အညွန့်တုံးသူ…

“အညွန့်တလူလူ တက်နေတဲ့ သူ့ဘ၀ကို သူ့လုပ်ရပ်တွေကပဲ ဖျက်စီးပစ်လိုက်တာပါ၊ သူ့ကိုယ်ကိုယ်သူ မထိန်းနိုင်တော့ ဘာမဟုတ်တဲ့ အရာလေးကို အကြောင်းပြုပြီး မလုပ်သင့်တာကို လုပ်လိုက်မိတာပေါ့။ ခုတော့ သူ့ဘ၀ဟာ သွားပြီ… ဘာမှ အဖက်ဆယ်လို့ မရတော့ဘူး၊ ကုန်ကုန်ပြောရရင် သူ့ဘ၀ဟာ အညွန့်တုံးသွားတာပါပဲ၊ သူလုပ်ခဲ့တဲ့အလုပ်က သူ့ကို အညွန်းတုံးသူတစ်ယောက် ဖြစ်စေခဲ့တာပါပဲ…”စသည်ဖြင့် အောင်မြင်နေသည့် ဘ၀မှ ကျရှုံးသွားပြီး ဘ၀တက်လမ်း မှေးမှိန်သွားသည့် သူငယ်ချင်းတစ်ယောက် အကြောင်းကို စိတ်မကောင်းစွာနဲ့ စာရေးသူကို ရင်လာဖွင့်သွားသည့် မိတ်ဆွေတစ်ယောက်၏ စကားသံအချို့ ဖြစ်ပါသည်။ ထိုမိတ်ဆွေ ပြန်သွားသော်လည်း သူချန်သွားသည့် စကားများက စာရေးသူကို အတွေးနယ်ချဲ့စေခဲ့၏။ အထူးသဖြင့် သူပြောသွားသည့် “အညွန့်တုံးသူ”ဟူသော စကားနှင့် စပ်လျဉ်းပြီး စဉ်းစားနေမိ၏။ “အညွန့်”ဟူသော စကားကို လိုသလိုစွဲယူ တွေးနေမိ၏။

“အညွန့်တလူလူတက်သည်၊ အညွန့်ကျိုးသည်၊ အညွန့်တုံးသည်”စသည်ဖြင့် အသုံးပြုကြသည့် မြန်မာစကား အညွန့်ဟူသော ဝေါဟာရသည် အကောင်းဘက်ကိုညွန်းပြီး အောင်မြင်မှုကို ကိုယ်စားပြုနေ၏။ လောကဝေါဟာရ အသုံးအားဖြင့် ကောင်းသည့်အဓိပ္ပါယ်ကို ဆောင်နေ၏။ လူတစ်ယောက်၏ တက်လမ်းကို အညွန့်ဟု ရည်ညွန်းကာ အညွန့်တလူလူ တက်နေခြင်းကိုပင် အောင်မြင်နေသည်ဟု ဆိုကြ၏။ ထိုတက်နေသည့် အညွန့်ကို မကျိုးစေရန်၊ တက်နေသည့် အညွန့်ကို မတုံးစေရန်၊ ထိုအညွန့်ကို ရှင်သန်နေစေရန် ၀ိုင်းဝန်းစောင့်ရှောက်လေ့ ရှိကြ၏။ ဤသည်မှာ အညွန့်ကို မတုံးစေလို၍ ဖြစ်ပြီး အညွန့်အပေါ် တွယ်တာနေ၍ ဖြစ်၏။ ထိုအညွန့် ရှင်သန်နေမှုကို လိုလားနေ၍ ဖြစ်၏။ လောကသားတို့ကား အညွန့်ကို ရှင်သန်နေစေ၏။ အညွန့်ကို တွယ်တာနေပေ၏။

သို့သော် ထိုအညွန့်ကို မလိုလားသူများ၊ အညွန့်ကို မရှင်သန်စေလိုသူများ၊ အညွန့်ကို တုံးစေလိုသူများ၊ အညွန့်ကို တုံးအောင် လုပ်နေသူများကား ရှိနေပြန်၏။ ထိုသူတို့သည် အညွန့်ရှင်သန်နေမှုကို မလိုလားကြပေ။ အားမပေးကြပေ။ ထိုသူတို့အမြင် လောကသားတို့ လိုလားကြသည့် အညွန့်သည် ၎င်းတို့အတွက် အစစ်အမှန် ငြိမ်းချမ်းရာသို့ သွားရာလမ်းတွင် ဆူးညောင့်ခလုပ်သာ ဖြစ်နေပေ၏။ ထို့ကြောင့် အညွန့်တက်ရန်ထက် အညွန်ဖျက်ရန် အားထုတ်ကြ၏။ အညွန့်ရှင်သန်ရန်ထက် အညွန့်တုံးရန် ကြိုးစားကြ၏။ ထိုသို့ ကြိုးစားသဖြင့် အညွန့်တုံးသွားလျှင် အညွန့်တုံးသူအဖြစ် ကျေကျေနပ်နပ် ခံယူကြ၏။ ထိုသူများ၏ ရည်မှန်းချက်သည် အညွန့်ရှင်သန်ရန်မဟုတ်၊ အညွန့်တုံးရန် ဖြစ်၏။

သူတို့အမြင်အရ မြတ်စွာဘုရားရှင်သည်ပင် အညွန့်တလူလူ တက်နေသူမဟုတ်၊ အညွန့်တုံးသူသာ ဖြစ်၏။ ထို့ကြောင့်လည်း ဘုရားရှင်ကို “အညွန့်တုံးသူ”ဟု ခေါ်ဝေါ်အသုံးပြုကြ၏။ ဘုရားရှင် ကိုယ်တော်တိုင်ပင် “အညွန့်တုံးသူ”ဟု အခေါ်ခံခဲ့ရ၏။ ဘုရားရှင်ကို အညွန့်တုံးသူဟု သမုတ်ကြသူများကား အခြားသူများမဟုတ်၊ ပရိဗိုဇ်များပင် ဖြစ်၏။ မာဂဏ္ဍိယပရိဗိုဇ်နှင့် ဘာရဒွါဇတို့ပင် ဖြစ်၏။

မြတ်စွာဘုရားရှင် ကုရုတိုင်း၊ ကမ္မာသဓမ္မ အမည်ရှိသည့် နိဂုံးတွင် သီတင်းသုံး နေတော်မူစဉ်က ဖြစ်၏။ ဘုရားရှင်သည် ဘာရဒွါဇ ပုဏ္ဏား၏ မီးတင်းကုတ်တွင်လည်း တရားဟောခဲ့ရသေး၏။ တစ်နေ့ ဘုရားရှင် မရှိခိုက် ဘာရဒွါဇ ပုဏ္ဏားသည် မိမိထံသို့ ရောက်လာသော မာဂဏ္ဍိယပရိဗိုဇ်နှင့် ဟိုဟိုဒီဒီ စကားများ ပြောဆိုဖြစ်ကြ၏။ သူတို့ပြောသည့်စကားများတွင် ဗုဒ္ဓအကြောင်းများလည်း ပါဝင်၏။ ဗုဒ္ဓသည် ဂုဏ်တော်ကိုးပါးနှင့် ပြည့်စုံသူဖြစ်ကြောင်းပြောဆို၏။ ထိုအခါ မာဂဏ္ဍိယက သူ့အမြင်ပြောရလျှင် ဗုဒ္ဓသည် အညွန့်တုံးသူသာ ဖြစ်ကြောင်း ပြော၏။ ထိုသူတို့ပြောနေကြသည့် စကားသံကို မီးတင်းကုတ်အပြင်မှ မြတ်ဗုဒ္ဓက ကြားတော်မူ၏။ ထို့ကြောင့် သူတို့နှစ်ဦး စကားဝိုင်းအနီးသို့ သွားရောက်ကာ မာဂဏ္ဍိယပြောသည့် “အညွန့်တုံးသူ”ဟူသော စကားကို ထောက်ခံဟောကြားတော်မူ၏။

ဗုဒ္ဓက “မာဂဏ္ဍိယ မျက်စိသည် အဆင်းရူပါရုံ၌ မွေ့လျော်၏၊ ရူပါရုံ၌ ပျော်ပိုက်၏၊ ရူပါရုံ၌ နှစ်ခြိုက်၏၊ ထိုမျက်စိကို မြတ်စွာဘုရားသည် ဆုံးမထားပြီ၊ လုံအောင်ပြုထားပြီ၊ စောင့်ရှောက်ထားပြီ၊ ပိတ်ဆိုထားပြီ၊ ထိုမျက်စိကို ပိတ်ဆို့ခြင်းငှါလည်း တရားဟောပြီ စသည်ဖြင့် ဤအကြောင်းများကြောင့် မြတ်စွာဘုရားသည် အညွန့်တုံးသူ ဖြစ်သည်ဟု သင်ဆိုခြင်း ဖြစ်သည်မဟုတ်လော၊ ထို့အတူ နားသည် အသံဟူသော သဒ္ဒါရုံ၊ နှာခေါင်းသည် အနံ့ဟူသော ဂန္ဓာရုံ၊ လျှာသည် အရသာဟူသော ရသာရုံ၊ ကိုယ်သည် အတွေ့ဟူသော ဗောဋ္ဌဗ္ဗာရုံနှင့် စိတ်သည် သဘောတရားဟူသော ဓမ္မရုံ၌ မွေ့လျော်၏၊ ပျောက်ပိုက်၏၊ နှစ်ခြိုက်၏၊ ထို နား၊ နှာခေါင်း၊ လျှာ၊ ကိုယ်၊ စိတ်ကို မြတ်စွာဘုရားသည် ဆုံးမထားပြီ၊ လုံအောင်ပြုထားပြီ၊ စောင့်ရှောက်ထားပြီ၊ ပိတ်ဆို့ထားပြီ၊ ထိုနား၊ နှာခေါင်း၊ လျှာ၊ ကိုယ်၊ စိတ်ကို ပိတ်ဆို့ခြင်းငှါလည်း တရားဟောပြီ စသည်ဖြင့် ဤအကြောင်းများကြောင့် မြတ်စွာဘုရားသည် အညွန့်တုံးသူ ဖြစ်သည်ဟု သင်ဆိုခြင်း ဖြစ်သည်မဟုတ်လော”ဟု မေးတော်မူ၏။ မာဂဏ္ဍိယကလည်း “မှန်ပါ အရှင်ဘုရားမိန့်တော်မူသည့် အကြောင်းကိုပဲ ရည်ရွယ်ပြီး အညွန့်တုံးသူဟု ဆိုခြင်းဖြစ်ပါသည်ဘုရား..” (မာဂဏ္ဍိယသုတ်) ဟု လျှောက်ထား၏။ မြတ်စွာဘုရားသည် အထက်ပါအတိုင်း မာဂဏ္ဍိယ၏ စကားကို ထောက်ခံကာ တရားစကား ဟောကြားတော်မူ၏။ ဤစကားဖြင့် “အညွန့်တုံးသူ”ဟူသော အဓိပ္ပါယ်ကို ရှင်းပြတော်မူ၏။

ဤနေရာတွင် အဓိကပြောလိုသည်မှာ “အညွန့်တုံးသူ”ဟူသော စကားနှင့်စပ်လျဉ်းသည့် အကြောင်းပင်ဖြစ်၏။ လောကသားများမြင်သည့် အညွန့်နှင့် အရိယာသူတော်ကောင်းများ မြင်သည့် အညွန့်မတူညီမှုကို ထင်ရှားစေလိုရင်းဖြစ်၏။ အရိယာသူတော်ကောင်းများ ဆိုလိုသည့် အညွန့်ကား ကိလေသာတရားများ ဖြစ်၏။ ကိလေသာများ ဖြစ်ပွားရာ အာရုံတရား အညွန့်များပင် ဖြစ်၏။ အာရုံများ ဖြစ်ပွားစေသည့် အရာများနှင့် ထိုအရာများ ပျော်မွေ့ရာများကို တုံးအောင် ပြုလုပ်စေလိုခြင်း ဖြစ်၏။ ထိုအာရုံများ မဖြစ်ပေါ်စေရန်၊ ဆက်ပြီး ရှင်သန်တိုးတက်မှု မရှိစေရန် မျက်စိ၊ နား၊ နှာ၊ လျှာ၊ ကိုယ်၊ စိတ်တို့ကို ဆုံးမကြရန်၊ ပိတ်ဆို့ကြရန်၊ စောင့်ရှောက်ကြရန် တိုက်တွန်းတော်မူခြင်း ဖြစ်၏။ မျက်စိ၊ နား၊ နှာ၊ လျှာ၊ ကိုယ်၊ စိတ်တို့သည် ဖွင့်ထားလျှင်၊ မထိန်းချုပ်ဘဲ လွတ်ထားလျှင် အဆင်း၊ အသံ၊ အနံ့၊ အရသာ၊ အတွေ့အထိ၊ သဘောတရား ဟူသောအာရုံနောက်သို့ ပါသွားကာ အကုသိုလ် အညွန့်များသာ တက်တက်လာမည် ဖြစ်သဖြင့် ထိုအညွန့်များ မဖြစ်စေရန်၊ ထိုအညွန့်များ တုံးစေရန် မိမိတို့၏ မျက်စိ၊ နား၊ နှာ၊ လျှာ၊ ကိုယ်၊ စိတ်တို့ကို ထိန်းချုပ်ကြရန် ဆိုခြင်းဖြစ်၏။ စင်စစ် လွတ်မြောက်ရာလမ်းသို့ တက်လှမ်းနိုင်စေရန်သည် အရိယာ သူတော်ကောင်းများ မြင်သည့်အမြင်ဖြင့် လျှောက်လှမ်းရမည်သာ ဖြစ်၏။ အရိယာတို့က အညွန့်ကို တုံးအောင်၊ အညွန့်တုံးသူဖြစ်အောင် ကြိုးစားစေလိုကြ၏။ ထို့ကြောင့်လည်း အညွန့်မှန်သမျှ ဖြတ်ခိုင်ခြင်း ဖြစ်၏။

စင်စစ် လောကသားများ မြင်သည့်အညွန့်သည် ပူလောင်မှုနှင့် သံသရာ ရှည်မှုကို ဖြစ်စေသည့် သဘောရှိ၏။ အညွန့်တလူလူ တက်လေလေ အပူဒုက္ခတွေက တဖြည်းဖြည်း များလေလေ ဖြစ်ပေ၏။ အခန့်မသင့်လျှင် ထိုအညွန့်ကြောင့်ပင် အမှားများစွာဖြင့် ပစ္စုပ္ပန် သံသရာအထိ ဒုက္ခရောက်စေတတ်၏။ တက်နေသည့် အညွန့်များကြောင့်ပင် မိမိကိုယ်ကို အမှားကို အမှန်ထင်၊ အမှန်ကို အမှားထင်စေလျှက် လောဘ၊ ဒေါသ၊ မာန စသည်များဖြင့် အကြောင်းအကျိုး မခွဲခြားနိုင်ပဲ ဖြစ်စေတတ်၏။ အညွန့်တတ်နေသည့်အခိုက် သတိမစိုက်နိုင်လျှင် ထိုအညွန့်အရှိန်ကြောင့် မာန၀င်ကာ သူတစ်ပါးအပေါ် နိုင်ထက်စီးနင်း ပြုကျင့်မိတတ်၏။ အောင်မြင်မှု ဂုဏ်ပကာသန၊ ရာထူးဌာနန္တရဟူသော အညွန့်များကြောင့် ကျင်လည်ရမည့် ဘ၀သံသရာ မတုံးစေသည့်အပြင် ပိုမို၍သာ ရှည်ကြာစေတတ်၏။ ထို့ကြောင့် အရိယာများက လောကသားများ ထင်နေကြသည့် အညွန့်တလူလူ တက်နေမှုကို မလိုလားကြဘဲ ထိုအညွန့်များ တုံးအောင်သာ ပြုလုပ်လိုကြခြင်း ဖြစ်၏။ လောကသားတို့က အညွန့်တလူလူ ဖြစ်လိုကြသော်လည်း အရိယာတို့ကား အညွန့်ကို တုံးစေလိုကြ၏။ အညွန့်တုံးမှ သံသရာ ဆုံးမည်ဖြစ်သဖြင့် အညွန့်တုံးအောင် အားထုတ်ကြခြင်းဖြစ်၏။ ကျင့်ကြံအားထုတ်မှုဖြင့် အညွှန့်တုံးအောင်လုပ်ပြီး အညွန့်တုံးသူများအဖြစ် ခံယူနိုင်အောင် ကြိုးစားကြခြင်းဖြစ်၏။

မှန်၏။ ဘ၀သံသရာ ခရီးကို သွားနေကြသည့် သတ္တ၀ါတို့သည် သံသရာအဆုံးဖြစ်သည့် နိဗ္ဗာန်သို့ မရောက်နိုင်သေးသမျှ ဒုက္ခပင်လယ် ဝေနကြမည်ဖြစ်သဖြင့် ကျင်လည်ရသည့်အခိုက်တွင် အနည်းငယ်မျှပဲ ဖြစ်ဖြစ် ခံစားမှုဒုက္ခများ သက်သာမှု ရနိုင်စေရန် ကိလေသာ အဖြစ်နည်းအောင် ကြိုးစားသင့်လှ၏။ ကိလေသာပါးအောင် ပြုလုပ်သင့်လှ၏။ ထိုသို့ ကိလေသာတရားများ နည်းပါးစေရန်မှာ အညွန့်များအပေါ်တွင် စိတ်ကိုထိန်းချုပ်နိုင်မှသာ နည်းနိုင်မည်ဖြစ်ပေ၏။ အညွန့်တလူလူ ဖြစ်နေသည့် အခိုက်အတန့်တွင် မိမိတို့၏ မျက်စိ၊ နား၊ နှာ၊ လျှာ၊ ကိုယ်၊ စိတ်များကြောင့် အညွန့်အပေါ် အမှီပြုကာ ကိလေသာတရားများ တိုးပွားစေတတ်သည်ကို သတိဖြင့် ဆင်ခြင်ကာ မျက်စိ၊ နား၊ နှာ၊ လျှာ၊ ကိုယ်၊ စိတ်တို့ကို ထိန်းချုပ်သင့်လှ၏။ မျက်စိ၊ နား၊ နှာ၊ လျှာ၊ ကိုယ်၊ စိတ်တို့ကို မမေ့မလျော့ ထိန်းချုပ်ခြင်းဖြင့် အညွန့်တုံးအောင် ပြုလုပ်သင့်လှ၏။

ထို့ကြောင့် လောကီဘုံသား လူအများတို့ လိုလားနှစ်သက်ကြသည့် အောင်မြင်သည့်ဘ၀ အညွန့်တလူလူ တက်နေသည့်ဘ၀သည် ဗုဒ္ဓဘာသာတို့၏ နောက်ဆုံးပန်းတိုင်ဖြစ်သည့် လွတ်မြောက်ရာလမ်းကို လျှောက်လှမ်းရာတွင် အညွန့်ရှည်သည်နှင့်အမျှ သံသရာလည်း ရှည်နိုင်မည်ဖြစ်သဖြင့် ဘ၀သံသရာလမ်းကို ဖြတ်ကာ နိဗ္ဗာန်နန်းသို့ သွားလိုကြသူများ အနေဖြင့် မိမိတို့၏ ဆိုင်ရာဆိုင်ရာ မျက်စိ၊ နား၊ နှာ၊ လျှာ၊ ကိုယ်၊ စိတ်များကို အညွန့်များဖြစ်သည့် လောကီအာရုံ ကာမဂုဏ်တရားများတွင် မပျော်မွေ့စေဘဲ တက်နေသည့် အညွန့်များ တုံးရန်ကိုသာ အချိန်ရှိခိုက် ကြိုးစားလိုက်ကြရန် ဖြစ်ပါသည်။ အညွန့်တလူလူ တက်နေသည့်ဘ၀မှသည် အကျင့်တရား ကျင့်ကြံပွားသဖြင့် ကိလေသာ အညွန့်တုံးသူများအဖြစ် အမြန်ဆုံးရောက်အောင်သာ သတိတရား လက်ကိုင်ထားကာ ကြိုးစားကျင့်ကြံ အားထုတ်ကြပါဟု တိုက်တွန်းစကား ပါးလိုက်ရပါသည်။ အားလုံး အညွန့်တုံးသူများ ဖြစ်နိုင်ကြပါစေ…

1 မှတ်ချက်များ (...ရေးရန်):

  • Dhamma Latsaung says:
    Friday, May 07, 2010

    အရှင်ဘုရားပြောပြမှ တပည့်တော်လည်းအညွန့် တုံး
    တာနဲ့ အညွန့် တက်တာကိုသေချာနားလည်သဘော
    ပေါက်သွားပါတယ်ဘုရား...။ ဒီစာမဖတ်ခင်အထိ
    တပည့်တော်အညွန့် တက်ချင်နေတာပါ...အခုတော့
    အညွန့် တုံးဖို့ လည်းလိုနေသေးတယ်နော်...
    ရိုသေစွာဦးချရင်းနဲ့ ကျေးဇူးအများကြီးတင်ကြောင်း
    လျှောက်ထားပါတယ်ဘုရား...


RECENT POSTS

သူတုို့သူတုို့၏ မှတ်ချက်များ

အမှတ်တရ ပုံရိပ်များ