စေ စောင့်ရမယ့် သီလမျိုးလည်း ရှိပါတယ်။ ခုနပြောခဲ့သလို ငါးပါးသီလနဲ့ အာဇီဝဋ္ဌမကသီလတွေကတော့ ခံယူသည်ဖြစ်စေ မယူသည်ဖြစ်စေ စောင့်ရမှာဖြစ်ပြီး ဥပုသ်သီလမျိုးကတော့ သီးသန့်ခံယူပြီး စောင့်ထိန်းရမှာဖြစ်ပါတယ်။ ရောသမမွေသီလကို ခံယူဆောက်တည်လိုရင်တော့ ကိုယ်ခံယူလိုတဲ့ သီလအရေအတွက်ကို လိုက်ပြီး ငါးပါးသီလ ခံယူပုံအတိုင်း “အဟံ ဘန္တေ တိသရဏေန သဟ ပဉ္စသီလံ (ရှစ်ပါးဆိုရင် အဋ္ဌင်္ဂသမ္ပန္နာဂတသီလံ၊ ကိုးပါးဆိုရင် န၀င်္ဂသမ္ပန္နာဂတသီလံ စသည်) ဓမ္မံ ယာစာမိ အနုဂ္ဂဟံ ကတွာ သီလံဒေထ မေ ဘန္တေ စသဖြင့် ခံယူဆောက်တည်နိုင်ပါတယ်။ ပြီးတော့မှ စောင့်လိုတဲ့ သီလသိက္ခာပုဒ်များကို ပါဏာတိပါတာ ဝေရမဏိသိက္ခာပဒံ သမာဓိယာမိ စသည်ဖြင့် ဆောက်တည်နိုင်ပါတယ်။

အင်း… ဒကာလေး မေးလို့သာ အားလုံးကို ပြည့်စုံအောင် ဖြေပေးလိုက်ရတာပါ။ ရောသမမွေဆိုတဲ့ စကားလုံး အသုံးကိုတော့ သဘောမကျပါဘူး။ သီလဆောက်တည်မှုကို ကိုယ်လုပ်ချင်သလို ဟိုရွေ့ဒီရွေ့ ဟိုပြောင်းဒီပြောင်း ဟိုပေါင်းဒီပေါင်း လုပ်တာမျိုးမဖြစ်ပါစေနဲ့။ သိပ်ရှုပ်နေတယ်ထင်ရင် ခုနပြောသလို ကိုယ့်ရဲ့ ကာယကံ၊ ၀စီကံတွေကိုသာ အကောင်းဆုံးဖြစ်အောင် လုံခြုံအောင်စောင့်ထိန်းဖို့ ကြိုးစားကြည့်ပါ။

Read more »


RECENT POSTS

သူတုို့သူတုို့၏ မှတ်ချက်များ

အမှတ်တရ ပုံရိပ်များ