သမဂ္ဂါနံ တပေါ သုခေါ (ညီညွတ်သူများ၏ အကျင့်သည် ချမ်းသာ၏)



မှော်ဘီ သံဃာ့အစည်းအဝေးကြီး အောင်မြင်စွာ ကျင်းပပြီးစီးခဲ့ပါပြီ။ မထေရ်ကြီးများ၏ ဦးဆောင်မှု၊ ပညာရှင်များ၏ လမ်းညွန်မှု၊ ထင်ပေါ်ကျော်ကြား ထေရ်ရှင်များ၏ ပံ့ပိုးမှု၊ နေရာဒေသ အသီးသီးရှိ ကျောင်းထိုင်ဆရာတော်များ၏ ပူးပေါင်းမှုတို့ဖြင့် ကျင်းပပြုလုပ်ခဲ့ကြသည့် ထိုအစည်းအဝေးသို့ စာရေးသူလည်း  ပင့်ဖိတ်စာနှင့်အတူ ကျန်သည့်အရေးများ ဘေးဖယ်ထားက လက်ရှိဖြစ်ပျက်နေသည့် ပြဿနာများအတွက် ကျရာကဏ္ဍမှ ပူပေါင်းပါဝင်ခွင့် ရခဲ့ပါသည်။ 

ငြိမ်းချမ်းရေးအတွက် ကဏ္ဍပေါင်းများစွာဖြင့် စုပေါင်းအဖြေရှာခဲ့ကြသည့် ဆွေးနွေးပွဲတွင် စာရေးသူတို့သည် “နိုင်ငံသား အားလုံးငြိမ်းချမ်းစွာ အတူနေထိုင်ရေး”ဟူသည့် ခေါင်းစဉ်အောက်တွင် အကြိတ်အနယ် ဆွေးနွေးဖြစ်ခဲ့၊ အချင်းချင်း အမြင်များ ဖလှယ်ဖြစ်ခဲ့ပြီး ပြဿနာ အရပ်ရပ်ကို ကြွရောက်လာသော သံဃာတော် အရှင်မြတ်များက ဗုဒ္ဓနည်းကျ ငြိမ်းချမ်းစွာ ဖြေရှင်းကြရန် တညီတစ်ညွတ်တည်း အတည်ပြု ဆုံးဖြတ်ခဲ့ကြသည်။ 

မြန်မာနိုင်ငံ၏ လက်ရှိပြုပြင် ပြောင်းလဲမှုများတွင် အဟန့်အတား ဖြစ်စေမည့် ပဋိပက္ခများကို သံဃာတော် အရှင်သူမြတ်များက ဗုဒ္ဓအလိုကျ ငြိမ်းချမ်းမှုရအောင် ကြိုးစားနေကြသည်။ နိုင်ငံတကာ သတင်းစာမျက်နှာများတွင် မြန်မာနိုင်ငံနှင့် ဗုဒ္ဓဘာသာ ရဟန်းတော်များ၊ လူပုဂ္ဂိုလ်များအပေါ် အမှားသတင်းများဖြင့် အပြစ်မြင်နေကြသည့် အချက်များကို သံဃာဥသျှောင်မထေရ်ကြီးများက အလွန်စိတ်မကောင်းစွာ ခံစားနေရသည်ကို အစည်းအဝေးတွင် ကြွရောက် သြဝါဒ ပေးခဲ့ကြသည့် မထေရ်ကြီးများ၏ သြဝါဒများတွင် အထူးထည့်သွင်း မိန့်ကြားတော်မူခဲ့ကြသည်။ 

ထိုသြဝါဒများတွင် ဆရာတော်ကြီးများက မီဒီယာများအား သတင်းမှန်ဖို့၊ သတင်းမချန်ဖို့နှင့် ဘက်လိုက်မှုကင်းဖို့ ထပ်ခါထပ်ခါ မိန့်ကြားတော်မူသွားခဲ့သည်။ အထူးသဖြင့် ပြဿနာ အစကို ထိန်ချန်ပြီး အကျိုးသက်ရောက်မှုရဲ့ ပုံရိပ်တွေကိုသာ တဖက်သတ် ဖော်ပြနေသည့် နိုင်ငံတကာ သတင်းမီဒီယာများ၏ ဘက်လိုက်နေမှုများကို ဆရာတော်ကြီးများက ထောက်ပြတော်မူခဲ့ကြသည်။ ထိုသတင်းများကို အမှန်ဖြစ်ဖို့ ပြဿနာ အရင်းခံကို ဖြေရှင်းကြဖို့လည်း တိုက်တွန်းတော် မူသွားခဲ့ပါသည်။ 

ပါမောက္ခချုပ်ဆရာတော်ကြီး ဒေါက်တာဘဒ္ဒန္တနန္ဒမာလ အရှင်မြတ်ကိုယ်တိုင်က ထိုပြဿနာများကို ကာကွယ်စောင့်ရှောက်ရေး အဖွဲ့တစ်ခု ဖွဲ့စည်း၍ သတင်းမှန်ကို ထိုအဖွဲ့က မြန်မာပြည် သံဃာတော်များ၏ အသံ၊ ဗုဒ္ဓဘာသာများ၏ အသံတစ်ထပ်တည်း ဖြစ်စေရန် အကြံပြုတော်မူသွားခဲ့သည်။ တစ်ယောက်တစ်မျိုး ပြောနေခြင်းကပင် စကားအရာ မညီညွတ်မှုကို ဖြစ်စေကာ အကွဲကွဲအပြဲပြဲ ဖြစ်တတ်သဖြင့် အားလုံးကို ကိုယ်စားပြုပေးနိုင်မည့်၊ အသံတစ်သံတည်း ထွက်စေနိုင်မည့် အမျိုးဘာသာ ကာကွယ်စောင့်ရှောက်ရေး အဖွဲ့တစ်ခု ပေါ်ပေါက်စေရန်အထိ အကြံပြုတော်မူသွားခဲ့သည်။

သံဃာ့အစည်းအဝေးသို့ ကြွရောက်တော်မူကာ အကြံပြုစကားများ မိန့်ကြားတော်မူသွားခဲ့ကြသည့် သံဃာ့ဥသျှောင် မထေရ်ကြီးများ၏ ရင်တွင်းစကားများကို ကြည့်လျှင် မြန်မာသံဃာထုတစ်ရပ်လုံးနှင့် မြန်မာပြည်သူများက ငြိမ်းချမ်းရေးကို မည်မျှလိုလားကြသည်ကို တွေ့ရှိနိုင်ကြမည် ဖြစ်သည်။ မြန်မာပြည်တွင်နေ၍ မြန်မာပြည်အပေါ် မချစ်ဘဲ မြန်မာပြည်ကို ဒုက္ခပေးမည့် အနည်းစုဟု ခေါ်နေကြသည့် ဧည့်သည်အချို့သည် အားနည်သည်ဟု ဆိုကာ လူ့အခွင့်အရေး စကားလုံးများဖြင့် မည်မျှပင် အသုံးပြုကာ ပြဿနာ အရပ်ရပ်ကို ပြောင်းပြန်ဖြစ်အောင် မျှသို့ပင် ပြုလုပ်နေပါသော်လည်း စာရေးသူတို့ သံဃာထု တစ်ရပ်လုံးက မိအေးနှစ်ခါနာ ဖြစ်နေပေမယ့် ကိုယ့်နိုင်ငံ၊ ကိုယ့်လူမျိုး၊ ကိုယ့်ဘာသာ ဖြစ်နေသဖြင့် မည်သူကအမျိုးဘာသာကို ချစ်သည်ဖြစ်စေ၊ မချစ်သည်ဖြစ်စေ စာရေးသူတို့က ချစ်ကြရမည်သာ ဖြစ်ပါ၏။ မည်သူက မည်သို့ပင် စာရေးသူတို့ သံဃာ့အဖွဲ့အစည်းအား သိက္ခာချနေပါစေ စာရေးသူတို့သည် စာရေးသူတို့၏ အမျိုးဘာသာ၊ သာသနာနှင့် နိုင်ငံအရေး ဖြစ်နေသဖြင့် နှစ်ခါသုံးခါ နာနေသော်လည်း ခွင့်လွတ်သီးခံမှုဖြင့် အားလုံးကို ငြိမ်းချမ်းစွာ နေထုိုင်နိုင်ရေး ကြိုးစားပေးနေမည်သာ ဖြစ်ပါ၏။ 

တဖက်ကလည်း စာရေးသူတို့ ဗုဒ္ဓဘာသာ ခေါင်းဆောင်များက မိမိတို့ သံဃာ့အဖွဲ့အစည်းနှင့် ဘာသာဝင်များကို ဗုဒ္ဓနည်းအရ ငြိမ်းချမ်းရေးကို ဦးတည်ကြဖို့ ဟောပြောကြသလို အခြားအခြား ဘာသာခေါင်းဆောင်များကလည်း မိမိတို့၏ ဘာသာဝင်များကို နူးညံ့သိမ်မွေ့စေမည့် အဆုံးအမများဖြင့် အသိပညာပေး ဟောပြောပေးသင့်ပေသည်။ အများစုဖြစ်သည့် စာရေးသူတို့ ဗုဒ္ဓဘာသာက ငြိမ်းချမ်းရေးအတွက် လက်ကမ်းနေပေမယ့် တဖက်က လက်ကိုပုတ်ချကာ၊ အကြမ်းဖတ်ရေး၊ စိတ်ကြမ်းဝင်ရေး၊ တိုက်ရေးခိုက်ရေးများကိုသာ ဟောပြောနေပါက မည်သို့မျှ ငြိမ်းချမ်းစွာ အတူယှဉ်တွဲနေထိုင်နိုင်ကြမည် မဟုတ်ပေ။ အားလုံးက ငြိမ်းချမ်းရေးအတွက် နူးညံ့စွာ ပူးပေါင်းပါဝင်နိုင်ပါမှ အများမျှော်လင့်ထားသည့် ငြိမ်းချမ်းစွာ အတူနေထိုင်ရေး အကောင်အထည် ပေါ်နိုင်မည် ဖြစ်သည်။

ဆိုလိုသည်မှာ ပြဿနာမျိုးစုံဖြင့် အလုပ်ရှုတ်နေသည့် ကြားမှပင် စာရေးသူတို့ သံဃာတော်များ၏ ညီညီညွတ်ညွတ် ကျင်းပပြုလုပ်ခဲ့ကြသည့် သံဃာအစည်းအဝေးကြီးသည် အရေးကြီးလျှင် သွေးစည်းသည်ဟူသည့် စကားအတိုင်း သွေးစည်းမှု၏ ပြယုဂ်တစ်ခု ဖြစ်ခဲ့ကြောင်း၊ ပရိယတ်လိုင်း(line)၊ ပဋိပတ်လိုင်း၊ ပရဟိတလိုင်း၊ ဓမ္မကထိကလိုင်းစသည်ဖြင့် သူ့လိုင်းနှင့်သူ အောင်မြင်နေကြသည့် သံဃာတော် အသီးသီးသည် အမျိုးဘာသာ၊ သာသနာနှင့် နိုင်ငံအရေးအတွက်ဆိုလျှင် လိုင်းပေါင်းစုံသည် တစ်လိုင်းတည်ဖြစ်ကာ အလွန်ညီညွတ်ပြီး သွေးစည်းသွားသည်ကို ဤအစည်းအဝေးကြီးက သတ်သေပြုခဲ့ပြီ ဖြစ်ပါကြောင်း စသည်ဖြင့် ဆိုလိုရင်း ဖြစ်ပါသည်။ 

ထို့ကြောင့် ညီညွတ်သည့် အဖွဲ့သည် ချမ်းသာ၏ဟု ဘုရားရှင်ဟောတော်မူသည့် အတိုင်း ယခုလို အသွင်ပြောင်းကာလတွင် တိုင်းပြည်၏ အနာဂတ်နှင့် အမျိုးဘာသာ သာသနာ၏ အနာဂတ် ကောင်းမွန်တိုးတက်ကြစေရန် မည်သူကမည်မျှပင် တိုင်းပြည်နှင့် အမျိုးဘာသာ သာသနာကို အပုတ်ချ တိုက်ခတ်နေကြသည် ဖြစ်ပါစေ စာရေးသူတို့ ဗုဒ္ဓဘာသာ ဆရာဒကာများသည်ကား စာရေးသူတို့၏ နိုင်ငံ့အရေး၊ အမျိုးဘာသာ အရေးများဖြစ်နေပါသဖြင့် အရေးကြီးနေသည့် ယခုအချိန်တွင် ကိုယ့်အချင်းချင်း၊ ကိုယ့်ဘာသာတူအချင်းချင်း၊ ကိုယ့်နိုင်ငံသား အချင်းချင်း အပြစ်ပုံချကာ အပြစ်ဖို့နေကြမည့် အစား ဆရာဒကာ ညီညွတ်စွာဖြင့် ဘာသာသာသနာကို ထိန်းသိမ်းစောင့်ရှောက်ကြပါစို့ဟုသာ တိုက်တွန်းသမှု ပြုလိုက်ပါသည်။ 

Read more »

အမှိုက်


အမှိုက်ကောက်သူတွေကို မကောက်ဖို့တားမြစ်တဲ့ သတင်းတစ်ပုဒ်ကို ဖတ်လိုက်မိတော့ ဘုရားရှင်လက်ထပ်က အမှိုက်တွေကို မပျင်းမရိ လိုက်ကောက်လေ့ရှိတဲ့ ရှင်ရာဟုလာအကြောင်းကို သတိရမိခဲ့ပါတယ်။ သန့်ရှင်းရေးလုပ်တဲ့နေရာ၊ အမှိုက်ကောက်တဲ့နေရာမှာ နာမည်ကြီးလှတဲ့ ရှင်ရာဟုလာဟာ ဘယ်သူကဘယ်လိုပြောပြော အမှိုက်နဲ့ပတ်သက်၊ သန့်ရှင်းရေးနဲ့ ပတ်သက်လာရင် စိတ်ထားကောင်းကောင်းနဲ့ ကုသိုလ်ရရေးကို အထူးအလေးပေးတော်မူတာကို တွေ့ရပါတယ်။ တစ်ခါတလေ ရဟန်းတော်များက ရာဟုလာလေးရဲ့ စိတ်နေသဘောထားကို စမ်းသပ်တဲ့အနေနဲ့ တံမြက်စည်းတွေ၊ အမိုက်တောင်းတွေ၊ အမှိုက်တွေကို ဟိုချဒီချ ချထားပြီး ရှင်ရာဟုလာနဲ့ တွေ့တဲ့အခါ “ဒါတွေကို ငါ့ရှင်ထားခဲ့တာ မဟုတ်လား”လို့ မေးတဲ့အခါမှာလည်း ရာဟုလာလေးက “မှန်ပါ တပည့်တော် အခုပဲ သိမ်းလိုက်ပါမယ်၊ သန့်ရှင်းလိုက်ပါမယ်”ဆိုပြီး စေတနာကောင်းကောင်း၊ လိုလိုချင်ချင်နဲ့ကို ပြုလုပ်လေ့ရှိတယ်လို့ ဆိုပါတယ်။ သန့်ရှင်းရေးနဲ့ ပတ်သက်ပြီး စိတ်ဓာတ်ရော၊ လုပ်ရပ်ပါ ကောင်းလွန်းလှတဲ့ ရှင်ရာဟုလာရဲ့ ခံယူချက်ကတော့ တကယ့်ကိုပဲ အတုယူ ကျင့်သုံးစရာ ဖြစ်ပါတယ်။ 

ဟုတ်ပါတယ်။ စိတ်ထားကောင်းကောင်းနဲ့သာ ပြုမူလုပ်ဆောင်တတ်မယ်ဆိုရင် ဘယ်သူဘာပြောပြော၊ ဘယ်သူအမှိုက်ကို ဘယ်လိုပဲပစ်ပစ် ကိုယ်ကောက်လိုက်တဲ့အမှိုက်၊ ကိုယ့်သန့်ရှင်းလိုက်တဲ့ ကုသိုလ်ဟာ ကိုယ့်အတွက်တော့ ကောင်းကျိုးတစ်ခုကို ဆောင်ရွတ်လိုက်တာပဲ ဖြစ်ပါတယ်။ အမှိုက်ပစ်တဲ့လူကို ရှာစရာမလိုဘဲ အမှိုက်ကောက်လိုက်တဲ့ ကိုယ့်ရဲ့ စိတ်စေတနာဟာ အခရာပဲ ဖြစ်ပါတယ်။ ဒါက အပြင်ပိုင်း ရုပ်ဝတ္ထု   ဆိုင်ရာ အမှိုက်ကို ပြောတာပါ။ 

စိတ်ပိုင်းဆိုင်ရာနဲ့ ပတ်သက်ပြီးတော့ စိတ်ကိုပူလောင်စေတဲ့အရာ၊ စိတ်ကိုညစ်နွမ်းစေတဲ့ အရာတွေကိုလည်း အမှိုက်လို့ တင်စားပြောဆိုလေ့ရှိပါတယ်။ အဲဒီအမှိုက်တွေကတော့ လောဘ၊ ဒေါသ၊ မောဟ၊ မာန၊ ဒိဋ္ဌိစတဲ့ ကိလေသာ အမှိုက်တွေပဲ ဖြစ်ပါတယ်။  တစ်ခါတလေ အဲဒီအမှိုက်တွေကြောင့် ကိုယ့်စိတ်မှာ မသန့်ရှင်းပဲ လေးလံထိုင်းမှိုင်း ညစ်နွမ်းစေတာလည်း ကြုံဖူးကြမှာ ဖြစ်ပါတယ်။ အမှိုက်ပစ်တဲ့သူတွေ၊ အမှိုက်ကောက်တဲ့ သူတွေကြောင့် မသန့်ရှင်းတာတွေ၊ သန့်ရှင်းတာတွေလည်း ခဏခဏ ဖြစ်နေကြတော့တာ ဖြစ်ပါတယ်။ 

တစ်ချို့က အမှိုက်ကို ဗရမ်းဗတာ ပစ်လေ့ရှိတတ်သလို၊ တစ်ချို့လည်း ပစ်သမျှ အမှိုက်တွေကို လိုက်ကောက်တာမျိုး ရှိတတ်ပါတယ်။ ကိုယ့်အမှိုက်ကို ပတ်ဝန်းကျင် ထိအောင်ပစ်တတ်သူနဲ့ အမှိုက်တွေကို သန့်ရှင်းသွားအောင် လုပ်တတ်သူ၊ အမှိုက်ပျောက်အောင် လုပ်တတ်သူနဲ့ အမှိုက်ကောက်နေတတ်သူ စသဖြင့်  အမှိုက်တွေနဲ့ ပတ်သက်ပြီး ကျင့်သုံးတဲ့သူ အမျိုးမျိုး ရှိနေတတ်ပါတယ်။

တကယ်တော့ စိတ်နဲ့ပတ်သက်ပြီး လေ့ကျင့်တဲ့အခါမှာ အဲဒီစိတ်ကို ညစ်နွမ်းစေတတ်တဲ့ အကုသိုလ်၊ ကိလေသာဆိုတဲ့ အမှိုက်တွေကို အသိသတိနဲ့ သန့်ရှင်းသွားအောင် လုပ်တတ်ဖို့ အထူးလိုအပ်လှပါတယ်။ ကိုယ်သန္တာန်မှာ အမှိုက်တွေ ရှိလာပြီဆိုရင် အဲဒီအမှိုက်တွေကို အမြန်ဆုံး သန့်ရှင်းပစ်နိုင်အောာင် ကြိုးစားရမှာ ဖြစ်ပါတယ်။ သူများက ပစ်လိုက်တဲ့ အမှိုက်တွေ ရှိလာရင်လည်း အဲဒီအမှိုက်တွေကို လိုက်မကောက်ဖို့ ကိုယ်ကလေ့ကျင့်ရမှာ ဖြစ်ပါတယ်။ တစ်ယောက်ယောက်က ကိုယ့်ကို ဒေါသဖြစ်စေတဲ့ ဒေါသအမှိုက်၊ မာနဖြစ်စေမယ့် မာနအမှိုက် စတာတွေနဲ့ ပစ်လာရင်လည်း အဲဒီအမှိုက်တွေကို လိုက်မကောက်ဘဲ နေနိုင်အောင် ကြိုးစားရမှာ ဖြစ်ပါတယ်။ တစ်ခါတလေ လူတွေက ဘာမဟုတ်တာလေးတွေ အပေါ်မှာ လိုက်ခံစားပြီး ကိုယ့်စိတ်ကို လေးလံထိုင်းမှိုင်းစေ၊ စိတ်မှာအညစ်အကြေးတွေ ဖြစ်စေတာလည်း ရှိတတ်ပါတယ်။ ဒါဟာ အမှိုက်တွေ လိုက်ကောက်နေသလိုပဲ ဖြစ်ပါတယ်။ 

အမှန်တော့ အမှိုက်ဆိုတာ ရှုတ်နေလို့ မကောင်းဘဲ ရှင်းနေမှ ကောင်းတာဖြစ်တဲ့အတွက် အမှိုက်ဆိုရင် ကိုယ့်အမှိုက်ပဲဖြစ်ဖြစ်၊ သူ့အမှိုက်ပဲ ဖြစ်ဖြစ် သန့်ရှင်းနေအောင် လုပ်ကြရမှာဖြစ်ပါတယ်။ ဒီလိုပါပဲ။ စိတ်ကို ညစ်နွမ်းစေတဲ့ ကိလေသာ အမှိုက်တွေဆိုတာလည်း ကိုယ့်စိတ်မှာ ရှင်းနေမှကောင်းပါတယ်။ စိတ်အမှိုက်ဆိုရင် ကိုယ့်ကြောင့်ပဲ ဖြစ်ဖြစ်၊ သူ့ကြောင့်ပဲ ဖြစ်ဖြစ် ရှင်းနေအောင် ကြိုးစားကြရမှာ ဖြစ်ပါတယ်။ စိတ်ကို ပူလောင်ညစ်နွမ်းစေတဲ့ အမှိုက်တွေ ကိုယ့်သန္တာန်မှာ ဖြစ်ပေါ်လာရင် အမြန်ဆုံးထုတ်ပစ်နိုင်အောင် အသိသတိတရား၊ ကောင်းတဲ့အမူအကျင့်များနဲ့ သန့်ရှင်းကြရမှာ ဖြစ်သလို သူများကြောင့် ဖြစ်ပေါ်လာတဲ့ မကောင်းတဲ့ အမှိုက်တွေကိုလည်း ကိုယ့်စိတ်ထဲမှာ ခံစားမနေရအောင် အမှိုက်တွေကို လိုက်မကောက်ကြဖို့ အထူးလေ့ကျင့်ကြရမှာ ဖြစ်ပါတယ်။ 

အမှိုက်ဆိုတာ ရှုတ်ဖို့မဟုတ်ပါဘူး။ ရှင်းဖို့ပါ။ အမှိုက်ဆိုတာ ကောက်ဖို့မဟုတ်ပါဘူး၊ ပျောက်ဖို့ပါ။ ကိုယ့်အမှိုက်လည်း မရှုတ်မိပါစေနဲ့။ သူများအမှိုက်တွေကိုလည်း လိုက်မကောက်မိပါစေနဲ့။ ကောက်မိရင်လည်း အမြန်ဆုံး သန့်ရှင်းပစ်နိုင်အောင် ကြိုးစားကြရမှာပါ။ 

ဒါကြောင့် အမှိုက်ဆိုတာ ကိုယ့်အမှိုက်ပဲ ဖြစ်ဖြစ်၊ သူ့အမှိုက်ပဲဖြစ်ဖြစ် အားလုံးသန့်ရှင်းအောင် ကြိုးစားဖို့လိုအပ်သလို စိတ်ကိုညစ်ပေဆိုတဲ့ အကုသိုလ်၊ ကိလေသာ အမှိုက်တွေဆိုတာလည်း ကိုယ့်ကြောင့်ပဲဖြစ်ဖြစ်၊ သူ့ကြောင့်ပဲ ဖြစ်ဖြစ် သန့်ရှင်းသွားအောင် လုပ်ဖို့လိုအပ်တာ ဖြစ်တဲ့အတွက် အမှိုက်မှန်သမျှ သန့်ရှင်းရအောင် အသိတရား၊ အကျင့်တရားများနဲ့ ကြိုးစားလေ့ကျင့်ကြရမှာ ဖြစ်ပါကြောင်း အမှိုက်အကြောင်း တစေ့တစောင်းတင်ပြလိုက်ရပါတယ်။ 

Read more »


RECENT POSTS

သူတုို့သူတုို့၏ မှတ်ချက်များ

အမှတ်တရ ပုံရိပ်များ