Showing posts with label ခရီးသွားမှတ်တမ်း. Show all posts
Showing posts with label ခရီးသွားမှတ်တမ်း. Show all posts

မြန်မာပြည်မှာ (၈)လအကြာ


တစ်ချို့က ဘုန်းဘုန်းအင်တာနက် စာမျက်နှာမှာ ပို့စ်တွေမဖတ်ရလို့ ဘယ်ကြွပြီး ဘာတွေလုပ်နေလဲဆိုတာ ဆက်သွယ် မေးမြန်းလာကြပါတယ်။ ဟုတ်ပါတယ်။ ဘုန်းဘုန်း ပို့စ်မတင်ဖြစ်တာ အတော်ကြာသွားပါပြီ။ အကြောင်းကတော့ မြန်မာပြည် ပြန်ကြွပြီး ရွှေပြည်ကြီးမှာ လုပ်သင့်လုပ်ထိုက်တာတွေ အချိန်ပေးပြီး လုပ်နေရလို့ပဲ ဖြစ်ပါတယ်။ ၂၀၁၂ (၁၁)လပိုင်းလောက်ကတည်း ကိုရီးယားကနေ မြန်မာပြည် ပြန်ကြွသွားလိုက်တာ (၁၉ -၇-၂၀၁၃)ရက်နေ့မှပဲ ကိုရီးယားကို ပြန်ရောက်ဖြစ်ခဲ့ပါတယ်။ ကြားထဲမှာ နှစ်ကြိမ်လောက် ပြန်ရောက်ဖြစ်ပေမယ့် တစ်ပတ်လောက်ပဲ နေဖြစ်ခဲ့ပါတယ်။ အခုတော့ ကိုရီးယားမှာ ဝါဆိုဖို့ ပြန်ရောက်လာခဲ့ပါပြီ။

မြန်မာပြည်မှာ (၈)လလောက် ကြာခဲ့တဲ့အချိန်မှာ အလုပ်တွေကတော့ အများကြီး လုပ်ဖြစ်ခဲ့ပါတယ်။ အဓိကအလုပ်ကတော့ မြန်မာပြည်အနှံ့ နယ်လှည့်တရားပွဲတွေ ဟောဖြစ်ခဲ့တဲ့ အလုပ်ပါ။ အနယ်နယ် အရပ်ရပ်က ပင့်ဖိတ်လာတဲ့ တရားပွဲပေါင်း (၆၀)ကျော်လောက်ကို အလျဉ်းသင့်သလို ကြွရောက်ဟောပြောပေးပြီး ရောက်တဲ့နေရာတိုင်းမှာ တရားပွဲ ဓမ္မပူဇာတွေထဲက အဲဒီ ဒေသမှာရှိတဲ့ လူမှုရေးလုပ်ငန်းတွေ၊ ပရိယတ္တိ စာသင်တိုက်တွေနဲ့ ပရဟိတ လုပ်ငန်းတွေမှာ မျှဝေပြီး လှူဒါန်းဖြစ်ခဲ့သလို တစ်ချို့ဒေသတွေမှာဆိုရင် ကားဆီဖိုးပဲ ပြန်ယူပြီး ရသမျှ ဓမ္မပူဇာအားလုံးကို ပြန်လှူဖြစ်ခဲ့ပါတယ်။ တရားပွဲ အလှူတွေထဲကမှ တစ်ချို့တဝက်ကိုတော့ ပရဟိတကျောင်းဆောက်တဲ့ အထဲမှာ ထည့်ဝင်လှူဒါန်းပြီး အနည်းအကျဉ်းကိုတော့ မနာပဒါယီ ဖောင်ဒေးရှင်း ရံပုံငွေအဖြစ် တည်ထောင်ခဲ့တာ ဖြစ်ပါတယ်။ ဒီကုသိုလ်တွေနဲ့ပဲ အခုဆိုရင် (၃)ထပ်ကျောင်းကြီးဟာ ပြီးသလောက်ဖြစ်သွားပြီး ပညာဒါန သင်တန်းတွေတောင် စနိုင်ခဲ့တဲ့အထိ ဖြစ်လာခဲ့တာပါ။ တရားနာပရိတ်သတ်ရဲ့ အလှူ၊ ကုသိုလ်ရှင် ဒကာဒကာမအပေါင်းရဲ့ အလှူပဲ ဖြစ်ပါတယ်။ 

တရားပွဲတွေကြွရင်း ကျောင်းပြန်ရောက်တဲ့ အခါမှာ ကျောင်းဆောက်လုပ်ရေး အလုပ်တွေမှာ ညွန်ကြားပြီး တဖက်ကလည်း ဓမ္မစကူးဖောင်ဒေးရှင်းရဲ့ လုပ်ငန်းတွေမှာ အားဖြည့်ဖြစ်ခဲ့ပါတယ်။ ဓမ္မစကူးလ် ဆရာဖြစ်သင်တန်းတွေမှာ ကြွရောက်သြဝါဒပေးရင်း အနာဂတ် မျိုးဆက်သစ်များရဲ့ ဘာသာသာသနာ အရေးတွေမှာ အားပေးလုပ်ဆောင်ဖြစ်ခဲ့ပါတယ်။ ခေတ်ကာလ အနေအထားအရ အမျိုးဘာသာ သာသနာ စောင့်ရှောက်ရေးအတွက် ခြံခတ်တဲ့အပိုင်းမှာ အပြင်ပိုင်း ဥပဒေများနဲ့ ကာရံပေးရသလို
ဓမ္မစကူးလ်လို ကျောင်းများအမြောက်အများ ပေါ်ထွက်လာအောင် အကောင်အထည် ဖော်ပြီး မျိုးဆက်သစ်များကို ဓမ္မအမွေ အခိုင်အမာပေးကာ သူတို့လေးတွေရဲ့ နှလုံးသားမှာ ဘာသာတရား အဆုံးအမများနဲ့ ကာရံပေးရမှာ ဖြစ်တဲ့အတွက် အခုလို ဓမ္မစကူးလ် ဖောင်ဒေးရှင်းရဲ့ လုပ်ငန်းပိုင်းမှာလည်း ဘုန်းဘုန်းတို့ စွမ်းနိုင်တဲ့အပိုင်းက အားဖြည့်ပေးရခြင်း ဖြစ်ပါတယ်။ 

တစ်ချို့ အရပ်ဒေသ တရားပွဲတွေမှာ ညပိုင်းတရားပွဲတွေအပြင် ညနေပိုင်း ကလေးအထူး တရားပွဲတွေပါ ဟောပေးရတာတွေ ရှိပေမယ့် ပင်ပန်းတယ်လို့ သဘောမထားဘဲ ကလေးတွေအပေါ် အသိတရား မျှဝေပေးခွင့် ရခဲ့တဲ့အတွက် အလွန်ပီတိ ဖြစ်ခဲ့တာတွေလည်း အများကြီး ရှိခဲ့ပါတယ်။ ကလေးတရားပွဲတွေမှာ ကလေးတွေနဲ့ သင့်တော်မယ့် အသုံးအနှုံး ဟောကြားချက်တွေအပြင် ကလေးတွေရဲ့ ရင်တွင်းစကားတွေကိုပါ တိုက်ရိုက်မေးမြန်းစေတဲ့ အမေးအဖြေ အလေ့အကျင့်လေးတွေကိုပါ လုပ်ပေးဖြစ်ခဲ့တဲ့အတွက် ကလေးတွေလည်း ကျေနပ်ကြသလို လူကြီးတွေကလည်း အားရဝမ်းသာ ဖြစ်ကြတာကို တွေ့ခဲ့ရပါတယ်။ ကလေးတရားပွဲတွေမှာ မေးလာကြတဲ့ ကလေးတွေရဲ့ တစ်ချို့မေးခွန်းလေးတွေဟာ လူကြီးတွေတောင် တွေးမထားတဲ့ အမေးလေးတွေ ဖြစ်နေတတ်ပြီး မိဘနဲ့ သားသမီးကြားက အဖုအထစ် ခံစားချက်များကိုပါ မေးဖြေပေးခဲ့ရတဲ့အတွက် မိဘနဲ့ သားသမီးကြားက နားလည်မှုလွဲနေတာလေးတွေကိုပါ ပြန်လည်တည်ဆောက် ပေးနိုင်ခဲ့တဲ့အတွက် အမြတ်ဆုံး အလှူအဖြစ် ရင်ထဲမှာ ပီတိဖြစ်ခဲ့ရပါတယ်။ 
ဒီနှစ် မြန်မာပြည်မှာ (၈)လလောက် အလုပ်တွေ မနားတမ်း လုပ်နေရင်း တဖက်ကလည်း မြန်မာပြည်ရဲ့ အပြောင်းအလဲမှာ အနှောက်အယှက်တွေ ဖြစ်နေတဲ့ ပဋိပက္ခတွေအပေါ်မှာ သတိမပြတ်ရှိနေကာ မြန်မာပြည်ကြီး အခြေအနေ ဆိုးမသွားရအောင် သံဃာတော်များ စည်းဝေးပြီး ငြိမ်းချမ်းရေးအတွက် အဖြေရှာကြတဲ့ ပွဲတွေမှာလည်း တက်ရောက်ဆွေးနွေး ဖြစ်ခဲ့ပါတယ်။ အပြင်ပိုင်းမှာ ဖြစ်နေတဲ့ သတင်းတွေ၊ ပြည်တွင်းပြည်ပ မီဒီယာတွေက ထုတ်လွင့်တဲ့ သတင်းတွေနဲ့ ပြည်တွင်းမှာ တကယ်ဖြစ်ပေါ်နေတဲ့ အခြေအနေကို ပြည်တွင်းမှာ ရောက်ရှိပြီး ထဲထဲဝင်ဝင် ပူးပေါင်းပါဝင်နေတဲ့ ဘုန်းဘုန်းတို့က ပိုပြီးသိခွင့် ရနေခဲ့ပါတယ်။ သိလို့လည်းပဲ အကျိုးအကြောင်းကောင်းအောင် ဆရာတော်ကြီးများရဲ့နောက်ကလိုက်ပြီး လိုအပ်သလို ပူပေါင်းပါဝင်ခဲ့ကြတာ ဖြစ်ပါတယ်။ 

တစ်ခါတလေ မြန်မာ့နိုင်ငံရေး အပြောင်းအလဲမှာ လူ့အခွင့်အရေး အစွဲတွေ၊ နိုင်ငံရေးအစွဲတွေ၊ အမျိုးသားရေးအစွဲတွေ၊ ဘာသာရေးအစွဲတွေ ပုဂ္ဂိုလ်ရေး အစွဲတွေဟာ အမှန်ကို မမြင်ဖြစ်စေတတ်တဲ့အတွက် ပြည်တွင်းမှာ လက်တွေ့လုပ်ဆောင်နေကြတဲ့ မထေရ်ကြီးများ၊ ပညာရှင်များ၊
သူတော်ကောင်းများရဲ့ လုပ်ဆောင်ချက်များအပေါ် အနီးကပ် လေ့လာအကဲခတ်ပြီးမှ ကိုယ့်ဉာဏ်နဲ့ကိုယ် စဉ်းစားဆင်ခြင်ရမယ့် အပိုင်းတွေလည်း အများကြီး ရှိတတ်ပါတယ်။ မမှန်သတင်းတွေမှာ ခံငြင်းနေတာတွေကတော့ ပုထုဇဉ်သဘာဝ ခံပြင်းစရာတွေလည်း ရှိကြမှာ အမှန်ပဲ ဖြစ်ပါတယ်။ ဘာပဲဖြစ်ဖြစ် ဘုန်းဘုန်းတို့ကတော့ ပြည်တွင်းမှာ လက်တွေ့နေထိုင် လုပ်ကိုင်ဆောင်ရွတ်နေတာကြောင့် အမှားအမှန်အပေါ် ဆင်ခြင်ပြီး တိုင်းပြည်အရေး၊ အမျိုးဘာသာ သာသနာအရေးအတွက် စွမ်းနိုင်တဲ့ဘက်ကတော့ လုပ်နေရမှာပဲ ဖြစ်ပါတယ်။ ဒါကြောင့်လည်း ဒီနှစ်ရဲ့ပြည်တော်ပြန် ခရီးမှာ အချိန်အတော်ကြာ နေထိုင်ပြီး လုပ်သင့်လုပ်ထိုက်တာကို လုပ်ဖြစ်ခဲ့တာ ဖြစ်ပါတယ်။
အဲဒီအလုပ်တွေထဲက အနာဂတ် မျိုးဆက်သစ်များအတွက် ဘုန်းဘုန်းလုပ်နိုင်ဖြစ်ခဲ့တာတွေက အားရစရာဖြစ်ပါတယ်။ လူငယ်လေးတွေအပေါ် ဘာသာရေး အမွေပေးတဲ့ ယဉ်ကျေးလိမ္မာ တရားပွဲတွေ၊ ဓမ္မစကူးလ်ဆရာဖြစ် သင်တန်းသြဝါဒ ပေးတာတွေ၊ လူငယ်များအတွက် ကုသိုလ်လည်းရ ပညာလည်း ရစေမယ့် ဘာသာစကား သင်တန်းတွေ စတာတွေဟာ ရေရှည်မှာ ကိုယ့်အမျိုးဘာသာ သာသနာနဲ့ နိုင်ငံတော်ကို ကာကွယ်စောင့်ရှောက်နိုင်မယ့် အနာဂတ် မျှော်မှန်းချက်များ ဖြစ်ပါတယ်။ ဒါကြောင့်လည်း ဒီလုပ်ငန်းတွေကို ဘုန်းဘုန်းတို့ ဦးစားပေးပြီး လုပ်ဖြစ်ခဲ့တာ ဖြစ်ပါတယ်။ အထူးသဖြင့် ဘုန်းဘုန်းဆောက်လုပ်နေတဲ့ သုံးထပ်ကျောင်းရဲ့ အောက်ဆုံးထပ် ဟောခန်းကြီးဟာ ဘုန်းဘုန်းကျောင်းမှာ အသုံးပြုဖို့ မဟုတ်ဘဲ မျိုးဆက်သစ်များရဲ့ ပညာရေး အထောက်အပံ့ပေးမယ့် ပညာရေးစင်တာကြီးအဖြစ် တစ်နှစ်လုံးလုံး နားရက်မရှိအောင် ဖွင့်လှစ်ထားနိုင်မှုကတော့ ဘုန်းဘုန်းအဖြစ်ချင်ဆုံး ပရဟိတ အလှူကြီးဖြစ်တဲ့အတွက် အဲဒီအလှူကြီး အကောင်အထည် ဖော်ဖြစ်ခဲ့တာဟာ ဒီနှစ်မြန်မာပြည် ခရီးရဲ့ အကြီးမားဆောင် လုပ်ဆောင်ချက်တစ်ခုလို့တောင် ပြောရမှာ ဖြစ်ပါတယ်။ 


နောက်ဘုန်းဘုန်းကိုယ်တိုင် အကျိုးဆောင်ထားတဲ့ မနာပဒါယီ ဖောင်ဒေးရှင်းရဲ့ လက်တွေ့အကျိုးသက်ရောက်မှုဟာလည်း ဒီနှစ်မှာ ပိုပြီးပီပြင်အောင် လုပ်ဆောင်နိုင်ခဲ့ပါတယ်။ ဒီဖောင်ဒေးရှင်းဟာ ဘုန်းဘုန်းရဲ့ တစ်သီးပုဂ္ဂလအလှူတွေ၊ ဓမ္မပူဇာ အလှူတွေထဲက တစ်ချို့ကို မသုံးဘဲ နည်းနည်းစုကာ ဘဏ်မှာအပ်ထားပြီး ပညာရေးအားကောင်းပြီး ဆင်းရဲ့လှတဲ့ ကျောင်းသားတွေကို ကျောင်းပြီးတဲ့အထိ လစဉ်ထောက်ပံ့ပေးတဲ့ ရေရှည်စီမံကိန်း တစ်ခုဖြစ်ပါတယ်။ အခုဆိုရင် ကျောင်းသား(၃)ယောက်ကို လစဉ်ထောက်ပံ့လာတာဟာ တစ်နှစ်နီးပါး ရှိလာပြီဖြစ်ပါတယ်။ ဒါဟာ ဘုန်းဘုန်းအနေနဲ့ ဘုရားရှင်ကိုယ်တော်မြတ်ကြီးတို့ရဲ့ လမ်းစဉ်ကို အတုယူကာ လောကတ္ထစရိယ (လောကကို စောင့်ရှောက်ခြင်း)၊ ဉာတတ္ထစရိယ (အမျိုးကို စောင့်ရှောက်ခြင်း) သဘောမျိုးပဲဖြစ်တဲ့အတွက် အလွန်အကျိုးကြီးတဲ့ အလုပ်အဖြစ် ခံယူလုပ်ဆောင်ပေးခြင်းပဲ ဖြစ်ပါတယ်။ 

ဆိုတော့ကား ဒါဟာ မြန်မာပြည်မှာ (၈)လကြာအောင် ဘာတွေလုပ်နေတာလဲလို့ သိချင်လာကြတဲ့ ဘုန်းဘုန်းရဲ့ စာဖတ်ပရိတ်သတ်များကို ဘုန်းဘုန်းမြန်မာပြည်မှာ ရှိတုန်းဒါတွေ ဒီလိုလုပ်ခဲ့ပါတယ်ဆိုတာ အကျဉ်းမျှ အသိပေး တင်ပြခြင်းဖြစ်ပြီး အခုအချိန်မှာတော့ ကိုရီးယားနိုင်ငံမှာ ပြန်လည်ဝါဆိုရင်း ကိုရီးယားနိုင်ငံသားများနှင့် ကိုရီးယားရောက် မြန်မာများအတွက် တရားဟော၊ တရားပြ စာရေးစာပြ အလုပ်တွေကို ဝါတွင်းသုံးလအတွင်း လုပ်နိုင်သမျှလုပ်ပေးပြီး ဝါကျွတ်တဲ့အခါ မြန်မာပြည်က တရားပွဲတွေကို ပြန်လည်ဟောကြားပေးဖို့ ရွှေပြည်တော်ကို ပြန်ပါမည့်အကြောင်း အသိပေးတင်ပြရခြင်း ဖြစ်ပါတယ်။ အားလုံး ပြုသမျှ ကုသိုလ်ကို ဝမ်းမြောက်နုမော် သာဓုခေါ်နိုင်ကြပါစေ…။

မေတ္တာဖြင့်
မနာပဒါယီ အရှင်ဝိစိတ္တ (ဒိုက်ဦး)

Read more »

မြန်မာပြည်မှ ခေတ္တအပြန်…



ကုိုရီးယားနုိုင်ငံရဲ့ နှစ်သက်ကူး ပိတ်ရက်တွေအတွက် ကုိုရီးယားကုို တစ်ပတ်ကျော်လောက် ပြန်ရောက်ခဲ့ပြန်ပါတယ်။ မြန်မာပြည် ပြန်ရောက်ကတည်းက နယ်လှည့်တရားပွဲတွေနဲ့ ရာသီဥတု အပြောင်းအလဲတွေကြားမှာ ဟုိုပြောင်းဒီပြောင်း နေလာရာက ကုိုရီးယား ပြန်ရောက်ရောက်ချင်း လေယာဉ်ကွင်းမှာ ကြိုနေတာက အနှုတ် ၁၅လောက် ဖြစ်နေတဲ့ ကုိုရီးယားရဲ့ အအေးနဲ့ အအေးကြားမှာ တုိုးတုိုက်လာတဲ့ လေကြမ်းကြမ်းတွေပဲ ဖြစ်ပါတယ်။ သင်္ကန်းနဲ့လေနဲ့ဆုိုတော့ လေယာဉ်ကွင်းက အထွက်မှာ လွှားလွှားဖြစ်ရင်း အအေးဒဏ်နဲ့ လေဒဏ်တွေကြားမှာ ဖောက်ပြန်နေတဲ့ ခန္ဓာကုိုယ်ဟာ ကုိုက်ခဲနာကျင်လောက်အောင် ခံစားခဲ့ရပြန်ပါတယ်။ အပြင်ပုိုင်းနာကျင်မှုကုို အကုသုိုလ် ကိလေသာတွေနဲ့ မနာကျင်အောင် ထိန်းသိမ်းရင်း ကျောင်းအရောက် ကားပေါ်မှာ မှေးရင်းပြန်ရောက်ခဲ့ရ ပြန်ပါတယ်။ 

ကုိုရီးယားမှာ တစ်ပတ်ကျော်လောက်နေပြီး မြန်မာပြည်ပြန် တရားပွဲတွေ တစ်ကျော့ပြန် ဟောရဦးမှာဖြစ်ပါတယ်။ ဒီနှစ်မြန်မာပြည်ပြန် ခရီးစဉ်တွေကတော့ အနယ်နယ် အရပ်ရပ် တရားပွဲတွေကြောင့် ကားပေါ်မှာပဲ အချိန်ကုန်တာ များခဲ့ပါတယ်။ မန္တလေးတုိုင်း၊ မွန်ပြည်နယ်၊ ပဲခူးတုိုင်း၊ ရန်ကုန်တုိုင်းနဲ့ ဧရာဝတီတုိုင်းတွေမှာရှိတဲ့ တရားပွဲပေါင်း သုံးလေးဆယ်ကို ကြွပြီးဟောပေးရင်း အဲဒီအရပ်ဒေသ အသီးသီးမှာ ရှိနေတဲ့ လူမှုအဖွဲ့အစည်းတွေ၊ ဘာသာရေး၊ သာရေးနာရေး ပရဟိတ အဖွဲ့အစည်းတွေနဲ့ တွေ့ဆုံပြီး တရားပွဲပူဇာတွေရဲ့ တစ်ဝက်ကျော်ကျော်ကုို လှူဒါန်းဖြစ်ခဲ့တဲ့ ကုသုိုလ်ကတော့ တရားအလှူလည်းဖြစ်၊ အာမိသအလှူလည်း ဖြစ်ခဲ့တဲ့အတွက် ပင်ပန်းပေမယ့် ကုသုိုလ်ကတော့ ဖော်မပြနုိုင်အောင် အများကြီးရခဲ့တာ ဖြစ်ပါတယ်။ 

ရာသီဥတု အပြောင်းအလဲတွေကြောင့် အဆုတ်အအေးပတ်ပြီး ချောင်းကတော့ မပြတ်ဆုိုးနေခဲ့ပါတယ်။ ရသမျှလှူရင်း တရားပွဲက အပြန် တစ်ခါတလေ တစ်ချို့က အရှင်ဘုရား တရားပွဲအလှူတွေနဲ့ အရှင်းဘုရားအတွက်တော့ ဓမ္မပူဇာအများကြီး ကျန်မှာပဲလုို့ ပြောလာတဲ့အခါကုိုယ့်အတွက် ကျန်တာကတော့ မြင်ရတဲ့အရာဆုိုရင်တော့ ချောင်းလေးကျန်ပြီး မမြင်ရတဲ့ အရာကတော့ ကုသုိုလ်တွေ ကျန်ပါတယ်လုို့ ပြန်ပြောဖြစ်ခဲ့ပါတယ်။

ကုသုိုလ်တွေ ကျန်တာကတော့ ဝမ်းသာစရာပါပဲ။ အဲဒီ အများအလှူတွေနဲ့ ချို့တဲ့သူတွေကုို ပညာသင်ဆုလေးတွေ ပေးနုိုင်၊ ရပ်ကျိုးရွာကျိုးကုို ပံ့ပိုးလှူဒါန်းနုိုင်၊ ပရဟိတ အဖွဲ့လေးတွေမှာ ထောက်ပံ့ပေးနုိုင်ပြီးတော့ ဆောက်လုပ်ဆဲဖြစ်တဲ့ ဘုန်းဘုန်းရဲ့ မနာပဒါယီ ပညာဒါန စကူးလ်မှာ ပြန်ပြီးလှူဒါန်းနုိုင်ခဲ့တာဟာ တန်ဘုိုးမဖြတ်နုိုင်တဲ့ ကုသုိုလ်တွေပဲ ဖြစ်ပါတယ်။ မကြာခင် ရန်ကုန်မြို့လယ်မှာ အင်္ဂလိပ်၊ တရုတ်၊ ကုိုရီးယား၊ ဂျပန်၊ ပြင်သစ်၊ ရုရှား၊ စပိန်၊ ဂျာမဏီ၊ ယိုးဒကား၊ မလေးရှားစတဲ့ ဘာသာစကားတွေကုို ပညာဒါနပြု သင်ကြားပုို့ချပေးမယ့် ကျောင်းတော်ကြီး ဖွင့်လှစ်နုိုင်တော့မှာ ဖြစ်သလုို၊ ဆယ်တန်းအထူးပြု သင်တန်းတွေနဲ့ အသက်မွေးမှု သင်ထောက်ကူပြု သင်တန်းတွေ အပါအဝင် ဆန်းဒေးဓမ္မစကူးလ်လုို၊ အဘိဓမ္မာသင်တန်လုို ဘာသာရေးဆုိုင်ရာတွေ သင်တန်းတွေကုိုလည်း ဖွင့်လှစ်သင်ကြား ပုို့ချပေးနုိုင်တော့မှာ ဖြစ်ပါတယ်။

ဒါကြောင့် ဘုန်းဘုန်းရဲ့ ဒီတစ်ခေါက် မြန်မာပြည်မှာ ဖောက်ခဲ့တဲ့ လမ်းတွေကတော့ ဓမ္မလမ်းနဲ့ ပရလမ်းတွေဖြစ်ပြီး ကျန်ခဲ့တာကတော့ မြင်ရကြားရတဲ့ ချောင်းလေးနဲ့ မြင်လုို့မရ၊ နှိုင်းလုို့မရတဲ့ ကုသုိုလ်တွေပဲ ဖြစ်ပါကြောင်း ကုိုရီးယားကုို ခေတ္တပြန်ရောက်လာတဲ့အကြောင်း အသိပေးရင်း မြန်မာပြည်ရဲ့ အတွေ့အကြုံအကြောင်း တစ်စေ့တစောင်း ဖောက်သည်ချလုိုက်ရပါတယ်။

Read more »

ဘုရားရှိနေလို့သာပေါ့


၂၀၁၂ခု ကတော့ ဘုန်းဘုန်းအတွက် အမတန်ကို အလုပ်များပြီး အကျိုးကြီးတဲ့နှစ်လို့ပဲ ဆိုရမှာ ဖြစ်ပါတယ်။ ပရဟိတအလုပ်တွေ၊ ဓမ္မဒူတအလုပ်တွေ၊ ကျောင်းအလှူ၊ စာကြည့်တိုက်အလှူ၊ တရားတော်အလှူ စတဲ့ အဘိုးမဖြတ်နိုင်တဲ့ အမြတ်ဆုံး အလှူတွေနဲ့ တကယ့်ကိုပဲ ကုသိုလ်ထူးတွေ လုပ်ဖြစ်နေတော့တာ ဖြစ်ပါတယ်။ လုပ်တဲ့အလုပ်တွေမှာ ပိုပြီးခွန်အားတွေ ဖြစ်စေတဲ့ အချက်တစ်ခုက အဖဘုရား ပွင့်ထွန်းတော်မူရာ မဇ္ဈိမဒေသကို ကြွရောက်ပြီး သံဝေယဇနိယ လေးဌာနအပြင် မမေ့သင့် မမေ့အပ်တဲ့ အမွန်အမြတ် နေရာတွေကိုပါ သွားရောက်ဖူးမျှော်ခွင့် ရခဲ့တဲ့ ကုသိုလ်ထူးပဲ ဖြစ်ပါတယ်။ ဗုဒ္ဓရှင်တော်မြတ် ပွင့်ထွန်းတော်မူခြင်း နှစ် ၂၆၀၀၀ပြည့်နဲ့လည်း ကြုံကြိုက်နေတဲ့အတွက် ဗုဒ္ဓဘုရားရှင်ရဲ့ ထူးခြားဖြစ်စဉ် နေရာဒေသတွေကို ရောက်တိုင်းရောက်တိုင်း အနိုင်းမဲ့ဘုရားရှင်ရဲ့ မဟာကရုဏာတော်တွေ၊ မေတ္တာတော်တွေ၊ မနားမနေ အလုပ်တွေ လုပ်တော်မူခဲ့တာတွေကို အာရုံပြု ကြည်ညိုရင်း ဘုရားရှင်လောက် မလုပ်နိုင်ပေမယ့် လုပ်နိုင်တဲ့အလုပ်တွေကိုတော့ အချိန်ရှိတုန်း၊ အရွယ်ရှိတုန်း၊ အားအင်တွေရှိတုန်း လုပ်ထားမှဆိုတဲ့ ခွန်အားပြည့်တဲ့ အဓိဋ္ဌာန်တွေကို ထပ်ခါထပ်ခါ ချမိနေတော့တာ ဖြစ်ပါတယ်။

မြန်မာပြည်ကို ပြန်ကြွတုန်း နယ်လှည့်တရားပွဲလေးတွေ လိုက်ဟောနေရင်း ဗုဒ္ဓဂယာကို ဘုရားဖူးကြွမယ်ဆိုတဲ့ ဘုန်းဘုန်းကို နောင်တော်ကြီး အရှင်သုမင်္ဂလ (ဝေါဆရာတော်)က “ညီတော် ဗုဒ္ဓဂယာက ပြန်ကြွလာပြီးရင် တရားဟောရတာ ပိုပြီး အရသာရှိ၊ ပိုပြီး အနှစ်သာရတွေ ရှိသွားလိမ့်မယ်” လို့ မိန့်ဖူးပါတယ်။ နောင်တော်ကြီး စကားက အမှန်ပါပဲ။ မြေမြတ်မဟာ ဗုဒ္ဓဂယာက ပြန်ကြွလာပြီးတော့မှ တရားပွဲတွေမှာ ဘုရားအကြောင်းတွေ ပြောစရာပိုများလာ၊ ဘုရားဂုဏ်တော်တွေကို ဖွင့်ပြစရာတွေ ပိုများလာတာကို လက်တွေ့ခံစားမိခဲ့ပါတယ်။ သမိုင်းကြောင်း အထောက်အထား ခိုင်မာတဲ့ ဗုဒ္ဓရှင်တော်မြတ်ရဲ့ ဖြစ်တော်စဉ်နဲ့ ငြိမ်းချမ်းမှု အမှန်ကို ပေးစွမ်းနိုင်တဲ့ ရှင်တော်မြတ်ရဲ့ ဓမ္မရေစင်တွေဟာ သတ္တဝါတွေအတွက် ကြိုးစားရင် ဘုရားတောင် ဖြစ်နိုင်တယ်ဆိုတဲ့ အဆိုနဲ့ ဘဝမှာ တရားနဲ့အညီ နေထိုင်ခြင်းကသာ အကောင်းဆုံး ဘဝနေနည်းပဲဆိုတဲ့ အဆိုကို လက်တွေ့ကျကျ ထင်ဟပ်ပြနေတော့တာ ဖြစ်ပါတယ်။

ဘုန်းဘုန်းတို့ရဲ့ ဗုဒ္ဓဂယာ ဘုရားဖူး ခရီးစဉ်ကို နီလာဘုရားဖူး အဖွဲ့နဲ့ပဲ သွားဖြစ်ခဲ့ပါတယ်။ ၂၅-၂-၂၀၁၂ရက်နေ့ကနေ ၁၀-၃-၂၀၁၂ရက်နေ့ အထိ ၁၄ညအိပ် ၁၅ရက် ခရီးကြာမြင့်ခဲ့တဲ့ ဒီဘုရားဖူးအဖွဲ့မှာ အနယ်နယ်အရပ်ရပ်မှ ဘုရားဖူးခရီးသည်ပေါင်း ၁၀၀ကျော်ရှိခဲ့ပါတယ်။ မြန်မာ့လေကြောင်းလိုင်းကို တစ်စင်းလုံး ငှါးရမ်းပြီးသွား ဖြစ်ကြတာဆိုတော့ လေယာဉ်ပေါ်မှာ ဘုန်းဘုန်းတို့ ဘုရားဖူးအဖွဲ့တွေချည်းပဲ ဖြစ်နေပါတယ်။ မနက် ၆နာခွဲလောက်မှာ ရန်ကုန်လေဆိပ်ကနေ ဂယာလေဆိပ်ကို တိုက်ရိုက်ပြန်သန်းတဲ့ ဘုရားဖူးလေယာဉ်ဟာ အိန္ဒိယနိုင်ငံ၊ ဘီဟာပြည်နယ်၊ ဂယာလေဆိပ်ရောက်တော့ မနက် ၉နာရီခွဲ ကျော်ကျော်လောက်ပဲ ရှိပါသေးတယ်။ ဂယာလေဆိပ်ရောက်တော့ အဆင်သင့်လာစောင့်နေတဲ့ နီလာဘုရားဖူးအဖွဲ့ တာဝန်ခံတွေရဲ့ အစီအစဉ်နဲ့ မူလဗုဒ္ဓဂယာ မြန်မာကျောင်းကို ထွက်လာခဲ့ပါတယ်။ ကျောင်းကိုသွားရာလမ်းမှာ တာဝန်ခံကလေးက ကားပေါ်မှာ လိုက်ပါလာတဲ့ ဘုန်းဘုန်းတို့ ဘုရားဖူးအဖွဲ့ကို ကြိုတင်ပြောထားတဲ့ စကားတစ်ခွန်းကတော့ အိန္ဒိယကိုရောက်လာခဲ့ရင် ကကြီးသုံးမျိုးကိုတော့ မုန်းသွားကြတာပဲလို့ ပြောပါတယ်။ ကကြီးသုံးမျိုးက ကားရယ်၊ ကုလားရယ်၊ ကြက်သားရယ်တဲ့။

သူပြောတဲ့ စကားကို အစကတော့ ဘာရယ်မသိခဲ့ပါဘူး။ နောက်ဘုရားဖူးခရီးစဉ် ရက်တော်တော်ကြာလာတော့မှ ကောင်းကောင်း သဘောပေါက်သွားပါတယ်။ ဗုဒ္ဓဂယာ ဘုရားဖူး ခရီးစဉ်ဟာ ဘုရားဖူးရတဲ့ အချိန်က နည်းနည်း၊ ကားစီးရတဲ့ အချိန်က များများရယ်လို့ ဆိုရမှာ ဖြစ်ပါတယ်။ သံဝေဇနီယ လေးဌာနလို့ခေါ်တဲ့ ဘုရားရှင် ဖွားတော်မူရာ၊ ဘုရားရှင် ဘုရားဖြစ်တော်မူရာ၊ ဘုရားရှင် တရားဦးဟောတော်မူရာနဲ့ ဘုရားရှင် ပရိနိဗ္ဗာန်စံတော်မူရာ နေရာတွေဟာ ဒီနေ့ခေတ်မှာတော့ အိန္ဒိယနိုင်ငံနဲ့ နီပေါနိုင်ငံတွေထဲမှာ ပါဝင်နေပါတယ်။ အလွန်ကျယ်ပြန့်တဲ့ အိန္ဒိယနိုင်ငံကြီးမှာတောင်မှ တစ်နေရာနဲ့ တစ်နေရာ၊ တစ်ပြည်နယ်နဲ့ တစ်ပြည်နယ် အတော်သွားနေရတာဆိုတော့ အဲဒီနေရာအနှံ့ ကားနဲ့သွားရတာဟာ အတော်ကို ခရီးရှည်လွန်းလှပါတယ်။ ဂယာလေဆိပ်ကို ရောက်ပြီးကတည်းက ကားပေါ်က မဆင်းရတာ မြန်မာပြည်အပြန် လေယာဉ်ပေါ် ရောက်မှပဲ အဲဒီကားကြီးပေါ်က အပြီးဆင်းလိုက်ရသလို ဖြစ်နေပါတယ်။ ကားစီးရတဲ့ ခရီးစဉ်ကလည်း ကြည့်ပါဦး။ ဘုရားပွင့်တော်မူရာ ဗီဟာပြည်နယ် ဂယာကနေ၊ တရားဦး ဟောတော်မူရာ ဗာရာဏသီ၊ အဲဒီကနေ ဘုရားရှင် တာဝတိသာကနေ အဘိဓမ္မာ ဒေသနာတော် ဟောတော်မူပြီး ပြန်လည်ဆင်းသက်တော်မူတဲ့ သင်္ကဿနဂိုရ်ပြည်၊ သင်္ကဿကနေ အာဂရာ (တပ်ခ်ျမဟာ)၊ အာဂရာကနေ နယူးဒေလီ၊ နယူးဒေလီကနေ တစ်ခါသင်္ကဿ၊ အဲဒီကမှ သာဝတ္ထိ၊ သာဝတ္ထိကနေ ဘုရားလောင်း ဖွားမြင်တော်မူရာ နီပေါနိုင်ငံ လုမ္ဗနီဒေသ၊ လုမ္ဗနီကနေ ဘုရားရှင် ပရိနိဗ္ဗာန် စံတော်မူရာ ကုဿိနာရုံ၊ ကုဿိနာရုံကနေ ဝေသာလီ၊ ဝေသာလီကနေ ရာဇဂြိုဟ်၊ ရာဇဂြိုဟ်မှ တစ်ခါဗုဒ္ဓဂယာ ပြန်ရောက်၊ အဲဒီကနေ မြန်မာပြည်ပြန်ထွက် ဆိုတော့ ခရီးစဉ်ဟာ တစ်ကွေ့တစ်ပတ်ကြီးပါပဲ။ အဲဒီလို ပတ်လိုက်တာ ၁၄ညအိပ်၊ ၁၅ရက်ကို ကြာသွားတော့တာ ဖြစ်ပါတယ်။ ၁၅ရက်လုံးလုံး စီးနေရတဲ့ ကားကို ကြာလာတော့ မစီးချင်လောက်အောင်ကို ဖြစ်လာတော့တာပါပဲ။ ဒါကြောင့် ကားမုန်းသွားမယ်လို့ သူတို့က ပြောတာဖြစ်မှာပါ။

နောက် ကကြီးတစ်ခုက ကုလားတဲ့။ အိန္ဒိယပြည်ကြီးဆိုတာ ကျယ်ဝန်းသလောက် လူဦးရေကလည်း အလွန်များပြားလှပါတယ်။ ဘယ်နေရာရောက်ရောက် လူမတွေ့ရတဲ့နေရာ မရှိသလောက်ပါပဲ။ အထူးသဖြင့် အမျိုးသားတွေကတော့ ဈေးရောင်းလည်းသူတို့၊ တက္ကစီမောင်းလည်း သူတို့၊ လန်ချားပေါ်လည်း သူတို့နဲ့ အမျိုးသမီးတွေကို မတွေ့ရသလောက်ပါပဲ။ ကြားရတာတော့ အမျိုးသမီး ဖိနှိပ်ရေး ဝါဒတွေက လွှမ်းမိုးထားဆဲဆိုတော့ မိန်းမတွေကို ယောက်ျားတွေက အလုပ်သွားရင် အိမ်သော့ခတ်ပြီး ထားခဲ့ကြတယ်လို့ ဆိုတာပါပဲ။ သေချာတာကတော့ မင်္ဂလာဆောင်ရင် အမျိုးသမီးက အမျိုးသားကို တင်တောင်းရတယ်ဆိုတဲ့ အချက်ပါပဲ။ အိန္ဒိယရောက်တုန်းက ညဘက်ဆိုင်းသံ ဘုံသံတညံညံတွေ ခဏခဏ ကြားနေရတဲ့အတွက် ဘာလုပ်တာလဲလို့ မေးကြည့်တော့ သတို့သား သွားတောင်းတာလို့ ပြောပါတယ်။ ထားပါတော့။ ကုလားပြည်သွားပြီး နေရာတကာ ကုလားတွေ တွေ့ရတာ မထူးဆန်းပေမယ့် ထူးဆန်းတာကတော့ ကုလားတွေ ညစ်ပတ်တဲ့အချက်ပါပဲ။ စိတ်ဓာတ်လည်း မကောင်းသလို အနေအထိုင်လည်း ပတ်စက်လွန်းလှပါတယ်။ ဇာတ်ခွဲခြားတာလား၊ ဘာလားလို့ မပြောနိုင်ပေမယ့် သူတို့တွေမှာ အပေါ့အလေး သွားဖို့ သီးသန့်အိမ်သာ မရှိတာက နေရာတိုင်းမှာ ညစ်ပတ်နံဆော်မှုကို ဖြစ်စေတော့တာပါပဲ။ လေထုညစ်ညမ်း၊ ရေထုညစ်ညမ်းနဲ့ မနက်စောစောလေးများ ကွင်းပြင်ထွက်လိုက်ရင် လမ်းဘေးတစ်လျှောက်နဲ့ ကွင်းပြင် ဟိုဟိုဒီဒီမှာ အပေါ့အလေးသွားနေသူတွေကို မမြင်ချင် အဆုံးပါပဲ။ ဒီလို အညစ်အကြေး စွန့်ပစ်မှုတွေ၊ ဟိုနေရာသေးပန်း၊ ဒီနေရာ သေးပန်းလုပ်တာတွေက နေရာတိုင်းကို ညစ်ပတ်နံစော်နေတော့တာ ဖြစ်ပါတယ်။ သန့်ရှင်းတဲ့ မြို့တွေရှိတယ်လို့ ပြောကြပေမယ့် နယူးဒေလီလို မြို့တော်ကြီးမှာကိုပဲ အဲဒီအနံ့တွေနဲ့ ပတ်ဝန်းကျင်မှာ လေထုညစ်ညမ်းမှုတွေ ဖြစ်နေတာ ကိုယ်တွေ့ကြုံခဲ့ရပါတယ်။ ဘုရားဖူးအဖွဲ့ထဲက တစ်ချို့ဆို ကားမှတ်တိုင်မှာ ကားစောင့်နေရင်း အဲဒီအပေါ့အလေး အနံ့အသက်တွေကြောင့် ပျို့အန်တာတွေတောင် ဖြစ်ခဲ့ကြပါတယ်။ အိန္ဒိယ နိုင်ငံကြီး ရောက်သွားမှပဲ ဘုန်းဘုန်းတို့ မြန်မာနိုင်ငံဟာ အတော်သန့်ပါလားလို့ ခံစားမိလိုက်ပါတယ်။ အဲဒီလို နေရာတိုင်းမှာ ကုလားတွေနဲ့ နေရာတိုင်းမှာ ညစ်ပတ်နံစော်နေတာတွေကြောင့် ကုလားဆိုရင် ကြာတော့မကြည့်ချင်လောက်အောင် ဖြစ်လာတယ်လို့ ဆိုကြတာ ဖြစ်ပါတယ်။ သေချာတာကတော့ ဘုရားဖူး ခရီးသည်အားလုံး ခရီးစဉ်အတွင်းမှာ အဲဒီလို ညစ်ညမ်းမှုတွေနဲ့ ပင်ပန်းမှုတွေကြောင့် ကျန်းမာရေးတွေ ချို့တဲ့ကုန်ကြတာတော့ပါပဲ။

နောက်ထပ် ကကြီးတစ်လုံးက ကြက်သားပါတဲ့။ ဘုရားဖူး ခရီးစဉ် ၁၅ရက်လုံးလုံး ဘုရားဖူး အဖွဲ့တွေကို ကျွေးတဲ့ဟင်းက ကြက်သားတွေပဲ များပါတယ်။ ကြက်သားဟင်း၊ ကြက်သားကျော်၊ ကြက်သားသုပ် စတာတွေပဲ စားနေရတဲ့အပြင် ချက်ထားတာကလည်း ခရီးမထွက်ခင် ညဘက်ချက်ပြီးတော့ အဲဒါကို အိုးနဲ့ထည့်ယူလာ၊ လမ်းမှာရေလေးဘာလေး ရတဲ့ ဆိုင်လေးတွေမှာ ဖြစ်သလို စားတာဆိုတော့ အရသာလည်းမရှိ၊ အေးစက်မာကြော နေတဲ့ ကြက်ကျော်ရယ် ကုလားပဲဟင်းလေး တွေရယ်နဲ့ပဲ နှစ်ပါးသွားရတာ ဆိုတော့ ကြက်သားဟင်းနဲ့ ထမင်းစားရတဲ့ ဒုက္ခကလည်း ကြာတော့ မခံနိုင်ဖြစ်လာကြတော့တာ ဖြစ်ပါတယ်။ ဒါတောင် တစ်ချို့ဘုရားဖူး ခရီးသည်တွေက အခြောက်အခြမ်းလေးတွေ ယူလာကြလို့ ဦးဦးဖျားဖျား ဘုန်းကြီးတွေကို ကပ်တာလေးတွေ ရှိနေလို့ တော်သေးတာ။ ဘာပဲဖြစ်ဖြစ် အိန္ဒိယ ဘုရားဖူး ခရီးစဉ်မှာ ဘုရားဖူးတိုင်း ပြောတတ်တာကတော့ ကြက်သားကိုလည်း မုန်းလာတယ်တဲ့လေ။

ရှိစေတော့။ အဲဒီလို ဗုဒ္ဓဂါယာ ဘုရားဖူး ခရီးစဉ်မှာ ကားရယ်၊ ကုလားရယ်၊ ကြက်သားရယ်ဆိုတဲ့ ကကြီးသုံးမျိုးကို မုန်းသွားတတ်ကြပေမယ့် အကောင်းဆုံး ဖြေဆည်ရာတစ်ခုကတော့ ဘုရားပဲ ဖြစ်ပါတယ်။ ဘုရားရှိနေလို့၊ ဘုရားရှင် ကိုယ်တော်မြတ်ကြီးရဲ့ မြေမြတ်မဟာ ဖြစ်နေလို့ အမြတ်ဆုံးအဖြစ် သွားရောက်ဖူးမျှော်ခွင့်ရကြတာ ဖြစ်လို့ ကျန်တဲ့အရာတွေ ဘယ်လို အခက်အခဲမျိုးပဲ ရှိရှိ ဘုရားရှိနေတော့ အားလုံးဟာ ဘုရားတန်ခိုးတော်မြတ်နဲ့ ခွင့်လွှတ်သီးခံ နိုင်ခဲ့ကြတာ ဖြစ်ပါတယ်။ ထူးခြားတာက ဒီလို ကျန်တဲ့ အခက်အခဲတွေ ရှိနေပေမယ့် ဘယ်သူမဆို မေးကြည့်ရင် အိန္ဒိယ ဗုဒ္ဓဂယာ ဘုရားဖူးကို နောက်ထပ် လာဖြစ်အောင် လာဦးမယ်ဆိုတဲ့ သူတွေချည်းပဲဆိုတာပါ။ ဘုန်းဘုန်းကိုယ်တိုင်လည်း ဘုရားဖူးရတာ အားမရလို့၊ အများနဲ့ဆိုတော့ အေးအေးဆေးဆေး ဖူးခွင့်မရလို့ အကြောင်းညီညွတ်ရင် ကိုယ့်ဖာသာကိုယ် အေးအေးဆေးဆေး နောက်ထပ် လာဖူးဦးမယ်ဆိုတဲ့ စိတ်အကြံဟာ မကြာမကြာ ဖြစ်ပေါ်နေတော့တာ ဖြစ်ပါတယ်။ ဒုက္ခတွေ ရှိနေပေမယ့် အဖဘုရားက ရှိနေလေတော့ ဒုက္ခအားလုံးကို မေ့ပျောက်လို့ နောက်ထပ်တစ်ခေါက် အရောက်ပေါက်အောင် သွားကိုသွားလိုက်ဦးမှာ ဖြစ်ပါတယ်။ အော်… အဖဘုရားတန်ခိုး၊ အဖဘုရားကျေးဇူး ကြီးမားလှပါပေစွ။ ဘုရားရှိနေတယ်ဆိုတော့ ကကြီးသုံးမျိုးကို မကြိုက်ပေမယ့် ဗုဒ္ဓဂယာ ဘုရားဖူးဆိုရင်တော့ လိုက်ဖြစ်အောင် လိုက်ကြရပေမယ်ပေါ့။

Read more »

မြန်မာပြည်မှအပြန်…

မနေ့ (၉-၄-၂၀၁၂)က ဘုန်းဘုန်း ကိုရီးယားကို ပြန်ကြွဖြစ်ခဲ့ပါတယ်။ မြန်မာပြည်တွင်း အလုပ်တွေ ပြီးပြတ်သွားလို့ မဟုတ်ပေမယ့် ကိုရီးယားမှာ ရှိနေရမယ့်အချိန် ဖြစ်တဲ့အတွက် မဖြစ်မနေ ပြန်လာခဲ့ရခြင်း ဖြစ်ပါတယ်။ တရုတ်နှစ်သစ်ကူး ပိတ်ရက်မှာ တစ်ပတ်လောက် ကိုရီးယားကို ပြန်လာပြီးကတည်းက အွန်လိုင်းပေါ်ကပျောက်ပြီး မြန်မာပြည်ရောက်သွားလိုက်တာ နှစ်လကျော်ကျော်လောက်ကို ဖြစ်သွားတော့တာပါပဲ။ မအားတဲ့ အချိန်တွေ များနေတာကြောင့် အင်တာနက်နဲ့ အဆက်အသွယ် ပြတ်သလောက်ကို ဖြစ်သွားခဲ့တာ ဖြစ်ပါတယ်။

အဲဒီလောက်တောင် မအားမလပ် ဖြစ်ရအောင် ဘာတွေလုပ်နေခဲ့လို့လဲလို့ မေးစရာရှိပါတယ်။ အလုပ်တွေကတော့ အစုံပါပဲ။ အထူးသဖြင့် စိတ်တိုင်းကျ ပုံဖော်နေတဲ့ “မနာပဒါယီ ပညာဒါန ကျောင်းတော်ကြီး” တည်ဆောက်နေတဲ့အပိုင်းမှာ အချိန်ပြည့် ကြီးကြပ်ညွှန်ကြားနေတဲ့ အလုပ်ကတော့ နေပူမရှောင်၊ မိုးရွာမရှောင် တစ်စိုက်မတ်မတ်ကို လုပ်ဖြစ်နေခဲ့တာ ဖြစ်ပါတယ်။ အတော်ခရီးပေါက်လာပြီဖြစ်တဲ့ ဒီကျောင်းတော်ကြီး တည်ဆောက်မှုဟာလည်း မကြာခင်မှာ ပရဟိတ ပညာဒါန အလုပ်တွေ စတင်နိုင်ဖို့ တဖြည်းဖြည်း အကောင်အထည် ပေါ်လာနေပြီ ဖြစ်ပါတယ်။ နောက်ထပ် အချိန်ပေးရတဲ့ အလုပ်က အနယ်နယ် အရပ်ရပ်ကိုကြွရောက်ပြီး တရားဓမ္မ ဟောပြောပေးဖြစ်ခဲ့တဲ့ အလုပ်ပဲ ဖြစ်ပါတယ်။ တရားဟောရတာ မပင်ပန်းပေမယ့် ၂နာရီလောက် တရားဟောဖို့ ၁၉နာရီလောက် ကားစီးရတာကတော့ ခန္ဓာကိုယ်ကို ပိုပြီးပင်ပန်းစေတာ အမှန်ပါပဲ။ ကုသိုလ်ရေးဆိုတော့လည်း လိုလိုလားလား ဝမ်းသာအားရကို ကြွနေဖြစ်ခဲ့ပါတယ်။ တရားပွဲက ကိုရီးယားကို ပြန်ကြွခါနီးအထိ ရှိနေခဲ့တာဆိုတော့ နေ့တိုင်းနီးပါး ကြွဖြစ်နေတော့တာ ဖြစ်ပါတယ်။

ခန္ဓာကိုယ် ပင်ပန်းပေမယ့် စိတ်ရွှင်လန်းစေတဲ့ အလုပ်တွေနဲ့ အချိန်ကို အကျိုးရှိရှိ အသုံးချရလို့ ပီတိတွေ ဖြစ်နေတဲ့ကြားက ၁၅ရက်ကြာ ဗုဒ္ဓဂယာ ဘုရားဖူးခရီးပါ ကြွသွားဖြစ်လိုက်ပါသေးတယ်။ ဘုရားရှင်ရဲ့ ဇာတိမြေကို ကိုယ်တိုင်ကြွရောက် ဖူးမျှော်ကြည်ညို ဖြစ်ခဲ့တဲ့အတွက် တရားပွဲတွေမှာ ဘုရားအားနဲ့ ဘုရားစကားတွေကို တရားနာပရိတ်သတ်ကြား ပိုပြီးကြည်ညိုသဒ္ဓါပွားအောင် ဟောပြောဖြစ်ခဲ့ပါတယ်။ ဘုရားရှင်ရဲ့ မဟာကရုဏာ ကြီးမားမှု၊ မေတ္တာဓာတ် ပြည့်ဝမှုနဲ့ မနားမနေ အလုပ်လုပ်ခဲ့မှုတွေကို အိန္ဒိယနိုင်ငံရောက်ပြီး ကိုယ်ကိုယ်တိုင် ကားပေါ်က အခန့်သားကြွ၊ မျက်မြင်ကိုယ်တွေ့ တွေ့ခဲ့ရတော့မှပဲ ကိုယ့်အလုပ်တွေဟာ ဘာမှမဟုတ်သေးပါလား၊ ကိုယ့်ပင်ပန်းမှုတွေဟာ ဘာမှမရှိသေးပါလား၊ ကိုယ့်မှာအများကြီး လိုနေသေးပါလား စတဲ့အတွေးတွေ အထပ်ထပ် ဖြစ်ပေါ်စေခဲ့တဲ့အပြင် ကိုယ့်တော့်အတွက်မပါ သတ္တဝါတွေ အတွက်သာ စွန့်လွှတ်အနစ်နာခံ ပေးဆပ်တော်မူခဲ့ရှာတဲ့ ဘုရားရှင်ရဲ့ ပါရမီ ဖြည့်ဆည်းတော်မူရာ အခါကာလတွေကိုပါ ပြန်လည်သတိပြုမိရင်း ဘုရားရှင်အပေါ် အတိုင်းအထက်အလွန် ကြည်ညိုနေမိခဲ့ပါတယ်။

အိန္ဒိယကအပြန် မြန်မာပြည်ပြန်တော့လည်း တရားပွဲတွေက ထပ်ပြီးကြွနေရ ပြန်ပါတယ်။ ကျောင်းလည်းဆောက်၊ တရားလည်းဟောရင်း အများအကျိုးပြု လုပ်ငန်းလေးတွေမှာလည်း တစ်နိုင်တစ်ပိုင် ပါဝင်အားဖြည့် ဖြစ်ခဲ့ပါတယ်။ အဲဒီအားဖြည့် အလုပ်တွေထဲမှာ အားရစရာ ကောင်းတာတွေကတော့ တစ်နိုင်ငံလုံး အတိုင်းအတာနဲ့ မျိုးဆက်သစ် လူငယ်များအတွက် ဓမ္မစကူးလ် (Dhamma School)များ ဖွင့်လှစ်သင်ကြားပေးနိုင်ရေးပဲ ဖြစ်ပါတယ်။ ဘာသာတရား အခြေခံ အားနည်းလာနေကြတဲ့ မျိုးဆက်သစ် မြန်မာဗုဒ္ဓဘာသာများအတွက် ဘာသာရေးအခြေခံ ကောင်းအောင်နဲ့၊ စာရိတ္တပညာ မယိမ်းယိုင်အောင် ဘာသာရေးကို ပညာရေး အသွင်တစ်ခု အနေနဲ့ သင်ကြားပို့ချ ပေးနိုင်ရေးအတွက် သင်ရိုးညွှန်းတမ်းတွေ ရေးဆွဲရင်း ဓမ္မစကူးလ် ဖောင်ဒေးရှင်းရဲ့ ပထမခြေလှမ်းကို စတင်လျှောက်လှမ်း နေခဲ့ကြတာ ဖြစ်ပါတယ်။ ဒီအဖွဲ့မှာ ဘုန်းဘုန်းတို့လည်း စွမ်းနိုင်တဲ့ဘက်က အားဖြည့်ခွင့် ရနေခဲ့တာ ဖြစ်ပါတယ်။ သင်ရိုးညွှန်းတမ်းတွေ ထွက်ပေါ်လာပြီး မကြာခင် နှစ်များအတွင်းမှာ အနယ်နယ်အရပ်ရပ်မှာ ဓမ္မစကူးလ်များ ဖွင့်လှစ်နိုင်တော့မှာ ဖြစ်တဲ့အတွက် ဗုဒ္ဓဘာသာကို အခြေခံထားတဲ့ မြန်မာနိုင်ငံရဲ့ ယဉ်ကျေးမှု၊ လူမှုစရိုက်များဟာ ပိုမိုတိုးတက် ခိုင်မာလာတော့မှာ ဖြစ်ပါတယ်။

မြန်မာပြည်မှာရှိတုန်း ဘုန်းဘုန်းကိုယ်တိုင် ပါဝင်အားဖြည့်ခဲ့တဲ့ နောက်ထပ်အကျိုးပြု အဖွဲ့လေးတစ်ခုကတော့ တက္ကသီလဟိတဓရ (ရန်ကုန်)လို့ အဓိပ္ပါယ်ရတဲ့ တက္ကသိုလ် အကျိုးဆောင် အဖွဲ့တစ်ခုပဲ ဖြစ်ပါတယ်။ ဒီအဖွဲ့မှာလည်း ဘုန်းဘုန်းက အကျိုးဆောင်နေရာမှာရော၊ ပြန်ကြားရေးမှာရော၊ ဘဏ္ဍာငွေ ရှာဖွေရေးမှာပါ အားဖြည့်ပေးရတာ ဖြစ်ပါတယ်။ တက္ကသိုလ် အကျိုးဆောင်အဖွဲ့ကို နိုင်ငံတော် ပရိယတ္တိ သာသနာ့တက္ကသိုလ် (ရန်ကုန်) ကနေ ကျောင်းပြီးသွားကြတဲ့ ပြည်တွင်းပြပရောက် တက္ကသိုလ် ကျောင်းတော်သားများက ဦးဆောင်ပြီး ကျောင်းတွင်းကျောင်းတော်သားများနဲ့ ချိတ်ဆက်က အချင်းချင်း စည်းလုံးညီညွတ်စွာ လိုအပ်သည်များကို ကူညီပံ့ပိုးနိုင်ရေး၊ တက္ကသိုလ်ရဲ့ အကျိုးကို စုပေါင်းအားနဲ့ ဆောင်ရွက်ပေးနိုင်ရေး၊ ဆရာများရဲ့ ကျေးဇူးဂုဏ်ကို ပူဇော်ပေးနိုင်ရေးနဲ့ အခြားအခြား ပရဟိတ လုပ်ငန်းများမှာ ပူးပေါင်းဆောင်ရွက်ရေး စတဲ့ ရည်ရွယ်ချက်တွေနဲ့ ပထမဆုံး ဖွဲ့စည်းဖြစ်ခဲ့ကြတာ ဖြစ်ပါတယ်။ ဒီအဖွဲ့လေးဟာလည်း ကျေးဇူးတင်ထိုက်တဲ့ ကျေးဇူးတရားတွေအပေါ် အစဉ်သတိရစေမှုနဲ့ အကျိုးပြု လုပ်ငန်းတစ်ခုခုကို ပြုလုပ်ပေးနိုင်မှုတွေကို ရှေးရှုနေတာ ဖြစ်တဲ့အတွက် ဘုန်းဘုန်းတို့ အနေနဲ့ မဖြစ်မနေ ပါဝင်အားဖြည့် ပေးရခြင်း ဖြစ်ပါတယ်။

မြန်မာပြည်မှာ ရှိနေတဲ့အချိန် လုပ်ရမယ့်အလုပ်တွေကို ကြိုးစားလုပ်ကိုင်ရင်း တစ်ဘက်ကလည်း တိုင်းပြည်ရဲ့ တိုးတက်ဖြစ်ထွန်းမှု၊ ပြုပြင်ပြောင်းလဲမှုတွေမှာပါ မျက်ခြေမပြတ် အကဲခတ်နိုင်အောင် ကြိုးစားရပါတယ်။ အစိုးရအနေနဲ့ အုပ်ချုပ်ရေးပိုင်ဆိုင်ရာ ပြုပြင်ပြောင်းလဲမှုတွေ လုပ်သလို သာသနာရေးပိုင်း ဆိုင်ရာတွေမှာလည်း ပြုပြင်ပြောင်းလဲနိုင်ဖို့ သက်ဆိုင်ရာ အဖွဲ့အစည်းတွေကို အခွင့်ကြုံရင် ကြုံသလို အကြံပြုတာပါ လုပ်ဖြစ်ခဲ့ပါတယ်။ ကျန်တဲ့ဌာနဆိုင်ရာ အပိုင်းတွေမှာ အောက်ခြေပိုင်း ဝန်ထမ်းတွေ အထိုက်အလျောက် သတိထား ပြုပြင်လာတာတွေ ရှိနေပေမယ့် သာသနာရေးဆိုင်ရာ ဌာနတွေမှာတော့ အောက်ခြေပိုင်း အဆင့်တွေမှာ ထူးထူးခြားခြား ပြောင်းလဲမှုကို မတွေ့ရသေးဘဲ ယူမြဲ၊ စားမြဲ၊ အခက်အခဲ ရှိနေမြဲပဲ ဖြစ်နေတာကို တွေ့ရတတ်ပါတယ်။ ဒါကြောင့် ဘုန်းဘုန်းတို့ အနေနဲ့ကတော့ ဌာနဆိုင်ရာဆို အထူးသဖြင့် သာသနာရေးဆိုင်ရာ ဌာနတွေဆိုရင် အတတ်နိုင်ဆုံး ရှောင်နိုင်သမျှ ရှောင်နိုင်အောင် ကြိုးစားနေမိတာ ဖြစ်ပါတယ်။ တစ်ခါတလေ ဌာနဆိုင်ရာတွေက အကူအညီ မရတဲ့အပြင် အဲဒီဌာနတွေကို အကြောင်းရှိလို့ သွားမိရင်လည်း လျစ်လျူရှုမှုတွေနဲ့အတူ ဂုဏ်သိက္ခာပါ ကျကျလာတတ်တဲ့ အခါတွေ ရှိနေလေတော့ ဌာနဆိုင်ရာဆို လန့်ကိုလန့်လာတော့တာ ဖြစ်ပါတယ်။ ဒါဟာ မြန်မာပြည်ရဲ့ တိုးတက်ပြုပြင် ပြောင်းလဲမှုတွေထဲမှာ အပေါ်ပိုင်းမှာသာ သိသာထင်ရှားမှုတွေ ရှိနေပေမယ့် အောက်ခြေအဆင့်တွေကတော့ ခေါက်ရိုးကျိုးနေတဲ့ စိတ်ဓာတ်တွေနဲ့ ပြုပြင်ပြောင်းလဲမှု အားနည်းနေသေးတယ်ဆိုတာ ပြနေတဲ့ သဘောပဲ ဖြစ်ပါတယ်။

ဘုန်းဘုန်းကတော့ တခါတလေ တစ်ချို့တရားပွဲတွေမှာ ဒီအကြောင်းအရာလေးတွေကို ထည့်ပြီး ပြောဖြစ်တတ်ပါတယ်။ တိုင်းပြည်တိုးတက်ဖို့၊ ဒီမိုကရေစီ ကျကျ ဖြတ်သန်းကြဖို့ဆိုရာမှာ အစိုးရပိုင်းက အဓိကကျနေပေမယ့် တိုင်းပြည်တွင်းမှာရှိတဲ့ တိုင်းသူပြည်သား တစ်ဦးချင်းစီရဲ့ ခေါက်ရိုးကျိုးနေတဲ့ စိတ်ဓာတ်တွေကိုပါ ပြုပြင်ပြောင်းလဲဖြစ်ဖို့ လိုကြောင်း၊ တစ်ဦးချင်းရဲ့ ပြုပြင်ပြောင်းလဲမှု၊ စည်းကမ်းရှိမှု၊ စာရိတ္တကောင်းမှု၊ ဝိုင်းဝန်းဖေးမမှု စတာတွေကနေ တစ်မိသားစု၊ အဖွဲ့အစည်းတစ်ခုခု၊ ဌာနဆိုင်ရာ တစ်ခုခုနဲ့ နောက်ဆုံး တစ်တိုင်းပြည်လုံး အတိုင်းအတာအထိ ပြုပြင်ပြောင်းလဲရမှာ ဖြစ်ကြောင်း၊ ညီညီညွတ်ညွတ်နဲ့ နိုင်ငံတော်သစ်တစ်ခုကို တည်ဆောက်သွားမယ်ဆိုရင် မဖြစ်နိုင်စရာ မရှိကြောင်း စသဖြင့် ကြုံရင်ကြုံသလို ပြောဆိုဟောပြော ပေးဖြစ်ပါတယ်။ ဒါက နိုင်ငံသားတစ်ယောက် အနေနဲ့ နိုင်ငံသားတွေရဲ့ အရေး၊ ဒါမှမဟုတ် နိုင်ငံရေးကို လုပ်နေခြင်း ဖြစ်ပါတယ်။ ဘုန်းဘုန်းကိုယ်တိုင် ဒီလို နိုင်ငံရေး အလုပ်ကို စွမ်းနိုင်သမျှ လုပ်နေဖြစ်ပါတယ်။ ဒါဟာ နိုင်ငံသားအားလုံးနဲ့ ဆိုင်တဲ့ အရေးတွေ ဖြစ်တဲ့အတွက် မြန်မာနိုင်ငံသားများ အနေနဲ့ နိုင်ငံရေးကို များများလုပ်ကြဖို့ တိုက်တွန်းနေခဲ့ခြင်း ဖြစ်ပါတယ်။

ရှိပါစေတော့။ ဘုန်းဘုန်းအနေနဲ့ ဒီနေရာမှာ ပြောပြချင်တာက ဒုတိယအကြိမ် မြန်မာပြည် ပြန်ရောက်သွားတဲ့အချိန်မှာ လုပ်ဆောင်ခဲ့တဲ့ အလုပ်လေးတွေအကြောင်းပဲ ဖြစ်ပါတယ်။ တွေ့ကြုံလုပ်ဆောင် ခဲ့တာလေးတွေကို တစ်ဆင့်ပြန်လည် မျှဝေပေးရင်း ဝမ်းမြောက်နုမော် သာဓုခေါ်စေချင်တာ ဖြစ်ပါတယ်။ ကြီးကျယ်ခမ်းနားတဲ့ အလုပ်ကြီးတွေ မဟုတ်ပေမယ့် မြန်မာပြည် ပြန်သွားတဲ့အခိုက် လုပ်ဖြစ်ခဲ့တဲ့ အလုပ်တွေကတော့ တကယ့်ကို သူနေရာနဲ့သူ အကျိုးပြုခဲ့တာတွေ ဖြစ်နေတဲ့အတွက် ဒီကုသိုလ်တွေကို သာဓုခေါ်ရင်း ထပ်ဆင့်သဒ္ဓါ ပွားနိုင်ကြဖို့ ပြန်လည်မျှဝေကာ ဖောက်သည်ချနေရခြင်း ဖြစ်ပါတယ်။ ကုန်ခဲ့တဲ့ အချိန်တွေနဲ့ ကုန်ခဲ့တဲ့ ဝတ္ထုကြေးငွေတွေဟာ ကုန်တာနဲ့အမျှ အကျိုးသက်ရောက်မှုတွေလည်း အမြောက်အများ ရှိနေခဲ့တဲ့အတွက် ဒီအပေါ်မှာ ထပ်တူထပ်မျှ အနုမောဒနာ ပြုနိုင်ဖို့အရေး အသိပေးရခြင်း ဖြစ်ပါတယ်။

ဒါကြောင့် ကိုရီးယားမှ မြန်မာ၊ မြန်မာမှ အိန္ဒိယ၊ အိန္ဒိယမှ တစ်ခါမြန်မာ၊ မြန်မာမှ ကိုရီးယားသို့ ပြန်လည်ထွက်ခွါခဲ့တဲ့ ဘုန်းဘုန်းရဲ့ Domestic Mission လုပ်ငန်းစဉ်တွေဟာ အချိန်လည်းကုန်၊ ငွေလည်းကုန်၊ လူလည်း ပင်ပန်း၊ ခရီးလည်း နွမ်းခဲ့ပေမယ့် ကုန်ကျသွားတာနဲ့ အမျှ ဖြစ်ထွန်းသွားတဲ့ အကျိုးတရားတွေကလည်း အဆအထောင်မက ရှိသွားကြတာ ဖြစ်တဲ့အတွက် ဒီတစ်ခေါက် မြည်မာပြည် ခရီးတစ်ထောက်ဟာ တန်ဘိုးမဖြတ်နိုင်တဲ့ အမြတ်ဆုံး ခရီးစဉ်တစ်ခု ဖြစ်ခဲ့ပါကြောင်း ဘုန်းဘုန်းရဲ့ စာဖတ်ပရိတ်သတ် အပေါင်းအား တစ်ဆင့်ပြန်လည် မျှဝေပြရင်း အတော်ကြာ အဆက်ပြတ်သွားတဲ့ အွန်လိုင်းစာရေးခြင်း အလုပ်ကို ပုံမှန်အတိုင်း ရေးသားတင်ပြ ပေးမည့်အကြောင်း သတင်းကောင်း ပါးလိုက်ရပါတယ်။

Read more »

ပြောင်းလဲခြင်း များစွာဖြင့်


ဒီနေ့ (၁၉-၁-၂၀၁၂) မနက်ပဲ ဘုန်းဘုန်းတို့ မြန်မာနိုင်ငံကနေ တောင်ကိုရီးယားနိုင်ငံကို ပြန်ရောက် လာခဲ့ပါတယ်။ ကိုရီးယားနှစ်သစ်ကူး ပိတ်ရက်နဲ့ ရွှေမြန်မာတွေရဲ့ ကုသိုလ်ပွဲတွေ အတွက် ခဏလောက် အရောက်ပြန်လာခြင်းပါပဲ။ ခဏတစ်ဖြုတ် ရောက်တုန်းရောက်ခိုက် ကိုယ်တွေ့ကြုံခဲ့ရတဲ့ အပြောင်းအလဲလေးတွေ အကြောင်း သတင်းကောင်းပါချင်လို့ မရေးတာကြာပြီဖြစ်တဲ့ ဒီဓမ္မစာမျက်နှာကို အဖွင့်ပြလိုက်တာ ဖြစ်ပါတယ်။ ပြောင်းလဲခြင်းတွေနဲ့ အစပြုနေတဲ့ အမိမြန်မာပြည်ကြီးမှာ ဘုန်းဘုန်းတို့လည်း တစ်ထောင့်တနေရာကနေ တစ်နိုင်တစ်ပိုင် ပြောင်းလဲခြင်းတွေနဲ့ အများအတွက်၊ ပရဟိတအတွက် လျှပ်တစ်ပျက် အပြောင်းအလဲလေးတွေ လုပ်ဖြစ်ခဲ့တဲ့အကြောင်း၊ ဆက်ပြီးလုပ်ဖို့လည်း ရှိနေသေးတဲ့အကြောင်း ပြောပြချင်တာ ဖြစ်ပါတယ်။

၃၁-၁၁-၂၀၁၁ရက်နေ့မှာ ပြည်တော်ကို ပြန်ကြွသွားတဲ့ ဘုန်းဘုန်းအတွက် ပြည်တော်ကြီးမှာ နေတဲ့အခိုက် နိုင်ငံတော်သမ္မတကြီး အပါအဝင် ရွှေပြည်တော်အတွက် အရေးပါလွန်းလှတဲ့ ဒေါ်အောင်ဆန်းစုကြည်စတဲ့ ခေါင်းဆောင်ကြီးများရဲ့ နိုင်ငံတော် တိုးတက်ရေးကိုရေးရှုပြီး ပြောင်းလဲခဲ့ကြတဲ့ အပြောင်းအလဲတွေကို အဆက်မပြတ် တွေ့မြင်သိရှိခဲ့ရပါတယ်။ ခေါင်းဆောင်ကြီးများ ပြောကြသလို မတူတာတွေကို ဘေးဖယ်ထားပြီး တူတာတွေကို ဆက်လုပ်သွားကြမယ်ဆိုတဲ့ ကြွေးကြော်သံတွေနဲ့ အစပြုခဲ့ကြတဲ့ အပြောင်းအလဲတွေဟာ အားလုံးအတွက် အကောင်းတွေချည်းပဲလို့တောင် ဆိုရမလို ဖြစ်နေပါတယ်။ ပိုပြီးအကောင်းတကာ အကောင်းဆုံးဖြစ်အောင်ကတော့ ကိုယ်ကိုယ်တိုင်လည်း ပြောင်းနိုင်အောင် လုပ်ကြဖို့ပဲ ဖြစ်ပါတယ်။ အပြောင်းအလဲတွေနဲ့ အစပြုနေတဲ့ နိုင်ငံတော်ကြီးမှာ ကိုယ်ကိုယ်တိုင် မပြောင်းလဲနိုင်သေးဘဲ အဆိုးအမြင်တွေ၊ မကောင်းအမြင်တွေ၊ ဘေးထိုင်ဘုပြောနေကြတဲ့ သူတွေရဲ့ ခေါက်ရိုးကျိုးနေတဲ့ စိတ်ဓာတ်တွေကလည်း အထူးပြုပြင် ပြောင်းလဲကြဖို့ လိုအပ်နေတဲ့ အချက်ပဲ ဖြစ်ပါတယ်။

ဘုန်းဘုန်းကိုယ်တိုင်လည်း မြန်မာပြည်ကို အခေါက်ပေါင်းများစွာ ပြန်သွားလုပ်နေပေမယ့် ကိုယ့်ကိုယ်ကို ဒီတစ်ခေါက်လောက် အပြောင်းအလဲကောင်းတွေ လုပ်နိုင်ခဲ့တာ မရှိခဲ့ဘူးဆိုတာ သတိပြုမိခဲ့ပါတယ်။ ဒီတစ်ခေါက် မြန်မာပြည်ခရီးကတော့ ရောက်ပြီးကတည်းက မနားတမ်း ပြောင်းလဲခြင်းတွေ လုပ်ဖြစ်နိုင်ခဲ့ပါတယ်။ အထူးသဖြင့် အနယ်နယ်အရပ်ရပ်ကို ကြွရောက်ပြီး နယ်လှည့်တရားပွဲတွေ လုပ်နိုင်ခဲ့တာ၊ လုပ်နေရဦးမှာတွေကတော့ ထင်ရှားတဲ့ အပြောင်းအလဲကောင်းပဲ ဖြစ်ပါတယ်။ မှတ်မှတ်ရရ ဓမ္မဒါန တရားပွဲတွေထဲမှာ ကိုရီးယားက ပြန်ရောက်ရောက်ချင်း နောက်တစ်နေ့ မန္တလေးကို ကြွရောက်ပြီး နိုင်ငံတော် သံဃမဟာနာယက ဆရာတော်ကြီးရဲ့ ဗန်းမော်တိုက်ထဲမှာ ပြုလုပ်ခဲ့တဲ့ တရားပွဲနဲ့ မန္တလေး၊ ချမ်းအေးသာစံမြို့ တစ်ဝိုက်မှာ ပြုလုပ်ခဲ့တဲ့ တရားပွဲတွေမှာ ဓမ္မဒေသနာ ကုသိုလ်ပြုလုပ်ဖြစ်တာ၊ မွတ်စလင်လူမျိုးတွေ တစ်ဝက်ကျော်ကျော် လွှမ်းမိုးထားတဲ့ ဂုတ်တွင်းကိုကျော်လွန်ပြီး ကြွခဲ့ရတဲ့ ကျောက်မဲမြို့နယ်မှာရှိတဲ့ နောင်ပိန်တိုက်နယ်မြို့လေးမှာ လုပ်ခဲ့တဲ့ တရားပွဲမှာ တရားအလှူ ကုသိုလ်ပြုဖြစ်တာ၊ မုဒုံမြို့မှာ ရှိတဲ့ ရွှေဟင်္သာဈေးတရားပွဲနဲ့ မြစေတီတရားပွဲတွေမှာ ဓမ္မအလှူပေးလှူ ဖြစ်တာ၊ မော်လမြိုင်မြို့ရဲ့ အကြီးဆုံး တရားပွဲကြီးလို့ ဆိုရမယ့် ဓမ္မောဇ တရားပွဲမှာ နာမည်ကျော် ဓမ္မကထိက ဆရာတော်တွေနဲ့အတူ တစ်နိုင်တစ်ပိုင် တရားအလှူ ပြုနိုင်ခဲ့တာ၊ မွတ်စလင်ဘာသာဝင် ၆၅ရာခိုင်နှုန်းလောက် ဖြစ်နေပြီဖြစ်တဲ့ ကျိုက်မရောမြို့က နာရေးကူညီမှု အသင်းရဲ့ ဓမ္မသဘင်မှာ ကြွရောက်ချီးမြှောက်ခွင့်ရတာ၊ ပုသိမ်မော်တင်လမ်းကနေ ရခိုင်ရိုးမတစ်စိပ်တစ်ဒေသကို ဖြတ်သန်းပြီး ခက်ခက်ခဲခဲ ကြွခဲ့ရတဲ့ ဟိုင်းကြီးကျောက်ချောင်း တရားပွဲမှာ ဓမ္မအလှူ ပြုဖြစ်ခဲ့တာ စတာတွေကတော့ အကောင်းဆုံး အလှူနဲ့ ကိုယ့်ဘဝအတွက် အကောင်းဆုံး ပြောင်းလဲခြင်းတွေ ဖြစ်ခဲ့ပါတယ်။ ဒီလို လုပ်နိုင်ခဲ့တာကလည်း နာမည်ကျော် နယ်လှည့်ဓမ္မကထိက တစ်ပါးဖြစ်တဲ့ နောင်တော်ကြီး ပရဟိတ အရှင်သုမင်္ဂလ (ဝေါဆရာတော်)ရဲ့ မြေတောင်မြှောက်ပေးခဲ့တဲ့ ကျေးဇူးကြောင့်ပဲ ဖြစ်ပါတယ်။ မြန်မာပြည်အရောက် နယ်စုံရောက်ပြီး တရားပွဲပေါင်း (၃၀)နီးပါးလောက်ကို မနားတမ်း ကြွရောက်ပြီး ဟောကြားချီးမြှင့်နိုင်အောင် ပွဲထုတ်ပေးခဲ့တဲ့ ဝေါဆရာတော်ရဲ့ ကျေးဇူးကတော့ ဘုန်းဘုန်းကို အလကား မနေဖြစ်အောင် ထောက်ကန်မှု ပြုနေတော့တာ ဖြစ်ပါတယ်။ နောင်တော်ကြီးအား ကျေးဇူးတင်စွာနဲ့ အခါခါ ဦးခိုက်နေမိပါတယ်။

နောက်ထပ် ဘုန်းဘုန်းကိုယ်တိုင် ပြောင်းလဲနိုင်ခဲ့တဲ့ အပြောင်းအလဲတစ်ခုကတော့ ဘုန်းဘုန်းရဲ့ ဇာတိရွာမှာ အများကောင်းမှုနဲ့ ပြုလုပ်ခဲ့တဲ့ မနာပဒါယီ စာကြည့်တိုက် အလှူတော်ပဲ ဖြစ်ပါတယ်။ ပညာရေးကို အလေးပေးချင်နေတာ ကြာပြီဖြစ်တဲ့ ဘုန်းဘုန်းအနေနဲ့ ဇာတိချက်ကြွေ မွေးရပ်မြေမှာ ပညာပဒေသာပင် ရံပုံငွေနဲ့ အခုလို စာကြည့်တိုက်ကြီးတစ်ခု လှူဒါန်းဖွင့်လှစ်ပေးနိုင်ခြင်းဟာ ဘဝမှာတော့ ဘယ်တော့မှ မမေ့နိုင်တဲ့ အပြောင်းအလဲကောင်းကြီး တစ်ခုပဲ ဖြစ်ပါတယ်။ စာကြည့်တိုက်ကြီးလို့ ဆိုရတာက ဒိုက်ဦးနယ်တစ်ဝိုက်မှာတော့ ဘုန်းဘုန်းတို့ ဒကာဒကာမတွေ လှူဒါန်းခဲ့တဲ့ မနာပဒါယီ စာကြည့်တိုက်ကြီးဟာ ကျယ်လည်းကျယ်၊ တန်ဘိုးလည်းကြီး၊ စာအုပ်စာပေလည်း အတော်အသင့် ပြည့်စုံခဲ့တဲ့အတွက်ကြောင့်ပဲ ဖြစ်ပါတယ်။ ဒီစာကြည့်တိုက်ဖွင့်ပွဲကို အကြောင်းပြုပြီး ရွာမှာလုပ်ပေးခဲ့တဲ့ အကြိုတရားပွဲတွေ၊ သံဃပူဇာအလှူတော်တွေ၊ တစ်ရွာလုံးမှာရှိတဲ့ အသက် (၆၅)နှစ်အထက် အဖိုးအဖွားတွေကို ပူဇော်ခဲ့တဲ့ သက်ကြီးပူဇော်ပွဲတွေ စသဖြင့် လှူဒါန်းငွေ စုစုပေါင်း သိန်း (၈၀)နီးပါး စွန်လွှတ်လှူဒါန်းနိုင်ခဲ့ခြင်းဟာ ဘဝကို ကုသိုလ်နဲ့ ပြောင်းလဲနိုင်ခဲ့တဲ့ အပြောင်းအလဲကောင်းပဲ ဖြစ်ပါတယ်။ ဒီအလှူပွဲမှာ ကိုရီးယားရောက် စိတ္တသုခ ဒကာဒကာမများရဲ့ စာကြည့်တိုက် အဆောက်အအုံ အလှူဟာလည်း ထာဝရ မပျက်ဆီးနိုင်တော့မဲ့ ပညာဒါနအလှူကြီးရဲ့ အကောင်းပြောင်းတစ်ခုအဖြစ် နှလုံးသားမှာ မှတ်ကျောက်တင်နိုင်ခဲ့ခြင်းပဲ ဖြစ်ပါတယ်။

ဘုန်းဘုန်းဦးဆောင်တဲ့ အပြောင်းအလဲ ကောင်းတွေထဲမှာ နိုင်ငံအတွက်ရော၊ လူမျိုးအတွက်ရော၊ ဘာသာအတွက်ပါ အကောင်းဆုံးနဲ့ ရေရှည်အကျိုးပြုနိုင်မယ့် မနာပဒါယီ ပရဟိတ ပညာဒါနကျောင်းကြီး တစ်ခု စတင်အကောင်အထည် ဖော်နိုင်ခဲ့မှုကတော့ အများအတွက်ကို ရှေ့တန်းတင်ထားတဲ့ အကောင်းတကာ အကောင်းဆုံး ပရဟိတနှလုံးရဲ့ အပြောင်းအလဲပဲ ဖြစ်ပါတယ်။ အမျိုးဘာသာ၊ သာသနာအတွက် ငယ်ငယ်ကတည်းက မက်ခဲ့ရတဲ့ ပညာဒါနအိမ်မက်အလှူ ကုသိုလ်ထူးအတွက် ရန်ကုန်မြို့၊ ဒဂုံမြို့နယ်၊ မြို့မကျောင်းလမ်း၊ အိမ်တော်ရာ ကျောင်းတိုက်ဝင်းအတွင်းမှာရှိတဲ့ ဘုန်းဘုန်းပုဂ္ဂလိကပိုင်ဖြစ်တဲ့ သီရိဇေယျုံကျောင်းကို ဖျက်ပြီး မနာပဒါယီ ပရဟိတ ပညာဒါန ကျောင်းအဖြစ် စတင်ဆောက်လုပ်နိုင်ခဲ့ခြင်း ဖြစ်ပါတယ်။ အလျား (၇၅)ပေ၊ အနံ ပေ (၅၀) ကျယ်ဝန်းတဲ့ (၃)ထပ်ခွဲ ကျောင်းတော်ကြီးကို ဒီတစ်ခေါက် မြန်မာပြည်ရောက်တုန်း ဆောက်လုပ်ဖြစ်ခဲ့တာ ဖြစ်ပါတယ်။ ထုကြီးအင်အားကြီးလှတဲ့အတွက် တစ်ထပ်လောင်းပြီးရုံပဲ ရှိသေးတယ် သိန်း (၄၂၀)ကျော် ကုန်ကျသွားခဲ့ပြီ ဖြစ်သလို မပြီးပြတ်သေးတဲ့ ဒီကျောင်းတော်ကြီးအတွက် ဘုန်းဘုန်းကိုယ်ကိုယ် ကျန်းမာအောင်ကြိုးစားရင်း အပြောင်းအလဲကောင်းတွေနဲ့ အားဖြည့်လောင်းနေရဦးမှာ ဖြစ်ပါတယ်။

ထားပါတော့။ ဘုန်းဘုန်းလည်း အပြောင်းအလဲအကြောင်းပြောရင်း ကိုယ့်အပြောင်းအလဲတွေကို ကြွားနေသလို ဖြစ်နေပြန်ပါပြီ။ အဓိကပြောချင်တာက နှစ်ပေါင်း မြောက်များစွာကတည်းက အပြောင်းအလဲတွေ ငတ်လာနေခဲ့ကြတဲ့ ဘုန်းဘုန်းတို့ မြန်မာနိုင်ငံသားတွေအတွက် ပြောင်းလဲခြင်း ရောင်ခြည်လေးတွေ သန်းလာနေတဲ့အချိန်မှာ အများကလည်း တက်ညီလက်ညီနဲ့ ပြောင်းလဲနိုင်အောင် ကြိုးစားကြဖို့အကြောင်းနဲ့ အဲဒီ ပြောင်းလဲမှုတွေမှာ အဓိကအကျဆုံးဖြစ်တဲ့ ကိုယ့်ကိုယ်ကို ပြောင်းလဲနိုင်အောင်၊ တစ်ဦးတစ်ယောက်ချင်းရဲ့ ခေါက်ရိုးကျိုးနေတဲ့ စိတ်ဓာတ်ဆိုးတွေကို တဖြည်းဖြည်းနဲ့ ပြုပြင်ပြောင်းလဲနိုင်အောင် ကြိုးစားကြရမှာ ဖြစ်ကြောင်း၊ အထူးသဖြင့် ကိုယ့်ရဲ့ မကောင်းတဲ့ အလုပ်အကိုင် အကြံအစည် အပြောအဆိုတွေကို အကောင်းဆုံးတွေနဲ့ ပြောင်းသုံးနိုင်အောင် အားထုတ်ကြရမှာ ဖြစ်ကြောင်း၊ ကိုယ်ကောင်းမှ သူကောင်းမှာဖြစ်သလို ကိုယ်ပြောင်းမှလည်း သူလည်းပြောင်းမှာ ဖြစ်တဲ့အတွက် သူများကို မပြောင်းခင် ကိုယ့်ကိုယ်ကို အရင်ပြောင်းပြင်ကြရမှာ ဖြစ်ပါကြောင်း စသဖြင့် ပြောလိုတာ ဖြစ်ပါတယ်။

ဒါကြောင့် အပြောင်းအလဲများစွာနဲ့ ပြောင်းလဲနေကြတဲ့ ခေတ်ကြီးမှာ မကောင်းအလွဲတွေကို အကောင်းအတွဲတွေနဲ့ ပြောင်းလဲနိုင်အောင်ကြိုးစားရင်း အဓိကပြောင်းလဲဖို့လိုအပ်တဲ့ ကိုယ့်ကိုယ်ကိုပြောင်းလဲခြင်းကိုသာ အမြန်ဆုံး ပြောင်းလဲနိုင်အောင် ကြိုးစားကြဖို့ တိုက်တွန်းရင်း ပြောင်းလဲခြင်း ရောင်ခြည်တွေ သန်းလာနေတဲ့ မြန်မာပြည်ရဲ့ အပြောင်းအလဲနဲ့ ဘုန်းဘုန်းကိုယ်တိုင်းရဲ့ ပြောင်းလဲခြင်း တစ်စိပ်တဒေသအကြောင်းကို ရပ်နားထားတဲ့ ဓမ္မစာမျက်နှာအဖွင့်အဖြစ် တင်ပြလိုက်ရပါတယ်။

Read more »

အိမ်အပြန် အမှတ်တရ...

Read more »


RECENT POSTS

သူတုို့သူတုို့၏ မှတ်ချက်များ

အမှတ်တရ ပုံရိပ်များ