မိဘကျေးဇူးဆပ်လိုသော်…

မိဘများဟာ အနန္တဂိုဏ်းဝင် ကျေးဇူးရှင်များ ဖြစ်ကြပါတယ်။ “လက်ဦးဆရာ မည်ထိုက်စွာ ပုဗ္ဗာစရိယ မိနဲ့ဘ“လို့ ဆိုသလိုပဲ မိဘများဟာ သားသမီးများရဲ့ လက်ဦးဆရာလည်း ဖြစ်ပါတယ်။ မိဘများရဲ့ ကျေးဇူးတရားဟာ များလွန်းလှတဲ့အတွက် ဆပ်လို့တောင် မကုန်နိုင်ပါဘူး။ မိဘများဟာ သားသမီးများ ကြီးပွားတိုးတက်လာအောင် စောင့်ရှောက်ကြသူ၊ မွေးကျွေးကြသူ၊ လောကကို မျက်စိပွင့်စေသူ၊ လောကကို ပြသပေးသူများ ဖြစ်ကြပါတယ်။ တခြားအရာတွေမတွေးဘဲ မိခင်ဝမ်းထဲမှာ အပြစ်အနာအဆာ ကင်းအောင် ကိုးလလုံးလုံး လွယ်ထားပေးတဲ့ ကျေးဇူးကပင် ဆပ်မကုန်နိုင်ပါဘူး။ ၀မ်းဗိုက်ထဲမှာရှိတဲ့ ရင်သွေးလေး အန္တရာယ်မဖြစ်အောင် စားချင်တာလည်း မစား၊ သွားချင်တာလည်း မသွား၊ လုပ်ချင်တာလည်း မလုပ်ဘဲ နေထိုင်ပေးရတဲ့ မိခင်၊ မိခင်ကိုယ်ဝန်ဆောင်နေချိန်မှာ စားရေးသောက်ရေး နေရေးထိုင်ရေး ကျန်းမာရေးကအစ အစစ အရာအရာ အဆင်ပြေအောင် ကြိုးစားလုပ်ကိုင် ရှာဖွေစောင့်ရှောက်ပေးတဲ့ ဖခင်။ ဒီမိဘတွေရဲ့ ကျေးဇူးတရားဟာ အမေ့ဗိုက်ထဲမှာ နေခဲ့ရတဲ့ ကိုယ့်ဘ၀လေးအပေါ် ဒီလိုစောင့်ရှောက် ခဲ့ပါလားလို့ တွေးမိရုံလေးနဲ့တင် ကျေးဇူးတရားဟာ ဆပ်မကုန်လှပါဘူး။ တစ်ချိန်ချိန် ကိုယ်ကိုယ်တိုင် မိဘနေရာကို ရောက်လာတဲ့အခါမှာ ဒီကျေးဇူးတရားတွေက ပိုပြီး ထင်ရှားလာတတ်ပါတယ်။

ဘယ်လိုပဲဖြစ်ဖြစ် မိဘရဲ့ ကျေးဇူးတရားက ဆပ်မကုန်နိုင်အောင် များပြားလှတဲ့အတွက် မိဘများ အသက်ရှင်နေချိန်မှာ ကြိုးစားပြီး ဆပ်သင့်ပါတယ်။ “မိဘကို မသေခင် ကျွေးပါ၊ သေမှ ငိုမနေပါနဲ့“လို့ ဆိုကြသလို မသေခင် ကျေးဇူးတရားတွေ တတ်နိုင်သမျှ ဆပ်ပေးသင့်ပါတယ်။ မိဘကျေးဇူးဟာ အရမ်းကြီးတဲ့အတွက် ကျေအောင်ဆပ်ဖို့ မလွယ်လှပါဘူး။ ဒါပေမယ့် အကောင်းဆုံး ကျေးဇူးဆပ်နည်းတော့ ရှိပါတယ်။ အဲဒီနည်းကတော့ ဗုဒ္ဓအလိုကျ ကျေးဇူးဆပ်နည်းပါ။

ဗုဒ္ဓက “သားသမီး ဖြစ်သောသူသည် အသက်တစ်ရာတန်း၌ဖြစ်၍ အသက်တစ်ရာပတ်လုံး ပခုံးတစ်ဖက်ဖြင့် အမိကိုဆောင်ကာ ပခုံးတစ်ဖက်ဖြင့် အဖကိုဆောင်၍ ပြုစုလုပ်ကျွေးခြင်း၊ အမိအဖတို့အား အနံ့အသက်ကင်းအောင် အမွေးအကြိုင်လိမ်းပေးခြင်း၊ အညောင်းအညာပြေအောင် နှိပ်နယ်ပေးခြင်း၊ ရေပူရေအေးဖြင့် ရေချိုးပေးခြင်း၊ ခြေဆုပ်လက်နယ်ပြုပေးခြင်း ယုတ်စွအဆုံး ကျင်ကြီးကျင်ငယ်ကိုပင် မိမိ၏ ပခုံးထက်၌ စွန့်ကုန်စေခြင်း၊ များစွာသော ရတနာရှိသော မဟာပထ၀ီမြေကြီးကို အုပ်ချုပ်စိုးပိုင်သော မင်းစည်းစိမ်း၌ မိဘတို့ကို ခံစားတည်နေစေခြင်း စသည့် ကျေးဇူးဆပ်နည်းတို့ဖြင့် ကျေးဇူးဆပ်ပါသော်လည်း မိဘတို့အား ကျေးဇူးပြုခြင်း၊ ကျေးဇူးတုံ့ပြန်ခြင်းသည် မဖြစ်နိုင်သေးကြောင်း၊ စင်စစ် သဒ္ဓါတရား မရှိသော အမိအဖတို့ကို သဒ္ဓါတရားနှင့် ပြည့်စုံခြင်းငှါ ဆောက်တည်စေခြင်း၊ သက်ဝင်စေခြင်း၊ တည်စေခြင်း သီလမရှိသော အမိအဖတို့ကို သီလနှင့်ပြည့်စုံခြင်းငှါ ဆောက်တည်စေခြင်း၊ သက်ဝင်စေခြင်း၊ တည်စေခြင်း၊ ၀န်တိုခြင်း မစ္ဆရိယ ရှိကုန်သော အမိအဖတို့ကို စွန့်ကြဲပေးကမ်းခြင်းနှင့် ပြည့်စုံခြင်းငှါ ဆောက်တည်စေခြင်း၊ သက်ဝင်စေခြင်း၊ တည်စေခြင်း၊ ပညာမဲ့သော အမိအဖတို့ကို ပညာနှင့်ပြည့်စုံခြင်းငှါ ဆောက်တည်စေခြင်း၊ သက်ဝင်စေခြင်း၊ တည်စေခြင်း စသည့် ကျေးဇူးဆပ်နည်းတို့ဖြင့် ကျေးဇူးဆပ်ခြင်းသည်သာ မိဘတို့အား ကျေးဇူးဆပ်ခြင်း၊ ကျေးဇူးတုံ့ပြန်ခြင်း ဖြစ်ကြောင်း” (အင်္ဂတ္တရနိကာယ်၊ ဒုကနိပါတ်၊ သမစိတ္တ၀ဂ်၊ ) မိန့်တော်မူပါတယ်။

မှန်ပါတယ်။ ဗုဒ္ဓဘုရားရှင် မိန့်တော်မူတဲ့ နည်းအတိုင်း မိဘကျေးဇူး ဆပ်နည်းကတော့ အကောင်းဆုံး ကျေးဇူးဆပ်နည်းပါပဲ။ ဘာဖြစ်လို့လဲဆိုတော့ မိဘများ သက်ရှိထင်ရှား ရှိတုန်းမှာ လိုလေသေးမရှိ ချမ်းသာအောင် ကျွေးမွေးစောင့်ရှောက်ပေးတဲ့နည်းနဲ့ ကျေးဇူးဆပ်တာဟာ အလွန်ကျေးဇူးများပေမယ့် ဒီလို ကျွေးမွေးပြုစုပေးခြင်းဟာ တစ်ဘ၀ချမ်းသာရုံလောက်ပဲ ကျေးဇူးပြုပေးရာရောက်ပြီး သဒ္ဓါ၊ သီလ၊ စာဂ၊ ပညာတရားများ တည်လာအောင် ကျေးဇူးဆပ်ပေးတာကတော့ သံသရာမှသည် နိဗ္ဗာန်အထိ ရောက်အောင် ကျေးဇူးဆပ်ပေးရာ ရောက်တဲ့အတွက်ကြောင့်ပဲ ဖြစ်ပါတယ်။

တစ်ခါတစ်ရံ တစ်ချို့ မိဘတွေဟာ သားသမီးများရဲ့ ထောက်ပံ့မှုများအပေါ်မှာ သာယာပြီး ဘာသာရေး လုပ်ငန်းတွေမှာ မေ့လျော့ကာ တစ်ခြားကိစ္စများမှာပဲ အချိန်ကုန်နေတတ်တာ ရှိတတ်ပါတယ်။ အသက်အရွယ် ရလာပေမယ့် ဘာသာရေးအပေါ် သားသမီးများလောက် စိတ်ဝင်စားခြင်းမရှိတဲ့ မိဘများလည်း ရှိတတ်ပါတယ်။ ပင်ကိုယ်က သဒ္ဓါတရား ဓာတ်ခံအားနည်းတဲ့ တချို့မိဘတွေဆို သားသမီးများ ဘာသာရေးအပေါ် စိတ်ဝင်တစား ရှိနေတာ၊ ဒါန၊ သီလ၊ ဘာဝနာ အမှုတွေမှာ အားတတ်သရော ရှိနေတာတွေ အပေါ်မှာတောင် အမြင်မကြည် ဖြစ်တတ်တာတွေလည်း ရှိပါတယ်။ အဲဒီလို မိဘတွေအပေါ်မှာ ပစ္စည်းဥစ္စာ ထောက်ပံ့ရုံတင် မဟုတ်ဘဲ ဘာသာရေးအပေါ် စိတ်ဝင်စားလာအောင်လည်း ဆွဲဆောင်ပေးသင့်ပါတယ်။ အဝေးကနေပြီး “အဖေတို့ အမေတို့ရေ… သားအတွက်.. သမီးအတွက် ဒါလေးတော့ ကိုယ်တိုင်ကိုယ်ကျ သွားလှူပေးပါ… ဘာလေးတော့ ဘယ်ကျောင်းမှာ ဘယ်ဆရာတော်ထံမှာ လှူပေးပါ… သားတို့ သမီးတို့ မသိသေးတဲ့ ဒီဘာသာရေး မေးခွန်းလေးတော့ မေးပေးပါ..” စတဲ့နည်းများနဲ့ လှူဖွယ်ပစ္စည်းလည်းပေး သူတို့ကိုယ်တိုင်လည်း ကိုယ်ထိလက်ရောက် လုပ်စေခြင်းဖြင့် ဘာသာရေး အပေါ်မှာ အာရုံစိုက်လာအောင် လုပ်ကြည့်စေချင်ပါတယ်။ အဲဒီလို ကျောင်းကန်ဘုရားနဲ့ နီးလာတဲ့အခါ၊ ရဟန်းသံဃာတော်များနဲ့ အကျွမ်းတ၀င် ရှိလာတဲ့အခါ၊ သူတို့ကိုယ်တိုင် ဘာသာရေးနဲ့ နီးစပ်ဖို့ အချိန်တန်လာတဲ့အခါ ဘာသာရေး စိတ်မ၀င်စားတဲ့ မိဘတွေလည်း ဘာသာရေးအပေါ် အာရုံထားလာ တတ်တာလေးတွေ ရှိတတ်ပါတယ်။ အဖေအမေတို့ လုပ်ချင်တာလုပ်ပါဆိုပြီး ထောက်ပံ့ပေးလိုက်တာထက်စာရင် တစ်ဘက်ကလည်း ဘာသာရေး အပေါ်စိတ်ဝင်စားလာအောင် စည်းရုံးနိုင်မယ်ဆိုရင် မိဘများအပေါ် ပစ္စုပ္ပန်ဘ၀မှာလည်း ကျေးဇူးဆပ်ရာ ရောက်သလို သံသရာအတွက်လည်း ရိက္ခာထုတ်ပေးရာ ရောက်ပါတယ်။ ဒီလို ဘာသာရေးဘက်ကနေ ကျေးဇူးဆပ်တဲ့နည်းကသာ ဗုဒ္ဓအလိုကျ ကျေးဇူးဆပ်နည်း ဖြစ်ပါတယ်။

ဒါကြောင့် ကျေးဇူးကြီးမားလှတဲ့ မိဘကျေးဇူးကို ဆပ်လိုတဲ့ သူများဟာ ဗုဒ္ဓမိန့်တော်မူတဲ့ နည်းအတိုင်း ကျေးဇူးဆပ်သင့်လှပါတယ်။ “ဘုရားတောင်မှ မိဘကျေးဇူးကို နို့တစ်လုံးဘိုးပဲ ကျေအောင် ဆပ်သွားနိုင်တာပဲ..“ ဆိုတဲ့ အခြေအမြစ်မရှိတဲ့ စကားများအပေါ်မှာ အစွဲတရား မထားကြဘဲ ဒီဘ၀မှာပဲ မိဘကျေးဇူးကို သဒ္ဓါ၊ သီလ၊ စာဂ၊ ပညာတရားများ ပြည့်စုံတိုးတက်အောင် လုပ်ပေးပြီး ဆပ်နိုင်အောင် ကြိုးစားသင့်ပါတယ်။ တကယ်တော့ ဗုဒ္ဓဟာ မိဘကျေးဇူးကို အကြွင်းအကျန်မရှိ ကျေအောင်ဆပ်သွားနိုင်သူပါ။ မိဘနှစ်ပါးကို အရိယာများဖြစ်အောင် လုပ်ပေးပြီး နိဗ္ဗာန်လမ်းပေါ်ကို ရောက်အောင် ပို့ဆောင်ပေးခဲ့တဲ့ အနှိုင်းမဲ့ အရှင်မြတ်ပါ။ ဗုဒ္ဓဟာ မိဘတွေကို ပစ္စည်းဝတ္ထုများနဲ့ ကျေးဇူးဆပ်သွားတာ မဟုတ်ဘဲ ဓမ္မနဲ့ ကျေးဇူးဆပ်သွားတာ ဖြစ်တဲ့အတွက် မိဘကျေးဇူး အထူးဆပ်လိုသူများ အနေဖြင့် ဗုဒ္ဓထုံးကို နှလုံးမူကာ ဒီဘ၀မှာပဲ မိဘကျေးဇူးကို အာမိသဆိုတဲ့ ပစ္စည်းဥစ္စာ ပေးကမ်းထောက်ပံ့ခြင်းနဲ့ ကျေးဇူးဆပ်ရုံတင်မဟုတ်ဘဲ ဓမ္မဆိုတဲ့ တရားတော်နဲ့ ကျေးဇူးဆပ်နည်းကိုလည်း မိဘများအတွက် ပစ္စုပ္ပန် သံသရာ နှစ်ဖြာကောင်းအောင် ကြိုးစားပေးဆပ်သင့်ပါကြောင်း စေတနာစကားနဲ့ တိုက်တွန်းလိုက်ရပါတယ်…
.

Read more »

အလှူဒါနပြုလုပ်ရာတွင် မရိုမသေ ပေးလှူခြင်းနှင့် ရိုရိုသေသေ ပေးလှူခြင်း၏ အကျိုးပေးခြားနားချက်….

တစ်စုံတစ်ယောက်သည် (လှူဖွယ်ပစ္စည်းက) ယုတ်ညံ့သည် (တန်ဘိုးနည်းသည်)ဖြစ်စေ မြင့်မြတ်သည်ဖြစ်စေ အလှူကို ပေးလှူသည့်အခါ ထိုအလှူကို မရိုမသေ လှူပါမူ၊ စိတ်မပါပဲ လှူပါမူ၊ မိမိလက်ဖြင့် ကိုယ်တိုင်မဟုတ်ဘဲ လှူပါမူ၊ လွှင့်ပစ်သကဲ့သို့ လှူပါမူ၊ ကံကံ၏ အကျိုးရှိ၏ဟု အယူမရှိဘဲ လှူပါမူ ထိုအလှူ၏ အကျိုးဖြစ်လေရာတိုင်း၌ မွန်မြတ်သော အစာကို သုံးဆောင်ရန် စိတ်မညွတ်၊ မွန်မြတ်သော အ၀တ်ကို သုံးဆောင်ရန် စိတ်မညွတ်၊ မွန်မြတ်သော ယာဉ်ကိုသုံးဆောင်ရန် စိတ်မညွတ်၊ မွန်မြတ်သော ကာမဂုဏ်ငါးပါးတို့၌ သုံးဆောင်ရန် စိတ်မညွတ်၊ ထိုအလှူရှင်၏ သားမယား ကျွန်အစေခံ အလုပ်သမားတို့သည်လည်း (ပြောစကားကို) မနာခံကုန်၊ နားမထောင်ကုန်၊ သိရန်စိတ်ကို မထားကုန်။ ထိုသို့ ဖြစ်ခြင်းသည် အဘယ့်ကြောင့်နည်း ဟုမူကား “မရိုမသေ ပြုမူအပ်သော (ကောင်းမှု)ကံတို့၏ အကျိုးသည် ဤသို့ ဖြစ်တတ်သောကြောင့်တည်း”။

(အပြန်အားဖြင့်) တစ်စုံတစ်ယောက်သည် (လှူဖွယ်ပစ္စည်းက) ယုတ်ညံ့သည်ဖြစ်စေ မြင့်မြတ်သည်ဖြစ်စေ အလှူကို ပေးလှူသည့်အခါ ရိုရိုသေသေ လှူပါမူ၊ စိတ်ပါဝင်စားစွာ လှူပါမူ၊ မိမိလက်ဖြင့် ကိုယ်တိုင်ကိုယ်ကျ လှူပါမူ၊ လွှင့်ပစ်သကဲ့သို့ မဟုတ်ဘဲ လှူပါမူ၊ ကံကံ၏အကျိုးရှိ၏ဟု အယူရှိ၍ လှူပါမူ ထိုအလှူ၏ အကျိုးဖြစ်လေရာတိုင်း၌ မွန်မြတ်သော အစာကို သုံးဆောင်ရန် စိတ်ညွတ်၏၊ မွန်မြတ်သော အ၀တ်ကို သုံးဆောင်ရန် စိတ်ညွတ်၏၊ မွန်မြတ်သော ယာဉ်ကို သုံးဆောင်ရန် စိတ်ညွတ်၏၊ မွန်မြတ်သော ကာမဂုဏ်ငါးပါးတို့၌ သုံးဆောင်ရန် စိတ်ညွတ်၏၊ ထိုအလှူရှင်၏ သားမယား ကျွန်အစေခံ အလုပ်သမားတို့သည်လည်း ပြောစကားကို နာခံကုန်၏၊ နားထောင်ကုန်၏၊ သိရန်စိတ်ကို ထားကုန်၏။ ထိုသို့ဖြစ်ခြင်းသည် အဘယ့်ကြောင့်နည်း ဟုမူကား “ရိုရိုသေသေ ပြုအပ်သော (ကောင်းမှု)ကံတို့၏ အကျိုးသည် ဤသို့ ဖြစ်တတ်သောကြောင့်တည်း”..။ (အံ၊ ၉၊ ဝေလာမသုတ်)

Read more »

ရဟန်းဘ၀နဲ့ အနေသနအမှု…

ရဟန်းဘ၀ဆိုတာ ရခဲတဲ့ ဒုလ္လဘတစ်ခုပါ။ ပြောရရင်တော့ ရဟန်းဘ၀ ရနေတာဟာ ဒုလ္လဘတရား ငါးပါးနဲ့ အကုန်ပြည့်စုံနေတာလို့ ပြောလို့ရပါတယ်။ သိတဲ့အတိုင်းပဲ ဘုရားပွင့်ဖို့ဆိုတာ ရခဲခြင်း၊ လူ့ဘ၀ဆိုတာ ရခဲခြင်း၊ သဒ္ဓါတရားနဲ့ ပြည့်စုံဖို့ဆိုတာလည်း ရခဲခြင်း၊ ရဟန်းဘ၀ဆိုတာလည်း ရခဲခြင်း နောက်ဆုံး သူတော်ကောင်းတရားကို ကြားနာဖို့ဆိုတာလည်း ရခဲခြင်းဆိုတဲ့ ဒီဒုလ္လဘ တရားငါးပါးမှာ ရဟန်းဘ၀ကိုသာ ရနေပြီဆိုရင် ကျန်တဲ့ဒုလ္လဘ တရားများလည်း အကုန်ရနေသလိုပါပဲ။ ဘာဖြစ်လို့လည်းဆိုတော့ ဘုရားရှင်ပွင့်မှ သာသနာဆိုတာ ရှိနေတာဖြစ်ပြီး ရဟန်းဘ၀လည်း ရနိုင်တာဖြစ်ပါတယ်။ ရဟန်းဘ၀ဆိုတာ လူသားတွေပဲ ရနိုင်တာဖြစ်တဲ့အပြင် သဒ္ဓါတရား မရှိရင်လည်း ရဟန်းဘ၀ ရယူဖို့ မလွယ်လှပါဘူး။ နောက်ဆုံး သူတော်ကောင်းတရား နာကြားဖို့ရာ ခက်တယ်ဆိုတဲ့ ဒုလ္လဘတရား အတွက်ကတော့ ရဟန်းဘ၀ရောက်တာနက် တပြိုင်နက် ဗုဒ္ဓဓမ္မတွေ နာကြားရုံတင်မဟုတ်ဘဲ ကိုယ်ကိုယ်တိုင် လေ့လာဟောပြောခွင့်ပါ ရနေတော့တာပါ။ ဒါကြောင့် ရဟန်းဘ၀ရနေခြင်းဟာ ရခဲတဲ့ တရားတွေ အကုန်ရနေတာလို့ ဆိုခြင်းပါ။

ဒီလိုစဉ်းစားလိုက်တော့ ရနေတဲ့ ကိုယ့်ရဲ့ရဟန်းဘ၀ဟာ သိပ်ကိုတန်ဘိုး ရှိနေပါလားလို့ ကျေနပ်မိပါတယ်။ ဒါပေမယ့် တစ်ဘက်က ပြန်ကြည့်ပြန်တော့ ရဟန်းဘ၀ဆိုတာ ရဖို့ခဲရင်းသလောက် နေဖို့လည်း ခဲရင်းလှပါတယ်။ လူတွေအတွက် စားဝတ်နေရေးကျန်းမာရေးဟာ အရေးကြီးဆုံး အရာများဖြစ်သလို ရဟန်းတွေအတွက်လည်း ဒီအရာတွေက မဖြစ်မနေ လိုအပ်ပြန်ပါတယ်။ စားဖို့၊ ၀တ်ဖို့၊ နေဖို့ ပြီးတော့ ကျန်းမာဖို့။ ဘုရားကတော့ သိမ်ထဲမှာ တစ်ခါတည်း ဒီလေးမျိုးကို မပူမပင်ရအောင် ဆွမ်း၊ သင်္ကန်း၊ ကျောင်း၊ ဆေးဆိုတဲ့ ပစ္စည်းလေးပါးကို ဆောင်ထားဖို့ ညွန်ကြားပေးခဲ့ပါတယ်။ ဆွမ်းအတွက် ဘာမှကြောင့်ကြမစိုက်နဲ့ သပိတ်ဆောင်ပြီး ဆွမ်းခံစားတဲ့။ သင်္ကန်းအတွက်လည်း သူများစွန့်ပစ်ထားတဲ့ အ၀တ်အပိုင်းအစတွေကို ရှာဖွေလျှော်ဖွတ်ချုပ်ဆိုးပြီး ၀တ်ပါတဲ့။ ကျောင်းအတွက်ကတော့ သစ်တစ်ပင်ရင်း ၀ါးတစ်ပင်အောက်ဟာ ကျောင်းပါပဲတဲ့။ ပြီးတော့ ဆေးအတွက်ကတော့ ပူတိမုတ္တလို့ခေါ်တဲ့ နွားကျင်ငယ်ရေကို ဆီးဖြူသီး ဖန်ခါးသီးစတာတွေနဲ့ စိမ်ပြီးဘုဉ်းပေး၊ အဲဒါလေကောင်းတယ်၊ လေကောင်းရင် ၀မ်းကောင်းပြီး ၀မ်းတစ်လုံးကောင်းရင်း ခေါင်းတစ်လုံး မခဲဘူးတဲ့။ စားဝတ်နေရေး ကျန်းမာရေးအတွက် ဒီလေမျိုးကို ဆောင်ထားဖို့ ခွင့်ပြုတော်မူခဲ့ပါတယ်။ နောက်ဆက်တွဲအနေနဲ့လည်း ဘုန်းကံကြီးမားလို့ လှူမယ့်တန်းမယ့်သူ ရှိရင် သူတို့လှူတဲ့ ဆွမ်း၊ သင်္ကန်း၊ ကျောင်း၊ ဆေးတွေကို သုံးဆောင်နိုင်ပါတယ်ဆိုပြီး ခွင့်ပြုထားပါသေးတယ်။

တပည့်သာဝကတွေအတွက် စီစဉ်ညွန်ကြားတော်မူခဲ့တဲ့ ဗုဒ္ဓရှင်တော်ရဲ့ မေတ္တာ၊ ကရုဏာဟာ ကြီးမားလှပါတယ်။ ခက်တာက ယနေ့ခေတ် အခြေအနေနဲ့ ရထားတဲ့ ရဟန်းဘ၀ပါ။ ဗုဒ္ဓရှင်တော် ဖြစ်စေချင်သလို ရဟန်းဆိုတာ ငှက်လိုကျင့်ဖို့၊ ရောင့်ရဲနိုင်အောင် ကျင့်ဖို့ကလည်း မဖြစ်နိုင်သေးတဲ့ အခြေအနေ။ ရဟန်းအလုပ် ရဟန်းလုပ်နေရင် ဒီစားဝတ်နေရေးအတွက် ပူစရာမလိုဘဲ သူ့အလိုလို ဖြစ်လာမယ်ဆိုတာ ယုံကြည်နေပေမယ့် ရောက်ရှိနေတဲ့ အခြေအနေနဲ့ နေရာဒေသကလည်း စကားပြောပြန်ပါတယ်။ စာသင်သား ရဟန်းသာမဏေများရဲ့ ဘ၀၊ ဘုန်းကံနည်းပါးတဲ့ သာသနာ့ဝန်ထမ်းတွေရဲ့ ဘ၀၊ ဗုဒ္ဓဘာသာ မထွန်းကားတဲ့ အရပ်မှာ ရောက်နေတဲ့ သာသနာပြုများရဲ့ ဘ၀ စတဲ့စတဲ့ အခြေအနေတွေက စားဝတ်နေရေးနဲ့ ကျန်းမာရေးကို အခက်တွေ့စေပြန်ပါတယ်။ ပြီးတော့ ထေရ၀ါဒ ရဟန်းတော်များရဲ့ ရပ်တည်မှုဟာ လူဒကာဒကာမများအပေါ် မှီတည်နေတာဖြစ်တဲ့အတွက် စားဝတ်နေရေးစီးပွားရေး တဖြည်းဖြည်းဆုတ်ယုတ်လာတဲ့ သူတို့တွေမှာလည်း သူတို့ကိုယ်တိုင် နေဖို့စားဖို့ဝတ်ဖို့တောင် အနိုင်နိုင်ဖြစ်နေပြန်တော့ သာသနာကို ချီးမြှောက်ထောက်ပံ့မှု အပိုင်းမှာ ထင်သလောက် မလုပ်နိုင်ကြဘူး ဖြစ်နေပြန်ပါတယ်။ ဒီလိုဒီလို အခြေအနေများကြောင့်လည်း ယနေ့ခေတ် ရဟန်းတော်များရဲ့ ဘ၀ဟာ စားဝတ်နေရေး အခက်တွေ့လာကုန်ပါတယ်။ ဒီလို အခက်အခဲတွေကြောင့်လည်း စာပေပရိယတ်နဲ့ ပဋိပတ်အားထုတ်မှုအပိုင်းမှာ ယုတ်လျော့လာပြီး အနေအစား အဆင်ပြေဖို့ ကြိုးစားလာကုန်တယ်နဲ့ တူပါတယ်။ စာပေပရိယတ် အားထုတ်မှု အားနည်းလာတော့ ပညာတရားလည်း ယုတ်လျော့လာကုန်ပါတယ်။ ပညာနည်းတော့ လုပ်သင့်မလုပ်သင့် မစဉ်းစားဘဲ အနေအစား ချောင့်မယ့်နည်းတွေနောက် လိုက်ကုန်ပါလေရော…။ ရဟန်းသာမဏေတွေရဲ့ ဒီလိုမသင့်လျော်တဲ့ အပြုအမူတွေ မြင်ရပြန်တော့ တစ်ချို့သဒ္ဓါတရား အခြေခံအားနည်းတဲ့ ဒကာဒကမတွေကလည်း ကြည်ညိုလေးစားမှုတွေ ယုတ်လျော့ကုန်ပါတယ်။

စာပေပရိယတ် အားထုတ်မှု ယုတ်လျော့လာပြီး သဒ္ဓါတရားခေါင်းပါးလာတဲ့ အခါမှာတော့ ဘုရားပေးတဲ့နည်းနဲ့ စားဝတ်နေရေးကျန်းမာရေးကို မဖြေရှင်းတော့ဘဲ တိုးတက်လာတဲ့ ရုပ်ပိုင်းဆိုင်ရာတွေ နောက်လိုက်ပြီး အနေအစားချောင်အောင် ဘုန်းကံကြီးမားအောင် အလွယ်လမ်းလိုက်တဲ့ ရဟန်းများလည်း တဖြည်းဖြည်း များများလာကြတာကို တွေ့နေရပြန်ပါတယ်။ ဘုန်းကြီးအောင် မအပ်စပ်တဲ့နည်းတွေနဲ့ ဒကာဒကာမများရဲ့ လှူဒါန်းမှုကို ရယူကြပြန်ပါတယ်။ မအပ်တဲ့ အနေသနအမှုတွေနဲ့ အသက်မွေးမှုတွေ လုပ်လာပြန်ပါတယ်။ ဗေဒင်ဟောပေးတာတို့၊ ဓာတ်ရိုက်ဓာတ်ဆင် လုပ်ပေးတာတို့၊ လက္ခဏာကြည့်ပေးတာတို့၊ နှစ်လုံးသုံးလုံး ပေးတာတို့ စတဲ့အလုပ်တွေလုပ်ပြီး ပစ္စည်းလေးပါး ပေါများအောင် လုပ်လာကြပါတော့တယ်။ ဒကာဒကမများကလည်း ပညာအားနည်းလာတော့ ကိုးကွယ်သင့်လား မကိုးသင့်လား မစဉ်းစားဘဲ သူတို့ကိုယ်တိုင် ကြီးပွားချမ်းသာချင်ကြတော့ ဒီလိုမအပ်တဲ့ နည်းနဲ့အသက်မွေးနေတဲ့ ရဟန်းတော်များကို ကိုးကွယ်ဆည်းကပ်ကြပါတယ်။ ဒီတော့ သာသနာမှာ အဲလိုမအပ်တဲ့ နည်းနဲ့ အသက်မွေးနေကြတဲ့ သာသနာ့ဝန်ထမ်းများ တိုးပွားကုန်ပါတယ်။ ပိုပြီးဆိုးတာ ဒီနည်းနဲ့ အသက်မွေးတဲ့ ရဟန်းတော်များဟာ နေ့ချင်းညချင်း ကြီးပွားသွားပြီး စာသင်တိုက်မှာ စာပေပရိယတ် သင်ကြားပို့ချပေးနေတဲ့ ရဟန်းသာမဏေများမှာတော့ စားဝတ်နေရေး တဖြည်းဖြည်းချို့တဲ့ လာပါတော့တယ်။ တစ်ချို့ဆိုရင် ဒီလိုဆင်းးရဲတဲ့ သာသနာ့ဘောင်ကနေ မနေနိုင်လို့ ထွက်သွားတာတွေအထိ ရှိလာပါတယ်။ သာသနာမှာ အစစ်အမှန် ရဟန်းတော်များရဲ့ ဘ၀ဟာ ပင်ပန်းချို့တဲပြီး မအပ်စပ်တဲ့နည်းနဲ့ အသက်မွေးနေတဲ့ ရဟန်းတွေကတော့ ရွှေကျောင်းတွေ၊ ကားကြီးကားသေးတွေနဲ့ အရမ်းကို ကြီးပွားနေပါတော့တယ်။

အင်း… ရဟန်းဘ၀ အနေအစား ခက်လှပါလားလို့ ကိုယ်ကိုယ်တိုင် စာသင်သားဘ၀ ဖြတ်သန်းခဲ့ရတဲ့ အခက်အခဲများကို တွေးမိရင်း ဒကာမတစ်ယောက် လျှောက်ဖူးတာကို ပြန်သတိရမိပါတယ်။ ဒကာမကြီးကတော့ ရဟန်းဆိုတဲ့ ကြည်ညိုမှုထက် သားတစ်ယောက်လို သံယောဇဉ်ဖြစ်မိနေတော့ သူ့ရဟန်း ဆင်းရဲပင်ပန်းနေတာကို မကြည့်ရက်ဖူးနဲ့တူပါတယ်။ ဒါကြောင့် ဒကာမကြီးက “ဦးဇင်း… ဦးဇင်းလည်း တစ်ခြားဘုန်းကြီးတွေလို ဗေဒင်လက္ခဏာသင်၊ ဒါမှမဟုတ် နှစ်လုံးသုံးလုံး ပေးပြီး လူတွေအကျိုးပြု လုပ်ပေးပါလား..“လို့ လျှောက်ပါတယ်။ ရင်ထဲမှာ မကောင်းလိုက်တာ။ ဒီအလုပ်တွေ လုပ်ပေးနေတာ လူတွေအကျိုးပြု လုပ်ပေးနေတာတဲ့။ ဒကာမကြီးကို အားနာပေမယ့် နားလည်အောင်တော့ ပြောလိုက်ပါတယ်။ “ဒကာမကြီး အဲဒါ လူတွေအကျိုးရှိအောင် လုပ်ပေးနေတာ မဟုတ်ဘူး၊ လူဒကာဒကာမတွေရဲ့ သဒ္ဓါတရားကို ဖျက်ဆီးနေတာပါ၊ ဒါတွေလုပ်ပေးတော့ လုပ်ပေးတဲ့ဘုန်းကြီးကို လုပ်ပေးတဲ့အတွက် ကြည်ညိုပြီး မလုပ်ပေးတဲ့ ဘုန်းကြီးကိုတော့ အပြစ်ပြောကုန်တတ်ပါတယ်၊ ရင်ထဲက တကယ်ကြည်ညိုလို့ မဟုတ်ဘဲ သူတို့ကို တစ်ခုခု လုပ်ပေးလို့ လှူတာမျိုးဟာ သဒ္ဓါတရား မစစ်မှန်ပါဘူး၊ အဲဒီဘုန်းကြီးတွေ ဗေဒင်မဟော၊ နှစ်လုံးသုံးလုံး မပေးတော့ရင် ဒီဒကာဒကာမတွေ လာမှာမဟုတ်တော့ဘူး၊ မယုံရင် စောင့်ကြည့်ပါ၊ ဦးဇင်းကတော့ လျှာမြက်ပေါက်သွားပါစေ ဒီလိုမအပ်တဲ့ အနေသနအမှုနဲ့တော့ အနေအစား ချောင်အောင်မလုပ်ဘူး..“ လို့ စိတ်ထဲ ရှိတာပြောဖြစ်လိုက်ပါတယ်။ ဒကာမကြီးလည်း စေတနာစကားက အလွဲဖြစ်သွားတော့ စိတ်မကောင်းဖြစ်ပြီး အားနာသွားပါတယ်။ ပြီးတော့မှ “ဦးဇင်းရယ်… သာသနာတော်နဲ့ မအပ်စပ်တဲ့ အသက်မွေးမှုဆိုတာ ဘာတွေလဲ…၊ တပည့်တော်တို့ ဒါတွေသိထားတော့ ရဟန်းသံဃာ ရွေးချယ်ကိုးကွယ် နိုင်တာပေါ့ဘုရား…“လို့ မေးမြန်းလျှောက်ထားလို့ ရဟန်းတော်များရဲ့ မပြုအပ်တဲ့ အနေသနအမှုများကို ရှင်းပြဖြစ်ပါတယ်။

ဒကာမကြီးရေ… သာသနာတော်နဲ့ မအပ်စပ်တဲ့အပြင် ဒကာဒကာမများရဲ့ သဒ္ဓါတရားကိုပါ ပျက်စီးစေနိုင်တဲ့ ဒီအနေသနအမှုတွေကတော့…
၁။ အံ့သြဖွယ်ဖြစ်အောင် ပြောဆိုနေထိုင်ခြင်း
၂။ ပစ္စည်းလာဘ်လာဘရအောင် ဆွယ်၍ပြောဆိုခြင်း
၃။ အခြားသူတို့ လှူဒါန်းထားသည်ကို အခြားသူတို့အား သိစေခြင်း
၎။ အခြားပုဂ္ဂိုလ်တို့ ဂုဏ်ကျေးဇူးမဲ့ကို ပြောဆိုခြင်း
၅။ တစ်နေရာမှရသော ပစ္စည်းကို အခြားတစ်နေရာ၌ ပေးကမ်းခြင်း
၆။ သစ်သားကိုပေးခြင်း
၇။ ထန်းရွက်သစ်ရွက်စသည်ပေးခြင်း
၈။ ဆပ်ပြာဆပ်ပြာမှုန်စသည်ပေးခြင်း
၉။ မိမိကိုယ်ကို နှိမ့်ချ၍ ကျွန်ုပ်ကျွန်တော်စသည်ဖြင့် လူနှင့်အပြိုင်ပြောဆိုခြင်း
၁၀။ အမှန်နည်းပါး အမှားများသော စကားကို ပြောဆိုခြင်း
၁၁။ မျက်နှာသစ်ရေ စသည်ပေးခြင်း
၁၂။ ကလေးထိန်းပေးခြင်း
၁၃။ မပင့်ဖိတ်ဘဲ အိမ်တွင်းဝင်ရောက်နေထိုင်ခြင်း
၁၄။ မြေနေရာ ကောင်းမကောင်း ရွေးချယ်ပေးခြင်း
၁၅။ တိရစ္ဆာန်တို့၏ လက္ခဏာကျမ်းအတတ်ကို သင်ကြားပေးခြင်း
၁၆။ ဗေဒင်လက္ခဏာ ဟောပြောပေးခြင်း
၁၇။ နက္ခတ်ရွေးချယ်ပေးခြင်း
၁၈။ လူတို့ခိုင်းစေသည်ကို လုပ်ကိုင်ပေးခြင်း
၁၉။ လူတို့သတင်းစကားကို ယူဆောင်ပေးခြင်း
၂၀။ စားသောက်ဖွယ်ကို ပေးကမ်းခြင်း
၂၁။ ဆေးကုပေးခြင်း ”
(မဟာနိဒ္ဒေသပါဠိ- ၂၉၀-၃၉၆၊ မစ္ဖျိမပဏ္ဏာသပါဠိ- ၂) တို့ပဲ ဖြစ်ပါတယ်လို့ ရှင်းပြဖြစ်ခဲ့ပါတယ်။

မှန်ပါတယ်။ ဒီ အနေသန အမှုတွေကတော့ ရဟန်းတော်များအတွက် မအပ်စပ်တဲ့ ပစ္စည်းလေးပါး ရှာဖွေမှုတွေပါပဲ။ ရဟန်းဘ၀ အနေအစား ဘယ်လောက်ပဲခက်ခက် ဒီအမှုတွေနဲ့တော့ အသက်မွေးမှု မဖြစ်ရအောင် နေမယ်လို့ စာသင်သား ဘ၀ကနေ စွဲလာတဲ့ ဒီအစွဲဟာ စာပေရေးသား ပို့ချပြီး တရားဓမ္မပြန်လည် ဟောကြားကာ ပရဟိတလုပ်ငန်းတွေ တတ်နိုင်သလောက် လုပ်နေနိုင်ပြီဖြစ်တဲ့ အခုလို အချိန်မျိုးမှာ ပြန်လည်စဉ်းစားမိတော့ ရရှိနေတဲ့ ရဟန်းဘ၀ကို ကျေနပ်နေမိပါတယ်။ သေချာတာကတော့ ခေတ်ကာလ အနေအထားအရ ရဟန်းဘ၀မှာ စားဝတ်နေရေး ဘယ်လောက်ပဲခက်ခက် ရဟန်းတော်များရဲ့ အလုပ်ဖြစ်တဲ့ ဂန္တဓုရလို့ခေါ်တဲ့ စာပေပို့ချဟောပြခြင်းတာဝန်၊ ၀ိပဿနာဓုရလို့ခေါ်တဲ့ တရားပြတရားဟောခြင်း တာဝန်တစ်ခုခုကိုသာ စိတ်ရှည်ဇွဲသန် သီးခံပြီး ပြုလုပ်နေမယ်ဆိုရင် အရမ်းကြီး မပြည့်စုံတာတောင်မှ ရဟန်းဘ၀မှာ သက်သောင့်သက်သာ နေရမယ်ဆိုတာ သေချာပါတယ်။ ဒီလို ဓုရနှစ်ဖြာနဲ့အညီ ကျင့်ကြံနေထိုင်ကြတဲ့ ရဟန်းတော်များကို သဒ္ဓါတရားရော ပညာပါအားကောင်းတဲ့ ဒကာဒကာမများကတော့ ရှာဖွေကိုးကွယ်နေပြီး သာသနာတော် အဓွန့်ရှည်အောင် ထိန်းသိမ်းစောင့်ရှောက်ပေး နေလိမ့်မယ်ဆိုတာ သံသယဖြစ်စရာ မရှိပါဘူး။ တရားစောင့်တဲ့ပုဂ္ဂိုလ်ကို တရားကလည်း ပြန့်စောင့်တယ်ဆိုတာ လက်တွေ့သိနိုင်ကြပါတယ်။

ဒါကြောင့် ရုပ်ပိုင်းဆိုင်ရာ တိုးတက်လှတဲ့ ခေတ်ကာလကြီးမှာ ရုပ်ပိုင်းဆိုင်ရာ ပြည့်စုံမှုနောက်ကို လိုက်ရင်း ခက်ခဲလာတဲ့ ဘ၀ရပ်တည်မှုများတွင် လူတွေရဲ့ ဘ၀ရပ်တည်မှုတွင်မက ရဟန်းတော်များရဲ့ ဘ၀ရပ်တည်မှုပါ ခက်ခဲလာပေမယ့် တစ်ဘ၀တည်းကိုသာ ကြည့်ပြီး စားဝတ်နေရေး ကျန်းမာရေးအဆင်ပြေအောင် မလုပ်ကြဘဲ သံသရာအတွက်ပါ ထည့်စဉ်းစားပြီး လူပဲဖြစ်ဖြစ် ရဟန်းတော်များပဲ ဖြစ်ဖြစ် မအပ်စပ်တဲ့ အသက်မွေးမှုများနဲ့ အသက်မမွေးကြဖို့၊ ကျင့်ဝတ်သိက္ခာနှင့်အညီ ၀ီရိယထား ကြိုးစားကြပါက ဘ၀ရပ်တည်မှု အဆင်ပြေနိုင်မှာ ဖြစ်တဲ့အတွက် ရဟန်းတော်များရော လူများပါ ရခဲတဲ့ ဒုလ္လဘတရားကို ရရှိထားတာနဲ့ညီအောင် အကျင့်ကောင်းပြီး အလုပ်ပါကောင်းအောင် ကြိုးစားကြဖို့၊ အထူးသဖြင့် ရဟန်းဘ၀သည် ဒုလ္လဘတရားငါးပါးလုံး ပြည့်စုံအောင် ရရှိထားတဲ့ ဘ၀ဖြစ်တဲ့အတွက် တန်ဘိုးရှိစွာ ရရှိထားတဲ့ ရဟန်းဘ၀ကို ပစ္စည်းလာဘ်လာဘ ပြည့်စုံပေါများမှု တစ်ခုတည်းနောက်ကို လိုက်ပြီး မအပ်တဲ့ အနေသနအမှုနဲ့ အသက်မမွေးမိကြဖို့ ဘုန်းဘုန်းကိုယ်တိုင် ကိုယ့်အတွက်ကိုယ် သတိပေးရင်း ဓမ္မမိတ်ဆွေများအတွက်ပါ တစ်ဆင့်အသိပေး မျှဝေလိုက်ရပါကြောင်း…

Read more »

တကယ့်ဒုက္ခငြိမ်းရာဟူသည်….

ဘုန်းဘုန်း မြန်မာပြည် ပြန်ကြွသွားတော့ မြန်မာပြည်က ဒကာဒကာမတွေက ဘုန်းဘုန်းကိုကြည့်ပြီး အားကျလို့တဲ့…။ သူတို့က နေ့စဉ်မြန်မာ့အသံနဲ့ မြ၀တီက လွှင့်နေတဲ့ ကိုရီးယား ဇာတ်ကားတွေ ကြည့်ပြီး ကိုရီးယားကို အရမ်းအထင်ကြီးနေကြတယ်လေ။ ဒါကြောင့် ကိုရီးယားရောက်နေတဲ့ ဘုန်းဘုန်းကိုလည်း အားကျတာနေမှာပါ။ ဇာတ်ကားတွေထဲမှာပြတဲ့ တိုးတက်လှတဲ့ ကိုရီးယားနိုင်ငံကိုကြည့်ပြီး ကိုရီးယား နိုင်ငံသားတွေ ကံကောင်းလိုက်ကြတာလို့ တွေးနေကြတယ်နဲ့ တူပါတယ်။ ကိုယ့်နိုင်ငံမှာ နေ့စဉ်တွေ့မြင် ခံစားနေရတဲ့ ဆင်းရဲ့မွဲတေမှု၊ ဆုတ်ယုတ်ကျဆင်းမှု၊ ကိုယ်ကျင့်တရား ပျက်ပြားမှု စတာတွေကို သူများနိုင်ငံရဲ့ ရုပ်ပိုင်းဆိုင်ရာ တိုးတက်မှုတွေ၊ သန့်ရှင်းသပ်ရပ်မှုတွေ၊ ခေတ်မီမှုတွေ၊ လူနေမှုပုံစံမြင့်မားမှုတွေ စတာတွေနဲ့ နှိုင်းယှဉ်ကြည့်လိုက်တော့ ရုပ်ပိုင်းဆိုင်ရာ တိုးတက်တဲ့ နိုင်ငံကို ပိုပြီးအားကျကုန်တယ်နဲ့ တူပါတယ်။ သူတို့ကိုယ်တိုင် အားကျရုံနဲ့ မကျေနပ်သေးဘူး ဘုန်းဘုန်းကိုတောင် အစစ်ထည့် လိုက်ကြသေးတယ်။ “အရှင်ဘုရားတို့ပဲ ကောင်းပါတယ်၊ အေးအေးဆေးဆေး နေရတယ်၊ ဘာမှပူစရာ မရှိဘူး၊ ဒုက္ခငြိမ်းတယ်၊ အဲဒီမှာလူဖြစ်ရတာတောင် ပိုကောင်းသေးတယ်၊ မြန်မာပြည်ကိုပြန်ကြွ မလာနဲ့တော့၊ ဒီမှာဆို ဆင်းရဲဒုက္ခတွေနဲ့ပဲ တွေ့နေရမှာ၊ ဟိုမှာဆိုတော့ အရှင်ဘုရားအတွက် ဘာမှပူစရာ မရှိဘူး၊ အရှင်ဘုရားတို့ကတော့ ဒုက္ခငြိမ်းတဲ့ နေရာကို ရောက်နေသလိုပဲ၊ အားကျလိုက်တာ ဘုရား..” စတဲ့စတဲ့ အပြောတွေနဲ့ သူတို့အမြင် သူတို့အတွေး သူတို့အားကျမှုတွေနဲ့ ခရားရေလွှတ် ပြောဆိုလျှောက်ထားကြပါတယ်။

“အင်း…ဟုတ်မှာပါလေ၊ သူတို့လည်း ပုထုဇင်လူသားတွေပဲ ဆိုတော့ ကိုယ့်မှာမရှိတော့ သူများရှိတဲ့ အရာတွေကိုကြည့်ပြီး အားကျမိမှာပေါ့၊ သူများတွေ နေသလို၊ ၀တ်သလို၊ စားသလို နေချင်ဝတ်ချင် စားချင်ကြမှာပေါ့၊ ဒါကြောင့် ရုပ်ပိုင်းဆိုင်ရာ တိုးတက်တဲ့ နိုင်ငံကို အားကျနေကြတာ ဖြစ်မှာပေါ့၊ ကိုယ်နဲ့နှိုင်းယှဉ်ပြီး ကိုယ့်ဒုက္ခတွေလောက် သူတို့ဒုက္ခတွေက မကြီးဘူးလို့မြင်တော့ ဒုက္ခမရှိဘူးလို့ ထင်ကြမှာပေါ့…” စတဲ့ ဖြေတွေးများဖြင့်ပဲ ဘုန်းဘုန်းတို့ မြန်မာများဘက်က တွေးကြည့်ပေးလိုက်ပါတယ်။ ဒါပေမယ့် အကြောင်းတိုက်ဆိုင်တဲ့ အခါမှာတော့ ဘ၀ရဲ့အလှနဲ့ ဘ၀ရဲ့အမှန်ကို ရုပ်ပိုင်းဆိုင်ရာ တိုးတက်မှုတွေအပေါ် အားကျနေတဲ့ သူတို့ကို ဓမ္မအနှစ်သာရများနဲ့ ချိန်ထိုးပြီး ပြောပြဖြစ်ပါတယ်။

အမှန်တော့ လောကကြီး တစ်ခုလုံးကို ခြေအဆုံး လျှောက်သွားပြီး လျှောက်နေကြည့်ကြည့်လိုက်ပါ။ ဘယ်နေရာမှာပဲ ဖြစ်ဖြစ် ဒုက္ခငြိမ်းတဲ့ နေရာဆိုတာ မရှိပါဘူး။ သူ့နေရာ သူ့ဒေသ သူ့ဒုက္ခနဲ့ သူကတော့ ရှိနေကြတာပါပဲ။ မြန်မာတွေ အားကျတဲ့ ကိုရီးယားမှာလည်း ကိုရီးယားဒုက္ခ၊ ဂျပန်မှာလည်း ဂျပန်ဒုက္ခ၊ စင်္ကပူမှာလည်း စင်္ကပူဒုက္ခ၊ နောက်ဆုံး တစ်ကမ္ဘာလုံးက အထင်ကြီးပြီး သွားချင်နေတဲ့ အမေရိကန်မှာလည်း အမေရိကန်ဒုက္ခ စတဲ့ ဒီကမ္ဘာကြီးရဲ့ ဘယ်နေရာ၊ ဘယ်နိုင်ငံမှာမဆို ဆင်းရဲဒုက္ခတွေက သူ့နေရာနဲ့သူ၊ သူလူမျိုးနဲ့သူ ရှိနေကြပါတယ်။ တကယ်တော့ ဒီခန္ဓာကြီးကိုက ဒုက္ခအစုကြီး ဖြစ်နေတာပါ။ ခန္ဓာဝန်ဒုက္ခကြီး ရှိနေသမျှ သတ္တ၀ါတိုင်း ဒုက္ခကိုယ်စီ ရှိနေကြပါတယ်။ ခန္ဓာရှိလို့ ဒုက္ခရှိနေတာ ဖြစ်တဲ့အတွက် ခန္ဓာအစုကြီးကို ပိုင်ဆိုင်ထားတဲ့ သတ္တ၀ါမှန်သမျှ ဘယ်နေရာ ဘယ်ဒေသ ဘယ်နိုင်ငံမှာမဆို ဒုက္ခကတော့ ရှိနေမှာ အမှန်ပါပဲ။ လောကကြီးတစ်ခုလုံးကို ကြည့်လိုက်ရင် သတ္တ၀ါတွေ ဘာကြောင့်ဒုက္ခ ဖြစ်နေကြသလဲလို့ ကြည့်လိုက်ရင် ဒီခန္ဓာအစု ရှိနေကြလို့ပဲဆိုတာ ရှင်းနေပါတယ်။ ခန္ဓာရှိတဲ့အတွက် စားဖို့၊ ၀တ်ဖို့ နေဖို့ ရှာဖွေလုပ်ကိုင် နေကြရပါတယ်။ ဒီလို လုပ်ကိုင်နေရသမျှ ဒုက္ခကိုယ်စီ ရှိလာရတော့တာပါပဲ။ ရုပ်ပိုင်းဆိုင်ရာ တိုးတက်မှုတွေ ရှိနေတဲ့အတွက် လုပ်ကိုင်ရှာဖွေရတာ အနည်းငယ် သက်သောင့်သက်သာ ရှိတယ်၊ မပင်မပန်း ရှိတယ်လို့ ထင်နေရပေမယ့် ရုပ်နာမ်ခန္ဓာအစုကို ပိုင်ဆိုင်ထားကြတာ ဖြစ်တဲ့အတွက် အမြဲမပြတ် ဒီခန္ဓာကိုယ်ကြီးရဲ့ ဖောက်ပြန်ပျက်ဆီးမှု ဒုက္ခတွေကတော့ အလွန်အမတန် တိုးတက်ပါတယ်ဆိုတဲ့ နိုင်ငံတွေမှာလည်း ရှိနေကြတာပါပဲ။ ဒီသဘောတရား ရှိနေလို့လည်း ဗုဒ္ဓက ဒုက္ခသစ္စာကို ထုတ်နှုတ်ပြခဲ့ခြင်း ဖြစ်ပါတယ်။

ဘုရားရှင်က “ပဋိသန္ဓေနေရခြင်း၊ အိုရခြင်း၊ နာရခြင်း၊ သေရခြင်း၊ မချစ်မနှစ်သက်သော သူ၊ မချစ်မနှစ်သက်သော အရာတို့နှင့် အတူတကွ ယှဉ်တွဲနေထိုင်ရခြင်း၊ ချစ်ခင်နှစ်သက်သောသူ၊ ချစ်ခင်နှစ်သက်သော အရာတို့နှင့် သေကွဲရှင်ကွဲ ကွဲရခြင်း၊ လိုချင်တောင့်တသည့် အရာကို မရခြင်းတို့သည် ဒုက္ခများဖြစ်ပြီး အချုပ်အားဖြင့် စွဲလမ်းတတ်သော ဤခန္ဓာကြီးကပင် ဒုက္ခဖြစ်ကြောင်း“ ဟောပြတော်မူပါတယ်။ ဘုရားရှင်ရဲ့ ဒီအဖွင့်ကိုကြည့်ရင် နာမ်ရုပ်နှစ်ခုနဲ့ ဖွဲ့စည်းထားတဲ့ သတ္တ၀ါတွေ မှန်သမျှ ဘယ်နေရာ၊ ဘယ်နိုင်ငံ၊ ဘယ်ဒေသမှာပဲရှိရှိ ဒုက္ခငြိမ်းတယ် ဆိုတာမရှိပါဘူး။ ဒုက္ခကိုယ်စီပိုက်ပြီး နေနေကြသူတွေပဲ ဖြစ်ပါတယ်။ ခန္ဓာဝန်လက်စ မသိမ်းသေးသမျှ ဒုက္ခငြိမ်းဖို့ဆိုတာ မဖြစ်နိုင်ပါဘူး။ နောက်ထပ်တစ်ဖန် ဘ၀သစ်ကို မဖြစ်စေနိုင်တော့တဲ့ ကိလေသာကုန်ခမ်း နိဗ္ဗာန်လမ်းကို မရောက်သေးသမျှ ခန္ဓာဝန်လက်စ သိမ်းနိုင်မှာ မဟုတ်ဘဲ ခန္ဓာရှိနေသူမှန်သမျှ ဒုက္ခငြိမ်းတယ်ဆိုတာ မရှိပါဘူး။

ဒါပေမယ့် ဘုန်းဘုန်းတို့ မြန်မာများဟာ ဒီသဘောတရားတွေကို မေ့နေပြီး ရုပ်ပိုင်းဆိုင်ရာ တိုးတက်မှုကြောင့် အခိုက်အတန့် သက်သာမှု၊ စားဝတ်နေရေး အဆင်ပြေမှုတွေကိုကြည့်ကာ တိုးတက်တဲ့ နိုင်ငံတွေအပေါ် အားကျနေကြပါတယ်။ တကယ်တော့ အဲဒီလို တိုးတက်တဲ့ နိုင်ငံတွေမှာ ဒုက္ခက ပိုလို့တောင် ကြီးနေပါသေးတယ်။ သူတို့ အဓိက ရင်ဆိုင်နေရတာက ကာယိက ဒုက္ခလို့ခေါ်တဲ့ ရုပ်ပိုင်းဆိုင်ရာ ဒုက္ခနဲ့၊ စေတသိက ဒုက္ခလို့ခေါ်တဲ့ စိတ်ပိုင်းဆိုင်ရာ ဒုက္ခနှစ်မျိုးမှာ စိတ်ပိုင်ဆိုင်ရာ ဒုက္ခပဲ ဖြစ်ပါတယ်။ ရုပ်ပိုင်းဆိုင်ရာတွေ ဘယ်လောက်ပဲ တိုးတက်တိုးတက် စိတ်ပိုင်းဆိုင်ရာ မတိုးတက်တဲ့အတွက် တစ်ခြားဆင်းရဲပြီး ရုပ်ပိုင်းဆိုင်ရာ မပြည့်စုံတဲ့ နိုင်ငံတွေထက်ပိုပြီး ဒုက္ခများလှပါတယ်။ ရုပ်ချမ်းသာပေမယ့် စိတ်မချမ်းသာတဲ့အတွက် ဘယ်လိုမှ ဒုက္ခမငြိမ်းနိုင်ကြပါဘူး။ ဒါကြောင့်လည်း စိတ်မှာရောဂါတွေရပြီး ထစ်ခနဲဆို ကိုယ့်ကိုယ်ကို သတ်သေကြ၊ ဟိုပေါ်က ခုန်ချ၊ ဒီပေါ်က ခုန်ချနဲ့ လောကဓံလှိုင်း ရိုက်ခတ်မှုဒဏ် မခံနိုင်ဘဲ အလွယ်တကူ ဘ၀ကို အရှုံးပေးသူတွေ ဖြစ်ကုန်ကြပါတယ်။ ဟိုတစ်လောက တစ်ကမ္ဘာလုံး အတိုင်းအတာနဲ့ စီးပွားရေး ဂယက်ရိုက်မှု ဖြစ်တုန်းကဆို ကိုရီးယားနိုင်ငံရဲ့ မြေအောက်ဘူတာ အချို့မှာ ရဲအစောင့်တွေတောင် ထားပေးထားရပါတယ်။ အဲဒီလို မလုပ်ရင် ရထားလာချိန် ခုန်ချပြီး ကိုယ့်ကိုယ်ကို သတ်သေသူတွေ ရှိကြလို့ပါ။ ဒါဟာ ရုပ်ပိုင်းဆိုင်ရာ ဘယ်လောက်ပဲ တိုးတက်တိုးတက် စိတ်ပိုင်းဆိုင်ရာ မတိုးတက်ဘူးဆိုရင် တစ်ခြားဆင်းရဲတဲ့ နိုင်ငံတွေထက်တောင် ဒုက္ခကပိုသေးတယ်ဆိုတဲ့ သဘောကို ထင်ရှားစေပါတယ်။

နောက်ပြီး ဘုန်းဘုန်းတို့ မြန်မာပြည်ကသူအချို့ ပြောတာလေးတွေ ရှိပါတယ်။ “ဟိုမှာဆိုတော့ အေးအေးဆေးဆေး နေရတာပေါ့…“တဲ့။ ဒီစကားကို အကြောင်းအမျိုးမျိုးကြောင့် တိုးတက်ပါတယ်ဆိုတဲ့ နိုင်ငံတွေကို ရောက်နေကြတဲ့ မြန်မာလူမျိုးများကို မေးကြည့်ရင် သိနိုင်ပါတယ်။ “သူတို့အေးအေး ဆေးဆေးနေနိုင်ကြရဲ့လား…“လို့..။ အများစုကတော့ ညီးပြလိုက်ပါလိမ့်မယ်။ ကိုယ့်နိုင်ငံ မဟုတ်တဲ့အပြင် လူမူရေး၊ ဘာသာရေး၊ ယဉ်ကျေးမှုစတာတွေ မတူညီတဲ့ နိုင်ငံမှာ ရောက်နေတာ ဘယ်လိုလုပ် အေးအေးဆေးဆေး နေနိုင်ကြမှာလဲလို့ ပြောကြပါလိမ့်မယ်။ ပြီးတော့ အဲဒီလို နိုင်ငံတွေ ရောက်လာတာဟာလည်း အေးအေးဆေးဆေး နေဖို့ရောက်နေကြတာမှ မဟုတ်ပဲကိုး။ မိသားစု စားဝတ်နေရေး တစ်ခုခုကြောင့် သူများနိုင်ငံမှာလာပြီး ငွေရှာရတာဆိုတော့ သူများမျက်နှာ ကြည့်နေရတယ်လေ။ သူတို့ပေးတာယူ၊ သူတို့ခိုင်းတာ လုပ်နေရတာဆိုတော့ ကိုယ့်စိတ်နဲ့သူတို့ကိုယ် လုပ်ချင်လည်းလုပ် မလုပ်ချင်လည်း လုပ်နေရတာ ဘယ်လိုမှ အေးအေးဆေးဆေး မရှိနိုင်ပါဘူး။ အရှင်းဆုံး ပြောရရင် နိုင်ငံရပ်ခြားကို ရောက်နေတဲ့သူမှန်သမျှ လူပဲဖြစ်ဖြစ် ဘုန်းကြီးပဲဖြစ်ဖြစ် ဘယ်သူမှ အေးအေးဆေးဆေး မရှိလှပါဘူး။ ဒုက္ခလေးတွေ ကိုယ်စီရှိနေကြတာပါပဲ။ နိုင်ငံရပ်ခြားမှာ ရှိနေကြတဲ့ ဘုန်းကြီးတွေလည်း နေရေးထိုင်ရေး စားရေးဝတ်ရေး ဒုက္ခတွေရှိကြသလို လူတွေလည်း ရှိကြတာပါပဲ။ ကိုယ်တင်ပဲလားဆိုတော့ အဲဒီနိုင်ငံ အသီးသီးမှာရှိတဲ့ သူတို့နိုင်ငံသားတွေလည်းပဲ ဒီဒုက္ခတွေက ရှိနေကြတာပါပဲ။ သေချာစမ်းစစ်ကြည့်လိုက်တော့ ဒီဒုက္ခအားလုံးဟာ ရောက်ရှိနေထိုင်ကြတဲ့ နေရာဒေသတွေကြောင့်လို့ ဆိုတာထက် သတ္တ၀ါ အသီးသီး ရရှိထားတဲ့ ခန္ဓာဆိုတဲ့ လောကကြီးကြောင့်ဆိုတာ သိသာထင်ရှားလှပါတယ်။

ဒီလိုဆိုရင် ရှင်းပါတယ်။ တကယ်ဒုက္ခငြိမ်းချင်ရင် အကောင်းဆုံးနိုင်ငံ၊ အတိုးတက်ဆုံး နိုင်ငံတွေကို လိုက်ပြီးသွားလာ နေထိုင်စရာ မလိုပါဘူး။ ဘယ်နေရာမှာပဲနေနေ ကိုယ့်လောက ကိုယ်ငြိမ်းအောင် လုပ်နိုင်ရင် ဒုက္ခငြိမ်းတာပဲပေ့ါ။ ကိုယ့်လောကဆိုတာ ကိုယ့်ခန္ဓာကိုပြောတာပါ။ ခန္ဓာဆိုတဲ့ ဒီအိမ်၊ ဒီလောကကြီးကို ပြောတာပါ။ ခန္ဓာကြောင့်ဆိုလို့ ခန္ဓာကြီး မရှိအောင် ကိုယ့်ကိုယ်ကို ဖျက်ဆီးလိုက်ရုံနဲ့တော့ အမှန်ဒုက္ခ မငြိမ်းနိုင်ပါဘူး။ တကယ်ငြိမ်းဖို့က ဒီခန္ဓာအိမ်ဆိုတဲ့ ကိုယ်ပိုင်လောကကြီးကို တည်ဆောက်ပေးတဲ့ တဏှာဆိုတဲ့ လက်သမားကို အရင်တွေ့အောင်ရှားပြီး နောက်ထပ်တစ်ဖန် ဒီအိမ်ကို မဆောက်နိုင်အောင် အပြီးမောင်းထုတ်လိုက်နိုင်မှ တကယ်ငြိမ်းမှာပါ။ ဘုရားရှင်ကိုယ်တော်တိုင် သဗ္ဗညုတဉာဏ်တော်ကို ရတော်မူမူချင်း ကျူးရင့်တော်မူတဲ့ ဥဒါန်းစကားတော် ရှိပါတယ်။ ဘုရားရှင်က “အဖန်ဖန် ပဋိသန္ဓေနေရခြင်းသည် ဆင်းရဲလှစွာသောကြောင့် ခန္ဓာအိမ်ကို ဆောက်လုပ်တတ်သူ တဏှာယောက်ျား လက်သမားကို ရှာသောငါသည် ထိုတဏှာ လက်သမား မြင်နိုင်သော ဉာဏ်ကို မရသေးသဖြင့် ဘ၀များစွာ သံသရာမှာ လွန်စွာကျင်လည် ခံရလေပြီ…။ ခန္ဓအိမ်ကို ဆောက်လက်တတ်သော ဟယ်…တဏှာ လက်သမား ငါသည်သင့်ကို ပညာမျက်စိဖြင့် ယခုမြင်အပ်ပြီ ခန္ဓာအိမ်ကို နောင်တဖန် သင်ဆောက်လုပ်ရမည် မဟုတ်။ သင်၏ ကိလေသာတည်းဟူသော အခြင်ရနယ်အားလုံးတို့ကို ငါချိုးဖျက်အပ်ပြီ။ အ၀ိဇ္ဖာတည်းဟူသော အိမ်အထွဋ်ကို ဖျက်ဆီးအပ်ပြီ။ ငါ၏စိတ်သည် ပြုပြင်ခြင်းကင်းရာ နိဗ္ဗာန်သို့ ရောက်ပြီ။ တဏှာကုန်ရာကုန်ကြောင်း အရဟတ္တဖိုလ်သို့ ရောက်ရှိပြီ..“လို့ ဒီလို ဥဒါန်းစကားဆိုခဲ့ပါတယ်။ မှန်ပါတယ်။ မြတ်စွာဘုရားရှင် ကျူးရင့်တော်မူတဲ့ ဒီဥဒါန်းစကားတော်အတိုင်း အရဟတ္တမဂ်ဉာဏ်နဲ့ ခန္ဓာအိမ်ကို ဖြစ်စေတတ်တဲ့ တဏှာကို အပြီးပယ်သတ်နိုင်မှသာ နောက်ထပ်တစ်ဖန် ခန္ဓာရရှိမှု မဖြစ်တော့မှာ ဖြစ်ပါတယ်။ ဒီခန္ဓာမရှိရင် ခန္ဓာဆိုတဲ့အိမ်မှာ ဖြစ်ပေါ်လာမယ့် ဒုက္ခတွေလည်း မရှိနိုင်တော့ပါဘူး။ ဒီလိုနည်းဖြင့်သာ ဒုက္ခငြိမ်းရာအမှန် ဖြစ်စေမှာဖြစ်ပါတယ်။ ခန္ဓာဝန် ဒုက္ခငြိမ်းပြီဆိုရင် ဘယ်နေရာ ဘယ်ဒေသမှာပဲနေနေ ငြိမ်းနေပါပြီ။ ဒီဒုက္ခမငြိမ်းသေးသမျှတော့ ဘယ်လောက်ပဲ တိုးတက်တဲ့ နိုင်ငံဖြစ်ပါစေ ဒုက္ခကတော့ ရှိနေကြမှာ ဖြစ်ပါတယ်။

ဒါကြောင့် ဒီဒုက္ခအားလုံးရဲ့ တရားခံဖြစ်တဲ့ တဏှာကို အပြီးပိုင် ပယ်စွန့်နိုင်အောင် ကြိုးစားပြီး တကယ့်ဒုက္ခငြိမ်းရာကို ရှာကြဖို့ တိုက်တွန်းကြခြင်း ဖြစ်ပါတယ်။ ဒုက္ခဖြစ်ကြောင်း အရင်းခံဖြစ်တဲ့ တဏှာကို အရဟတ္တမဂ်ဖြင့် အကြွင်းမဲ့ပယ်သတ်ကာ အာသဝေါကုန်ခမ်း ရဟန္တာအဖြစ်သို့ ရောက်မှသာ ဒုက္ခငြိမ်းရာအမှန် နိဗ္ဗာန်ကို မျက်မှောက်ပြုနိုင်မှာ ဖြစ်တဲ့အတွက် လက်ရှိပစ္စုပ္ပန် အချိန်လေးကိုပဲ ဒုက္ခငြိမ်းအောင် ကြိုးစားလိုက်ကြပါဟု…

Read more »

ဒါကြောင့် ဒီလိုပါ... ပြီးတော့ ဒီလိုဖြစ်စေချင်တာပါ…

“ငြင်းခုံမှုများ ရပ်ကြစို့“ ဆိုတဲ့ ပို့စ်လေးတစ်ခု ရေးတင်ပြီးနောက်မှာ ကွန့်မန့်တ်မှာရော စီဘောက်စ်မှာပါ မှတ်ချက်အမျိုးမျိုး ရေးလာကြပါတယ်။ အားလုံးကို တစ်ခုချင်း ပြန်မဖြေရှင်းခဲ့ပေမယ့် အသေအချာ ဖတ်ဖြစ်ပါတယ်။ မှတ်ချက်အားလုံးနီးပါးဟာ အမှန်သစ္စာတည်ရေး၊ အလွဲအမှား၊ အယူအဆအမှားများ မဖြစ်စေရေးဆိုတဲ့ ကောင်းတဲ့စိတ် စေတနာလေးတွေ ရှိနေကြတယ်ဆိုတာ တွေ့ရပါတယ်။ ဒီအတွက် ၀မ်းလည်းဝမ်းသာမိပါတယ်။ ဗုဒ္ဓဘာသာ မြန်မာအများရဲ့ စိတ်သဘောထား အမှန်လေးတွေကိုပါ တွေ့လိုက်ရတော့ ရင်ထဲမှာ တကယ့်ကိုပဲ ကြည့်နူးမိပါတယ်။ လူကြီးလူကောင်းဆန်တဲ့ အပြုအမူလေးတွေ၊ ရန်တုံ့မူလိုတဲ့ သဘောတွေ၊ သူ့ဆရာမှန်တယ်၊ ကိုယ့်ဆရာမှန်တယ်ဆိုတဲ့ သဘောတွေ မတွေ့ရဘဲ ဗုဒ္ဓဓမ္မ အနှစ်သာရများ အမှန်တကယ် ရှိစေလိုရေးကို ဦးတည်နေတယ်ဆိုတာလည်း ခံစားမိပါတယ်။ တစ်ချို့ကလည်း ဘုန်းဘုန်းအမြင်ကို ဖော်ပြပြီး ဆုံးဖြတ်ပေးစေချင်တဲ့ သဘောလေးတွေ တွေ့ရပါတယ်။

အမှန်တော့ ဘုန်းဘုန်းကိုယ်တိုင်လည်း လက်ရှိဖြစ်ပျက်နေတဲ့ ဓမ္မအဓမ္မ အခြေအနေလေးတွေကို မသိလို့ မဟုတ်ပါဘူး။ သိနေပါတယ်။ ပိုလို့တောင် သိနေတယ်လို့ ပြောလို့ရပါတယ်။ ဘာဖြစ်လို့လည်းဆိုတော့ ဘုန်းဘုန်းကိုယ်တိုင် ပြည်ပနိုင်ငံမှာနေပြီး တတ်နိုင်သမျှ အွန်လိုင်းသာသနာပြု လုပ်ငန်းလေးတွေ လုပ်နေ၊ အွန်လိုင်းစာမျက်နှာ အစုံကို ဖတ်နေတဲ့အပြင် မကြာသေးခင်ကမှ မြန်မာပြည်မှာ ၀ါဆိုပြီး ပြန်ကြွလာတာဆိုတော့ အတွင်းအပြင် အစုံသိနေရလို့ပဲ ဖြစ်ပါတယ်။ ဒီလို သိနေတဲ့အတွက်ကြောင့်လည်း ဘယ်သူမှားတယ် ဘယ်သူမှန်တယ်ဆိုတဲ့ မှတ်ချက်မပေးဘဲ အစွမ်းနှစ်ဘက်လွတ်အောင် စာရေးဖော်ပြ ဖြစ်တာ ဖြစ်ပါတယ်။ ကိုယ်ပိုင်ဉာဏ်နဲ့ ဆုံးဖြတ်ပြီး အမှန်အမှား ခွဲခြားတတ်အောင် တရားဟော ဆရာများ၏ လက်ရှိအခြေအနေလေးတွေကို မီးမောင်းထိုးပြခြင်း ဖြစ်ပါတယ်။

ဘုန်းဘုန်းတစ်သီးပုဂ္ဂလ အမြင်ပြောရရင် လက်ရှိမြန်မာပြည် သာသနာရေးဟာ အလွန်အားနည်းနေတာကို တွေ့နေရပါတယ်။ ဗုဒ္ဓဘာသာ ရဟန်းတော်များရော ဗုဒ္ဓဘာသာဝင်များပါ မသိမှုတွေ များလာနေတာကို တွေ့ရပါတယ်။ မသိမှုများတဲ့အတွက်လည်း အမှားတွေ များလာတာ ဖြစ်ပါတယ်။ ရဟန်းတော်များဘက်က ကြည့်ရင် စာပေပရိယတ်ပိုင်းမှာ အားနည်းလာကြပြီး အကျင့်တရားပိုင်းမှာပါ ဆုတ်ယုတ်လာကြပါတယ်။ လူဒကာဒကာမများဆိုရင် ပိုလို့တောင်ဆိုးပါတယ်။ မသိဆို ဘာမှကို မသိကြတော့ပါဘူး။ အဲဒီလို မသိမှုတွေ များလာတော့ အခုလို ပြောသမျှယုံ ဖြစ်ကုန်တော့တာပါ။ လောကမှာ လိမ်လို့အကောင်းဆုံးက ဘာသာရေးကို ခုတုံးလုပ်ပြီးလိမ်တာပဲလို့ ဆိုရလောက်အောင် အလိမ်အကောက် အမျိုးမျိုးနဲ့ လိမ်နေကြတာကို တွေ့နေရပါတယ်။ ကိုယ်ကိုယ်တိုင်က မသိမှုတွေများပြီး စူးစမ်းဆင်ခြင်မှု မရှိတဲ့အခါ အဲဒီအလိမ် သမားများနောက် တကောက်ကောက်လိုက်မိ နေတတ်ကုန်ပါတယ်။

နောက်ဆုံးအရင်းစစ်တော့ မသိကြတာတွေပါ။ ဆရာလုပ်သူတွေလည်း မသိကြ၊ နောက်လိုက်တွေလည်း မသိကြဘဲ ကိုယ်သိတာလေးတွေနဲ့ သူတစ်လူငါတစ်မင်း လုပ်ကုန်ကြတော့တာပါပဲ။ အဆိုးဆုံးက ဆရာလုပ်သူတွေ မသိကြတာတွေပါ။ အရင်ရေးခဲ့သလို စာအသိနဲ့ ဆရာလုပ်သူတွေရော၊ ငါအသိနဲ့ ဆရာလုပ်သူတွေကိုယ်တိုင် လွဲနေကြလေတော့ နောက်လိုက်တွေလည်း လွဲကုန်ကြပြီပေါ့။ မသိတာချင်း အတူတူ စာအသိနဲ့ ဆရာလုပ်သူတွေဟာ စာပေအထောက်အထား အခိုင်အမာ ရှိနေတဲ့အတွက် ထင်သလောက် ဝေဖန်ပြစ်တင် ထောက်ပြစရာ မရှိပေမယ့် စာမသိဘဲ ငါအသိနဲ့ ဆရာလုပ်သူတွေမှာတော့ ပြဿနာတွေ ဖြစ်နေတာတွေ တွေ့မြင်ကြားသိနေရပါတယ်။ ဒါကြောင့်လည်း ခုနောက်ပိုင်း နိုင်ငံတော် သံဃမဟာနာယက ဆရာတော်ကြီးများမှ “တရားဟော ဓမ္မကထိကများသည် အနည်းဆုံး ဓမ္မာစရိယအဆင့် ရှိရမည်“လို့ ညွန်ကြားတော်မူခြင်း ဖြစ်ပါတယ်။ စာသိပြီး ငါစွဲမာနစွဲတွေ ရှိလာရင်လည်း အမှားတွေ ဖြစ်လာတတ်ပါတယ်။ ပညာတတ်များ မိုက်ပြီဆိုရင် ပိုပြီးကြောက်စရာ ကောင်းပါတယ်။ ပြီးတော့ ငါသိဆရာတွေရဲ့ ဟောပြောချက် အချို့ဟာ ထေရ၀ါဒ စာပေနဲ့ ညှိတဲ့အခါမှာ လွဲနေတာကို တွေ့ရပြန်ပါတယ်။ စာသိရော ငါသိပါ အရေးကြီးတယ် ဆိုပေမယ့် ငါသိဟာ စရိုက်အမျိုးမျိုးရှိတဲ့ ပုဂ္ဂိုလ်တစ်ဦးချင်း အသိခြင်း မတူဘဲ အသိအမျိုးမျိုး ဖြစ်နေတဲ့အတွက် ပုံသေသတ်မှတ်လို့ မရပါဘူး။ ဒါကြောင့် စာပေကိုတော့ အဓိကမှတ်ကျောက်အဖြစ် ထားရပါတယ်။ ဗုဒ္ဓဟောကြားတဲ့ တရားတော်များနဲ့ ချိန်ပြီးသတ်မှတ် ဆုံးဖြတ်ဖို့လိုပါတယ်။ ကိုယ့်ရဲ့ငါသိကိုလည်း စာသိနဲ့ ညှိယူရပါတယ်။ စာကိုတော့ ဘောင်ကျော်လို့ မရပါဘူး။ မြန်မာပြည်မှာ ထေရ၀ါဒ အားကောင်းနေတာဟာလည်း ဒီစာပေပရိယတ်အားကောင်း နေလို့ဖြစ်ပါတယ်။ အထူးသဖြင့် ဘုရားဟော ဓမ္မများကို ပြင်ဆင်ခြင်း၊ ဖြည့်စွက်ခြင်း၊ နုတ်ပယ်ခြင်းမရှိဘဲ တစ်သွေမတိမ်း လက်ခံထားတဲ့ ထေရ၀ါဒ စာပေတွေ ရှိနေတဲ့အတွက် သာသနာ အားကောင်းနေတာ ဖြစ်ပါတယ်။ ဒါကြောင့်မို့ မြန်မာပြည်မှာ ဘာသာရေး အရှုတ်အရှင်းတွေ ဖြစ်လာရင် ဘုရားဟော စာပေနဲ့ပဲ ညှိနှိုင်းဆုံးဖြတ်လေ့ရှိပါတယ်။ ဒါကိုတော့ ငါသိနဲ့ ဟောပြောနေသူများ အထူးသတိပြုသင့်လှပါတယ်။ ဖားအောက်ဆရာတော်ကြီးက “တို့က… တရားကမ္မဋ္ဌာန်းတွေ လက်တွေ့ကျင့်ကြံဖို့ ပြသနေပေမယ့် စာကိုတော့ ဘယ်တော့မှ မကျော်စေပါဘူး၊ စာနဲ့အမြဲညှိပြီးမှ လက်တွေ့ကျင့်ကြံစေပါတယ်..“ လို့ ဆရာတော်ကြီးရဲ့ တပည့်တစ်ပါးက ပြောဖူးပါတယ်။ ဆရာတော် အမိန့်ရှိတော်မူတဲ့အတိုင်း ငါသိသမားတွေလည်း စာနဲ့တော့ ညှိကြဖို့ လိုပါတယ်။ အထူးသဖြင့် ရဟန်းတော်များဆိုရင် ၀ိနည်းတော်ကိုတော့ အထူးအလေးပြုသင့်ပါတယ်။ ၀ိနည်းတော်ကို အလေးမထားဘဲ ပစ်ပယ်ထားလိုက်ရင် ထေရ၀ါဒမှ ယနေ့ဝိနည်းကွယ်ပျောက်နေတဲ့ မဟာယာနပုံစံမျိုး ဖြစ်သွားတတ်ပါတယ်။ ဒါကြောင့် ငါတွေ့အားသန်သူများ အနေဖြင့် ငါ့တွေ့ကို စာတွေနဲ့ညှိပြီး ၀ိနည်းတော်ကို အလေးထားဖို့ တိုက်တွန်းခြင်းဖြစ်ပါတယ်။

နောက်ပြီး ဆိုင်ရာဆိုင်ရာ ဆရာတော်များရဲ့ တရားတော်ကို နှစ်သက်လက်ခံ လိုက်နာကျင့်သုံးကြတဲ့ ပရိတ်သတ်များ အနေဖြင့်လည်း အထူးသတိထားသင့်တဲ့ အချက်တွေရှိပါတယ်။ ကိုယ်က ဘာမှမသိတဲ့အတွက် ကိုယ့်အတွက် အနည်းငယ်မျှ တိုက်ဆိုင်သွားတဲ့ ဆရာသမားရဲ့ တရားတော်ကိုပဲ တစ်သမှတ်တည်း အသေစွဲ မယူထားဖို့ လိုပါတယ်။ တကယ်တော့ ကိုယ်သိသွားတဲ့အချက် ကိုယ်နဲ့တိုက်ဆိုင်သွားတဲ့ ဟောပြောချက်ဟာလည်း ဘယ်အဆင့်အထိ ရှိတယ်ဆိုတာ ဆုံးဖြတ်ဖို့ ခက်လှပါတယ်။ တစ်ခါတစ်ရံမှာ တစ်ချို့ ယောဂီတွေဟာ သမာဓိနိမိတ်တွေ အပေါ်မှာကိုပဲ ကိုယ့်ကိုယ်ကို တရားအစစ် ရပြီလို့ ထင်တတ်တာတွေ ရှိတတ်ပါတယ်။ ဒါကြောင့် တရားအားထုတ်တဲ့ အခါမှာ ကိုယ့်အနားမှာ စာပေပရိယတ်ရော လက်တွေ့အားထုတ်မှုပါ ပြည့်စုံတဲ့ ဆရာကောင်းလိုတယ်လို့ ဆိုခြင်းဖြစ်ပါတယ်။ အဲဒီလို ဆရာကောင်းတွေလည်း မြန်မာပြည်မှာ ရှိပါတယ်။ ဒီလို ဆရာတွေထံမှာလည်း စမ်းသပ် အားထုတ်ကြည့်သင့်ပါတယ်။

ဒီနေရာမှာ ဘုန်းဘုန်းပြောလိုတာက “ဓမ္မအဓမ္မ အဖြစ်မှန်တွေကို ဘုန်းဘုန်းကိုယ်တိုင် သိရဲ့သားနဲ့ ဘာဖြစ်လို့ ဒီလိုနေရာမျိုးမှာ ၀င်ရောက်မဆွေးနွေးတာလဲ…၊ ဗုဒ္ဓဘာသာ ရဟန်းတော်တစ်ပါး အနေနဲ့ ဘာကြောင့် သွေးအေးနေတာလဲ” ဆိုရင် ဘုန်းဘုန်းအနေနဲ့ ကိုယ့်ကိုယ်ကို ဓမ္မအနှစ်သာရ အသိခိုင်အောင် အရင်လုပ်နေလို့ပါလို့ ပြောပါရစေ။ ကိုယ်ကိုယ်တိုင်က အသိမပြည့်စုံသေးလို့ပါလို့ အကြောင်းပြပါရစေ။ ခေါင်းရှောင်တာ မဟုတ်ပါဘူး။ ဘယ်သူမှားတယ်၊ ဘယ်သူမှန်တယ် ဆိုတာကတော့ အချိန်တန်ရင် အမှန်သစ္စာက ဖြေရှင်းပေးသွားလိမ့်မယ်လို့လည်း ယုံကြည်နေလို့ပါ။ မဂ္ဂင်ရှစ်ပါးအကျင့်တရား ရှိနေသမျှ ရဟန္တာများ မဆိတ်သုဉ်းဘူးဆိုတဲ့အတိုင်း ဗုဒ္ဓဓမ္မကို အမှန်အတိုင်း လက်ခံလိုက်နာ ကျင့်သုံးနေကြတဲ့ သူတော်ကောင်းများ ရှိနေသမျှ ဓမ္မ၀ါဒ မကျရှုံးသေးဘူးလို့ ခံယူထားလို့ပါ။ ပြီးတော့ တစ်ချို့ကိစ္စတွေဟာ ပြန်လည်တုံ့ပြန်ရင် ပိုပြီးပွဲဆူကာ ပိုပြီးပြန့်နှံ့သွားတတ်ပြီး ကြေငြာပေးသလို ဖြစ်သွားတတ်ပါတယ်။ ဒါကြောင့် အဓမ္မဘက်က တိုက်ခိုက်မှုတွေ အားကောင်းနေပေမယ့် အဲဒီတိုက်ခိုက်မှုတွေဟာလည်း ပုဂ္ဂိုလ်ရေး အစွဲတရားကြောင့် ဖြစ်တယ်ဆိုတာ သဘောပေါက်ပြီး အချိန်တန်ရင် သူတို့ကိုယ်တိုင် သဘောပေါက်သွားလိမ့်မယ်လို့လည်း ခံယူထားတဲ့ အတွက်ကြောင့် ဘုန်းဘုန်းအနေနဲ့ ဘာမှမတုံ့ပြန်ဘဲ ဓမ္မစကား သက်သက်ကိုပဲ ရေးသားတင်ပြနေခြင်း ဖြစ်ပါတယ်။ အကယ်၍ သူတို့က သဘောမပေါက်ဘဲ အမှားအတိုင်းဆက်ပြီး လက်ခံလိုက်နာ ကျင့်သုံးနေရင်တော့ သဗ္ဗေသတ္တာ ကမ္မသကာထဲထည့်ပြီး ကိုယ်ကိုယ်တိုင် လွတ်အောင်ရုန်းကြဖို့ပဲ ရှိပါတယ်။ ပြီးတော့ ကိုယ့်ပတ်ဝန်းကျင်ကို တတ်နိုင်သမျှ ဓမ္မ၀ါဒ အသိရှိအောင် ကြိုးစားကြည့်ဖို့ပါပဲ။

နောက်ဆုံးအနေနဲ့ အကြံပြုချင်တာက အွန်လိုင်းမှာ ဖြစ်ပေါ်နေတဲ့ ဓမ္မအဓမ္မ ဖြေရှင်းချက်များတွင် ၀ိုင်းဝန်းအကြံပြု ပြောဆိုနေသူများ အနေဖြင့် တစ်ဦးနဲ့တစ်ဦး ပြေပြေလည်လည် ဖြစ်စေချင်ပါတယ်။ ကိုယ့်အမြင်ကို ကိုယ်ပြောတာဆိုပေမယ့် အပြောများရင်၊ အပြောကြမ်းရင် အမှားတွေ ပါလာတတ်ပါတယ်။ ပြောရင်းပြောရင်း မလိုလားအပ်တဲ့ အပြစ်တွေ စော်ကားမှုတွေ ၀င်လာတတ်ပါတယ်။ ဒါကြောင့် ဘယ်သူမဆို ကိုယ့်ကိုယ်ကို အရင်ကာကွယ်ပြီး ကိုယ့်ပတ်ဝန်းကျင်ကို ခိုင်မာအောင် လုပ်သင့်တယ်လို့ ထင်ပါတယ်။ အမှန်တော့ အားလုံး သူ့ဘက်ကိုယ့်ဘက် ကာကွယ်ပြောဆိုနေကြတာဟာ မှန်တယ်ထင်လို့ ပြောနေကြတာတွေ ဖြစ်ပါတယ်။ အမှန်သစ္စာက ရှိနေပေမယ့် အမှားကို စွဲကိုင်ထားသူများကလည်း ကိုယ့်ကိုယ်ကို မှားနေတယ်လို့ ထင်မှာမဟုတ်ပါဘူး။ ဒါကြောင့် သူတို့ကလည်း အပြိုင်အဆိုင် ပြန်လည်တုံ့ပြန်ကြပါလိမ့်မယ်။ ဒီလိုဆိုရင် အမှန်ရောက်မှာ မဟုတ်ဘဲ ဓမ္မစာမျက်နှာတွေမှာ အယုတ်ဆိုးစေပါတယ်။ ဓမ္မအစစ်အမှန်ဆိုတာ ငြင်းချက်ထုတ်စရာ မလိုဘဲ လက်တွေ့ကျင့်ကြံ ရယူရမယ့် အရာဖြစ်ပါတယ်။ ဒါကြောင့် အချိန်တန်ရင် ပြီးသွားမှာပါလို့ သဘောထားပြီး ကိုယ်ကိုယ်တိုင်နဲ့ ကိုယ့်ပတ်ဝန်းကျင်ကိုသာ လမ်းမလွဲစေဖို့ သဒ္ဓါပညာကို သတိနဲ့ယှဉ်ပြီး ကျင့်သုံးကြဖို့ အကြံပြုလိုက်ပါတယ်။

မှတ်ချက်။ ၊၊ အဓမ္မ၀ါဒရန်ကို ကာကွယ်နေကြသည့် သူများကို အထူးကျေးဇူးတင်ပါတယ်။ အားလည်းအားပေး နေပါတယ်။ လိုအပ်ရင်လည်း အမြဲအဆင်သင့် ရှိပါတယ်။ ပြီးတော့ အထက်ပါ ရေးသားချက်များဟာ ဘယ်သူ့ကိုမှ အပြစ်ပြောလိုတဲ့ ရည်ရွယ်ချက်မရှိဘဲ အားလုံးကို ပြေပြေလည်လည် ရှိစေချင်တဲ့ စေတနာ သက်သက်သာ ဖြစ်ပါကြောင်း ၀န်ခံပါတယ်။ ဒီပို့စ်လေးနဲ့ပဲ နောက်ဆုံးတင်ပြရင်း နောက်နောင်ပို့စ်များတွင် ဓမ္မရသ သက်သက်ကိုသာ တင်ပြပါမည့်အကြောင်း…

Read more »

ငြင်းခုံမှုများရပ်ကြစို့…

ယနေ့ခေတ်သည် ရုပ်ပိုင်းဆိုင်ရာများ အဖက်ဖက်မှ တိုးတက်နေသည့် ခေတ်ကာလ ဖြစ်သည့်အလျှောက် လိုချင်သိချင်သည်များကိုလည်း အမျိုးမျိုးသော ခေတ်မီပစ္စည်းများကို အသုံးပြု၍ သိနေနိုင်ကြ၊ ရနေနိုင်ကြပြီ ဖြစ်၏။ အသိပေးချင်သည်များကိုလည်း ထိုရုပ်ဝတ္ထုပစ္စည်းများ အကူအညီဖြင့် ချက်ချင်းပြန့်နှံ့အောင် အသိပေး ဖြန့်ဝေနေနိုင်ပြီ ဖြစ်၏။ ထိုခေတ်ပေါ် အထောက်အကူပြု ပစ္စည်းများတွင် အင်တာနက်သည် တစ်ကမ္ဘာလုံးအထိ ဖြန့်ထားနိုင်သည့် ကွန်ယက်တစ်ခု ဖြစ်သဖြင့် လူသားများ အချင်းချင်း အချိန်အတိုအတွင်း သိလိုရာ သိချင်ရာကို ချက်ချင်းဖြန့်ဝေပေးနိုင်၏။ ထိုအချက်သည် ကောင်းသည့်အချက်ဖြစ်သကဲ့သို့ ဆိုးသည့်အချက်လည်း ဖြစ်ပေါ်နေ၏။ ဘာသာရေးဘက်ကကြည့်လျှင် အင်တာနက်ကို အသုံးပြု၍ တရားတော်များ နားကြားခွင့်ရနေကြ၏။ တရားစာများ ဖတ်ခွင့်ကြုံနေကြ၏။ တရားတော်များ ဆွေးနွေးခွင့် ရနေကြ၏။ မိမိသိထားသည်များကို တစ်ဆင့်ဖြန့်ဝေခွင့် ရနေကြ၏။ တရားအနှစ်ကို မသိသေးသူများလည်း တစ်ဆင့်သိခွင့်ရနေကြ၏။ အလွန်ကောင်းမွန်သည့် အွန်လိုင်းသာသနာပြု လုပ်ငန်းတစ်ခုကဲ့သို့ ဖြစ်နေပေ၏။ ဤကား ကောင်းသည့်အချက်ပင် ဖြစ်၏။

သို့သော် ဆိုးသည့်အချက်မှာ ထိုအင်တာနက်ကို အသုံးပြု၍ အွန်လိုင်းငြင်းခုံမှုများ၊ ဘာသရေး တိုက်ပွဲများ ဖြစ်နေသည့်အချက်ပင် ဖြစ်၏။ ဘာသရေး ငြင်းခုံမှုများသည် အခြားဘာသာများဖြင့် ငြင်းခုံတိုက်ပွဲဝင် နေကြခြင်း မဟုတ်ဘဲ မိမိတို့ ဗုဒ္ဓဘာသာဝင် အချင်းချင်းသာ ဖြစ်နေကြခြင်း ဖြစ်၏။ ငြင်းခုံကြရာတွင် အမှန်သစ္စာကို ရှင်းလင်းသူများအပြင် ဘာသာရေးကို ခုတုံးလုပ်လိုသူများ အယူစွဲ ၀ါဒစွဲ၊ ပုဂ္ဂိုလ်စွဲ၊ ဆရာစွဲ ရှိနေသည့်သူများ၊ မိမိသိသည့် အနည်းငယ်လေးကို စွဲကိုင်ပြီး ငြင်းဆန်နေသူများ၊ မိမိသည်သာ အမှန်ဟု မိမိကိုယ်ကို အထင်ကြီးကာ ဘာသာရေး အစွန်းရောက်သူများ စသူစသူတို့ကလည်း ထိုအင်တာနက်ကို အသုံးပြု၍ ၀ါဒဖြန့်ကြ၊ မိမိတို့ဆရာသည်သာ မှန်သည်ဟူ၍ တစ်ဖက်သတ် ပုဂ္ဂိုလ်ရေး ကြည်ညိုမှုများဖြင့် အမှန်အမှား မခွဲခြားဘဲ ပုဂ္ဂိုလ်ရေး ထိခိုက်ပြောဆို နေကြ၏။ ထိုအထဲတွင် စာတွေ့ကို ကိုင်၍ပြောဆို နေကြသူများ ရှိသကဲ့သို့ ငါတွေ့ကို ကိုင်၍ပြောဆိုနေသူများလည်း ရှိ၏။ ပိဋကတ်စာပေနဲ့ ညှိ၍ စာပေအတိုင်း လက်ခံလိုက်နာ ပြောဆိုနေသူများ ရှိသကဲ့သို့ စာပေက အဓိကမကျပါဘူး ကိုယ်တွေ့က အဓိကကျသည်ဟု ငါတွေ့ကို စွဲကိုင်ပြောဆိုနေသူများလည်း ရှိ၏။ ငါတို့ဆရာသည်သာ အမှန်ဟူ၍ မိမိတို့ဆရာ ပြောသမျှ အကုန်မှန်သည်ဟူ၍ ပုဂ္ဂိုလ်ရေး ကြည်ညိုမှု တစ်ခုတည်းကို ကြည့်၍ မျက်စိစုံမှိတ် ငြင်းခုံနေသူများ ရှိသကဲ့သို့ ပုဂ္ဂိုလ်ရေး အစွဲမရှိဘဲ ဗုဒ္ဓဓမ္မကို အမှန်တကယ် လေ့လာလိုက်စားပြီး ဆရာတော်များ ဟောသမျှကို အမှားအမှန် ချင့်ချိန်ကာ ဓမ္မအနှစ်သာရ ရှုထောင့်မှ ပြောဆိုကာကွယ် သူများလည်း ရှိ၏။ မည်သို့ဆိုစေ ဤသို့ ငြင်းခုံနေကြခြင်းသည် မကောင်းလှပေ။ ငြင်းခုံရာမှ အမှားများ ပိုများလာတတ်သည်ကို သတိပြုသင့်လှ၏။ ငြင်းခုံရာမှ ရန်များလာတတ်၏။ ငြင်းခုံရာမှ အားနည်းချက်များ ဖော်ဆောင်လာကာ ပုဂ္ဂိုလ်ရေး ထိခိုက်လာသည် အထိဖြစ်လာတတ်၏။ ငယ်ကျိုးငယ်နာများ ဖော်လာသည်အထိ ဖြစ်လာတတ်၏။

ထိုငြင်းခုံမှု အားလုံး၏ လက်သည်မှာ အစွဲတရားကြောင့်ပင် ဖြစ်ပါ၏။ အယူဝါဒ အစွဲသည် အသက်ပင် အသေခံသည်အထိ စွန့်လွတ်ရန် ခဲရင်းလှ၏။ ထိုအစွဲတရားများသည် ပုဂ္ဂိုလ်ကို အမှီပြု၍ ဖြစ်လာသည့် အစွဲတရားများ ဖြစ်သည်ကများ၏။ ဗုဒ္ဓလက်ထက်ကို ပြန်ကြည့်လျှင် အလွယ်တကူ သိနိုင်၏။ ဗုဒ္ဓနှင့် ခေတ်ပြိုင်ပေါ်ပေါက်ခဲ့ကြသည့် တိတ္တိဆရာကြီးများသည် ထိုစဉ်က တပည့်ပေါင်း မြောက်များစွာဖြင့် ဗုဒ္ဓကို ယှဉ်ပြိုင်နိုင်ကြ၏။ အတုမရှိ ဗုဒ္ဓရှင်တော်လက်ထက်တွင်ပင် ဗုဒ္ဓ၀ါဒကို လက်မခံနိုင်ဘဲ မိမိတို့ ဆရာဝါဒသာ အမှန်ဟူ၍ စွဲကိုင်သူများ အများအပြား ရှိသည်ကို သဘောပေါက်နိုင်ကြ၏။ ဤသည်မှာ ပုဂ္ဂိုလ်တစ်ဦး၏ ၀ါဒတစ်ခုကို ယုံကြည်လက်ခံမိပြီဆိုလျှင် စွန့်လွတ်ရန် ခဲယင်းသည်ဟူသည့် အချက်ကို မီးမောင်းထိုးပြနေခြင်းပင် ဖြစ်၏။ ဗုဒ္ဓပရိနိဗ္ဗာန်စံပြီးနောက်တွင်လည်း သာသနာတွင် သံဃာဂိုဏ်းကွဲအမျိုးမျိုး ပေါ်ပေါက်ခဲ့၏။ ထိုဂိုဏ်းကွဲများသည်လည်း အယူဝါဒ မတူညီသည့် ပုဂ္ဂိုလ်များကို အစွဲပြု၍ ထိုပုဂ္ဂိုလ်များ၏ ၀ါဒကို ယုံကြည်လက်ခံသူများမှ တစ်ဆင့် အင်အားကောင်းလာခြင်း ဖြစ်၏။

ယနေ့ခေတ်တွင် ထိုသဘောများ တဖြည်းဖြည်း များလာသည်ကို တွေ့ရ၏။ တရားဓမ္မ ဟောပြောပြသကြသည့် ဆရာသမားများကို အစွဲပြု၍ သူ့ဆရာ ကိုယ့်ဆရာစသည့် ပုဂ္ဂိုလ်ရေး ကြည်ညိုမှုများဖြင့် ဆရာစွဲ ၀ါဒစွဲများ တဖြည်းဖြည်း အားကောင်းလာသည်ကို တွေ့နေရ၏။ တရားဟောဆရာများကလည်း အများသားပင်။ အချို့က စာတတ်ပေတတ်များဖြစ်ပြီး အချို့ကား စာပေပရိယတ် မပြည့်စုံသော်လည်း လက်တွေ့အားထုတ်မှု အားကောင်းသူများဖြစ်၏။ စာပေပရိယတ် တတ်ကျွမ်းပြီး လက်တွေ့အားထုတ်မှု ပဋိပတ်အားနည်းသည့် ဆရာအချို့က စာပေကို အားပြု၍ စာပေအတိုင်း ဟောပြောပြသကြ၏။ စာမတတ်သော်လည်း လက်တွေ့ပိုင်ပိုင် အားထုတ်ထားသည့် ဆရာအချို့ကား လက်တွေ့ပိုင်းကို အားပြု၍ ဟောပြောပြသကြ၏။ ထိုအဆင့်အထိကား ပြဿနာ မရှိသေးပေ။ ဆိုးလာသည်ကား တစ်ဘက်နှင့်တစ်ဘက် ပုတ်ခတ်ပြောဆို လာကြခြင်းပင်ဖြစ်၏။ လက်တွေ့အားသန်သည့် ပုဂ္ဂိုလ်များက ငါတွေ့နဲ့ကိုင်ပြီး ဟောပြောကာ စာပေသင်စရာ မလို၊ စာတတ်စရာမလိုဟု လုပ်လာကြသကဲ့သို့ စာပေအားကောင်းသည့် စာတတ်ပေတတ်များကလည်း စာတွေ့ကို ကိုင်ကာစာနှင့်သာညှိပြီး ငါတွေ့အပေါ် အထင်သေးပုတ်ခတ် လာတတ်ကြ၏။ သူ့ဘက်ကိုယ့်ဘက် အမှန်ဟု ယူဆကြသော်လည်း စင်စစ်စာတွေ့ရော ငါတွေ့ပါ အထူးလိုအပ်၏။ စာပေသည်အခြေခံ ကျသဖြင့် စာပေတတ်ပြီး ကိုယ်တွေ့အားထုတ်မှုများဖြင့် ပြန်လည်ဟောပြော ပို့ချကြရန် လိုအပ်လှ၏။ ထိုသို့ စာတွေ့လက်တွေ့ဖြင့် ပြန်လည်ဟောပြော ပြသမည်ဆိုလျှင် ထိုဆရာများ၏ ဟောပြောမှုများတွင် မည်သည့်ပြဿနာမျှ မပေါ်နိုင်တော့ပေ။ ထိုဆရာတော်များ၏ တရားများအပေါ်တွင်လည်း မည်သည့်ဝေဘန်မှုမျိုးမျှ မရှိနိုင်ပေ။ မြန်မာနိုင်ငံတွင် ထိုသို့စာတွေ့လက်တွေ့ နှစ်ရပ်လုံးဖြင့် ဟောပြောပြသနေသည့် ဓမ္မကထိက ဆရာတော်ကြီးများ များစွာရှိပါ၏။ စာရေးသူတို့ ငယ်စဉ်ကတည်းကပင် ဟောကြားပြသလာခဲ့သည်မှာ ယနေ့အထိ ထိုဆရာတော်များ၏ ဟောပြောမှုနှင့် စပ်လျဉ်း၍ ဝေဘန်သံ တစ်စုံတစ်ခုမျှ မကြားရပေ။ ဤသည်မှာ စာလည်းတတ် တရားလည်းအားထုတ်ပြီး စာတွေ့နှင့်လက်တွေ့ ပေါင်းစပ်ကာ ဟောကြားခဲ့ခြင်းကြောင့်ပင် ဖြစ်ပါ၏။

မှန်၏။ မျက်မှောက်ခေတ်တွင် တရားဟော ဓမ္မကထိက ဆရာများ အများအပြား ပေါ်ပေါက်နေသော်လည်း စာတွေ့လက်တွေ့ နှစ်ရပ်လုံးတွင် ကျွမ်းကျင်ပိုင်နိုင်ပြီး ဟောပြောပြသသည့် ဆရာများအားနည်းလာ သည်ကိုတွေ့ရ၏။ အချို့က စာပေပရိယတ်ကိုသာ ကိုင်စွဲထားပြီး ဟောပြောပြသကြ၏။ အချို့က စာတွေ့မရှိ ခန္ဓာကိုယ်တွေ့ဟုဆိုကာ ငါတွေ့ကို ကိုင်စွဲပြီး ဟောပြောပြသ၏။ ထိုဆရာများသည် အပြောအဟော ကောင်းသဖြင့် တဖြည်းဖြည်း နာမည်ရလာကာ တပည့်တပန်းများလည်း တိုးပွားလာနေကြ၏။ သို့သော် ကောက်ရိုးမီးကဲ့သို့ တစ်ရှိန်ထိုးတက်ပြီး တစ်ရှိန်ထိုး ပြုတ်ကျသွားသည်ကိုလည်း တွေ့ရတတ်၏။ ပရိတ်သတ် အားကောင်းလာသည့်အခါ ပရိတ်သတ်အရှိန်ဖြင့် စင်ပေါ်တွင် ပြောချင်ရာပြောပြီး မိမိသိသည့် အနည်းငယ်ကို ကိုင်စွဲပြီး သတိလက်လွတ်ဖြစ်ကာ ငါ့ဝါဒ ငါ့ဂိုဏ်းလို ဖြစ်လာ၏။ ထိုအခါ အသိဉာဏ် ဆင်ခြင်တုံတရား ရှိသည့်သူများက ထောက်ပြဝေဘန်လာသည့်အခါ နဂိုပုဂ္ဂိုလ်စွဲ ယုံကြည်မှု ရှိထားသူများက ပြန်လည်တိုက်ခိုက်လာ ကုန်ကြ၏။

စာပေ ပရိယတ် တတ်ကျွမ်းသော်လည်း လက်တွေ့အားထုတ်မှု မရှိပါက ထိုတတ်ကျွမ်းမှု၏ အနှစ်သာရကို မိမိကိုယ်တိုင်လည်း မခံစားရဘဲ မိမိ၏ ပရိတ်သတ်များ အတွက်လည်း အကျိုးကျေးဇူးနည်းပါးလှ၏။ ဗုဒ္ဓရှင်တော်က “နွားရှင်တို့အား နွားတို့ကို ရေတွက်အပ်နှင်းလိုက်ရသော နွားကျောင်းသားသည် နွားနို့အရသာကို မခံစားလိုက်ရသကဲ့သို့ နိဗ္ဗာန်ရောက်သည်အထိ အကျိုးစီးပွားနှင့်စပ်သော ပိဋကတ်သုံးပုံဟူသော ဘုရားစကားတော်ကို များစွာဟောပြောနေသော်လည်း မကျင့်မကြံ မေ့လျော့ပေါ့တန် နေသူသည် ပြုထိုက်သည်ကို ပြုသည်မမည်၊ မဂ်ဖိုလ်အရသာကို မခံစားရ“ (ဓမ္မပဒ၊ ဒွေသဟာယကဘိက္ခု ၀တ္တု) ဟု ဟောတော်မူထားသဖြင့် စာတွေ့အားကောင်းရုံဖြင့် မလုံလောက်ဘဲ လက်တွေ့အားထုတ်မှုများလည်း လိုအပ်သည်ကို သတိပြုသင့်လှ၏။ လက်တွေ့မပါ စာကိုသာ အားပြုလာလျှင် ဝေဘန်စရာ ဖြစ်လာတတ်၏။

ထို့အတူ စာပေပရိယတ် အခြေခံ အားနည်းကြသော်လည်း လက်တွေ့အားထုတ်မှု အားကောင်းသူများက ခန္ဓာကိုယ်တွေ့ဟုဆိုကာ ငါတွေ့တရားများကို စာပေနှင့်မညှိ၊ ၀ိနည်းမသိဘဲ ပြောချင်ရာပြောကာ ထင်ရာစွက် ဟောလာကြသည်လည်း ရှိ၏။ ထိုသူများကား ဤတရားသည် ငါကိုယ်တိုင် ခန္ဓာကိုယ်တွေ့ သိထားသည့် တရားဟုဆိုကာ တစ်ဆင့်ပြန်လည် ဖောက်သည်ချ၏။ စာပေမတတ်၊ ၀ိနည်းမသိသည့်အခါ ပြောသင့်သည့် စကား၊ မပြောသင့်သည့်စကား၊ ၀ိနည်းတော်နှင့် ကိုက်ညီသည့်စကား မကိုက်ညီသည့် စကားဟု မခွဲခြားဘဲ ဟောပြောကြသဖြင့် ဝေဘန်တိုက်ခိုက် ခံရပြန်၏။ ထေရ၀ါဒ ဗုဒ္ဓဘာသာတွင် ၀ိနည်းသည် သာသနာ၏ အသက်ဖြစ်သကဲ့သို့ ရဟန်းသံဃာတော်များ၏ သီလလည်း ဖြစ်၏။ ရဟန္တာသော်မှလည်း ၀ိနည်းတော်အတိုင်း လိုက်နာကျင့်သုံးရ၏။ ၀ိနည်းသည် မည်သူမျှ ပြုပြင်ပြင်ဆင်၍ မရသည့် ဗုဒ္ဓ၏ အာဏာဒေသနာတော် ဖြစ်၏။ စာပေမသိ ၀ိနည်းမရှိ်ဘဲ ငါတွေ့ဟုဆိုကာ ဟောချင်ရာဟော၍ ၀ိနည်းတော်နှင့် မကိုက်ညီလျှင် သီလကို လွန်ကျူးရာ ရောက်သကဲ့သို့ ဗုဒ္ဓ၏ ဥပဒေကို ဖောက်ဖျက်ရာလည်း ရောက်၏။ ၀ိနည်းတော်တွင်ကား မှန်သော်လည်း မပြောရဟု ပညတ်ထားချက်များ ရှိ၏။ စာပေပရိယတ်မရှိ ခန္ဓာကိုယ်တွေ့ဟု ပြောဟောသူများ သတိပြုသင့်သည့် အချက်မှာ ပုဂ္ဂိုလ်တစ်ဦးနှင့် တဦးမှာ တရားသိပုံချင်း မတူညီသည့် အချက်ပင် ဖြစ်၏။ မိမိအားထုတ်ပြီး သိသည့်အသိနှင့် အခြားသူအားထုတ်ပြီး သိသည့်အသိ တစ်ထပ်တည်း ကျချင်မှကျမည် ဖြစ်၏။ စာပေမညှိဘဲ ငါသိဟုကိုင်စွဲကာ ဟောကြားမှုများသည် ငါ့အတွက် မှန်သော်လည်း သူများအတွက် မှန်ချင်မှ မှန်မည်ဆိုသည့် အချက်ကို သတိပြုသင့်လှ၏။ ဗုဒ္ဓသည်ပင် တရားဟောသည့်အခါ ဝေနေယျစ္ဆာသယခေါ် ဝေနေယျတို့၏ အလိုသို့ လိုက်ကာ ထိုပုဂ္ဂိုလ်များနှင့် သင့်လျော်မည့် တရားကိုသာ ရွေးခြယ်ဟောပြောသည်ကို အတုယူသင့်၏။ ငါတွေ့တိုင်း တစ်ခြားသူများလည်း င့ါလိုဖြစ်မည်ဟု တစ်ထစ်ချ သတ်မှတ်ထား၍ မရပေ။ ထိုသို့ တစ်လမ်းတည်းစွဲကိုင်ပြီး ဟောပြောပြသနေလျှင် ဝေဘန်ထောက်ပြစရာ ဖြစ်လာတတ်၏။ ငါတွေ့ကို စာတွေနှင့်ချိန်ပြီး စာပေလည်း မလွတ်စေအောင် ပညာရှိများလည်း အကဲ့ရဲ့လွတ်အောင် ဟောကြားရန် လိုအပ်လှ၏။ ထိုကြောင့် လူအများကို ဦးဆောင်မှုပြုနေသည့် ဆရာများ၊ တရားဟော တရားပြများသည် စာတွေ့နှင့်လက်တွေ့ နှစ်မျိုးလုံး ပြည့်စုံရန်လိုအပ်ကြောင်း၊ စာတွေ့ကို အခြေခံ၍ လက်တွေ့နှင့် ပေါင်းစပ်ကာ ကောင်းမြတ်သည်ကို ညွန်ပြပေးရန် လိုကြောင်း ဆိုခြင်းဖြစ်ပါ၏။

ဤနေရာတွင် စာရေးသူ ပြောလိုသည်မှာ ဆရာစွဲ၊ ၀ါဒစွဲ၊ ပုဂ္ဂိုလ်စွဲများထားပြီး တစ်သမှတ်တည်းကိုင်စွဲကာ ဗုဒ္ဓဘာသာဝင် အချင်းချင်း ငြင်းခုံမှုမှား ရပ်တန့်ကြရန်နှင့် မိမိတို့ ကိုးကွယ်သည့် ဆရာသမားများ၏ ဟောပြောချက်များကိုသာ တစ်ထစ်ချ အမှန်ဟု မသတ်မှတ်ကြရန် ဖြစ်ပါ၏။ ဟောပြောသူ ဆရာများသည် စာတွေ့များ ရှိသကဲ့သို့ ငါတွေ့များလည်း ရှိသဖြင့် မိမိတို့ကိုယ်တိုင်သာလျှင် မှန်ကန်သည့် ဟောပြောချက်၊ လမ်းညွှန်ချက်ကို ရွေးချယ်စိစစ်၍ လိုက်နာကျင့်သုံးကြရန် ဖြစ်ပါ၏။ တို့ဆရာက သည်လိုပြောလို့ ဆရာ့စကားသည်သာ အမှန်ဟု မသတ်မှတ်ကြဘဲ မိမိတို့ကိုယ်တိုင်သာလျှင် ယုံကြည်မှုနှင့် စဉ်းစားဆင်ခြင်မှု ပေါင်းစပ်ကာ ကောင်းမြတ်ရာကိုသာ သွားကြဖို့ တိုက်တွန်းလိုရင်း ဖြစ်ပါ၏။ မည်သူမှားသည် မည်သူမှန်သည်ဟူသည့် ငြင်းခုံမှုများသည် ပြဿနာ ပြေလည်ရာ လမ်းကြောင်းမှန် မဟုတ်ဘဲ မိမိတို့ကိုယ်တိုင်သာ ဆရာကောင်းကို ရွေးချယ်စိစစ်ကြရန် ဖြစ်ပါ၏။ ဆရာတစ်ပါး လွဲချော်သွားက တပည့်အများ အပါယ်လား၏ဟု ဆိုသည့်အတိုင်း မိမိတို့ ဆည်းကပ်ကိုးကွယ်သည့် ဆရာသည် အလွဲအမှားများကို ဟောပြောပေးနေသည့် ဆရာဖြစ်ပါက မိမိတို့လည်း အလွဲလမ်းကို လိုက်သွားနိုင်ပါသဖြင့် အစွဲအလန်းများကိုပယ်ပြီး အမြဲလန်းစေမည့် အမှန်လမ်းကို လျှောက်နိုင်ဖို့် ကြိုးစားကြရန်သာ ဖြစ်ပါ၏။ ကိုးကွယ်ရာမှ ဘေးမဖြစ်ကြရန်သာ ကြိုးစားသင့်ပါကြောင်း…

Read more »

ကိုယ်ကျင့်သီလ…

ဗုဒ္ဓဘာသာဝင်များ စောင့်ထိန်းကြတဲ့ သီလကို ကိုယ်ကျင့်သီလလို့လည်း ခေါ်ပါတယ်။ ဒီစကားလုံးလေးဟာ အဓိပ္ပါယ် သိပ်လေးနက်ပါတယ်။ “ကိုယ်ကျင့်သီလ”တဲ့။ ဟုတ်တယ်။ ကိုယ်ကျင့်မှ ကိုယ်ရမှာကိုး။ ကိုယ်မကျင့်ဘဲ ဘုရားရှေ့မှာ ဘယ်လောက်ပဲ သီလတွေယူယူ၊ ဘုန်းတော်ကြီးတွေက ဘယ်လောက်ပဲ သီလတွေပေးပေး ကိုယ်ကိုယ်တိုင် မကျင့်ရင် ပါးစပ်ပေးပေးပြီး၊ ပါးစပ်ယူ ယူတာပဲ ဖြစ်ပါလိမ့်မယ်။

မကြာသေးပါဘူး။ ဒကာတစ်ယောက်က လျှောက်ဖူးပါတယ်။ “အရှင်ဘုရား တပည့်တော် သီလယူတဲ့အခါ သုရာမေရယ သိက္ခာပုဒ်နေရာမှာ လိုက်မဆိုဘဲ နေလိုက်တယ်ဘုရား…၊ အဲဒါ ဒီသီလကို မယူတဲ့အတွက် ကျန်တဲ့ သီလတွေပါ ကျိုးပါသလား ဘုရား…”တဲ့။ တကယ်တော့ ငါးပါးသီလဆိုတာ ဗုဒ္ဓဘာသာဝင်များ အတွက် ဘုရားရှေ့မှာ၊ ရဟန်းတော် တစ်ပါးပါးထံမှာ ယူသည်ဖြစ်စေ မယူသည်ဖြစ်စေ နေ့စဉ်စောင့်ထိန်းရမယ့် နိစ္စသီလ ဖြစ်ပါတယ်။ သီလယူယူ မယူယူ ဒီငါးပါးသီလဟာ ဗုဒ္ဓဘာသာအဖြစ် ခံယူလိုက်တာနဲ့ အလိုလို တည်နေပြီးသား၊ ရှိနေပြီးသားဖြစ်ပါတယ်။ ဘုရားလက်ထက်က ဘုရားတရားနာပြီး ဥပါသကာ ဥပါသိကာမများ အဖြစ် ခံယူပါ၏လို့ ဘုရားရှင်ကို လျှောက်တဲ့သူများ ရှိပါတယ်။ အဲဒီသူများဟာ ဘုရားရှင်ရှေ့မှာပဲ တပည့်တော် သရဏဂုံနဲ့ ငါးပါးသီလကို လုံခြုံအောင် စောင့်ထိန်းပါမည့်အကြောင်း လျှောက်ထားရင်း ဥပါသကာ ဥပါသိကာမ များအဖြစ် ခံယူသွားကြပါတယ်။ အလွယ်ပြောမယ်ဆိုရင် ဥပါသကာ၊ ဥပါသိကာမများဆိုတာ ရတနာသုံးရပ်ကို အမြဲမပြတ် ကိုးကွယ်ဆည်းကပ်တတ်သူကို ပြောတာပါ။ ရတနာသုံးရပ်ကို အမြဲမပြတ် ကိုးကွယ်တယ်ဆိုတာ သရဏဂုံနဲ့ ငါးပါးသီလကို မပျောက်ပျက်အောင် စောင့်ထိန်းနေထိုင်ခြင်းလို့ တစ်နည်းအားဖြင့် ပြောနိုင်ပါတယ်။

ယနေ့ခေတ် ဗုဒ္ဓဘာသာဝင်များ ကိုယ့်ကိုယ်ကို ပြန်လည်စဉ်းစား ဆင်ခြင်ကြည့်သင့်ပါတယ်။ ကိုယ်ကိုယ်တိုင် ဥပါသကာ ဥပါသိကာမများ ဖြစ်ပြီလားလို့…။ အခြေခံဖြစ်တဲ့ သရဏဂုံနဲ့ ငါးပါးသီလကိုမှ လုံခြုံအောင် မစောင့်ထိန်းနိုင်သေးရင်တော့ ဥပါသကာ ဥပါသိကာမများလို့ ပြောရမှာ ခက်လှပါတယ်။ ပါးစပ်က ဗုဒ္ဓဘာသာလို့ ဘယ်လောက်ပဲ ပြောပြော၊ သီလတွေ ဘယ်လောက်ပဲ ယူယူ လက်တွေ့အားဖြင့် ကိုယ်ကိုယ်တိုင် ရအောင်မကျင့်နိုင်သေးရင်တော့ ကိုယ်ကျင့်သီလတွေ ရနေတယ်၊ တည်နေတယ်လို့ မပြောနိုင်သေးပါဘူး။ ကိုယ်ကျင့်မှ ကိုယ်ရမှာဖြစ်တဲ့ ဒီသီလဟာ ကိုယ်ကိုယ်တိုင်ပဲ လုပ်ယူရပါတယ်။ သူများပေးလို့ မရပါဘူး။ တောင်းပြီးယူရတဲ့ အရာမဟုတ်ဘဲ ကိုယ်ကိုယ်တိုင် ကျင့်သုံးပြီး ရယူရတဲ့ အရာဖြစ်ပါတယ်။

ဗုဒ္ဓဘာသာတွေရဲ့ နောက်ဆုံးပန်းတိုင်ဟာ နိဗ္ဗာန်ပဲဖြစ်ပါတယ်။ ဒါပေမယ့် ဒီနိဗ္ဗာန်ကို သွားဖို့အတွက် အခြေခံ လှေခါးကတော့ သီလပဲဖြစ်ပါတယ်။ ဘုရားရှင်အဆုံးအမတွေကို လိုက်နာကျင့်သုံးတဲ့ သူတွေဟာ ဒီနိဗ္ဗာန်ကို မျက်မှောက်ပြုနိုင်ပါတယ်။ ဘုရားအဆုံးအမဆိုတာ တစ်ခြားမဟုတ်ပါဘူး၊ သီလ၊ သမာဓိ၊ ပညာ သိက္ခာသုံးရပ် အကျင့်မြတ်ကိုပဲ ပြောတာပါ။ ဒီသိက္ခာသုံးရပ်ကို မဂ္ဂင်ရှစ်ပါးပဲလို့ အလွယ်နားလည်နိုင်ပါတယ်။ မဂ္ဂင်ရှစ်ပါးဟာ နိဗ္ဗာန်သွားဖို့အတွက် တစ်ခုတည်းသော လမ်းဖြောင့်ဖြစ်ပါတယ်။ ဒီလမ်းမှာ သီလတည်မှု၊ သမာဓိရှိမှု၊ ပညာပြည့်မှုတွေ ပါဝင်နေပါတယ်။ သီလတည်မှ သမာဓိတည်နိုင်ပြီး၊ သမာဓိတည်မှလည်း ပညာရနိုင်ပါတယ်။ ဒီသုံးမျိုးလုံးဟာ တစ်ခုတည်း၊ တစ်စပ်တည်းပါး။ ဒါကြောင့် သုံးမျိုးလုံးပေါင်းပြီး တစ်ကြောင်းတည်းသော လမ်းအဖြစ်ရှိနေတာပါ။ အရေအတွက်အားဖြင့် မဂ္ဂင်ရှစ်ပါးလို့ ပြောပေမယ့် အချုပ်အားဖြင့် သီလ၊ သမာဓိ၊ ပညာပါပဲ။ ဒါကို သိက္ခာသုံးရပ် အကျင့်မြတ်လို့ပြောနိုင်ပြီး ဗုဒ္ဓရဲ့ အဆုံးအမ အနှစ်ချုပ်လို့လည်း ပြောနိုင်ပါတယ်။

မှန်ပါတယ်။ ဒီလို ဘုရားရှင်ရဲ့ အဆုံးအမတွေ တည်နေဖို့အတွက် ဆုတောင်းနေလို့ မရပါဘူး။ တည်အောင်ကျင့်ယူမှ ရပါတယ်။ ကိုယ်ကိုယ်တိုင် ကျင့်ယူရပါတယ်။ အဲဒီလိုကျင့်တဲ့အခါ အခြေခံဖြစ်တဲ့ ကိုယ်ကျင့် သီလကို အရင်ဆုံးလုံခြုံအောင် ကျင့်ဖို့လိုပါတယ်။ ဘာဖြစ်လို့လည်းဆိုတော့ ဗုဒ္ဓဘာသာဝင်တွေ အတွက် သီလဟာ အခြေခံ အကျဆုံးဖြစ်လို့ပဲ ဖြစ်ပါတယ်။ သီလမလုံခြုံပဲ အထက်လုပ်ငန်းတွေ ဖြစ်တဲ့ ဘာဝနာ အလုပ်တွေ လုပ်နေလို့ကတော့ ဆရာတော်ကြီးတစ်ပါး ဆုံးမသလို “အပေါ်ပိုင်းကတော့ တိုက်ပုံအင်္ကျီ၊ ခေါင်းပေါင်းစ တလူလူနဲ့ အောက်ပိုင်းကျတော့ ပုဆိုးမပါတဲ့သူ“ လိုပဲ ဖြစ်နေတတ်ပါတယ်။ ဒါကြောင့်လည်း အောက်ပိုင်းလုံခြုံအောင် စောင့်ထိန်းစေဖို့ ငါးပါးသီလဟာ ခါးဝတ်ပုဆိုးလို မြဲနေရမယ်လို့ ဆိုခြင်းဖြစ်ပါတယ်။

သီလဟာ အလွန်အရေးကြီးတဲ့အတွက် ဒီသီလကို စောင့်ထိန်းကြဖို့ ဆရာသမားများက အမြဲဆုံးမလေ့ ရှိပါတယ်။ ဆုံးမတဲ့အခါမှာလည်း ဥပမာလေးများပေးပြီး ဆုံးမလေ့ရှိပါတယ်။ ကောင်းကျိုးဆိုးပြစ်တွေကို ပြပြီးလည်း ဆုံးမလေ့ရှိပါတယ်။ သီလနဲ့ ပတ်သက်ပြီး ဆုံးမကြတဲ့ ဆုံးမမှုတွေထဲက ပထမရွှေကျင် ဆရာတော်ဘုရားကြီးရဲ့ သိဿကောဝါဒ ဆုံးမစာမှာ ဆုံးမထားတဲ့ သီလဆိုင်ရာ အဆုံးအမတွေကတော့ ဥပမာဥပမေယျ စုံလင်လှပါတယ်။ ဒီနေရာမှာ အလျဉ်းသင့်လို့ ဆရာတော်ကြီးရဲ့ အဆုံးအမလေးများကို တစ်ဆင့်မျှဝေရင်း ကိုယ်ကျင့်သီလဖြစ်တဲ့အတွက် ကိုယ်ကိုယ်တိုင် ကျင့်သုံးရယူကြဖို့ ထပ်မံ တိုက်တွန်းလိုက်ပါတယ်။

”ဗီလုံးငှက်သော်လည်း ကျွဲခြေရာခွက်ကို အမှီရလျှင် ဂဠုံနှင့်တူ၏၊ အန္တရာယ်မရှိ။
ပုထုဇင်သော်လည်း သီလရှိလျှင် အရိယာနှင့်တူ၏၊ အပါယ်မရောက်။
ရေရှိမှ ကြာပွားသည်၊ သီလရှိမှ သမာဓိများသည်။
ဗဟုသုတရှိလျက် သီလမရှိလျှင် ရေမတည်သော ကန်နှင့်တူ၏။
ပညာရှိလျက် သီလမရှိလျှင် အသီးမရှိသော သစ်ပင်နှင့်တူ၏။
စာပေပို့ချနိုင်လျက် သီလမရှိလျှင် အသီးမချိုသော သစ်ပင်နှင့်တူ၏။
တရားဟောကောင်းလျက် သီလမရှိလျှင် အနံ့မမွှေးသော ပန်းနှင့်တူ၏။
ကျမ်းဂန်တတ်လျက် သီလမရှိလျှင် အဆိပ်သီးပင်နှင့်တူ၏။
ဘုန်းကြီးလျက် သီလမရှိလျှင် အနှစ်မရှိသော သစ်ပင်နှင့်တူ၏။
သီလရှိမှ ဒါနနှင့်ဘာဝနာ အကျိုးပေးသန်၏။
ပင်လယ်ကူးလိုလျှင် လှေသင်္ဘောတည်၊ နတ်ပြည်တက်လိုလျှင် သီလလှေကားထောင်။
အကုသိုလ်သည် သတ္တ၀ါကို အပါယ်ဆွဲချ၏၊ သီလရှိသူကို မဆွဲချနိုင်။
ပင်လယ်ကူးလိုလျှင် သင်္ဘောလုံအောင်ဖာ၊ သံသရာကူးလိုလျှင် သီလလုံအောင်ဖာ။
လောကီဥစ္စာစောင့်လျှင် တစ်သက်ချမ်းသာ၏၊ သီလစောင့်လျှင် ဘ၀အဆက်ဆက်ချမ်းသာ၏။
ဆီမီးသည် လင်းခိုက် လူလယ်တင့်၏၊ ငြိမ်းလျှင်မှောင်၏၊ ညှော်နံ့ထွက်၏။
သီလသည် စောင့်ထိန်းခိုက် လူလယ်တင့်၏၊ ပျက်လျှင်မှောင်၏၊ ညှော်နံ့ထွက်၏။ ”

အထက်ပါ သီလဆိုင်ရာ အဆုံးအမများမှာ ပထမရွှေကျင် ဆရာတော်ကြီး၏ အဆုံးအမ တစ်စိတ်တစ်ဒေသပဲ ဖြစ်ပါတယ်။ ဆရာတော်ကြီး၏ အဆုံးအမများကိုကြည့်လျှင် သီလရဲ့ အရေးပါမှုကို အလွယ်တကူ သိနိုင်ပါတယ်။ အခြေခံဖြစ်တဲ့ သီလမလုံခြုံလျှင် ကျန်တဲ့ဒါနဘာဝနာ အလုပ်များမှာ အကျိုးပေးအားနည်းပြီး နောက်ဆုံးပန်းတိုင်ဖြစ်တဲ့ နိဗ္ဗာန်နဲ့ အလှမ်းဝေးနေတတ်ပါတယ်။ ဗုဒ္ဓဘာသာဝင်တစ်ယောက် အတွက် အခြေခံဖြစ်တဲ့ ငါးပါးသီလလောက်တော့ လုံခြုံမှကို ဖြစ်မှာပါ။ နိဗ္ဗာန်မရသေးတာတောင် ဘ၀ကူးကောင်းဖို့၊ သံသရာခရီးမှာ အပါယ်မလားဖို့ အနည်းဆုံး ငါးပါးသီလလောက်တော့ လုံခြုံဖို့ လိုအပ်ပါတယ်။ သီလမလုံခြုံပဲ ဒါနတွေ ဘယ်လောက်ပဲ လုပ်လုပ်အပါယ် တံခါးပိတ်ဖို့ မလွယ်လှပါဘူး။ ဘာဖြစ်လို့လည်း ဆိုတော့ ဒါနဟာ စည်းစိမ်ဥစ္စာ ချမ်းသာမှု သက်သက်ကိုသာ အကျိုးပေးနိုင်လို့ပဲ ဖြစ်ပါတယ်။ ဒီလိုပဲ သီလမလုံခြုံပဲ ဘာဝနာ အားထုတ်နေရင်လည်း သမာဓိတည်ဖို့ ခဲရင်းသလို သမာဓိ မတည်ရင်လည်း အထက်မဂ်ဉာဏ်ကို ရဖို့ခဲရင်းလှပါတယ်။ အချုပ်ကြည့်ရင် ဒါနအကျိုးပေးသန်ဖို့နဲ့ ဘာဝနာဉာဏ်တွေမြင့်ဖို့ သီလသည်သာ ပဓာနကျတယ်ဆိုတာ သဘောပေါက်နိုင်ပါတယ်။

ဒါကြောင့် ကိုယ်ဖြစ်ကိုယ်ခံ၊ ကိုယ်လုပ်ကိုယ်စံ၊ ကိုယ်ကျင့်ကိုယ်ရဆိုတဲ့ စကားအတိုင်း ကိုယ်ကိုယ်တိုင်ပဲ ကိုယ့်ဘ၀ အတက်အကျ အရှုံးအနိမ့်ကို ဖန်တီးနိုင်တာ ဖြစ်တဲ့အတွက် ပစ္စုပ္ပန် သံသရာ ချမ်းသာစေတတ်တဲ့ ဒီသီလကို ကိုယ်ကိုယ်တိုင်ကျင့်ပြီး ကိုယ်ကိုယ်တိုင် ရယူနိုင်အောင် ကိုယ်ကျင့်သီလရဲ့ အရေးပါမှု တစ်စိတ်တစ်ပိုင်းကို ဗုဒ္ဓဘာသာဝင် သူတော်စင်များအတွက် သတိပေးရင်း ပုဆိုးထမီလုံအောင် ၀တ်ကြဖို့ တိုက်တွန်းလိုက်ရပါတယ်။

Read more »

မဖြစ်ပါရစေနဲ့တော့…

ပုထုဇင်တွေဟာ အမြဲလိုချင်နေတတ်၊ ရချင်နေတတ်၊ ဖြစ်ချင်နေတတ်ပါတယ်။ ဒါကြောင့်လည်း ဘာလေးပဲလုပ်လုပ် လိုချင်ဖြစ်ချင်ရချင်တဲ့ စိတ်ဆန္ဒတွေနဲ့ တောင့်တကြပါတယ်။ ဒီစိတ်ကြောင့်ပဲ ဘာကုသိုလ်လေးပဲ လုပ်လုပ် ဖြစ်ပါရစေ၊ ရပါရစေ စသဖြင့် ဆုတောင်းလေ့ရှိကြပါတယ်။ ဖြစ်ချင်တာတွေက များတဲ့အတွက် ကုသိုလ်လေးကနဲနဲ တောင်းတာတွေက အများကြီး ဖြစ်နေကြပါတယ်။ ဘုရားရှေ့သွားပြီး လှူတာက ရေတစ်ခွက်၊ ပန်းတစ်စည်း တောင်းတဲ့ဆုတွေက “ဤကုသိုလ်ကောင်းမှုကြောင့် လူ့စည်းစိမ် နတ်စည်းစိမ်အပြည့်နဲ့ ဘာဖြစ်ရပါလို၏၊ ညာဖြစ်ရပါလို၏“ စတဲ့ ဆုတောင်းသံတွေကလည်း မကြားချင် အဆုံးဖြစ်နေပါတယ်။ ကုသိုလ်ကောင်းမှုလုပ်တဲ့သူ အတော်များများရဲ့ အသံတွေ နားထောင်လိုက်ရင် သူတို့ပြုတဲ့ ကုသိုလ်အပေါ် ဖြစ်ချင်တဲ့ ဆန္ဒတွေနဲ့ တောင်းနေကြတာကို ကြားနေရမှာပါ။ တောင်းတာတွေကို နားထောင်ကြည့်တဲ့အခါ များသောအားဖြင့် ဖြစ်ပါစေလို့ပဲ ဆုတောင်းနေတာကို တွေ့မြင်ကြားသိနေရပါတယ်။ မဖြစ်ပါရစေနဲ့လို့ ဆုတောင်းပြီး ကုသိုလ်လုပ်သူ အတော်ရှားလှပါတယ်။ အမှန်တော့ မဖြစ်မနေ တောင်းချင်တယ်ဆိုရင်လည်း ဖြစ်ပါရစေလို့ တောင့်တနေမယ့်အစား မဖြစ်ပါရစေနဲ့လို့ တောင်းတာက ပိုပြီးအဓိပ္ပါယ်ပြည့်ဝကာ အနှစ်သာရ ရှိပါတယ်။

မှန်ပါတယ်။ ဖြစ်ချင်လို့ ရချင်လို့ တောင့်တပြီး ကုသိုလ်လုပ်ကာ ဖြစ်ပါရစေ၊ ရပါရစေလို့ ဆုတောင်းတဲ့အတွက် မိမိတို့ လုပ်တဲ့ကံစွမ်းအလျောက် ဖြစ်လာရလာမှာပါ။ ဒါပေမယ့် ဒီလိုဖြစ်လာ ရလာတော့လည်း အလိုပြည့်လား ဆိုပြန်တော့ အလိုမပြည့် ပြန်ပါဘူး။ ဒါကြောင့် ထပ်လုပ်၊ ထပ်လိုချင်၊ ထပ်ပြီး ဖြစ်ပါရစေ ဆိုတာတွေ တောင့်တလာပြန်ပါတယ်။ ဒီလိုနဲ့ ဘ၀သံသရာ လွတ်မြောက်မှုက ဝေးဝေးနေကုန်ပါတော့တယ်။ အများစုကတော့ ဖြစ်ပါရစေဆိုတဲ့ စိတ်ဆန္ဒတွေနဲ့ တောင့်တပြုလုပ်လေ့ရှိပါတယ်။ ဒါပေမယ့် ထူးထူးခြားခြား မဖြစ်ပါရစေနဲ့လို့ တောင့်တတဲ့ သူတစ်ယောက်အကြောင်း စာပေမှာ ဖတ်မှတ်လိုက်ရပါတယ်။ ဖတ်ပြီး ကြည်ညိုစိတ်ပါ ဖြစ်ခဲ့ရပါတယ်။ အဲဒီသူကတော့ အခြားသူမဟုတ်ပါဘူး။ ဘုန်းဘုန်းတို့ရဲ့ ဂေါတမဘုရားရှင်ပါပဲ။

ဘုရားရှင်ဟာ ပါရမီဖြည့်စဉ် အတိတ်ဘ၀ တစ်ခုမှာ ကဏှဆိုတဲ့ ရသေ့တစ်ပါး ဖြစ်ခဲ့ပါတယ်။ ကဏှရသေ့ အဖြစ်နဲ့ ပါရမီတွေဖြည့်ကာ ကုသိုလ်ကောင်းမှုတွေ ကြိုးစားအားထုတ်ခဲ့ပါတယ်။ အသားအလွန် အမတန် မည်းလွန်းလှတဲ့အတွက် ကဏှလို့ အမည်တွင်ပါတယ်။ ကဏှရသေ့ဟာ အကျင့်တရားတွေ အပြင်းအထန် အားထုတ်တဲ့အတွက် သိကြားမင်းရဲ့ ကျောက်ဖြာက ပူလာပါတယ်။ ကျောက်ဖြာပူတော့ သိကြားမင်း မနေနိုင်တော့ပါဘူး။ သူ့ရာထူးကို ယူမယ့်သူ ပေါ်လာပြီဆိုတာ သတိပေးသလို ဖြစ်တဲ့အတွက် လူ့ပြည့်ကို ကြည့်လိုက်တော့ ကုသိုလ်ကောင်းမှုတွေ ကျင့်ကြံအားထုတ်မှုတွေ ကြိုးစားအားထုတ်နေတဲ့ ကဏှရသေ့ကို တွေ့လိုက်ရပါတယ်။ ဒါကြောင့် သိကြားမင်းဟာ လူ့ပြည့်ဆင်းပြီး စုံးစမ်းပါတယ်။ ဒီရသေ့ ဘာလိုချင်လို့ ဒီလောက်တောင် ကုသိုလ်ကောင်းမှုတွေ အပြင်းအထန် အားထုတ်နေရတယ်ဆိုတာကို သိကြားမင်း သိချင်နေပုံရပါတယ်။ ဒါကြောင့်လည်း လူ့ပြည်သွားပြီး စုံစမ်းမေးမြန်းခြင်း ဖြစ်ပါတယ်။ သိကြားမင်းဟာ ကဏှာရသေ့ရှေ့မှောက်ရောက်ပြီး သူသိချင်တာတွေ မေးမြန်းစုံးစမ်းပါတော့တယ်။

“အရှင်ရသေ့… ဘာကြောင့် ဒီလောက်တောင် ကုသိုလ်ကောင်းမှုတွေ ကျင့်ကြံအားထုတ်မှုတွေ အပြင်းအထန် လုပ်နေတာလဲ…၊ အရှင်ရသေ့ ဘာကိုလိုချင်လို့လဲ…၊ ဘာတွေဖြစ်ချင်ပြီး ဘာဆုတွေ လိုချင်လို့လဲ… ဘာဆုတွေများ တောင်းပါသလဲ…“ လို့ သိကြားမင်း စတင်မေးမြန်း စုံစမ်းပါတယ်။ ဒီတော့ ဘုရားလောင်း ကဏှရသေ့က…

“သိကြားမင်း… င့ါမှာဖြစ်ပါရစေလို့ တစ်ခြားဆုတောင်းတာ မရှိပါဘူး…၊ ဒါပေမယ့် မဖြစ်ပါရစေနဲ့လို့ ဆုတောင်းတာတော့ ရှိပါတယ်“လို့ ဘုရားလောင်း ရသေ့က ဖြေကြားပါတယ်။ ဒီအခါ သိကြားမင်းက…

“အရှင်ရသေ့… ဘယ်လိုမဖြစ်ပါရစေနဲ့“လို့ ဆုတောင်းပါသလဲ ဆိုတာကို ထပ်မေးလို့ ဘုရားလောင်းရသေ့က
“သိကြားမင်း… ငါတောင့်တတာက ဖြစ်လေရာ ဘ၀တိုင်း ဘ၀တိုင်းမှာ ဘယ်တော့မှ ကောဓဆိုတဲ့ အမျက်ထွက်မှု၊ ဒေါသဆိုတဲ့ စိတ်ဆိုးစိတ်တိုမှု၊ လောဘဆိုတဲ့ လိုချင်ရချင်မှု၊ သမုဒယလို့ခေါ်တဲ့ ကပ်ငြိတွယ်တာမှု တဏှာ မဖြစ်ပါရစေနဲ့လုိ့ပဲ တောင့်တပါတယ်” လို့ အဖြေပေးလိုက်ရော သူများတွေ ဖြစ်ပါရစေလို့ ဆုတောင်းနေတဲ့အချိန်မှာ ဒီလိုမဖြစ်ပါရစေနဲ့လို့ ဆုတောင်းတဲ့ ကဏှရသေ့ရဲ့ ဆုတောင်းကို နားထောင်ပြီး သူ့နေရာအတွက် စိတ်ချသွားရတဲ့ သိကြားမင်း နတ်ပြည်ပြန်တက် သွားပါတော့တယ်။

ဒီနေရာမှာ ပြောချင်တာက ကဏှရသေ့ရဲ့ တောင့်တမှု၊ ဆုတောင်းမှု၊ ကြိုးစားကျင့်ကြံ အားထုတ်မှုတွေပါ။ ကဏှရသေ့က “ကောဓ မဖြစ်ပါရစေနဲ့၊ ဒေါသ မဖြစ်ပါရစေနဲ့၊ လောဘမဖြစ်ပါရစေနဲ့၊ ကပ်ငြိတွယ်တာမှု မဖြစ်ပါရစေနဲ့“တဲ့။ သိပ်ကောင်းတဲ့ တောင့်တချက်လေးတွေပါ။ ဟုတ်ပါတယ်။ ကောဓဆိုတာ အမျက်ကို ပြောတာပါ။ တစ်စုံတစ်ဦးအပေါ်မှာ တစ်စုံတစ်ခု အပေါ်မှာ အမြင်မကြည့်မှု၊ အခဲမကြေမှု၊ မျက်နေမှုတွေဟာ ကောဓပါပဲ။ ဒီလို ကောဓဆိုတဲ့ အမျက်လေးတွေ တဖြည်းဖြည်း များလာမယ်ဆိုရင်တော့ ပေါက်ကွဲမှုတွေ ဖြစ်ကုန်တတ်ပါတယ်။ အမျက်ကြီးလာရင် အခဲမကြေမှုတွေလည်း ဖြစ်လာတတ်ပါတယ်။ ဒီကောဓတွေ ဖြစ်နေသမျှ ဘ၀မှာ အဆင်မပြေမှုတွေ ကိုယ်စိတ်ပင်ပန်းမှုတွေ ဖြစ်နေတတ်ပါတယ်။ ဒါကိုသိလို့ ဘုရားလောင်း ရသေ့က ဖြစ်လေရာဘ၀တိုင်းမှာ ကောဓမဖြစ်ဖို့ တောင့်တခြင်းဖြစ်ပါတယ်။

ပြီးတော့ ကဏှရသေ့က “ဒေါသဘယ်တော့မှ မဖြစ်ပါရစေနဲ့“တဲ့။ မှန်ပါတယ်။ ဒေါသဟာ အလွန်ကြောက်စရာ ကောင်းတဲ့ အကုသိုလ်ပါ။ ဒေါသရှိနေရင် စိတ်ဆိုးစိတ်တိုမှုတွေ ခဏခဏ ဖြစ်နေတတ်ပါတယ်။ အဲဒီစိတ်ဆိုးစိတ်တိုမှုတွေ အားကောင်းလာရင် ပေါက်ကွဲတတ်ပြီး အဆင်အခြင်မဲ့ လုပ်တတ်ကြပါတယ်။ “ဒေါသော အတ္ထံ န ဇာနာတိ“ဆိုတဲ့ စကားအတိုင်း ဒေါသဖြစ်လာရင် အဆိုးအကောင်း၊ အကျိုးအကြောင်းကို မသိတော့ပါဘူး။ စိတ်လိုက်မာန်ပါ လုပ်ကုန်တော့တာပါပဲ။ အဲဒီအခါ ဒီဒေါသရဲ့ နောက်ဆက်တွဲက နောင်တတရားဖြစ်လာတတ်ပြီး နောင်တရဲ့ နောက်ကွယ်မှာတော့ သောကဆိုတဲ့ စိုးရိမ်မှု၊ ပရိဒေ၀ဆိုတဲ့ ငိုကြွေးမှု စတာတွေ ထပ်ပေါ်လာတော့တာပါပဲ။ ဒါကြောင့် ဘုရားလောင်းရသေ့က ဒီလိုအန္တရာယ်ကြီးတဲ့ ဒေါသ မဖြစ်ပါရစေနဲ့လို့ တောင့်တခြင်းဖြစ်ပါတယ်။

နောက်တစ်ခု “ဖြစ်လေရာ ဘ၀မှာ လောဘ ဘယ်တော့မှ မဖြစ်ပါရစေနဲ့“ ဆိုတဲ့ ကဏှရသေ့ရဲ့ တောင့်တမှုဟာလည်း လောဘရဲ့ ဆိုးကြိုးကို မလိုချင်ဘူးဆိုတာ ထင်ရှားလှပါတယ်။ သိတဲ့အတိုင်း လောဘကလည်း ရလေလိုချင်လေဖြစ်နေတာပါ။ အလိုကို မပြည့်နိုင်ဖြစ်နေတော့တာပါ။ အရဟတ္တမဂ်ကို မရသေးသမျှ လောဘကို အကြွင်းမဲ့ ပယ်သတ်နိုင်မှာ မဟုတ်ပါဘူး။ အကြွင်းမဲ့ မပယ်နိုင်သေးဘူးဆိုပြီး လောဘနောက် လိုက်နေလို့ကလည်း မဖြစ်ပြန်ပါဘူး။ လိုချင်တပ်မက်တတ်တဲ့ လောဘဆိုတာဟာ ဆားငန်ရေ သောက်သလိုပဲ သောက်လေသောက်လေ ငတ်မပြေ ဖြစ်နေတာပါ။ ရပြီးရင်း ရချင်ဖြစ်နေတာပါ။ ဒီလို လိုချင်ရချင်နေတဲ့ အတွက်လည်း တရားသည်မတရားသည် မသိ၊ မှားသည်မှန်သည် မသိ လောဘရဲ့ ခိုင်းစေမှုနောက်ကို လိုက်လုပ်နေမိ ပြန်ပါတယ်။ လောဘရဲ့ သားကောင်တွေ ဖြစ်နေကြရပါတယ်။ အကြွင်းမဲ့ မပယ်နိုင်သေးပေမယ့် တစ်ဖြည်းဖြည်း အပိုင်းအကန့်လေးတွေ လုပ်ပေးနိုင်ပါမှ လောဘရဲ့ ကျွန်မဖြစ်မှာပါ။ ဒီလိုမှ မလုပ်ပေးရင် လိုချင်တပ်မက်တတ်တဲ့ လောဘဟာ အဆုံးသတ်နိုင်မှာ မဟုတ်တော့ပါဘူး။ ဒါကြောင့် ကဏှရသေ့က လောဘမဖြစ်ချင်တာပါ။

ဘုရားလောင်းကဏှရသေ့ရဲ့ နောက်ထပ်တောင့်တချက် တစ်ခုက “ဖြစ်လေရာ ဘ၀တိုင်းမှာ ကပ်ငြိတွယ်တာမှု တဏှာ ဘယ်တော့မှ မဖြစ်ပါရစေနဲ့“ ဆိုတဲ့ အချက်ပါ။ ဒီတဏှာကတော့ သတ္တ၀ါတွေရဲ့ အဆိုးဆုံး ရန်သူပဲ ဖြစ်ပါတယ်။ ကပ်ငြိတွယ်တာမှု ဆိုတဲ့ တဏှာရဲ့ အဖွင့်အတိုင်းပဲ ဒီတဏှာဟာ ကပ်ငြိစေ၊ တွယ်တာစေပါတယ်။ အရာဝတ္တု တစ်ခုခုကိုပဲ ဖြစ်ဖြစ်၊ ပုဂ္ဂိုလ်သတ္တ၀ါ တစ်ဦးဦးကိုပဲ ဖြစ်ဖြစ် တွယ်တာမိပြီဆိုရင်တော့ နောက်ဆက်တွဲကတော့ ဒုက္ခတွေချည်းပါပဲ။ တွယ်တာမှု သံယောဇဉ်ကြောင့် ချစ်ခြင်းမုန်းခြင်းတွေအထိ ဖြစ်ပေါ်စေပြီး ဒီချစ်ခြင်းမုန်းခြင်းကြောင့်ပဲ မနာလိုမှု ၀န်တိုမှုတွေ ဖြစ်စေကုန်ပါတယ်။ မနာလိုမှုတွေ ၀န်တိုမှုတွေ ဖြစ်လာရင် ငြိမ်းချင်းမှုဆိုတာ မရှိတော့ပါဘူး။ ပူလောင်မှု၊ ပင်ပန်းမှုတွေပဲ ဖြစ်စေပါတယ်။ ဒါတွေဟာ တဏှာဆိုတဲ့ ကပ်ငြိတွယ်တာမှုကြောင့် ဖြစ်ရတာပါ။ ဒါကြောင့်လည်း ဒီတဏှာကို သံသရာ ချဲ့ထွင်တတ်တဲ့ ပပဉ္စတရားထဲမှာ ထည့်သွင်းပြီး တဏှာ မာန ဒိဋ္ဌိတို့ရဲ့ အပေါင်းအပါအဖြစ် ဘုရားရှင် ဟောတော်မူခြင်း ဖြစ်ပါတယ်။ တဏှာရဲ့ ဒီလိုဆိုးကြိုးတွေကို သိတော်မူတဲ့အတွက် ဘုရားလောင်းကဏှ ရသေ့ဟာ ဒီတဏှာ မဖြစ်ဖို့ တောင့်တခြင်း ဖြစ်ပါတယ်။

အများက ဖြစ်ပါရစေလို့ တောင့်တနေကြ၊ ဆုတောင်းနေကြတာတွေနဲ့ ဆန့်ကျင်ပြီး မဖြစ်ပါရစေနဲ့လို့ တောင့်တပြီး ကျင့်ကြံအားထုတ်တော်မူခဲ့တဲ့ ဘုရားရှင်ရဲ့ ကဏှရသေ့ဘ၀ ဖြစ်စဉ်လေးဟာ အလွန်အတုယူ လိုက်နာစရာ ဖြစ်ပါတယ်။ ဖြစ်ပါရစေလို့ပဲ ဆုတောင်းဆုတောင်း မဖြစ်ပါရစေနဲ့လို့ပဲ တောင့်တတောင့်တ အမှန်တော့ နှစ်ခုလုံး တောင့်တတာတွေပါ။ ဒါပေမယ့် ဖြစ်ပါစေလို့ တောင့်တမှုကတော့ သံသရာရှည်မှုကို ဖြစ်စေတတ်ပြီး မဖြစ်ပါရစေနဲ့လို့ တောင့်တမှုကတော့ လွတ်မြောက်မှုကို ဦးတည်စေပါတယ်။ ဘယ်လိုပဲ ဖြစ်ဖြစ် ဆုတောင်းနေ့ဖို့ထက် လက်တွေ့ကျင့်ကြံဖို့က အရေးကြီးပါတယ်။ ဒီလို ကျင့်ကြံတဲ့အခါမှာသာ ဦးတည်ချက် မှန်ဖို့လိုပါတယ်။ တစ်ချို့ ကုသိုလ်တွေ အမျိုးမျိုး လုပ်ကြပါတယ်။ ဒီလိုလုပ်နေကြပေမယ့် ဦးတည်ချက်ကတော့ လူ့စည်းစိမ် နတ်စည်းစိမ် စတာတွေကို ရစေဖို့ဖြစ်နေပါတယ်။ တစ်ချို့ကြတော့ ဒီစည်းစိမ်တွေကို မရည်ရွယ်ပါဘူး။ လောဘကင်းမှု၊ ဒေါသကင်းမှု၊ မောဟကင်းမှု၊ နိဗ္ဗာန်မျက်မှောက်ပြုမှုတွေကို ဦးတည်ပါတယ်။ ဒီဦးတည်ချက်နဲ့ပဲ ဖြစ်ပါရစေဆိုတာတွေနဲ့ ဆန့်ကျင်ပြီး မဖြစ်ပါရစေနဲ့ ဆိုတာကို ရည်ရွယ်ကြပါတယ်။ ဒီလို မဖြစ်ပါရစေနဲ့လို့ ရည်ရွယ်မှုကတော့ လွတ်မြောက်မှုအတွက် ဦးတည်ချက်ကောင်း ဖြစ်စေပါတယ်။

ဒါကြောင့် တောင့်တမှု၊ ဆုတောင်းမှုဟာ မတောင့်တတတ်၊ မဆုတောင်းတတ်ရင် တဏှာရဲ့ ချယ်လှယ်မှုကြောင့် ဘ၀သံသရာ ရှည်ကြာမှုကိုသာ ဖြစ်စေတတ်တဲ့အတွက် ဖြစ်ပါရစေလို့ ဆုတောင်းမှုဖြင့် ဒုက္ခတိုးမှုကို မဖြစ်စေကြဘဲ ဘုရားလောင်း ကဏှရသေ့ ရည်ရွယ်တောင့်တ ကျင့်ကြံသလို မဖြစ်ပါရစေနဲ့ ဆိုတဲ့ ရည်ရွယ်တောင့်တမှုဖြင့်သာ လွတ်မြောက်ရာအမှန်လမ်းကို အမြန်လှမ်းနိုင်ဖို့ ကြိုးစားသင့်လှပါကြောင်း…

Read more »

သေဖို့ပြင်ဆင်ကြရာတွင်…

ဘုန်းဘုန်းရဲ့ မိခင်တစ်ယောက်လိုလည်းဟုတ်၊ ရဟန်းမယ်တော် တစ်ယောက်လည်းဟုတ်တဲ့ ဒကာမကြီး တစ်ယောက်က ဒီတစ်ခေါက် ဘုန်းဘုန်းမြန်မာပြည် ပြန်ကြွသွားတုန်းက လျှောက်ဖူးပါတယ်။ “အရှင်ဘုရားရေ… တပည့်တော်မှာ ပင်စင်ယူပြီးကတည်းက ဖြစ်လိုက်တဲ့ ရောဂါကလည်း စုံနေတာပဲ၊ အရှင်ဘုရား သိတဲ့အတိုင်းပဲ အခုဆို တပည့်တော်မှာ ကင်ဆာလည်း ဖြစ်နေတဲ့အပြင် ခန္ဓာကိုယ်ကလည်း ဟိုကနာ ဒီကနာနဲ့ တစ်ခုမှကို ကောင်းတာမရှိဘူး ဖြစ်နေတယ်၊ တပည့်တော် စဉ်းစားတာက ဒီလိုသေဖို့ နီးလာနေတဲ့ တပည့်တော်အတွက် တစ်ခြားအလုပ်တွေထက် ဘာသာရေး အလုပ်ပဲ အဓိကထားပြီး လုပ်ရတော့မယ်လို့ စဉ်းစားမိတယ်၊ တကယ်လည်း လုပ်ဖြစ်နေတယ်၊ လုပ်တာမှ အရှင်ဘုရားကိုတောင် င့ါရဟန်း၊ ငါ့သားဦးဇင်းဆိုတဲ့ အစွဲတွေ မဖြစ်ရအောင် ခုကတည်းက လေ့ကျင့်နေပါတယ်၊ ဒါန၊ သီလ၊ ဘာဝနာ အလုပ်တွေကို တတ်နိုင်သမျှလုပ်ရင်း တပည့်တော်အခု အထူးလေ့ကျင့်နေတာက ဘာပဲဖြစ်ဖြစ်၊ ဘယ်လိုအခြေအနေပဲ ဖြစ်ဖြစ် တပည့်တော်နှုတ်က ရတနာသုံးပါးရဲ့ ဂုဏ်ကို အာရုံပြုပြီး ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိဆိုတဲ့ သရဏဂုံကို ရွတ်တတ်တဲ့ အကျင့်ကို ကြိုးစားလေ့ကျင့်နေပါတယ်၊ တပည့်တော် ဒီလိုလေ့ကျင့်နေတာ ကောင်းတယ်မဟုတ်လား ဘုရား…၊ သေဖို့အတွက် ပြင်ဆင်နေတဲ့ တပည့်တော်အတွက် သေခါနီးအသေ စိတ်ချနိုင်တယ် မဟုတ်လားဘုရား…”လို့ လျှောက်ဖူးပါတယ်။

ရောဂါတွေနဲ့ နပမ်းလုံးရင်း သေဖို့အတွင် ပြင်ဆင်နေတဲ့ ဒကာမကြီးရဲ့ လျှောက်ထားတာတွေကို နားထောင်ပြီး စိတ်ထဲမှာ မကောင်းလှပါဘူး။ စိတ်ဓာတ်မာတဲ့ ဒကာမကြီး ဖြစ်လို့လည်း တော်သေးတယ်လို့ ဖြေလိုက်ရပါတယ်။ ဒကာမကြီးလည်း သူ့အခြေအနေ သူသိပါတယ်။ ဘာသာရေး လိုက်စားနေတဲ့သူ ဖြစ်လို့လည်း သေခါနီး စိတ်အစဉ်ဟာ အရေးကြီးတယ်ဆိုတာ ဒကာမကြီး ကောင်းကောင်း သဘောပေါက်နေပါတယ်။ ဒါကြောင့် တစ်ခြားအစွဲတွေ မ၀င်နိုင်အောင် သရဏဂုံကို အချိန်မရွေး အာရုံပြု ရွတ်တတ်တဲ့ အကျင့်လုပ်ပေးနေတာလို့ လျှောက်တာဖြစ်မှာပါ။ ဘုန်းဘုန်းအနေနဲ့ ဒကာမကြီးကိုတော့ သတိပေးရပါတယ်။ “ဒကာမကြီးရေ… သရဏဂုံကို အာရုံပြုပြီး အမြဲရွတ်တတ်တဲ့ အကျင့်လုပ်တာ ကောင်းပါတယ်၊ ဒါပေမယ့် ဒီအကျင့်ဟာလည်း သေဖို့အတွက် ပြင်ဆင်ရာမှာ သိပ်တော့စိတ်မချရသေးပါဘူး၊ သေခါနီး ဝေဒနာတွေ သိပ်ပြင်းထန်လာရင် သတိလက်လွတ် ဖြစ်သွားတတ်ပြီး နှုတ်နဲ့စိတ်က သရဏဂုံကို ရွတ်ဖို့၊ အာရုံပြုဖို့ဆိုတာ မလွယ်လှပါဘူး၊ အကောင်းဆုံးကတော့ ဝေဒနာကို ရှုတတ်တဲ့ အကျင့်လုပ်ပေးတာက အကောင်းဆုံးပါ၊ ဝေဒနာကို ရှုတယ်ဆိုတာက ၀ိပဿနာ အလုပ်ကို လုပ်တာကို ပြောတာ၊ ခန္ဓာကိုယ် အမြဲမပြတ် နာနေတဲ့သူ၊ ခံစားမှုဝေဒနာတွေနဲ့ အမြဲမပြတ် နှိပ်စက်နေတဲ့သူအတွက် ဘယ်လိုဝေဒနာပဲရှိရှိ အဲဒီဝေဒနာကို သတိကပ်ပြီး လိုက်သိလိုက်မှတ် ပေးနေဖို့လို့ပါတယ်၊ အဲဒါကို စာလိုပြောတော့ ဝေဒနာနုပဿနာ ရှုတယ်လို့ ခေါ်ပါတယ်၊ ဒီလို ဝေဒနာကို ရှုမှတ်တတ်တဲ့ အကျင့်လုပ်ထားတဲ့သူဟာ ဝေဒနာ ပြင်းလေလေ ရှုမှတ်မှု အမှတ်ကို မလွတ်အောင် ရှုမှတ်တတ်လေလေ ဖြစ်လာပြီး နောက်ဆုံးဝေဒနာကို ခံလာနိုင်တဲ့အထိ သတိကပ် လာတတ်ပါတယ်၊ အဲဒီလို ဝေဒနာကို ခွါနိုင်တဲ့အထိ ၀ိပဿနာ အလုပ်ကို အားထုတ်ထားတဲ့သူ ဖြစ်မှသာ သေခါနီအခါမှာလည်း ဘာဝေဒနာပဲပေါ်ပေါ် ခံနိုင်ရည်ရှိကာ အမှတ်သတိ မပြတ်ရှိနေတတ်ပါတယ်။ မေ့လျော့မှု သတိမလွတ်ပဲ နေတဲ့သူအတွက် သေခါနီးမှာ စိတ်ခံစားမှု အားကောင်းပြီး ဘ၀ကူးလည်း ကောင်းသွားပါလိမ့်မယ်၊ ဒါကြောင့် ဒကာမကြီး အနေနဲ့ သေဖို့ပြင်ဆင်ရာမှာ ၀ိပဿနာ အလုပ်ကို ခရီးရောက်အောင် အားထုတ်ပြီး ပြင်ဆင်တာက ပိုပြီးစိတ်ချရပါတယ်…” လို့ ဒကာမကြီးကို သတိပေး တရားစကား ပြောဖြစ်လိုက်ပါတယ်။ ဒီတော့မှ ဒကာမကြီးက “ဒါဆိုရင် တပည့်တော်အနေနဲ့ လိုပါသေးတယ်၊ ခုချိန်ကစပြီး အရှင်ဘုရား အမိန့်ရှိသလို ဝေဒနာကို ရှုနိုင်အောင် ကြိုးစားမှဖြစ်တော့မယ်“လို့ လျှောက်ပါတယ်။

ဟုတ်ပါတယ်။ သေဖို့ပြင်ဆင်ရာမှာ ၀ိပဿနာ အလုပ်ကို အားထုတ်ပြီး ပြင်ဆင်တာက ပိုကောင်းပါတယ်။ အရင်ဆုံးလိုအပ်တာက အခြေခံဖြစ်တဲ့ ကိုယ်ကျင့်သီလကို လုံခြုံအောင် ကြိုးစားဖို့ပါပဲ။ အရာရာမှာ စိတ်ကအဓိက ကျတယ်လို့ ဆိုတဲ့အတိုင်းပဲ ၀ိပဿနာ အလုပ်လုပ်တာဟာလည်း ဒီစိတ်ကို တစ်ခြားအာရုံတွေနောက် လိုက်မသွားရအောင်၊ စိတ်ကို သန့်ရှင်းနေအောင်၊ သတိမလွတ်တဲ့ စိတ်ဖြစ်အောင် ကြိုးစားကြခြင်း ဖြစ်ပါတယ်။ စာလိုပြောရင် စိတ္တ၀ိသုဒ္ဓိဖြစ်အောင် လုပ်ခြင်းဖြစ်ပါတယ်။ ဒီလို လုပ်တဲ့အခါမှာ ကိုယ်ကျင့်သီလလည်း လုံခြုံပြီး ဖြူစင်စေဖို့လိုပါတယ်။ ဒါကို သီလ၀ိသုဒ္ဓိလို့ ဆိုပါတယ်။ သီလဖြူစင်ခြင်း သီလ၀ိသုဒ္ဓိဖြစ်မှ စိတ်စင်ကြယ်ခြင်း စိတ္တ၀ိသုဒ္ဓိလည်း ဖြစ်ပါတယ်။ စိတ်စင်ကြယ်မှလည်း သမာဓိဖြစ်လွယ်ပြီး သတိကပ်နိုင်မှာ ဖြစ်ပါတယ်။ သတိကပ်နေခြင်းဟာ မမေ့မလျော့ နေခြင်းပါပဲ။ ဗုဒ္ဓက “မေ့လျော့ပေါ့ဆပြီး သတိမရှိဘဲ နေတဲ့သူဟာ သေနေတဲ့သူနဲ့တူပြီး မမေ့မလျော့ဘဲ သတိတရား လက်ကိုင်ထားသူဟာ သေခြင်းကင်းရာ နိဗ္ဗာန်ကို သွားနေသူနဲ့တူကြောင်း“ မိန့်ကြားတော်မူပါတယ်။ ၀ိပဿနာ အလုပ်ကို အားထုတ်ခြင်းဆိုတဲ့ သတိပဋ္ဌာန်အလုပ်ဟာ မမေ့မလျော့အောင် အားထုတ်တဲ့ အလုပ်ဖြစ်ပါတယ်။ ဒီအလုပ်ကို လုပ်ပြီးနေတဲ့သူဟာလည်း မမေ့မလျော့ဘဲ သတိရှိနေတဲ့သူ၊ သေဖို့အတွက် အကောင်းဆုံး ပြင်ဆင်နေတဲ့သူ၊ သေခြင်းကင်းရာ နိဗ္ဗာန်ကို သွားနေတဲ့သူပဲ ဖြစ်ပါတယ်။ ဒါကြောင့် သေခါနီး သတိကောင်းဖို့နဲ့ အခြားအစွဲတွေ မ၀င်ဖို့ သတိပဋ္ဌာန်အလုပ် တစ်ခုခုကို လုပ်နေဖို့လိုကြောင်း ဆိုခြင်းဖြစ်ပါတယ်။

တကယ်တော့ ဘုန်းဘုန်း ဒကာမကြီးဟာ ဝေဒနာတွေနဲ့ အမြဲနပမ်းလုံးနေရတဲ့သူဖြစ်လို့ သတိပဋ္ဌာန်ရှုမှတ်ဖို့ အထင်ရှားဆုံးဖြစ်တဲ့ ဝေဒနာကို ရှုပြီးသေနိုင်အောင် ပြင်ဆင်ဖို့ ပြောကြားခဲ့ပေမယ့် တခြားသူများ အနေနဲ့ကတော့ ကိုယ်နဲ့သင့်လျော်တဲ့ သတိပဋ္ဌာန်ကို အားထုတ်ပြီး ပြင်ဆင်နိုင်ကြပါတယ်။ တစ်ချို့က ခန္ဓာကိုယ်ရဲ့ လှုပ်ရှားမှု ဖြစ်ပျက်မှုစတာတွေကို ရှုမှတ်တဲ့ ကာယာနုပဿနာ သတိပဋ္ဌာန် ပွားများရတာကို အားသန်ပြီး တစ်ချို့ကတော့ ခန္ဓာကိုယ်နဲ့ စိတ်မှာပေါ်လာတတ်တဲ့ ခံစားမှုတွေကို ရှုမှတ်တဲ့ ဝေဒနာနုပဿနာ သတိပဋ္ဌာန် အားထုတ်တာကို ပိုပြီးသဘောကျတတ်ပါတယ်။ တစ်ချို့လည်း စိတ်အစဉ်ကို မလွတ်တမ်းလိုက်ပြီး ရှုမှတ်တဲ့ စိတ္တာနုပဿနာ သတိပဋ္ဌာန် ပွားများမှုကို နှစ်သက်ပြီး တစ်ချို့ကျပြန်တော့ ခန္ဓာငါးပါး၊ ဓာတ်ကြီးလေးပါးစတဲ့ သဘောတရားတွေကို ရှုမှတ်တဲ့ ဓမ္မာနုပဿနာ သတိပဋ္ဌာန် ပွားများရတာကို အားသန်ကြပါတယ်။ ဘယ်လို သတိပဋ္ဌာန်ကိုပဲ သဘောကျကျ ဒီလေးပါးလုံးဟာ အမှတ်သတိ မပြတ်ရှိအောင်၊ သတိတရား လက်ကိုင်ထားနိုင်အောင်၊ ဘာပဲဖြစ်ဖြစ် အရှိအတိုင်း သိနေနိုင်အောင် အားထုတ်စေတဲ့ သတိအထူးပြု သတိပဋ္ဌာန် ၀ိပဿနာ အလုပ်ဖြစ်တဲ့အတွက် ဘယ်အရာကိုပဲ အားသန်သန် အချုပ်က အမှတ်သတိ မပြတ်ရှိနေဖို့ပဲ ဖြစ်ပါတယ်။ ဒီလို သတိတရား၊ အမှတ်တရားနဲ့သာ နေသွားကြမယ်ဆိုရင် သေတဲ့အထိ သတိကောင်းနေသူဖြစ်နေပြီး အသေလည်း ကောင်းသွားမှာ ဖြစ်ပါတယ်။ သေချာတွေးကြည့်လိုက်ရင် သတိပဋ္ဌာန်အလုပ်ကို ကြိုးစားအားထုတ်နေတဲ့ သူတွေဟာ နေတဲ့အခိုက်မှာလည်း အနေကောင်းသူတွေ ဖြစ်နေကြသလို အသေကောင်းအောင် လုပ်နေကြသူတွေလည်း ဖြစ်ပါတယ်။ အသေကောင်းအောင် ပြင်ဆင်နေသူတွေလို့ ဆိုရင်လည်း မမှားပါဘူး။

မှန်ပါတယ်။ လောကသားတွေဟာ နေဖို့အတွက် ကြိုးစားကြသလို သေဖို့အတွက်လည်း ကြိုးစားသင့်ကြပါတယ်။ အနေကောင်းအောင် ပြင်ဆင်ကြသလို အသေကောင်းအောင်လည်း ပြင်ဆင်ကြဖို့ လိုပါတယ်။ နေတဲ့အခိုက်မှာ မတောင့်မတ မကြောင့်မကျ နေနိုင်အောင် အားထုတ်ကြသလို သေတဲ့အခိုက်မှာလည်း မပူမပင် မပင်မပန်း သေနိုင်အောင် အားထုတ်သင့်ကြပါတယ်။ မတောင့်မတ နေနိုင်အောင် ရှာဖွေကြရင်း မကြောင့်မကျ သေနိုင်အောင်လည်း ရှာသင့်ပါတယ်။ ဆိုလိုတာက ဘ၀နေဖို့အတွက် ငွေကြေးပစ္စည်းဥစ္စာ ရအောင်ရှာရင်း နေခြင်းရဲ့နောက် သေခြင်းအတွက်လည်း သတိတရား လက်ကိုင်ထားနိုင်အောင် တရားတစ်ခုခု ရအောင်ရှာသင့်ပါတယ်။ ၀ိပဿနာ အားထုတ်ဖူးတဲ့သူ သတိပဋ္ဌာန်တစ်မျိုးမျိုးကို အထူးပြု အားထုတ်ဖူးသူတွေဟာ အနေကောင်းနေသူတွေဖြစ်ပြီး အသေကောင်းသူတွေဆိုလည်း မမှားပါဘူး။ တရားအားထုတ်ထားတဲ့ သူတစ်ယောက်အဖို့ သာမန်သူတွေ မခံနိုင်တဲ့ အကောင်းအဆိုး လောကဓံတွေကို ကောင်းကောင်းခံနိုင်ရည် ရှိလာကြပါတယ်။ လောကသားတွေ ဒုက္ခရောက်ကြ၊ ပျက်စီးကြတယ်ဆိုတာလည်း ဒီလောကဓံကို မခံနိုင်ကြလို့ပဲ ဖြစ်ပါတယ်။ တရားအားထုတ်ခြင်းဖြင့် လောကဓံကို ခံနိုင်ရည် ရှိနေတဲ့သူဟာ ဘာအခက်အခဲမဆို ခံနိုင်ရည်ရှိနေတဲ့ အနေကောင်းသူတွေ ဖြစ်နေကြပါတယ်။ ဒီအလုပ်ကို အားထုတ်ရင်း ဒီအတိုင်းပဲ အမှတ်သတိ မပြတ်ရှိသွားမယ်ဆိုရင် အသေလည်းကောင်းမှာ သေချာပါတယ်။

ဝိပဿနာအားထုတ် ထားသူဟာ တစ်ခြားသူတွေထက် လောကဓံကို ကောင်းကောင်းခံနိုင်သွားတယ် ဆိုတာကတော့ တရားအားထုတ်ဖူးသူတိုင်း လက်တွေ့သိကြပါတယ်။ ကြုံလာတဲ့ အကောင်းအဆိုးကို တရားနဲ့ဖြေတတ်တဲ့ အကျင့်လေးတွေရှိလာပြီး စိတ်ကိုခဏချင်း သက်သာအောင် လုပ်နိုင်တယ်ဆိုတာ တရားအလုပ် အားထုတ်ဖူးသူတွေ သိကြပါတယ်။ နည်းနည်း အားထုတ်ဖူးသူတွေဟာ နည်းနည်းသိနေရသလို များများ အားထုတ်ထားသူတွေဟာ များများသိနေကြပါတယ်။ အထူးသဖြင့် စိတ်အစဉ်ကို သတိကပ်ပြီး လေ့ကျင့်လာတတ်ကြပါတယ်။ စိတ်ဆိုးတော့မယ်၊ ဒေါသဖြစ်တော့မယ်၊ စိတ်လိုက်မာန်ပါ လုပ်ဖြစ်တော့မယ်ဆိုရင် မဖြစ်ခင် အဲဒီစိတ်လေးကို သိလာပြီး ရှေ့ဆက်မဖြစ်အောင် သတိဆောင်လာ တတ်ကြပါတယ်။ စိတ်အစွဲကို မစွဲခင် ထိန်းသိမ်းလာတတ်ကြပါတယ်။ အရာရာမှာ စိတ်သာအဓိကလို့ ဆိုတဲ့အတိုင်း ဒီစိတ်ကို အချိန်မီ သတိကပ်ပြီး ထိန်းချုပ်လာတတ်ပြီဆိုရင် နေရတာလည်း သက်သောင့်သက်သာ ဖြစ်လာပါတော့တယ်။ စိတ်ထောင်းတော့ကိုယ်ကျေ စိတ်ပျိုတော့ ကိုယ်နုဆိုသလို စိတ်ကို အကုသိုလ်မဖြစ်အောင် အချိန်မီ သတိကပ်နေနိုင်သူဟာ စိတ်အစဉ် နူးညံ့နေပြီး ရုပ်ပါနုပျို လာလေ့ရှိပါတယ်။ ဒါဟာ သတိပဋ္ဌာန်အလုပ် အားထုတ်မှုရဲ့ လက်တွေ့ကျတဲ့ အကျိုးသက်ရောက်မှု ဖြစ်ပါတယ်။ ဒီအကျိုးသက်ရောက်မှုဟာ နေတဲ့အခိုက်မှာသာမဟုတ် သေတဲ့အထိလည်း အထောက်အကူ ဖြစ်စေပါတယ်။ သေခါနီး စိတ်အစဉ်အထိ ကောင်းတဲ့အာရုံ ကောင်းတဲ့အသိတွေနဲ့ သေနိုင်အောင် ထောက်ပံ့ပေးပါလိမ့်မယ်။ သေဖို့ပြင်ဆင်နေသူတွေကို အသေလှအောင် ဖြေမပေးပါလိမ့်မယ်။

ဒါကြောင့် သေဖို့ပြင်ဆင်ရာတွင် အကောင်းဆုံး ပြင်ဆင်နိုင်သူတွေ ဖြစ်စေဖို့၊ အနေလည်းကောင်း၊ အသေလည်းကောင်း ဖြစ်စေဖို့၊ အနေလှပြီး အသေလှသူတွေ ဖြစ်စေဖို့နဲ့ အနေလည်းအေး အသေလည်းအေးသူတွေ ဖြစ်စေဖို့ သတိတစ်လုံး လိုက်ကိုင်သုံးကာ အမှတ်သတိ မပြတ်ရှိစေနိုင်သည့် သတိပဋ္ဌာန်အလုပ် ကြိုးစားအားထုတ်ရင်းဖြင့်သာ အကောင်းဆုံး သေနိုင်အောင် ပြင်ဆင်ကြပါစို့ဟု…..

Read more »

ဘုရား ရဟန္တာနှင့် ငါဟူသော ဝေါဟာရ…

တစ်ဦးသော နတ်သားသည် တစ်ခုသော တော်အုပ်ကြီး၌ နေ၏။ သူနေသော တောအုပ်ထဲသို့ ရဟန္တာကြီးများ လာရောက် နေထိုင်ကြလေရာ ထိုနတ်သားသည် ရဟန္တာကြီးများ အချင်းချင်း ပြောကြသော စကားများကို ကြားနေရ၏။ ထိုအခါ ယင်းရဟန္တာကြီးများ ပြောစကားကို အကြောင်းပြု၍ ထိုနတ်သားသည် ရဟန္တာကြီးများ အပေါ်တွင် ယုံမှားသံသယ ဖြစ်လာ၏။ ရဟန္တာကြီးများ ပြောဆိုသော စကားများကား “ငါစားသည်၊ ငါသောက်သည်၊ ငါအိပ်သည်၊ င့ါပစ္စည်း၊ ငါ့ဟာ၊ ငါ့သပိတ်၊ ငါ့သင်္ကန်း” ဤသို့စသည်ဖြင့် အတ္တစွဲ ငါ၊ ငါဟူသော စကားများဖြစ်သတည်း။ ထိုစကားကို အကြောင်းပြု၍ နတ်သားသည် တွေးမိလာ၏။ “အစက ဤကိုယ်တော်ကြီးများကို ရဟန္တာဟု ငါမှတ်ထင်ခဲ့သည်။ ရဟန္တာတို့မည်သည် ငါ၊ ငါဟူ၍ အတ္တစွဲနှင့်စပ်သော စကား၊ အတ္တစွဲမကင်းသော စကားကို ဆိုကြ၊ ပြောကြရာသလော၊ မဆိုမပြောရာသလော”ဟု သို့လော သို့လောတွေးတော ဒွိဟသံသယ ဖြစ်လာသည်။

တစ်နေ့သ၌ ထိုနတ်သားသည် မိမိ၏ ယုံမှားသံသယ ကင်းပခြင်းငှါ ဘုရားအထံတော်သို့ ချည်းကပ်ပြီး ထိုပြဿနာရပ်ကို တင်ပြလျှောက်ထားကာ မေးမြန်းခြင်းပြုလေ၏။
မေး= လူနတ်ဗြဟ္မာတို့၏ ဆရာဖြစ်တော်မူသော မြတ်စွာဘုရား အကြင်ရဟန်းသည် ရဟန္တာဆိုပါက၊ ရဟန်းကိစ္စ ပြီးစီးသော ပုဂ္ဂိုလ်မှန်ပါက၊ အာသဝေါ ကုန်ခမ်းပြီး ဖြစ်ပါက၊ တစ်ဖန် ပဋိသန္ဓေနေရခြင်း မရှိသော နောက်ဆုံး ခန္ဓာဝန် အတ္တဘောရှိသည် ဆိုပါက ထိုရဟန်းသည် “အဟံ ၀ဒါမိ- ငါပြောသည်ဟူ၍ လည်းကောင်း၊ အဟံ ပိဝါမိ- ငါသောက်၏ဟူ၍ လည်းကောင်း၊ မမစီဝရံ- ငါ့သင်္ကန်းဟူ၍ လည်းကောင်း“ အတ္တစွဲ ငါဟူသော စကားကို ဆိုရာပါသလော။

ဖြေ= အချင်း ဒါယကာနတ်သား… မှတ်သားလော့။ အကြင်ရဟန်းသည် ကုန်ပြီးသော အာသဝေါတရား လေးပါးလည်းရှိ၏။ ပြီးပြီးသော ရဟန်းကိစ္စ ၁၆ပါးလည်း ရှိ၏။ နောက်ထပ်တစ်ဖန် ပဋိသန္ဓေ နေခြင်းမရှိသော နောက်ဆုံး ခန္ဓာဝန်ကိုလည်း ဆောင်၏။ ထိုရဟန်းသည် အဟံ ၀ဒါမီတိပိ- ငါပြောသည်၊ ငါဆိုသည်ဟူ၍ လည်းကောင်း၊ မမံ-ငါ့ကို၊ ပရေ- တစ်ပါးသော သူတို့က၊ ၀ဒန္တီတိပိ- ပြောကုန်သည်၊ ဆိုကုန်သည်ဟူ၍ လည်းကောင်း ပြောဆိုပေရာသည်။ ခန္ဓာလောက၌ လိမ္မာသော ရဟန်းကား လူ့ဝေါဟာရ၊ လူ့အသုံးအနှုန်းကို သိတော်မူ၏။ သိသောကြောင့် လောကဝေါဟာမျှဖြင့် ဆိုရာသည်၊ ဆိုနိုင်ပေသည်၊ ဆိုကောင်းသည် မှတ်ရာ၏။

အချင်း ဒါယကာနတ်သား… ငါထင်ရှားစွာ ဆိုဦးအံ့။ ခန္ဓာငါးတို့သည် သွားကုန်၏၊ စားကုန်၏၊ ရပ်ကုန်၏၊ နေကုန်၏၊ ခန္ဓာငါးပါးတို့သည် အိပ်ကုန်၏၊ သောက်ကုန်၏ဆိုခဲ့သော် လည်းကောင်း၊ ဤသင်္ကန်းကား ခန္ဓာငါးပါး၏ သင်္ကန်းတည်း၊ ဤသပိတ်ကား ခန္ဓာငါးပါး၏ သပိတ်တည်းဟု ဤသို့သော ဝေါဟာရဖြင့် ဆိုခြင်း၊ ပြောခြင်း၊ သုံးနှုန်းခြင်း ပြုခဲ့သည်ရှိသော် လောကဝေါဟာရ အစဉ်အလာ ပြောရိုးဆိုရိုး လူ့အသုံးအနှုန်း ပျက်လေ၏။

အချင်းဒါယကာနတ်သား… ယင်းသို့ ခန္ဓာငါးပါး သွားသည်၊ ခန္ဓာငါပါးစားသည် စသည်ဖြင့် မဆိုဘဲ လူ့ဝေါဟာရ၊ လူ့အသုံးအနှုန်းဖြင့်သာလျှင် (လူ့ဝေါဟာရနှင့် မဆန့်ကျင်သော စကားဖြင့်) ရဟန္တာသည် ဆိုပေရာ၏။ လောကဝေါဟာရ လူ့အသုံးအနှုန်း မပျက်စေခြင်းငှါ၊ နားလည်စေခြင်းငှါ “ငါသွားသည်၊ ငါစားသည်၊ ငါ့သင်္ကန်းဟူ၍ ဘုရားပစ္စေက ဗုဒ္ဓါတိုသည်လည်း ဆိုကုန်၏။ ရဟန္တာတို့သည်လည်း ဆိုပေကုန်၏။ အတ္တစွဲဟူ၍ ဆိုသည်မဟုတ်။
(သဂါထာဝ္ဂသံယုတ်၊ ပါဠိ၊ အဋ္ဌကထာ)

မှတ်ချက်။ ၊ဒဂုန်ဦးစန်းငွေ၏ “ဗုဒ္ဓကိုယ်တိုင် ဖြေကြားခဲ့ရသော မေးခွန်းနှင့် ပြဿနာများ ပေါင်းချုပ်“ စာအုပ်မှ တစ်ဆင့်ပြန်လည် ကူးယူဖော်ပြပါသည်။

Read more »

သဗ္ဗေသတ္တာ ကမ္မဿကာ…

“ပါရမီနဂို၊ မရှိလိုက၊ ကုသိုလ်သုစရိုက်၊ မဟောထိုက်တည့်၊
သူမိုက်တိရစ္ဆာန်၊ နိဗ္ဗာန်စကား၊ အလွန်ခါး၏၊ နားပါးမ၀င်၊ မကြားချင်ဘူး၊
သိမြင်မဲ့စွာ၊ လူယုတ်မာအား၊ ခြင်းရာကောင်းဆိုး၊ ကြောင်းကျိုးတရား၊ မဟောကြားရာ၊
ဟောမိပါက၊ အပြစ်ရ၏။“
(မန်လည်ဆရာတော်)

မဃဒေ၀လင်္ကာ ဆုံးမစာများကိုဖတ်ရင်း အထပ်ပါစာပိုဒ်လေးကို အထူးသတိထားမိလိုက်၏။ သတိပြုမိသည် ဆိုသည်ထက် စာရေးသူတို့၏ ဘ၀အခြေအနေဖြင့် တိုက်ဆိုင်ချိန်ထိုး စဉ်းစားမိသည်ဆိုက ပို၍သင့်လျော်၏။ စာရေးသူတို့သည် သာသနာ့ဝန်ထမ်း ရဟန်းတော်များဖြစ်၍ လူအမျိုးမျိုးနှင့် ဆက်ဆံနေရ၏။ စရိုက်ပေါင်းစုံသည့် ဒကာ၊ဒကာမများနှင့် ဆက်ဆံနေရ၏။ ရဟန်းသံဃာတော်များသည် အများဆိုင်ဖြစ်၍လည်း မည်သူဟူ၍ သီးခြားခွဲပြီး ဆက်ဆံ၍ မရပေ။ ကိုးကွယ်ဆည်းကပ် ပင့်ဖိတ်လျှောက်ထား ဆက်ကပ်လာလျှင် ချီးမြှောက်လက်ခံ ဟောကြားဆုံးမ ပေးရ၏။ ထိုအမျိုးမျိုးသော စရိုက်ရှိသည့် လူများကြားတွင် အချို့ကား ဆုံးမလွယ်၏။ အချို့ကား ဆုံးမရခက်၏။ အချို့ကား လွယ်သည်လည်းမဟုတ် ခက်သည်လည်းမဟုတ်သည့် ကြားလူများဖြစ်နေ၏။ အချို့ကား အနုနည်းဖြင့် ဆုံးမသော် နာခံလွယ်၏။ အချို့ကား အကြမ်းနည်းဖြင့် ဆုံမပြောဆိုမှသာ လိုက်နာကျင့်သုံး၏။ အချို့ကား ချော့တစ်ခါ ခြောာက်တစ်လှည့် သွန်သင်ပြရ၏။ အချို့ကား အနုနည်း၊ အကြမ်းနည်း၊ ချော့တစ်ခါ ခြောက်တစ်လှည့် မည်သို့ပင် ဆုံးမပြောဆို ဟောပြောပေးသော်လည်း နားမ၀င်လှပေ။ ဆုံးမ၍ ခက်လှပေ၏။ နောက်ဆုံး ထိုသူများအား ဆုံးမပြောဆိုသည့် ဆရာပင် လက်လျှော့လိုက်ရ၏။ လက်မလျှော့၍လည်း မရပေ။ ကြာလျှင်ထိုဆုံးမရ ခက်သူများအား အကုသိုလ်အပြစ်သာ ပို၍ကြီးလာ နိုင်စရာ ရှိပေတော့၏။ မန်လည်ဆရာတော်ကြီး ဆုံးမသကဲ့သို့ပင် ထိုသူများမှာ ပါရမီဓာတ်ခံ မရှိသူများ၊ သဒ္ဓါတရားဓာတ်ခံ မရှိသူများ ဖြစ်ဟန်တူပေ၏။ ထို့ကြောင့် ဆုံးမသွန်သင်၍ မရတော့သည့်အဆုံး မိမိကိုယ်ကိုသာ သက်သောင့်သက်သာဖြစ်အောင် နေလိုက်ရတော့၏။ “သဗ္ဗေသတ္တာ ကမ္မဿကာ- သူ့ထိုက်နဲ့ သူ့ကံပဲ ရှိပါစေတော့…“ဟုသာ ဥပေက္ခာ ပြုလိုက်ရတော့၏။


မှန်၏။ လောကတွင် ထိုကဲ့သို့ ဆုံးမရခက်သူများ အများအပြားရှိ၏။ မကြာမကြာလည်း ဆုံဖူးပါ၏။ မည်မျှပင် ပြောဆိုဆုံးမစေကာမူ နားမ၀င်ဘဲ ဖြစ်နေသူများရှိ၏။ လူ့လောကတွင် လူအချင်းချင်း မဆုံးမနိုင်သဖြင့် ဘုန်းကြီးရဟန်းသံဃာ ဆုံးမလျှင်ကား နားထောင်ကောင်း၏ဟူသော အတွေးဖြင့် ဘုန်းကြီးထံအပ်နှံ ဆုံးမစေကြသည်လည်း ရှိ၏။ ပင်ကိုယ်က ပါရမီဓာတ်ခံ မရှိသဖြင့် ရဟန်းသံဃာတော်များ ဆုံးမလည်း မရလှပေ။ ရှေ့တွင်ကား နာခံသယောင် ရှိသော်လည်း ကွယ်ရာရောက်လျှင် လုပ်ချင်သလို လုပ်ကြတော့၏။ ထိုသို့သော သူများကို များများကြုံမိသည့်အခါ မန်လည်ဆရာတော်ကြီး မိန့်တော်မူသကဲ့သို့ပင် ဟောပြောဆုံးမမိသူပင် အပြစ်ဖြစ်လေတော့၏။ “ဘုန်းကြီးက နေရာတကာပါတယ်…၊ လူ့ကိစ္စ၀င်ပါတယ်…၊ လူ့လောကအကြောင်း နားမလည်းဘူး..“ စသည်ဖြင့် ဘုန်းကြီးကိုပင် အပြစ်မြင်လာတတ်၏။ ထို့ကြောင့်လည်း ဆုံးမဟောပြောပေးကြသည့် ဆရာသမားများမှာ ထိုကဲ့သို့သော သူများကြောင့် “သူထိုက်နဲ့ သူ့ကံရှိစေတော့“ဟု ဥပေက္ခာ ပြုလိုက်ရလေတော့၏။

အမှန်အားဖြင့် ဥပေက္ခာပြုသည်ဟူသည် ဖြစ်ချင်ရာဖြစ်စေတော့ဟူသော အဆိုးမြင်သဘောဖြင့် လစ်လျူရှုပစ်လိုက်ခြင်း မဟုတ်။ ထိုသူကို အမှီပြုပြီး အကုသိုလ်လည်းမဖြစ်၊ ကုသိုလ်လည်း မဖြစ်အောင် နေလိုက်ခြင်းသာ ဖြစ်ပါ၏။ “ကုသိုလ်မရချင် နေပါစေ အကုသိုလ်တော့ အဖြစ်မခံတော့”ဟူသော သဘောဖြင့်သာ နေလိုက်ခြင်းဖြစ်ပါ၏။ ထိုပုဂ္ဂိုလ်ကို မုန်း၍မဟုတ်။ ထို့အတူ ချစ်၍လည်းမဟုတ်ပေ။ မိမိကိုယ်ကို အပြစ်အဖြစ်မခံတော့ဘဲ နေလိုက်ခြင်းသာ ဖြစ်၏။

စင်စစ် လောကတွင် လုပ်၍မရသည့် အရာများ များစွာရှိ၏။ ထိုမရသည့်အရာများကို မရရအောင် လိုက်လုပ်နေလျှင် လိုက်လုပ်သူပင် ပင်ပန်းပြီး အပြစ်ဖြစ်စေတတ်၏။ အနန္တစွမ်းအားရှင်ဖြစ်သည့် အနှိုင်းမဲ့ မြတ်စွာဘုရားသည်ပင် သတ္တ၀ါအားလုံးကို ကယ်တင်ချေချွတ် မသွားခဲ့ပေ။ ပါရမီရှိသည့် ကျွတ်ထိုက်သည့် သတ္တ၀ါများကိုသာ ကယ်တင်သွားတော်မူခဲ့၏။ ဘုရားရှင် ပွင့်ထွန်းတော်မူလာခြင်းသည်ပင် ကျွတ်ထိုက်သည့် သတ္တ၀ါများကို ချွတ်သွားရန်အတွက်သာ ဖြစ်ပါ၏။ ဘုရားရှင်သည်လည်း ဆုံးမပြောဆို ဟောပြော၍ ရသည့်သူများကိုသာ ဟောပြောဆုံးမ သွားတော်မူခဲ့၏။ မရသည့်သူများကိုကား ဥပေက္ခာတရားဖြင့်သာ နေတော်မူသွားခဲ့၏။ ဗုဒ္ဓသည် မဟာကရုဏာရှင် မှန်သော်လည်း ပြောဆိုဆုံးမ ချေချွတ်ရမည့် သူများကိုသာ ချေချွတ်တော်မူသွား၏။ အားလုံးအပေါ် သနားကျင်နာတော်မူသော်လည်း ဟောပြော၍ မရနိုင်သူကိုကား အချိန်ကုန် မခံတော့သည်ကို တွေ့ရ၏။ ထို့ကြောင့်လည်း မေတ္တာ၊ ကရုဏာ၊ မုဒိတာ၊ ဥပေက္ခာဟူသော အကျင့်တရားကို လက်ကိုင်ကျင့်သုံးရန် တပည့်သာဝကများအား ဟောကြားဆုံးမတော် မူခဲ့ခြင်း ဖြစ်ဟန်တူပေ၏။ သတ္တ၀ါများတွင် မိမိနှင့် တန်းတူသူများကို မေတ္တာထားပြီး ဆက်ဆံ၊ မိမိအောက် နိမ့်ကျသူများကို ကရုဏာတရားဖြင့် ဆက်ဆံ၊ မိမိထက်သာသူများကို မုဒိတာ တရားဖြင့် ဆက်ဆံ၊ မည်သို့မှ ဆက်ဆံ၍ မရသူများကို ဥပေက္ခာဖြင့်သာ နေလိုက်ကြရန် ညွန်ပြတော်မူခဲ့၏။

ဘုရားရှင်ကိုယ်တော်တိုင်လည်း ထိုသို့ကျင့်သုံးသွား၏။ အခါတစ်ပါး မြတ်စွာဘုရားသည် မြင်းများကို ဆုံးမသွန်သင် ပေးနေသည့် ကေသိမြင်းဆရာနှင့် တွေ့ဆုံ၏။ ထိုသို့ တွေ့ဆုံသည့်အခါ ဗုဒ္ဓက မြင်းဆရာကြီးအား မြင်းများကို မည်သို့မည်ပုံ ဆုံးမကြောင်း မေးတော်မူ၏။ ထိုအခါ မြင်းဆရာကြီးက “အနုနည်းဖြင့် ဆုံးမရန်လိုအပ်သည့် မြင်းများကို အနုနည်းဖြင့် ဆုံးမပြီး အကြမ်းနည်းဖြင့် ဆုံးမမှရသည့် မြင်းများကို အကြမ်းနည်းဖြင့် ဆုံးမကာ အနုအကြမ်း မည်သို့မျှ ဆုံးမ၍ မရသည့် မြင်းများကိုကား သတ်ပစ်ကြောင်း“ လျှောက်ထား၏။ တစ်ဖန်မြင်းဆရာက မြတ်စွာဘုရားရှင် အနေဖြင့် တပည့်သာဝကများကို မည်သို့မည်ပုံ ဆုံးမတော်မူပါသနည်းဟု ဘုရားရှင်၏ ဆုံးမသွန်သင်မှုကို မေးလျှောက်၏။ မြတ်ဗုဒ္ဓက “ငါဘုရားသည်လည်း မြင်းဆရာကြီးကဲ့သို့ပင် အနုနည်းဖြင့် ဆုံးမရမည့် သူများကို အနုနည်းဖြင့် ဆုံးမပြီး အကြမ်းနည်းဖြင့် ဆုံးမရမည့်သူများကို အကြမ်းနည်းဖြင့် ဆုံးမကာ အနုနည်း အကြမ်းနည်းဖြင့် မည်သို့မျှ ဆုံးမ၍ မရသူများကို သတ်ပစ်ကြောင်း” မိန်တော်မူ၏။ ကေသိမြင်းဆရာကြီးမှာ ဘုရားရှင်က သတ်ပစ်သည်ဟူသော စကားကို ကြားသဖြင့် အလွန်တုန်လှုပ်သွားပြီး “အရှင်ဘုရားက ဆုံးမ၍ မရသည့်သူကို သတ်ပစ်သည်ဆိုခြင်းမှာ မည်သို့မျှ နားမလည်ကြောင်း အဓိပ္ပါယ်လည်း မရှိကြောင်း” အပြစ်ဆိုလေ၏။ ထိုအခါ ဘုရားရှင်က “ငါဘုရားက ဆုံးမ၍ မရသည့်သူများကို သတ်ပစ်သည်ဆိုသည်မှာ အသက်ကို သတ်ပစ်ခြင်း မဟုတ်ကြောင်း ဥပေက္ခာ ပြုလိုက်ခြင်းကို ဆိုခြင်းဖြစ်ကြောင်း” မိန့်တော်မူလိုက်၏။ ဆိုလိုသည်မှာ ဘုရားရှင်သည်လည်း မည်သို့မျှ ဆုံးမ၍ မရသူများကို ဥပေက္ခာပြတော်မူလေ့ ရှိကြောင်း ဆိုလိုရင်းဖြစ်ပါ၏။

ဤနေရာတွင် ဘုရားရှင် သုံးတော်မူသည့် သတ်ပစ်ခြင်းဟူသော စကားတစ်ခွန်းကို အထပ်ထပ် စဉ်းစားကြည့်ရန် လိုအပ်၏။ ဆုံးမ၍ မရသည့်သူများကို ဗုဒ္ဓသည် ဥပေက္ခာပြုလိုက်၏။ ဗုဒ္ဓ၏ ဥပေက္ခာပြုခြင်းသည် သတ်ပစ်ခံရခြင်း ဖြစ်၏။ မှန်၏။ လောကတွင် သူတော်ကောင်းများ၊ ဆရာသမား မိဘများစသူတို့၏ ဥပေက္ခာပြုခြင်းကို ခံရသူများ၏ ဘ၀သည် အသတ်ခံလိုက်ရသည်နှင့် တူ၏။ မိမိအား အကောင်းအဆုံး၊ အကြောင်းအကျိုးကို ပြောဆိုဆုံးမ သွန်သင်ပြသမည့်သူ မရှိတော့သည့် ဘ၀သည် တွေးကြည့်ရုံဖြင့်ပင် ကြောက်စရာကောင်းလှ၏။ ဥပေက္ခာအပြုခံရသူ တစ်ယောက်သည် လမ်းပျောက်သွားသည့် သူတစ်ယောက်နှင့်သာ တူပေတော့၏။ မိမိဘာလုပ်လုပ် မည်သူမျှ တည့်မတ်ပေးမည့်သူမရှိ၊ လမ်းညွှန်ပေးမည့်သူမရှိ၊ အကြံပြုပေးမည့်သူမရှိ၊ အမှားအမှန် ခွဲခြားပေးမည့်သူမရှိဖြင့် ညဥ့်သန်းခေါင်ယာမ် အလွန်မှောင်မိုက်သည့် လှိုင်ဂူထဲတွင် ရောက်နေသူနှင့်သာ တူနေပေတော့၏။ “ပုထုဇင်ပုဂ္ဂိုလ်များသည် ကလျာဏမိတ္တဟူသော အဆွေခင်ပွန်းကောင်းကို အမှီပြုမှသာ ပစ္စုပ္ပန် သံသရာ နှစ်ဖြာကောင်းကျိုးကို ဖြစ်စေနိုင်သည်”ဟု ဆို၏။ သို့ဆိုလျှင် ထိုသူတော်ကောင်းတို့၏ ဥပေက္ခာပြုခြင်းကို ခံရသူသည် ပစ္စုပ္ပန် သံသရာ နှစ်ဖြာကောင်းကျိုးမှ လွဲချော်နေသူသာ ဖြစ်နေပေတော့၏။ ရရှိလာသည့် ဘ၀အခိုက်တွင် လောကသားတို့၏ ဥပေက္ခာပြုခြင်းကို ခံရသူ၏ ဘ၀သည် အလွန်ကြောက်မက်ဖွယ် ကောင်းလှပေတော့၏။ အရှင်လတ်လတ် ဘ၀သေနေသူနှင့်သာ တူနေပေတော့၏။ ထို့ကြောင့် မည်မျှပင် ဆိုးသွင်းသူဖြစ်နေသော်လည်း ဥပေက္ခာ အပြုခံရသူ မဖြစ်အောင် ကြိုးစားသင့်လှပေ၏။

ဤနေရာတွင် စာရေးသူ တင်ပြလိုသည်မှာ ဥပေက္ခာပြုလိုက်ခြင်းနှင့် ဥပေက္ခာ အပြုခံရခြင်းတို့၏ အကျိုးသက်ရောက်မှုပင် ဖြစ်၏။ တစ်ခါတစ်ရံတွင် မည်သို့ပင် ပြုပြင်သွန်သင် ဆုံးမသော်လည်း မရသည့်သူများ ရှိ၏။ ထိုသူများကို မရရအောင် အပင်ပန်းခံပြီး ကြိုးစားနေလျှင် မိမိသည်သာ ပင်ပန်းနွမ်းနယ်ပြီး အကုသိုလ် အပြစ်တွေသာ တိုးပွားလာစေတတ်၏။ ထိုအခြေအနေတွင် မိမိကိုယ်ကို ပြန်လည်သုံးသပ်ပြီး မိမိပါ အကုသိုလ် အဖြစ်ခံသင့် မသင့် ဆင်ခြင်စဉ်းစားသင့်လှ၏။ စင်စစ် ယခုဘ၀တွင်သာ အတိတ်ကံ တစ်ခုခုကြောင့် လာရောက်ပတ်သက် တော်စပ်နေရသော်လည်း ဘ၀သံသရာခရီးသို့ ဆက်လက် လျှောက်လှမ်းကြသည့်အခါ မိမိလမ်း မိမိလျှောက်ရမည်သာ ဖြစ်၏။ အဖေ၊ အမေ၊ ညီအစ်ကို မောင်နှစ်မ၊ မိတ်ဆွေအပေါင်းအသင်း တို့သည်ကား ထိုသူတို့ ပြုသည့်ကံအတိုင်းသာ ဆက်လျှောက်သွားကြမည်သာ ဖြစ်၏။ ထို့ကြောင့် မိမိလမ်း မိမိလျှောက်စဉ်အတွင်း သူတစ်ပါးကို အမှီပြု၍ မိမိပါ နစ်မွန်းနိုင်လာလျှင် ထိုသူကိုလည်း ဥပေက္ခာပြုလိုက်ရန် လိုအပ်ပေ၏။ တစ်နည်းအားဖြင့်ဆိုသော် ထိုပြုပြင် သွန်သင်၍ မရသူကို အမှီပြု၍ ကုသိုလ်လည်းမဖြစ် အကုသိုလ်လည်း မဖြစ်အောင် နေလိုက်ကြရန်သာ ဖြစ်၏။ တစ်ခါတစ်ရံ ဥပေက္ခာပြုလိုက်သဖြင့် အပြုခံရသူသည် နောင်တရပြီး ပြုပြင်ပြောင်းလဲ သွားတတ်သည်လည်း ရှိ၏။ ထိုအခါ ဥပေက္ခာပြုလိုက်ခြင်းသည် ကောင်းသည့် အကျိုးသက်ရောက်မှုကို ဖြစ်ပေါ်စေပြန်၏။ သေချာသည်မှာ ဥပေက္ခာပြုလိုက်သဖြင့် မိမိကိုယ်တိုင် ရှေးဦးစွာ သက်သောင့်သက်သာ ဖြစ်သွားခြင်းပင် ဖြစ်၏။

တစ်ဘက်တွင် ဥပေက္ခာ အပြုခံရသူများ စဉ်းစားရမည့် အချက်များ၊ သတိပြုရမည့် အချက်များမှာလည်း အလွန်များလှ၏။ နေရသည့်အခိုက် ခဏတာတွင် မကောင်းသည့်လုပ်ရပ် ဆိုးသွင်းသည့် လုပ်ရပ်များဖြင့်သာ နေသွားကြမည်လားဟု မိမိကိုယ်ကို သုံးသပ်ရန်လိုအပ်၏။ ဥပေက္ခာ အပြုခံရလောက်သည်အထိ မိမိအခြေအနေကို အဖြစ်ခံမည်လားဟု မေးခွန်းထုတ်ရန်လိုအပ်၏။ စာရေးသူ မြန်မာပြည်တွင် ရှိစဉ်က ဒကာမကြီး တစ်ယောက်က သူ့အမျိုးသားနှင့် ပတ်သက်သည်များကို လျှောက်ဖူး၏။ အမျိုးသားသည် အမျိုးမျိုး စိတ်ဆင်းရဲအောင် လုပ်လေ့ရှိကြောင်း ပြောပြ၏။ ထိုအခါ စာရေးသူက “ဒီလိုဆိုရင် ဒကာမကြီးရဲ့ အမျိုးသားကို သူ့ထိုက်နဲ့ သူကံပဲလို့ သဘောထားပြီး ဥပေက္ခာပြုကြည့်ပါ“လို့ ပြောဖြစ်လိုက်၏။ ဒကာမကြီးကား သူ့အမျိုးသားကို “ဘုန်းဘုန်းကတောင် ရှင့်ကိုဒီလို ပြောနေတယ်“လို့ ပြန်ပြောလိုက်သဖြင့် ထိုဒကာကြီး အလွန်တုန်လှုပ်သွားပြီး သူ့ရဲ့အမူအကျင့်တွေ တဖြည်းဖြည်း ပြောင်လဲသွားကြောင်း လျှောက်ဖူး၏။ သေချာတွေးကြည့်လျှင် အသိရှိသူများမှာ အမှန်တကယ် ဥပေက္ခာပြုခံရခြင်းကို မဆိုထားဘိ စကားသံမျှဖြင့်ပင် ကြောက်သွားတတ်၏။ အမှန်လည်း ကြောက်စရာကောင်းလှ၏။ ထို့ကြောင့် မည်မျှပင် မကောင်းသော်လည်း ဥပေက္ခာအပြုခံရသည်အထိ မိမိတို့၏ လုပ်ရပ်များကို အဖြစ်မခံသင့်ဟု ဆိုခြင်းဖြစ်၏။

အချုပ်အားဖြင့် ဆိုရသော် လောကတွင် ကောင်းသူများရှိသကဲ့သို့ မကောင်းသူများလည်း ရှိ၏၊ ပြုပြင်၍ ရသူများ ရှိသကဲ့သို့ မည်သို့မျှ ပြုပြင်ပြောဆို ဆုံးမ၍ မရသူများလည်း ရှိသဖြင့် မရသည့်အရာကို အတင်းရအောင် လုပ်ယူမည့်အစား မိမိကိုယ်ကိုသာ သင့်သောင့်သက်သာ ဖြစ်အောင်ကြိုးစားသင့်ပေ၏။ ထို့ကြောင့် ပါရမီဓာတ်ခံ မရှိသူ၊ မကောင်းသည့် စရိုက်ဖြင့် မွေးဖွားလာသူ၊ မည်သို့ပင် ကောင်းအောင်ပြောသော်လည်း နားမ၀င်သူ၊ အသိဉာဏ်ပညာ မရှိဘဲ မိုက်မဲသူ စသူစသူတို့သည် နိဗ္ဗာန်စကား၊ သူတော်ကောင်းစကား အဘယ်မျှပင် ကြိုးစားပြောကြား ပေးနေသော်လည်း နာယူမှုမရှိ၊ လက်ခံမှုမရှိသည့်အပြင် မိမိကိုပင် အပြစ်မြင်လာတတ်သဖြင့် မရသည့်အရာများတွင် အကုသိုလ်အပြစ် ဖြစ်နေမည့်အစား မိမိကိုယ်တိုင်သာ သက်သောင့်သက်သာ ဖြစ်စေရန် “သဗ္ဗေသတ္တာ ကမ္မသကာ“ဟုသာ သဘောထားလိုက်သင့်ပါကြောင်း…

Read more »

မှန်ကြည့်လိုက်ပါ…

“ကံမသိ မှန်ကြည့်“ ဟူသော စကားရှိ၏။ ကြည်လင်ပြတ်သားရှင်းလင်းသည့် မှန်သည် ကြည့်သူများကို မျက်နှာလိုက်ခြင်းမရှိ အရှိအတိုင်း ထင်ရှားစေ၏။ မည်သူကြည့်ကြည့် ကြည့်သူ၏ အမူအရာအတိုင်း တစ်ထပ်တည်း ပေါ်လွင်စေ၏။ မှန်သည် ရာထူးကြီးသူကြည့်လျှင်လည်း အရှိအတိုင်းပေါ်လွင်စေ၏။ မည်သည့်ရာထူးမျှ မရှိသူကြည့်လျှင်လည်း အရှိအတိုင်းဖော်ပြ၏။ ထို့အတူ ရုပ်ဆိုးသူ၊ ရုပ်လှသူ၊ ပိုက်ဆံရှိသူ၊ မရှိသူ၊ နာမည်ကြီးသူ၊ မကြီးသူ၊ အသားဖြူသူ မဖြူသူ စသည့် မည်သည့်ပုဂ္ဂိုလ်မျိုးကပင် ကြည့်ကြည့် အရှိအတိုင်း ထင်ရှားစေ၏။ မျက်နှာကြီးရာ ဟင်းဖတ်ပါဆိုသကဲ့သို့ မျက်နှာလိုက်၍ လှအောင်ကောင်းအောင် ထင်ရှားပေါ်လွင်စေခြင်းသည် မှန်၌မရှိပေ။ မှန်သည် မျက်နှာလိုက်တတ်သည့် အရာမဟုတ်ပေ။ ထို့အတူ ကံတရားသည်လည်း မျက်နှာလိုက်၍ အကျိုးပေးသည်ဟူ၍ မရှိပေ။ မည်သူမဆို ကောင်းသည့်အလုပ်လုပ်လျှင် ကောင်းကျိုးကို ဖြစ်ပေါ်စေပြီး မကောင်းသည့် အလုပ်လုပ်လျှင် မကောင်းပြစ်ကို ဖြစ်ပေါ်စေ၏။ ရာထူးဌာနန္တရ၊ ပညာဂုဏ်စသည်ကြီးမား၍ ကောင်းကျိုးကို ဖြစ်စေ၊ အသက်သိက္ခာဂုဏ်ဝါ နိမ့်ကျ၍ မကောင်းကျိုးကိုဖြစ်စေ၊ အသားဖြူ၍၊ ချမ်းသာ၍ ကောင်းကျိုးကို ဖြစ်စေ၊ အသားမည်း၍ ဆင်းရဲ၍ မကောင်းကျိုးကိုဖြစ်စေသည့် မျက်နှာလိုက်ပြီး အကျိုးပေးမှုမျိုးသည် ကံတရား၌ လုံးဝမရှိပေ။ ထို့ကြောင့် ကံကိုမသိ၊ ကံကို မယုံသူများသည် မှန်ကိုသာ ကြည့်ကြည့်ပါဟု ဆိုခြင်းဖြစ်ပါ၏။

ဓမ္မနီတိတွင် ကံနှင့်ပတ်သက်၍ ဖော်ပြထားသည့် ဂါထာလေး တစ်ခုရှိ၏။
“ပုညံပါပဖလံ ယော စေ၊ နသဒ္ဓဟတိ သစ္စတော။
သော ဝေ သကနာနံ ခိပ္ပံ၊ အာဒါသတလ မာနယေ“
ဟူသော ဤဓမ္မနီတိ စကား၏ ဆိုလိုရင်းမှာ
“အကြင်သူသည် ကုသိုလ်ကံအကုသိုလ်ကံတို့၏ အကျိုးအပြစ်ကို အမှန်အတိုင်း မယုံကြည်ငြားအံ့ စင်စစ် ထိုသူသည် မိမိ၏မျက်နှာကို အလျင်အမြန် မှန်ရှေ့သို့ ဆောင်ယူ၍ ကြည့်ရှုရာ၏“ ဟူ၍ ဖြစ်၏။

ဆိုလိုသည်မှာ ကံကံ၏ အကျိုးကို မယုံကြည်သူသည် မှန်ကိုယူပြီး မိမိမျက်နှာကို မှန်ဖြင့်ကြည့်ကြရန် ဆိုလို၏။ မိမိ၏ မျက်နှာသည် လှပပြီး မိမိတစ်ကိုယ်လုံးသည်လည်း ကိုယ်လက်အင်္ဂါစုံလင်စွာဖြင့် တင့်တယ်နေလျှင် မိမိ၏ အတိတ်က ပြုခဲ့သည့် ကောင်းကံ၏ အကျိုးဆက်အဖြစ် မြင်နိုင်မည်ဖြစ်ပြီး မှန်ကြည့်သည့်အခါ မိမိ၏မျက်နှာသည် မလှမပ၊ ကိုယ်လက်အင်္ဂါလည်း မစုံမလင် မိမိကိုယ်ကို မိမိပြန်ကြည့်၍မှ မကျေနပ်မနှစ်သက်နိုင်သည့် အနေအထားကို တွေ့ရလျင် မိမိအတိတ်က ပြုခဲ့သည့် အကုသိုလ်ကံ တစ်ခုခု၏ အကျိုးဆက်အဖြစ် မြင်နိုင်မည်ဖြစ်၏။ ထို့ကြောင့် အတိတ်က မိမိဘာဖြစ်ခဲ့သည် ဘာလုပ်ခဲ့သည်ဆိုသည့်ကို သိလိုသူများသည် မိမိကိုယ်ကို မှန်ဖြင့်ကြည့်ပြီး မိမိလက်ရှိ ရရှိထားသည့် အခြေအနေကို ကြည့်ကာသိနိုင်ကြောင်း ဆိုခြင်းဖြစ်၏။

မှန်၏ လူချင်းတူသော်လည်း အကျိုးပေးကွာခြားသည်မှာ အခြားသူလုပ်၍ ဖြစ်သည်မဟုတ် မိမိကိုယ်တိုင် ပြုလုပ်ခဲ့၍သာ ဖြစ်ပါ၏။ ထို့ကြောင့် လောကကြီးတစ်ခုလုံးကို ကြည့်လိုက်လျင် လူအမျိုးမျိုး စရိုက်အမျိုးမျိုး ဘ၀အမျိုးမျိုး ဖြစ်နေကြသည်ကို တွေ့နေရခြင်းဖြစ်၏။ ဗုဒ္ဓဘာသာ၏ ကမ္မ၀ါဒ သဘောအရ လူအမျိုးမျိုး အဖုံဖုံဖြစ်နေခြင်းသည် မိမိတို့ ပြုလုပ်ခဲ့သည့် ကောင်းကံ၊ မကောင်းကံများ၏ အကျိုးဆက်ကြောင့် ဖြစ်ကြောင်း နားလည်သဘောပေါက်နိုင်ကြ၏။

ဗုဒ္ဓမြတ်စွာဘုရား သက်တော်ထင်ရှား ရှိစဉ်အချိန် သုဘအမည်ရှိသော လုလင်ငယ်တစ်ယောက်က ဘုရားရှင်အား လူအမျိုးမျိုးဖြစ်နေရခြင်း၊ ကွဲပြားနေရခြင်း အကြောင်းကို မေးလျှောက်ဖူး၏။
သုဘလုလင်က“အရှင်ဘုရား… လောက၌ အချို့သောသူများသည် အသက်တိုပြီး အချို့သည် အသက်ရှည်ကြသည်ကို တွေ့ရပါသည်။ ထိုသို့ဖြစ်ခြင်းမှာ မည်သို့သော ကံများကို ပြုလုပ်ခဲ့၍ ဖြစ်ပါသနည်း ဘုရား“ဟု မေးလျှောက်၏။ ထိုအခါ မြတ်စွာဘုရားရှင်က “ချစ်သား သုဘ… လောက၌ အချို့သောသူများသည် သတ္တ၀ါတို့အပေါ်တွင် သနားခြင်းကင်းလျက် ရက်ရက်စက်စက် သတ်ဖြတ်ကြ၏။ ထိုသူတို့သေလျှင် ငရဲသို့ကျရောက်တတ်ပြီး ရှေးကုသိုလ် တစ်ခုခုကြောင့် ငရဲသို့မကျဘဲ လူ့ဘ၀ရလာပါက ကြာရှည်စွာ မနေရဘဲ အသက်တိုတတ်၏။ အချို့သူများသည်ကား သတ္တ၀ါတို့အပေါ်တွင် ကရုဏာတရားထားကာ သူ့အသက်ကို သတ်ဖြတ်ခြင်းမှ ရှောင်ကြဉ်ကြ၏။ ထိုသူများသေလျှင် အထက်နတ်ပြည်သို့ ရောက်ရတတ်ပြီး လူ့ပြည်သို့ ရောက်လာလျှင်လည်း အသက်ရှည်စွာ နေကြရ၏“ဟု ဖြေတော်မူ၏။

ဆက်လက်၍ သုဘလုလင်က “အရှင်ဘုရား… လောက၌ အချို့သူတို့သည် အနာရောဂါထူပြောပြီး အချို့မှာ အနာရောဂါ ကင်းရှင်းကြသည်ကို တွေ့ရပါသည်။ ထိုသူတို့သည် မည်သို့သော ကံများကြောင့် ကွဲပြားမှု ဖြစ်ရသနည်း ဘုရား“ဟု လျှောက်၏။ “ချစ်သား… လောက၌ အချို့သူတို့သည် သတ္တ၀ါတို့အပေါ် သနားညှာတာခြင်း ကင်းမဲ့ပြီး တုတ်၊ ဓား၊ လက်နက် စသည်ဖြင့် ညှဉ်းဆဲနှိပ်စက်လေ့ရှိ၏။ ထိုသူတို့သေလျှင် ငရဲသို့ ကျရောက်တတ်ပြီး ရှေးကုသိုလ် တစ်ခုခုကြောင့် ငရဲသို့ မကျရောက်ဘဲ လူ့ဘ၀ရလာပါက အနာရောဂါ အမျိုးမျိုးဖြင့်သာ ခံစားနေထိုင်ကြရ၏။ အချို့ကား သတ္တ၀ါတို့အပေါ် သနားညှာတာစိတ်ထားက ညှဉ်းပမ်းနှိပ်စက်ခြင်းမှ ရှောင်ကြဉ်ကြ၏။ ထိုသူများသေလျှင် အထက်နတ်ပြည်သို့ ရောက်ရတတ်ပြီး လူပြည်သို့ ရောက်လာပါကလည်း အနာရောဂါကင်း၍ ကျန်းမာစွာနေရ၏“ ဟု ဘုရားမြတ်စွာ ဖြေကြားတော်မူ၏။

ထိုအပြင် လုလင်ငယ်မှ ဆက်လက်၍ “လောက၌ အချို့သူများမှာ ရုပ်အဆင်းအင်္ဂါ ဆိုးရွားလှပြီး အချို့မှာ ရုပ်အဆင်းအင်္ဂါ လှပတင်တယ်ကြကြောင်း၊ အချို့မှာ အခြံအရံ မိတ်ဆွေအပေါင်းအသင်း မရှိဘဲ အထီးကျန်လှပြီး အချို့မှာ အခြံအရံ မိတ်ဆွေအပေါင်းအသင်း ပေါများလှပါကြောင်း၊ အချို့မှာ ဥစ္စာမရှိ အလွန်ဆင်းရဲလှပြီး အချို့မှာ စည်းစိမ်ဥစ္စာအပြည့်ဖြင့် အလွန်ချမ်းသာလှပါကြောင်း၊ အချို့မှာ အမျိုးဇာတ်ယုတ်နိမ့်ပြီး အချို့မှာ အမျိုးဇာတ်မြင့်မြတ်လှပါကြောင်း၊ အချို့မှာ အသိအလိမ္မာ ဉာဏ်ပညာ အလွန်နည်းပါပြီး အချို့မှာ ဉာဏ်ပညာ အလွန်ကြီးမားလှပါကြောင်း ထိုသို့ဖြစ်ရခြင်းမှာ အဘယ်သို့သော အကြောင်းကံများကြောင်း ဖြစ်ပါရသနည်းဘုရား…“ဟု မေးလျှောက်ပြန်၏။

ထိုလုလင်၏ အမေးများကို မြတ်စွာဘုရားရှင်က “ ဒေါသအလွန်ကြီးပြီး သူတစ်ပါးကို ပုတ်ခတ်ပြောဆိုလေ့ရှိသော သူတို့သည် ရုပ်အဆင်းအင်္ဂါမလှမပ ဖြစ်တတ်ပြီး ဒေါသမထွတ်၊ သူတပါးအပြစ်ကို ပြောလေ့မရှိ၊ စိတ်ကြဉ်လင် အေးမြသူတို့သည် ဖြစ်လေရာ ဘ၀တိုင်းတွင် ရုပ်အဆင်းအင်္ဂါ လှပတင့်တယ်တတ်ကြောင်း၊ သူတပါးအပေါ် မနာလိုခြင်း၊ ငြူစူခြင်း ဣဿာ အားကြီးသူများသည် အခြံအရံ မိတ်ဆွေအပေါင်းအသင်းမရှိ ရှားပါးကာ အထီးကျန်တတ်ပြီး ဣဿာနည်းပြီး ၀မ်းမြောက်ခြင်း မုဒိတာ အားကောင်းသူများသည် အခြံအရံ မိတ်ဆွေအပေါင်း အသင်း ပေါများတတ်ကြောင်း၊ စွန့်ကြဲပေးကမ်း လှူဒါန်းခြင်းမရှိဘဲ ၀န်တိုမှု မစ္ဆေရ အားကြီးသော သူများသည် ဥစ္စာမရှိ ဆင်းရဲမွဲတေတတ်ပြီး ၀န်တိုမှု မစ္ဆေရ မရှိဘဲ လှူဒါန်းပေးကမ်း စွန့်ကြဲလေ့ရှိသော သူတို့သည် စည်းစိမ်ဥစ္စာ ပြည့်စုံကာ ချမ်းသာတတ်ကြောင်း၊ ထောင်လွှားတက်ကြွပြီး မောက်မာသည့် မာန်မာနရှိသူများသည် အမျိုးဇာတ်ယုတ်ညံ့တတ်ပြီး မာနမရှိဘဲ မိမိကိုယ်ကို နှိမ့်ချလေ့ရှိသည့်အပြင် ရိုသေထိုက်သူကို ရိုသေတတ်သူများသည် အမျိုးဇာတ် အလွန်မြင့်မြတ်တတ်ကြောင်း၊ ပညာရှိသူတော်ကောင်းတို့ထံ ချည်းကပ်၍ ကုသိုလ်အကုသိုလ်ကိုလည်းကောင်း၊ အပြစ်ရှိမရှိကိုလည်းကောင်း၊ မှီဝဲသင့် မမှီဝဲသင့်ကိုလည်းကောင်း သံသရာ ကောင်းစေမည့် တရားအနှစ်သာရ တို့ကိုလည်းကောင်း မေးမြန်းလေ့မရှိဘဲ ထင်မိထင်ရာ ဒုစရိုက်မှုများဖြင့်သာ ကျင်လည်နေကြသူများသည် အသိဉာဏ်ပညာမရှိ ဖြစ်တတ်ပြီး ပညာရှိသူတော်ကောင်းတို့ထံ ကြည်ဖြူနှစ်သက် လေးမြတ်စွာ ဆည်းကပ်လျက် ဓမ္မအနှစ်သာရများကို မေးမြန်းစီစစ် နားကြားလေ့ရှိသော သူတို့သည် အသိဉာဏ် ပညာ အလွန်အားကြီးတတ်ကြောင်း“ တစ်ခုချင်း ဖြေကြားပေးတော် မူခဲ့လေ၏။ (စူဠကမ္မ၀ိဘင်္ဂသုတ်)

အထက်ပါ အမေးအဖြေများကား သုဘလုလင်မေးသဖြင့် ဘုရားရှင် ဖြေကြားပေးတော်မူခဲ့သည့် ကံအကျိုးပေးမှုများ အကြောင်းပင် ဖြစ်ပါ၏။ ဤအမေးအဖြေများသည် ဗုဒ္ဓဘာသာ၏ ကမ္မ၀ါဒကို မီးမောင်းထိုးပြပေးတော်မူထား၏။ မည်သူမဆို ယခုလက်ရှိ မိမိရရှိထားသည့် အနေအထားများသည် အတိတ်က မိမိလုပ်ခဲ့သည့် လုပ်ရပ်များ၏ အကျိုးရလာဘ်များအဖြစ် မှန်ကြည်သကဲ့သို့ ထင်ရှားစွာ တွေ့မြင်နိုင်၏။ ရုပ်ဆိုးခြင်း ရုပ်လြှခင်း၊ အမျိုးယုတ်ခြင်း အမျိုးညြံ့ခင်း၊ ဉာဏ်ကောင်းခြင်း မကောင်းခြင်း စသည့် ကွဲပြားခြားနားမှုများ၏ အဓိက အကြောင်းရင်းမှာ မိမိကိုယ်တိုင် ပြုလုပ်ခဲ့ခြင်းများသာ ဖြစ်ပါ၏။ မိမိမျက်နှာကို မိမိမှန်ဖြင့် ပြန်ကြည့်နေရသကဲ့သို့ ကံတရားများ၏ အကျိုးပေးမှုများက တန်ပြန်သက်ရောက်မှုကို ဖြစ်စေ၏။ အချုပ်ကြည့်လျှင် မိမိကိုယ်တိုင်၏ ဖန်တီးမှုများပင် ဖြစ်၏။ ထို့ကြောင့်လည်း မြန်မာစကားတွင် “ဘယ်သူမပြု မိမိမှု“ဟု ဆိုကြခြင်းဖြစ်၏။ ဘုရားရှင်က “မိမိမကောင်းမှု ပြုမိလျှင် မိမိသည်သာ ထိုမကောင်းမှု၏ အကျိုးကို ခံစားရမည်ဖြစ်ပြီး မိမိကောင်းမှုပြုလျှင်လည်း မိမိကိုယ်တိုင်ပဲ ထိုကောင်းမှု၏ အကျိုးကို ခံစားရမည်ဖြစ်ကြောင်း“ မိန့်ကြားတော်မူ၏။ ဤစကားသည် ကံတရား၌ မျက်နှာလိုက်ခြင်း၊ မျက်နှာသာပေးခြင်း မရှိသည်ကို ထင်ရှားသိမြင်စေ၏။ မှန်ကြည်သည့်အခါ မြန်မာပဲကြည့်ကြည့် ကိုရီးယားပဲကြည့်ကြည့်၊ အမေရိကန်ပဲကြည့်ကြည့်၊ ဂျပန်ပဲကြည့်ကြည့်၊ ဖြူသူပဲကြည့်ကြည့် မဲသူပဲကြည့်ကြည့် မည်သူပင်ကြည့်ပါစေ မှန်တွင်ပေါ်လာသည့် ထင်ဟပ်မှုသည်ကား အရှိအတိုင်းပင် ဖြစ်ပေါ်သကဲ့သို့ ကံတရားသည်လည်း မည်သည့်နိုင်ငံ၊ မည်သည့်လူမျိုးက မည်သည့်အလုပ်ကို လုပ်သည်ဖြစ်စေ တန်ပြန်အကျိုးသက်ရောက်မှုကား ထိုသူတို့ ပြုသည့်အတိုင်းသာ၊ ထိုသူတို့စိတ်စေတနာ အတိုင်းသာ ဖြစ်ပါ၏။ ကံတရား၏ အကျိုးပေးမှုသည် ဂုဏ်ပကာသနမရှိ၊ ရာထူးဌာနန္တရမရှိ၊ ပစ္စည်းဥစ္စာမရှိ သတ္တ၀ါမှန်သမျှ တစ်ပြေးညီတည်းသာ ဖြစ်ပါ၏။ ထို့ကြောင့် “ကံမသိ မှန်ကြည့်“ဟု ဆိုကြခြင်းဖြစ်၏။

အချုပ်အားဖြင့် ပြောလိုသည်မှာ လောကသား၊ သတ္တ၀ါသားတို့သည် လူ့ဘုံဟူသည့် မနုဿဘုံဌာနတွင် အတူတကွ လာဖြစ်ကြသော်လည်း လူအမျိုးမျိုး၊ အကျင့်စရိုက်အမျိုး၊ အခြေအနေ အမျိုးမျိုးဖြစ်နေကြပြီး ထိုအမျိုးမျိုးသော ပုဂ္ဂိုလ်သတ္တ၀ါတို့၏ မျက်မှောက်အခြေအနေများသည် မည်သူတစ်ဦး တစ်ယောက်၏ ပြုလုပ်ဖန်တီး ပေးမှုများကြောင့် ဖြစ်သည်မဟုတ်ဘဲ မိမိကိုယ်တိုင် ပြုလုပ်ဖန်တီးမှုများကြောင့် ဖြစ်သည်ဟူသည့် အချက်ပင်ဖြစ်ပါ၏။ ထိုသဘောကို အမှန်တကယ် နားလည်သဘောပေါက်မှု မရှိပါက မှန်ရှေ့သွားပြီး မိမိကိုယ်ကို မှန်ကြည့်ကြည့်ပါက သိနိုင်၏။ မှန်သည် အရှိကို အရှိအတိုင်း ထင်ပေါ်စေ၏။ ထို့အတူ ကံသည်လည်း ပြုလုပ်သူ၏ လုပ်ဆောင်ချက် စိတ်စေတနာအတိုင်း အကျိုးရလာဘ်ကို ဖြစ်ပေါ်စေ၏။ ပြုလုပ်သူသည် ကောင်းသည့်အကျိုးကို အလိုရှိပါက ကောင်းသည့်အလုပ်ကိုသာ လုပ်ရန်ရှိပြီး မကောင်းသည့်အလုပ်ကို လုပ်ပါက မကောင်းသည့် ရလာဘ်ကိုသာ ရရှိမည်ဖြစ်ပေ၏။ ထို့ကြောင့် ဘ၀လွတ်မြောက်မှုကို မရသေးသူများသည် ကျင်လည်ရမည့် ဘ၀သံသရာတွင် မိမိတို့ အလိုရှိသည့် အကျိုးရလာဘ်ကို အတိတ်က မိမိတို့ပြုလုပ်ခဲ့သည့် အကျိုးရလာဘ်အဖြစ် ရရှိနေရသည့် ယခုလက်ရှိ ရုပ်နာမ်အစုကြီးကို မှန်ကြည့်သကဲ့သို့ မြင်အောင်ကြည့်ပြီး အနာဂတ်အတွက် စဉ်းစားဆင်ခြင် သတိဝင်လျှက် ပြမှုနေထိုင် ပြောဆိုကြံစည်သင့်ပါကြောင်း “ကံမသိ မှန်ကြည့်ကြဖုို့“ စေတနာစကားဖြင့် အသိပေးလိုက်ရပေတော့၏။

Read more »

စိတ်အားဖြည့် စကားစုလေးများ (၂)…

ဘုန်းဘုန်းရဲ့ အင်တာနက် စာမျက်နှာမှာ ရေးခဲ့တဲ့ တွေးမိသမျှ စာစုများထဲက စာဖတ်သူများကို အားဖြစ်စေမယ့် သတိပေးစကား နှလုံးသား အာဟာရလေးများကို ထုတ်နှုတ်ပြီး ပြန်လည်တင်ပြ ပေးလိုက်ပါတယ်။ တစ်ခါတစ်လေ စာတစ်ပုဒ်လုံးကို ဖတ်ရတာထက် စာတစ်ပိုဒ်လောက်၊ စာတစ်ကြောင်းလောက်၊ စကားလုံးတစ်လုံးလောက်က စိတ်အားအင်ကို ပိုပြီးဖြစ်စေတတ် ပါတယ်။ ဒါကြောင့် စိတ်အင်အား အသိတရားလေးများ တိုးပွားစေဖို့ အောက်ဖော်ပြပါ ကောက်ချက်လေးများကို ထပ်မံတင်ပြလိုက်ခြင်း ဖြစ်ပါတယ်။ ဖတ်မှတ်ကျင့်ကြံပြီး တစ်ဆင့် ပြန်လည် မျှဝေနိုင်ကြပါစေ…

တကယ်ဖြစ်ချင်ရင် တကယ်လုပ်…
ဘာမှမလုပ်ရင် ဘာမှမဖြစ်သလို တစ်ခုခုကို လုပ်နေရင်လည်း အလုပ်ကနေ ပြန်ပြီးအကျိုးသက်ရောက်စေတယ် ဆိုတာ အလုပ်လုပ်နေတဲ့သူတိုင်း ခံစားရတဲ့ လက်တွေ့ကျတဲ့ သာဓကတစ်ခုဖြစ်ပါတယ်။ ဘာမှမဖြစ်ချင်ရင်တော့ ဘာမှမလုပ်ဘဲ နေလို့ရပေမယ့် တစ်ခုခုဖြစ်ချင်ရင်တော့ တစ်ခုခုကို လုပ်မှဖြစ်မှာပါ။ ဘာမှမလုပ်တဲ့ သူတွေအတွက် အချိန်တွေဟာ အချည်းနှီးပိုနေတတ်၊ အချည်းနှီး ကုန်ဆုံးနေတတ်ပေမယ့် အလုပ်လုပ်နေသူတွေ အတွက်ကတော့ အချိန်မလောက်ဘဲ ရှိတတ်ပြီး ကုန်ဆုံးသွားသမျှ အချိန်တွေဟာလည်း အကျိုးရှိတဲ့ ကုန်ဆုံးမှုတွေချည်းပါပဲ။

ဘာပဲဖြစ်ဖြစ် သိနေပါစေ…
တစ်စုံတစ်ခုကိုဖြစ်စေ တစ်စုံတစ်ယောက်ကိုဖြစ်စေ အကြောင်းပြုပြီး ကိုယ့်သန္တာန်မှာ မကောင်းတဲ့စိတ် ဖြစ်ပေါ်လာတဲ့အခါ အဲဒီစိတ်ဖြစ်တာကို ချက်ချင်းသိနိုင်အောင် သတိပြုသင့်ပါတယ်။ အဲဒီစိတ်ဖြစ်ခိုက်တွင် “ငါ့မှာ ဒီစိတ်ဖြစ်နေပါလား“လို့ သိလိုက်တာနဲ့ တစ်ပြိုင်နက် အဲဒီစိတ်ဟာရှေ့ဆက် မဖြစ်တော့ဘဲ ရပ်တန့်သွားပါတော့တယ်။ ဒါကြောင့် ဘာစိတ်ဖြစ်ဖြစ် ဖြစ်ခိုက်ကို သိအောင်ကြိုးစားပါလို့ ဆိုခြင်းဖြစ်ပါတယ်။

မစွဲလန်းမိပါစေနဲ့…
စွဲလန်းမိရင် အမှန်ကို မမြင်ဖြစ်လာတတ်ပါတယ်။ မမြဲတဲ့သဘောကို မြဲတယ်လို့ ထင်လာတတ်ပြီး မရှိကို အရှိလို့ ထင်လာတတ်ပါတယ်။ မပိုင်တာကို ပိုင်တယ်လို့ ထင်လာတတ်ပြီး ငါမဟုတ်သည်ကို ငါဟုထင်လာတတ်ပါတယ်။ ဒါကြောင့်လည်း ငါ၊ ငါ့ဥစ္စာ၊ ငါ့ရာထူး၊ ငါ့ဂုဏ်ဝါစတဲ့ ငါစွဲများဖြင့် အချိန်ကုန်ကာ လောဘ၊ ဒေါသ၊ မောဟ၊ မာနစသည် ပြိုင်လာကြခြင်းဖြစ်ပါတယ်။ သေချာတာကတော့ အကောင်းပဲဖြစ်ဖြစ် အဆိုးပဲဖြစ်ဖြစ် စွဲလန်းမိရင် မကောင်းဖြစ်တတ်ပြီး ဒုက္ခရောက်တတ်တယ်ဆိုတဲ့ အချက်ကို သတိပြုရပါမယ်။

သတိ… မှားတတ်သည်…
လောကမှာ အမှားဆိုတာ ဘယ်သူမှ မကင်းကြပါဘူး။ ပုထုဇင်ပုဂ္ဂိုလ်များဖြစ်၍လည်း ပိုလို့တောင် အမှားရှိတတ်ကြပါတယ်။ ဒီလိုအမှားတွေကိုသာ လိုက်ပြီးတစ်ခုချင်း အပြစ်ပုံချနေကြမယ်ဆိုရင် အမှားဟာ အမှန်ဖြစ်လာမှာ မဟုတ်တော့ဘဲ အငြိုးအတေးတွေပဲများလာကာ အဆုံးမသတ်နိုင် ဖြစ်တတ်ကြပါတယ်။ မာနတွေပြိုင်ကာ အနိုင်ပြုလာတတ်ပါတယ်။ အမှားတစ်ခုကို အကြောင်းပြုပြီး မကောင်းမှုတွေ လုပ်ဖြစ်လာတတ်ကြပါတယ်။ ဒီလို မကောင်းမှုတွေအထိ လုပ်လာတတ်ပြီဆိုရင်တော့ ဒီဘ၀မှာတင်မဟုတ်ဘဲ နောင်သံသရာအထိ အကျိုးဆက်တွေ ဖြစ်ကုန်ပါတယ်။ နောင်ဘ၀အထိ ပါလာပြီဆိုရင်တော့ သံသရာက ရှည်လာလေပြီပေါ့။ ဒီဘ၀မှာတောင် ဒီလိုဒုက္ခတွေနဲ့ ကျင်လည်နေကြရတာ နောင်သံသရာအထိ ပါသွားပြီဆိုရင်တော့ ဘ၀အဆက်ဆက် ဒုက္ခတွေက ပြောမပြနိုင်အောင်ပါပဲ။ ရှည်လိုက်မယ့် သံသရာကလည်း ခံပေတော့လို့ပဲ ဆိုရတော့မလို မဆုံးနိုင်တော့ပါဘူး။ ဒါကြောင့် အမှားမကင်းတဲ့ ပုထုဇင်လူသားတွေ ဖြစ်နေကြတဲ့အတွက် ဒီအမှားကို အကြောင်းပြုပြီး သံသရာ မရှည်ကြဖို့၊ သူမှားတယ်၊ ကိုယ်မှန်တယ်ဆိုပြီး မာနတွေ မပြိုင်မိကြဖို့၊ အတတ်နိုင်ဆုံး ခွင့်လွှတ်ပြီး သီးခံခ၀ါချနိုင်ဖို့ သတိပြုသင့်ကြပါတယ်။

အနေချောင် အသေကြပ်၊ အနေကြပ် အသေချောင်…
တကယ်တော့ လောကကြီးမှာ နေဖို့ခက်သလောက် သေဖို့လည်း ခက်ကြပါတယ်။ ဒါကြောင့် နေဖို့ကြိုးစားကြသလို သေဖို့လည်းကြိုးစားသင့်ပါတယ်။ အနေချောင်ဖို့ ကြိုးစားကြသလို အသေချောင်ဖို့လည်း ကြိုးစားသင့်ပါတယ်။ ဒါပေမယ့် လက်တွေ့မှာတော့ အနေချောင်ဖို့ ကြိုးစားရင်း အသေမချောင်ဘဲ ဖြစ်နေကြတာတွေပဲ များနေတာကို တွေ့ရပါတယ်။ ဆရာတော်ကြီးတစ်ပါး အမိန့်ရှိဖူးတာ အမှတ်ရမိပါတယ်။ ``အနေချောင်ရင် အသေကြပ်မယ်၊ အနေကြပ်မှ အသေချောင်မယ်``တဲ့။

အပြစ်မတင်မိကြပါစေနဲ့…
တကယ်တော့ အပြစ်တင်တတ်တဲ့ အကျင့်ရှိတာ လူတစ်ယောက်အတွက် ကောင်းတဲ့လက္ခဏာ မဟုတ်ပါဘူး။ အပြစ်တင်တတ်တယ်ဆိုကတည်းက အပြစ်ကြည့်တတ်လို့ အပြစ်တင်တတ်တာပါ။ အပြစ်ကြည့်တတ်ပြီဆိုရင်တော့ ကုသိုလ်စိတ်နဲ့ ကြည့်တာမဟုတ်ဘူး ဆိုတာသေချာပါတယ်။ ဒါဆိုရင် အကုသိုလ်ပဲပေါ့။ ဟုတ်ပါတယ်။ အပြစ်ဆိုတာ လူတစ်ယောက်ရဲ့ အားနည်းချက် မကောင်းတဲ့အချက်ပဲ ဖြစ်ပါတယ်။ အဲဒီအပြစ်ကို ကြည့်တတ်တဲ့သူဆိုရင်လည်း မကောင်းတဲ့အချက်ကို မြင်တတ်တဲ့အတွက် မကောင်းတဲ့စိတ်ပဲ အရင်ဖြစ်မှာပါ။ မကောင်းတဲ့စိတ်ဖြစ်ရင် အကုသိုလ်စိတ်ဖြစ်ပြီး အယောနိသော မနသိကာရ ဆိုတဲ့ မကောင်းတဲ့ နှလုံးသွင်းစိတ်ထား ဖြစ်ပါတယ်။ အယောနိသောမနသိကာရ ဖြစ်နေတဲ့ သူတစ်ယောက်ဟာ ကုသိုလ်ဖြစ်ဖို့လည်း ခက်သွားတတ်ပါတယ်။ ဒါကြောင့် ဘာပဲကြည့်ကြည့် ဘာပဲတွေးတွေး အကုသိုလ်မဖြစ်အောင် ယောနိသောမနသိကာရ စိတ်လေးနဲ့ အကောင်းဘက်က ကြည့်တတ်အောင် ကြိုးစားသင့်ပါတယ်။ အဲဒီလို အကောင်းဘက်က ကြည့်တတ်ကြမယ်ဆိုရင် ဘာကိုပဲဖြစ်ဖြစ် ဘယ်သူ့ကိုပဲ ဖြစ်ဖြစ် အမှီပြုပြီး အကုသိုလ်စိတ်ဖြစ်ဖို့ ခက်ခဲသွားတတ်ပါတယ်။

ကိုယ့်ကိုယ်ကိုသာ ပြိုင်လိုက်ပါ…
မပြိုင်နဲ့ ဆိုပေမယ့်။ ကိုယ့်ကိုယ်ကိုတော့ ပြိုင်နေရပါမယ်။ ယနေ့ငါနဲ့ မနက်ဖြန်ငါဟာ မတူအောင် ပြိုင်နေရပါမယ်။ မကောင်းပြိုင်ဖို့ မဟုတ်၊ အကောင်းပြိုင်ဖို့ပါ။ ယနေ့ငါဟာ ကံငါးပါးမလုံသေးပေမယ့် မနက်ဖြန်ငါကတော့ ကံငါးပါးလုံစေရမယ်လို့ ပြိုင်ရပါမယ်။ ယနေ့ငါဟာ ကိုယ်ကျင့်တရား မကောင်းပေမယ့် မနက်ဖြန်ငါကတော့ ကိုယ်ကျင့်တရားကောင်းရမယ်လို့ ပြိုင်ရပါမယ်။ ယနေ့ငါဟာ ဒါန၊ သီလ၊ ဘာဝနာ အလုပ်တွေကို ဒီလောက်ပဲ လုပ်နိုင်သေးပေမယ့် မနက်ဖြန်ငါကတော့ ဒီထက်ပိုပြီး လုပ်နိုင်ရမယ့်လို့ ပြိုင်ရပါမယ်။ ဒီနေ့ငါဟာ စိတ်ထားလေးတွေကို ဒီလောက်ပဲ ပြုပြင်နိုင်သေးပေမယ့် မနက်ဖြန်ငါကတော့ ဒီထက်ပိုပြီး ပြုပြင်နိုင်ရမယ်လို့ ပြိုင်ရပါမယ်။

ရတာမလို လိုတာမရ ဤလောက…
သတ္တ၀ါတွေဟာ ရနေတာကို မကျေနပ်နိုင်၊ မတင်းတိမ်နိုင်ဖြစ်တတ်ပြီး မရသေးတာကို လိုချင်တတ်တာ သဘာဝဖြစ်ပေမယ့် ရှိသမျှအတိုင်းအတာ၊ ရသမျှအတိုင်းအတာ၊ ကံပေးသမျှ အတိုင်းအတာလေးနဲ့တော့ ရောင့်ရဲ့နိုင်အောင် ကြိုးစားသင့်ပါတယ်။ ဒီလိုမှ မရောင့်ရဲ့နိုင်ရင် ရချင်မှု၊ လိုချင်မှု၊ ရသမျှကို အလိုမကျနိုင်မှု၊ ရပြီးတော့လည်း ထပ်ရချင်မှု၊ သူ့ရှိတာကို အားကျမှု စတာတွေကြောင့် ဒီဟာတွေနောက်ကို လိုက်ရင်းလိုက်ရင်း မဆုံးနိုင်အောင်ပင် ဖြစ်နေတတ်ပါတယ်။ သေချာတာကတော့ ကိုယ်ကဘယ်လိုပဲ လိုချင်ရချင်နေပေမယ့် လောကကြီးဟာ သူ့သဘောအတိုင်းသာ ဖြစ်နေတော့ လိုချင်တာကို ရချင်မှလည်း ရနိုင်မှာ၊ ရတဲ့ဟာလည်း ကိုယ်လိုချင်တဲ့ဟာ ဖြစ်ချင်မှဖြစ်မှာဆိုတာပါပဲ။ ဒါကြောင့် ရတာမလို လိုတာမရတဲ့ လောကကြီးမှာ ရချင်မှုနောက်တွေပဲ လိုက်မနေကြပဲ ရသမျှ ရှိသမျှအပေါ်မှာသာ ရောင့်ရဲနိုင်အောင်၊ ကျေနပ်နိုင်အောင် ကြိုးစားသင့်ကြပါတယ်။

ရောင့်ရဲနိုင်ပါမှ…
“ရှိတာလေးနဲ့ ရောင့်ရဲပါ“တဲ့။ ဒီစကားလေးက သိပ်တန်ဘိုးရှိပါတယ်။ ဗုဒ္ဓစာပေမှာတော့ “တုဋ္ဌီ သုခါ ယာ ဣတရေန= ရသမျှ၊ ရှိသမျှနဲ့ ကျေနပ်နှစ်သိမ့်နိုင်ခြင်းဟာ ချမ်းသာ၏“ လို့ ဖော်ပြထားပါတယ်။ သိကြတဲ့အတိုင်းပဲ ရတာလေးအပေါ်မှာ မရောင့်ရဲနိုင် မကျေနပ်နိုင်ကြတော့ တစ်ချို့က ပိုပြီးရအောင် ကြိုးစားကြပါတယ်။ ပိုပြီးလိုချင် ပိုပြီးရချင်တော့ တရားတာရော မတရားတာရော မသိတော့ဘဲ ရဖို့တစ်ခုတည်းကြည့်ပြီး လုပ်မိကြရာက ပစ္စုပ္ပန်မှာရော သံသရာမှာပါ ဒုက္ခဖြစ်ကြရပါတယ်။ ရချင်တဲ့ လိုချင်တဲ့ လောဘဆိုတာ အကန့်လေးနဲ့ တားပေးရပါတယ်။ အဲဒါကို တုဋ္ဌီ (ရောင့်ရဲတင်းတိမ်နိုင်ခြင်း)လို့ ခေါ်ပါတယ်။ အကန့်မထားရင် ရပြီးရင်းရချင်၊ လိုပြီးရင်းလိုချင် ဖြစ်လာတတ်ပါတယ်။ ရပြန်တော့လည်း ကျေနပ်နှစ်သိမ့်မှု မဖြစ်နိုင်ဘဲ နောက်တစ်ခုကို ရဖို့အားထုတ်လာတတ်ပါတယ်။ ဒီလိုနဲ့ မဆုံးနိုင်တော့ဘဲ နောက်ဆုံးတော့ အလိုမကျမှုတွေနဲ့သာ လည်နေကြပါတော့တယ်။

အနာနဲ့ ဆား…
ဆားရဲ့ပင်ကို သဘာဝက ငန်တတ်ပါတယ်။ အငန်ဟာ အနာတစ်ခုခုနဲ့ ထိတွေရင် စပ်ခြင်းပူခြင်းကို ဖြစ်ပေါ်စေပါတယ်။ အနာမရှိဘဲ သာမန်ဆိုရင်တော့ ဘာခံစားမှုကိုမှ မဖြစ်စေပါဘူး။ ဒါကြောင့် ဆားကိုအသုံးပြုတဲ့သူချင်း၊ ဆားကို ကိုင်တဲ့သူချင်း အတူတူ ဘာအနာမှ မရှိတဲ့သူ ကိုင်တာနဲ့ အနာရှိတဲ့သူ ကိုင်တာမှာ ခံစားချက် ကွာတယ်လို့ ဆိုတာပါ။ သူများတွေ ကိုင်တဲ့အခါ ဘာမှမဖြစ်ဘဲ ကိုယ်ကိုင်မှပဲ ပူတယ်စပ်တယ် ဆိုရင်တော့ ကိုယ့်မှာ အနာတစ်ခုခု ရှိနေလို့ ဖြစ်တာပါ။ ကိုယ့်မှာ ဘာအနာမှ မရှိရင် ဖြစ်စရာ အကြောင်းမရှိပါဘူး။

စိတ်မနာမိပါစေနဲ့…
အနာ နှစ်မျိုးရှိပါတယ်။ ရုပ်မှာဖြစ်တဲ့ အနာရယ်၊ စိတ်မှာဖြစ်တဲ့ အနာရယ်ပါ။ ရုပ်မှာဖြစ်တဲ့အနာကတော့ တကယ်တမ်းပြောရရင် အနာလို့တောင် ပြောလို့မရပါဘူး။ ဘာဖြစ်လို့လည်းဆိုတော့ ရုပ်တရားကိုက အနာကြီးဖြစ်နေတာကိုး။ စိတ်မှာဖြစ်တဲ့ အနာကတော့ အလွန်ကြောက်စရာကောင်းပါတယ်။ ပိုပြီးနာကျင်လေ ပိုပြီးဒုက္ခရောက်လေပါပဲ။ ဒီအနာဖြစ်ပြီဆိုရင်တော့ ပျောက်အောင်ကုဖို့လည်း မလွယ်လှပါဘူး။ ဒါကြောင့် စိတ်အနာမဖြစ်အောင် အထူးကြိုးစားဖို့ လိုပါတယ်။ စိတ်မှာအနာဖြစ်ပြီဆိုရင်တော့ အရင်ဆုံးခံစားရတာက ကိုယ်ကိုယ်တိုင်ပါ။ ကိုယ့်ကိုယ်ကို အမှီပြုပြီး ကိုယ့်စိတ်မှာ အနာဖြစ်ရင်လည်း ကိုယ်ပဲအရင်ခံရမှာဖြစ်ပြီး သူများကိုအမှီပြုပြီး ဖြစ်ရင်လည်း သူများထက်အရင် ကိုယ်ကိုယ်တိုင်ပဲ နာကျင်ရတာပါ။ သေချာပြန်တွေးကြည့်တော့ စိတ်မှာအနာဖြစ်ပြီဆိုရင် ကိုယ့်ကြောင့်ပဲဖြစ်ဖြစ် သူ့ကြောင့်ပဲဖြစ်ဖြစ် နာကျင်စွာ ခံစားလိုက်ရတာကတော့ ကိုယ်ပဲဖြစ်ပါတယ်။

ကြွား… ကြွ… ကျ…
မြန်မာအများစုဟာ အကြွားသန်ကြပါတယ်။ မရှိ ရှိတာ ရှာကြံ ကြွားတတ်ကြပါတယ်။ တကယ်တော့ ကြွားလို့သိတာထက် မကြွားဘဲ သိတာက ပိုကောင်းပါတယ်။ သေချာတွေးကြည့်ရင် အကြွားလွန်ရင် ကြွတတ်ပါတယ်။ ကြွလာပြီဆိုရင်တော့ ကျဖို့အတွက် ရှေးပြေးနိမိတ်ပါပဲ။ ဒါကြောင့် မကြွားမိကြပါစေနဲ့။ ကြွားမိရာက ကြွလာတတ်ပြီး နောက်ဆုံး ကျသွားတတ်ပါတယ်။

Read more »


RECENT POSTS

သူတုို့သူတုို့၏ မှတ်ချက်များ

အမှတ်တရ ပုံရိပ်များ