Showing posts with label လစဉ်ဟောကြား မြတ်တရား. Show all posts
Showing posts with label လစဉ်ဟောကြား မြတ်တရား. Show all posts

လစဉ်ဟောကြား မြတ်တရား (၅)

မျှော်လင့်ချက်ထား မိဘများ
ဘုန်းဘုန်းတို့ စိတ္တသုခ မြန်မာဘုန်းတော်ကြီးကျောင်းရဲ့ တစ်လတစ်ကြိမ် တရားပွဲနဲ့ ရွှေမြန်မာတွေ့ဆုံပွဲကို ဒီလမှာလည်း ထုံးစံအတိုင်း ကျင်းပပြုလုပ်ဖြစ်ခဲ့ပါတယ်။ အခြေအနေရ မူလသတ်မှတ်ထားတဲ့ရက်ထက် တစ်ပတ်စောပြီး ၁၉-၆-၂၀၁၁၊ တနင်္ဂနွေနေ့မှာ ကျင်းပဖြစ်ခဲ့ပါတယ်။ ဒီပွဲမှာ ကွယ်လွန်သွားတဲ့ ဖခင်ကြီး ဦးတင်ဝင်းကို ရည်စူးပြီး သားဖြစ်သူ ကိုဇော်ဇော်အောင်တင်ဝင်းက ဘုရားအမှူးရှိတဲ့ သံဃာတော်နဲ့ ဧည့်ပရိတ်သတ်အပေါင်းကို ကျောင်းအကျိုးဆောင်အဖွဲ့များနဲ့ သူငယ်ချင်းများ ဝိုင်းဝန်းချက်ပြုတ်ပေးတဲ့ အထူးစပါယ်ရှယ် မြန်မာထမင်းဟင်းများနဲ့ လှူဒါန်းကျွေးမွေး ဧည့်ခံပေးဖြစ်ခဲ့ပါတယ်။ ကိုရီးယားနိုင်ငံရဲ့ ရာသီဥတုကလည်း ပူတဲ့အချိန်ကို တဖြည်းဖြည်း ပြောင်းလာနေတာဆိုတော့ အပူထဲက ရောက်လာတဲ့ ဧည့်သည်တွေကို ကျောင်းရိပ်ကန်ရိပ် ဓမ္မရိပ်နဲ့ အေးမြစေခဲ့သလို အရသာရှိရှိ ချက်ပြုတ်ထားတဲ့ အစားအစာတွေကလည်း စားသုံးသူတွေကို တစ်ပွဲပြီးတစ်ပွဲ နွဲစေခဲ့ပါတယ်။ ဒါနရဲ့ပီတိ၊ ဓမ္မရဲ့ ပီတိတွေနဲ့ အလှူရှင်များနဲ့ စိတ္တသုခ အဖွဲ့သားများဟာ မိမိတို့နားရမယ့် တနင်္ဂနွေနေ့ကို ကုသိုလ်တွေနဲ့ အဆုံးသတ်စေခဲ့ကြပါတယ်။ ဒီပွဲဟာ တစ်လတစ်ကြိမ် တရားပွဲဆိုပေမယ့် ဖခင်ကြီးကို ရည်စူးပြီး လှူဒါန်းတဲ့ ဒါနရှင်များကလည်း ပါနေတဲ့အတွက် အားလုံးမှတ်သားစေနိုင်မယ့် တရားတစ်ပုဒ်ကို ရွေးထုတ်ကာ “မျှော်လင့်ချက်ထား မိဘများ”ဆိုတဲ့ ခေါင်းစဉ်နဲ့ လစဉ်ဟောကြား မြတ်တရားအဖြစ် ဟောကြားချီးမြှင့် ပေးဖြစ်ခဲ့ပါတယ်။

ဒီတရားခေါင်းစဉ်လေးကို ပေးရတာက တရားနာပရိတ်သတ်တွေထဲမှာ မိဘဖြစ်ပြီးသူတွေ၊ ဖြစ်ခဲ့သူတွေပါနေသလို ဖြစ်မယ့်သူတွေ ပါနေတဲ့အတွက်ကြောင့်ပဲ ဖြစ်ပါတယ်။ မိဘနဲ့သားသမီးကြားမှာ ရှိသင့်တဲ့ ဝတ္တရားလေးတွေ ဖြည့်ပေးစေချင်တဲ့ အရာလေးတွေကို သတိပြု ဆင်ခြင်နိုင်ဖို့နဲ့ ဖြည့်နိုင်သလောက် ဖြည့်ပေးကြဖို့ပဲ ဖြစ်ပါတယ်။ ဘယ်သူတွေက ဘာပဲပြောပြော၊ ဘယ်လိုပုံစံပဲ ဖြစ်နေဖြစ်နေ မိဘဟာ မိဘပဲ ဖြစ်ပါတယ်။ ဒီနေ့ခေတ် မိဘတွေကြားမှာ မဆိုစလောက်လေးတွေက မိဘဝတ္တရားတွေ ပျက်ကွက်မှု ရှိနိုင်ပေမယ့် ကိုယ့်ကိုလူ့လောကကို ရောက်စေခဲ့တာ တစ်ခုတည်းနဲ့ကိုပဲ မိဘတွေရဲ့ ကျေးဇူးတရားက ဆပ်မကုန်နိုင်အောင် ရှိနေတာ ဖြစ်ပါတယ်။ ဒါကြောင့် ဘာပဲဖြစ်ဖြစ် မိဘတွေရဲ့ ကျေးဇူးကို အကုန်ကျေအောင် မဆပ်နိုင်ပေမယ့် မိဘတွေ မျှော်လင့်တတ်တဲ့ မျှော်လင့်ချင်လေးတွေတော့ တတ်နိုင်သမျှ ပြုစုဖြည့်ဆည်းပေးကြဖို့ တိုက်တွန်းရခြင်း ဖြစ်ပါတယ်။ ဒီလိုဖြည့်ဆည်းပေးတာ၊ ကျေးဇူးသိတတ်ပေးတာဟာ မင်္ဂလာတရားတော်နဲ့လည်း ညီညွတ်နေတာဖြစ်ပါတယ်။ မင်္ဂလသုတ်တော်မှာ မြတ်စွာဘုရားရှင်က “မာတာပိတု ဥပဋ္ဌာနံ ပုတ္တဒါရဿ သင်္ဂဟော” စသဖြင့် ဟောကြားတော်မူထားတာ ရှိပါတယ်။ မိဘတို့ကို ပြုစုလုပ်ကျွေးခြင်းဟာ မင်္ဂလာဖြစ်ပြီး သားမယားကို ထောက်ပံ့ပေးခြင်းဟာလည်း မင်္ဂလာဖြစ်ကြောင်း ဆိုလိုတာဖြစ်ပါတယ်။ ဆိုတော့ကာ မိဘအပေါ် တာဝန်ကျေတဲ့သူ၊ သားမယားအပေါ် တာဝန်ကျေတဲ့သူဟာ မင်္ဂလာရှိတဲ့သူပဲလို့ ဆိုရမှာ ဖြစ်ပါတယ်။

တကယ်တော့ ဒီနေရာမှာ ပြောလိုတဲ့ မျှော်လင့်ချက်ထား မိဘများဆိုတာ မိဘတွေ မျှော်လင့်တတ်ကြတဲ့ မျှော်လင့်ချက်လေးများအကြောင်း ပြောချင်တာဖြစ်ပါတယ်။ မိဘဆိုတဲ့ သဘောက သားသမီးတွေအပေါ်မှာ မိမိတို့အတွက် အရမ်းကြီးမျှော်လင့်တဲ့ သဘောမျိုးတော့ မဟုတ်ပါဘူး။ ဘယ်မိဘမဆို သားသမီးတွေအနေနဲ့ ဒို့အပေါ်မှာ ဒီလိုလေးဆိုရင် ကောင်းမှာပဲ၊ ဒီလိုလေး ဖြည့်ပေးရင် ကောင်းမှာပဲ စတဲ့တောင့်တမှု သဘောသက်သက် လေးလောက်ပဲ ဖြစ်ပါတယ်။ ဒီတောင့်တချက်လေးတွေ၊ မျှော်လင့်ချက်လေးတွေ မဖြည့်ပေးလို့၊ မလုပ်ပေးလို့ သားသမီးတွေအပေါ်မှာ မေတ္တာပျက်တာ၊ စေတနာ ပျက်တာဆိုတာ မိဘတွေမှာ မရှိပါဘူး။ မျှော်လင့်တယ်၊ တောင့်တတယ်ဆိုတာကတော့ စိတ်ရှိတဲ့သူတိုင်း၊ ရင်ထဲမှာ ဖြစ်တတ်တဲ့ သဘောမျိုးပဲ ဖြစ်ပါတယ်။ ဒီလို ဖြစ်တတ်တဲ့ သဘောမျိုးလေးကို ဗုဒ္ဓစာပေတွေမှာ မိဘတို့ရဲ့ မျှော်လင့်ချက်များ အနေနဲ့ ဖွင့်ဆိုရှင်းပြခြင်းပဲ ဖြစ်ပါတယ်။ စာပေအဖွင့်တွေအရ မိဘများရဲ့ သားသမီးတွေ အပေါ်မှာ မျှော်လင့်တောင့်တတတ်တဲ့ မျှော်လင့်ချက် (၅)မျိုး ရှိပါတယ်။ အဲဒီငါးမျိုးက

၁။ ငါတို့ရဲ့ သားသမီးတွေဟာ ငါ့တို့အိုမင်းမစွမ်း ဖြစ်လာတဲ့အခါ တစ်ခါပြန်ပြီး ပြုစုလုပ်ကျွေးကြလိမ့်မယ်
၂။ ငါတို့ရဲ့ အမှုကိစ္စတွေကို ပြုလုပ်ပေးကြလိမ့်မယ်
၃။ ငါတို့ရဲ့ အမွေကို ဆက်ခံကြလိမ့်မယ်
၎။ ငါတို့ရဲ့ အမျိုးအနွယ်ကို စောင့်ထိန်းကြလိမ့်မယ်
၅။ ငါတို့သေပြီးနောက်မှာ ငါ့တို့အတွက် ကုသိုလ်ကောင်းမှုလုပ်ကာ အမျှအတမ်း ပေးဝေပေးကြလိမ့်မယ်
ဆိုတာတွေပဲ ဖြစ်ပါတယ်။

တကယ်တော့ ဒီတောင့်တချက် (၅)မျိုးဟာ မိဘတွေရဲ့ မျှော်လင့်တောင့်တချက်လို့ ဆိုပေမယ့် သားသမီးတွေဘက်က ကြည့်ရင် သားသမီးဝတ္တရား (၅)မျိုးပဲ ဖြစ်ပါတယ်။ အားလုံးရဖူးပြီးသားဖြစ်တဲ့ သားသမီး ဝတ္တရားငါးပါး ဆောင်ပုဒ်လေးကို ပြန်ဆိုကြည့်မယ်ဆိုရင် “ကျွေးမွေးမပြတ်၊ ဆောင်ရွတ်စီမံ၊ မွေခံထိုက်စေ၊ လှူမျှဝေ၍၊ စောင့်လေမျိုးနွယ်၊ ဝတ်ငါးသွယ်၊ ကျင့်ဖွယ်သားတို့သာ” ဆိုတဲ့ သားသမီးဝတ္တရား ငါးချက်ကို သတိပြုမိကြမှာ ဖြစ်ပါတယ်။ ဒီလိုဆိုတော့ သားသမီးဝတ္တရား ငါးပါးကို ပြည့်စုံအောင် ပြုလုပ်ဖြည့်ဆည်းပေးတဲ့သူ၊ သားသမီး ဝတ္တရားနဲ့အညီ နေထိုင်နေတဲ့သူဆိုရင် မိဘတွေရဲ့ မျှော်လင့်ချက်ကိုလည်း ဖြည့်ပေးနေတဲ့သူဆိုတာ အသေအချာပဲ ဖြစ်ပါတယ်။ မိဘတွေတောင့်တတဲ့ မျှော်လင့်တောင့်တချက်ကို ဖြည့်ပေးနေသူဆိုရင် သားသမီးဝတ္တရား ကျေပွန်နေပြီး မိဘကျေးဇူးကို ဆပ်နေသူတွေဆိုလည်း မမှားနိုင်ပါဘူး။ ဒါကြောင့် မိဘကျေးဇူးကို ဆပ်ချင်သူတွေ၊ မိဘတွေရဲ့ တောင့်တချက်ကို ဖြည့်ချင်သူတွေဟာ အထွေအထူး ဟိုဟိုဒီဒီ စဉ်စားစရာမလိုဘဲ သားသမီးဝတ္တရား ငါးပါးကိုသာ ကျေပွန်အောင် ကြိုးစားနေရုံနဲ့ လောကဝတ်တွေကို ကျေပွန်စေကာ ကျေးဇူးတရား ဆပ်နေသူများအဖြစ် ဂုဏ်ယူနိုင်မှာ ဖြစ်ပါတယ်။

ဒီနေရာမှာ အထူးသတိပြုရမှာက သားသမီးဝတ္တရာငါးပါး၊ တစ်နည်းအားဖြင့် မိဘတို့မျှော်လင့်ချက် ငါးပါးထဲက မိဘတွေရဲ့ အမွေဆက်ခံဖို့နဲ့ အမျိုးအနွယ်ကို စောင့်ထိန်းဖို့ဆိုတဲ့ အချက်တွေနဲ့ ပတ်သက်ပြီး အမွေဆိုတဲ့နေရာမှာ ကောင်းမွေတွေကို ဆက်ခံဖို့နဲ့ အမျိုးအနွယ်ကို စောင့်ထိန်းတယ်ဆိုရာမှာ အိမ်ထောင်သားမွေးပြီး သားသမီးတွေ အများကြီးနဲ့ လူသားမျိုးဆက် တိုးပွားစေဖို့ထက် သူတော်ကောင်းစိတ်ဓာတ်၊ ကောင်းမြတ်တဲ့ စိတ်ဓာတ်ရှိတဲ့ သူတော်သူမြတ် အမျိုးဇာတ်တွေဖြစ်အောင် စောင့်ထိန်းဖို့ကို ဆိုလိုတယ်ဆိုတဲ့ အချက်ကို သတိပြုကြဖို့ လိုပါတယ်။ မိဘတွေ အစဉ်အဆက် လှူဒါန်းခဲ့တဲ့ ကောင်းမှုအမွေတွေ၊ မိဘတွေ အစဉ်အဆက် ထိန်းခဲ့တဲ့ ကိုယ်ကျင့် သိက္ခာကောင်းတဲ့ အမျိုးဇာတ်တွေကို ဆက်ခံထိန်းသိမ်း စောင့်ရှောက်မှုမျိုး တွေကိုသာ မွေခံထိုက်စေ၊ စောင့်လေမျိုးနွယ်လို့ ဆိုလိုတာ ဖြစ်တဲ့အတွက် ဒီအချက်တွေကို အထူးသတိပြု ဆက်ခံထိန်းသိမ်းနိုင်အောင် ကြိုးစားကြရမှာ ဖြစ်ပါတယ်။

ပြီးတော့ ဒီမျှော်လင့်ချက်ငါးမျိုး၊ တစ်နည်းအားဖြင့် သားသမီးတွေရဲ့ ဝတ္တရာငါးမျိုးထဲမှာ နောက်ဆုံးတစ်ချက်ဖြစ်တဲ့ သေဆုံးသွားတဲ့ မိဘတွေကို ရည်စူးပြီးကုသိုလ်ကောင်းမှုလုပ် အမျှအတမ်း ပေးဝေပေးတဲ့ အချက်ဟာ ဒီနေရာ သားသမီးတွေ အနေနဲ့ မဖြစ်မနေ လုပ်ပေးသင့်တဲ့ အချက်ပဲ ဖြစ်ပါတယ်။ ဖြစ်နိုင်ရင် စွမ်းနိုင်သမျှ မကြာခဏလည်း လုပ်ပေးသင့်ပါတယ်။ ဘာဖြစ်လို့လည်းဆိုတော့ သေပြီးနောက် ဘဝအသစ်ကို ရောက်သွားတဲ့ သူတွေအတွက် တကယ်လို့များ အစွဲတစ်ခုခုကြောင့် မကောင်းတဲ့ ပြိတ္တာဘုံမျိုးကို ရောက်ရှိသွားမယ်ဆိုရင် ဒီဘုံဘဝကလွတ်အောင်၊ မလွတ်တောင်မှ အဲဒီဘုံဘဝမှာ ချမ်းချမ်းသာသာဖြစ်အောင် အကောင်းဆုံး မျှော်လင့်နိုင်တာက မသေသေးဘဲ ကျန်ခဲ့တဲ့သူတွေရဲ့ ကုသိုလ်ကောင်းမှုလုပ်ပြီး အမျှအတမ်းပေးဝေးပေးတဲ့ အခွင့်အရေး တစ်ခုပဲ သူတို့မှာ ရှိနေတဲ့အတွက်ကြောင့်ပဲ ဖြစ်ပါတယ်။ ဒါကြောင့် ဒီနေ့လို ကွယ်လွန်သူ ဖခင်ကြီးကို ရည်စူးပြီးကုသိုလ်လုပ် အမျှအတမ်းပေးဝေ ပေးတဲ့အလုပ်မျိုးဟာ သားသမီးတွေအတွက် မိဘကျေးဇူးကို နောက်ဆုံးအဓိကအကျဆုံး အချက်အဖြစ် ဆပ်တာလို့ ပြောရခြင်း ဖြစ်ပါတယ်။

စကားစပ်လို့ မိဘကျေးဇူးဆပ်တာနဲ့ ပတ်သက်ပြီး မိဘတွေရဲ့ မျှော်လင့်ချက်ငါးမျိုး၊ တစ်နည်းအားဖြင့် သားသမီးဝတ္တရား ငါးမျိုးကို ကျေပွန်အောင်ကြိုးစား နေထိုင်နေတဲ့သူတွေဟာ မိဘကျေးဇူးကို ဆပ်နေတာလို့ ဆိုပေမယ့် အလွန်ကျေးဇူးများတဲ့ မိဘတွေရဲ့ ကျေးဇူးကို အပြည့်အဝ ဆပ်ပေးတာလို့တော့ ပြောလို့မရသေးပါဘူး။ အမြတ်ဆုံး ကျေးဇူးဆပ်တာလို့လည်း မဆိုနိုင်သေးပါဘူး။ မိဘကျေးဇူးအကျေ ဆပ်ဖို့ကတော့ ဘုရားရှင်ဟောထားတဲ့ အနှစ်သာရ ဓမ္မနဲ့ကျေအောင် ဆပ်မှပဲ အကျေဆပ်နိုင်တယ်လို့ ပြောရမှာ ဖြစ်ပါတယ်။

မြတ်စွာဘုရားရှင်က “သားသမီး ဖြစ်သောသူသည် အသက်တစ်ရာတန်း၌ဖြစ်၍ အသက်တစ်ရာပတ်လုံး ပခုံးတစ်ဖက်ဖြင့် အမိကိုဆောင်ကာ ပခုံးတစ်ဖက်ဖြင့် အဖကိုဆောင်၍ ပြုစုလုပ်ကျွေးခြင်း၊ အမိအဖတို့အား အနံ့အသက်ကင်းအောင် အမွေးအကြိုင်လိမ်းပေးခြင်း၊ အညောင်းအညာပြေအောင် နှိပ်နယ်ပေးခြင်း၊ ရေပူရေအေးဖြင့် ရေချိုးပေးခြင်း၊ ခြေဆုပ်လက်နယ်ပြုပေးခြင်း ယုတ်စွအဆုံး ကျင်ကြီးကျင်ငယ်ကိုပင် မိမိ၏ ပခုံးထက်၌ စွန့်ကုန်စေခြင်း၊ များစွာသော ရတနာရှိသော မဟာပထ၀ီမြေကြီးကို အုပ်ချုပ်စိုးပိုင်သော မင်းစည်းစိမ်း၌ မိဘတို့ကို ခံစားတည်နေစေခြင်း စသည့် ကျေးဇူးဆပ်နည်းတို့ဖြင့် ကျေးဇူးဆပ်ပါသော်လည်း မိဘတို့အား ကျေးဇူးပြုခြင်း၊ ကျေးဇူးတုံ့ပြန်ခြင်းသည် မဖြစ်နိုင်သေးကြောင်း၊ စင်စစ် သဒ္ဓါတရား မရှိသော အမိအဖတို့ကို သဒ္ဓါတရားနှင့် ပြည့်စုံခြင်းငှါ ဆောက်တည်စေခြင်း၊ သက်ဝင်စေခြင်း၊ တည်စေခြင်း သီလမရှိသော အမိအဖတို့ကို သီလနှင့်ပြည့်စုံခြင်းငှါ ဆောက်တည်စေခြင်း၊ သက်ဝင်စေခြင်း၊ တည်စေခြင်း၊ ၀န်တိုခြင်း မစ္ဆရိယ ရှိကုန်သော အမိအဖတို့ကို စွန့်ကြဲပေးကမ်းခြင်းနှင့် ပြည့်စုံခြင်းငှါ ဆောက်တည်စေခြင်း၊ သက်ဝင်စေခြင်း၊ တည်စေခြင်း၊ ပညာမဲ့သော အမိအဖတို့ကို ပညာနှင့်ပြည့်စုံခြင်းငှါ ဆောက်တည်စေခြင်း၊ သက်ဝင်စေခြင်း၊ တည်စေခြင်း စသည့် ကျေးဇူးဆပ်နည်းတို့ဖြင့် ကျေးဇူးဆပ်ခြင်းသည်သာ မိဘတို့အား ကျေးဇူးဆပ်ခြင်း၊ ကျေးဇူးတုံ့ပြန်ခြင်း ဖြစ်ကြောင်း” (အင်္ဂုတ္တရနိကာယ်၊ ဒုကနိပါတ်၊ သမစိတ္တ၀ဂ်၊ ) မိန့်တော်မူပါတယ်။ ဒါက ဘုရားပေးတော်မူတဲ့ မိဘကျေးဇူး အကျေဆပ်နည်းပဲ ဖြစ်ပါတယ်။

ဘုရားရှင်ရဲ့ ဒီဟောကြားချက်ကို မှီငြမ်းပြီး မန်လည်ဆရာတော်ကြီးက မဃဒေဝလင်္ကာသစ်ကျမ်းမှာ “မိကိုလက်ျာ၊ ဖမှာလက်ဝဲ၊ အမြဲထမ်းလျက်၊ ပခုံးထက်တွင်၊ သို့ပင်နိစ္စ၊ လုပ်ကျွေးကြလည်း၊ ရှေးကပြုဖူး၊ မွေးကျေးဇူးကို၊ အထူးမြဲခိုင်၊ မဆပ်နိုင်တည်း။ မဖြူနှလုံး၊ မသုံးသီလ၊ ဒါနမပွား၊ မသွားကျောင်းကန်၊ ဟုတ်လှမှန်သား၊ မိဘအားကို၊ လှူဒါနနှင့် သီလဥပုသ်၊ ကိုယ်နှုတ်နှလုံး၊ စောင့်သုံးစေမှ၊ ဟောဖော်ပြ၍၊ ဓမ္မဖြင့်သာ၊ ဆပ်နိုင်ရာ၏”လို့ အခုလို သီးကုံးဆပ်ဆိုထားတာကို ဗဟုသုတဖြစ်ဖွယ် မှတ်သားရပါတယ်။

ဆိုတော့ကား ဒီလိုတရားနဲ့ အကျေမဆပ်နိုင်တဲ့အတွက် ကျန်တဲ့ကျေးဇူးဆပ်နည်းတွေဟာ မိဘကျေးဇူးကို ဆပ်ရာမရောက်ဘူးလား ဆိုတော့ အဲဒီလိုလည်း မဟုတ်ပါဘူး။ အထက်မှာ ဖော်ပြခဲ့သလို မိဘတွေရဲ့ မျှော်လင့်တောင့်တချက်လေးတွေကို ဖြည့်ဆည်းရင်း သားသမီးဝတ္တရားကို ကျေပွန်အောင် ဆောင်ရွက်ပေးနေတဲ့ သားသမီးတွေဟာ လောကကြောင်းအရ၊ လောကဝတ်အရ မိဘကျေးဇူးကို ဆပ်နေတာပဲ ဖြစ်ပါတယ်။ ဖြစ်နိုင်ရင် မိဘတွေကို အရိယာ အဆင့်လောက်အထိ ရောက်အောင် ကျေးဇူးဆပ်နိုင်ရင်တော့ အကောင်းဆုံး၊ အကျေဆုံး ကျေးဇူးဆပ်နည်းလို့ ပြောရမှာ ဖြစ်ပေမယ့် အဲဒီလောက်အထိ မလုပ်နိုင်သေးရင်လည်း အခုလို သားသမီးဝတ္တရားကို ကျေပွန်အောင် ထမ်းဆောင်ပေးနိုင်တယ် ဆိုရင်ကိုပဲ ဒါဟာ အလွန်ပြည့်စုံတဲ့ အထူးကျေးဇူးဆပ်နည်းလို့ ပြောရမှာ ဖြစ်ပါတယ်။

ဒီမှာအဓိက ပြောချင်တာက မိဘတွေရဲ့ မျှော်လင့်ချက်နဲ့ ပတ်သက်ပြီး ပြောချင်တာ ဖြစ်ပါတယ်။ မိဘတွေဟာ သားသမီးတွေအပေါ်မှာ ဘာလုပ်ပေးပါ၊ ဘယ်လိုဆောင်ရွတ်ပေးပါ စသဖြင့် အတင်းအဓမ္မ လိုချင်တောင့်တမှုနဲ့ နှုတ်ကထုတ်ဖော်ပြီး သားသမီးတွေကို ဖိအားပေးတဲ့ မျှော်လင့်ချက်တွေ မရှိပေမယ့် သူတို့ရဲ့ စိတ်ဆန္ဒနဲ့ ရင်ထဲမှာတော့ ဒီလိုလေးဆိုရင် ကောင်းမှာပဲ၊ ဒါလေးလုပ်ပေးရင် ကောင်းမှာပဲ စတဲ့ မျှော်လင့်ချက်မဟုတ်တဲ့ မျှော်လင့်ချက်လေးတွေ ရှိတတ်ရာမှာ အထက်မှာပြောခဲ့တဲ့ မျှော်လင့်တောင့်တချက် ငါးမျိုးလည်းပဲ ရှိနိုင်တဲ့အတွက် ဒီလို ကျေးဇူးများတဲ့ မိဘတွေရဲ့ မျှော်လင့်တောင့်တချက်များကို သားသမီးများ ပြုကျင့်ရမယ့် သားသမီးဝတ္တရား ငါးပါးကို ကျေပွန်အောင် ဆောင်ရွက်ပေးရင်း ဖြည့်ဆည်းပေးကြဖို့ ပြောချင်တာ ဖြစ်ပါတယ်။ ဖြစ်နိုင်ရင် ဗုဒ္ဓအလိုကျ တရားနဲ့ကျေအောင် ဆပ်နိုင်ရင်တော့ အကောင်းဆုံးလို့ ဆိုရပေမယ့် အဲဒီလိုမလုပ်နိုင်သေးရင်လည်း ဒီလိုလောကဝတ်ကို ကျေပွန်စေခြင်းနဲ့လည်း မိဘကျေးဇူးကို အထိုက်အလျောက် ဆပ်နေနိုင်တာ ဖြစ်တဲ့အတွက် လက်ရှိဘဝမှာပဲ သားသမီးဝတ္တရားကို ကျေပွန်အောင်ကြိုးစားကြဖို့ တိုက်တွန်းလိုတာ ဖြစ်ပါတယ်။

ဒါကြောင့် လစဉ်ဟောကြား ပေးလာခဲ့တဲ့ တရားပွဲများမှာ ဒီနေ့လုပ်တဲ့ တရားပွဲရဲ့ အနှစ်ချုပ်အနေနဲ့ မိဘနဲ့သားသမီးကြား အပြန်အလှန် ကျေးဇူးတရားများ ရှိကြရာမှာ မိဘကျေးဇူး မြင့်မိုရ်ဦးလို့ ဆိုတဲ့အတိုင်း အလွန်ကြီးမားလှတဲ့ မိဘကျေးဇူးကို အကျေမဆပ်နိုင်ပေမယ့် မိဘတွေရဲ့ မျှော်လင့်တောင့်တချက်တွေကို သားသမီးဝတ်ကို ကျေပွန်အောင် ထမ်းဆောင်ပေးခြင်းဖြင့် အကောင်းဆုံးဖြစ်အောင် ဖြည့်ဆည်းဆောင်ရွတ်ပြီး စွမ်းနိုင်သမျှ ဆပ်ပေးကြဖို့ တိုက်တွန်းရင်း ဒီတစ်လရဲ့ လစဉ်ဟောကြား မြတ်တရား တစ်ပုဒ်အဖြစ် ထုတ်နှုတ် ဟောကြားလိုက်ရပါတယ်။

အားလုံး မျှော်လင့်ချက်ကိုယ်စီ ပြည့်မှီနိုင်ကြပါစေ…

Read more »

လစဉ်ဟောကြား မြတ်တရား (၄)

အဟောင်းလည်းစား အသစ်လည်းပွား
လစဉ်ကျင်းပ ပြုလုပ်လာခဲ့တဲ့ တစ်လတစ်ကြိမ် အထူးတရားပွဲနဲ့ ရွှေမြန်မာတွေ့ဆုံပွဲကို ဒီလမှာလည်း ၂၂-၅-၂၀၁၁ရက်၊ တနင်္ဂနွေနေ့မှာ အစဉ်မပြတ် ကျင်းပပြုလုပ်ဖြစ်ခဲ့ပါတယ်။ အလှူပွဲဆက်တွေ များတဲ့အခါ တနင်္ဂနွေနေ့တွေမှာတောင် အလုပ်ဆင်းနေရတဲ့ သူတွေအတွက် ပင်ပန်းပြီး မအားမလပ်ဖြစ်မှာဆိုးလို့ တနင်္ဂနွေနေ့တိုင်း မလုပ်ဘဲ တစ်လတစ်ခါလောက် လုပ်ကြဖို့ စီစဉ်ထားပေမယ့် အခုလမှာတော့ မထင်မှတ်တဲ့ နာရေးပွဲတွေက ပေါ်လာခဲ့တဲ့အတွက် တနင်္ဂနွေနေ့တိုင်းလိုလို ကျောင်းမှာပွဲက မပြတ်ဘဲ ဖြစ်သွားခဲ့ပါတယ်။ ဒါပေမယ့် ပုံမှန်ကျင်းပနေကျ တရားပွဲကိုလည်း မပျက်အောင် လုပ်ဖို့ရည်မှန်းထားတာဆိုတော့ တရားချစ်ခင် သူတော်စင်တွေကလည်း မအားတဲ့ကြားက အထူးကြိုးစားပြီး လာရောက်နာယူ မှတ်သားကြပါတယ်။ ဒီတစ်လ တရားပွဲမှာ ထူးထူးခြားခြား မင်္ဂလာဦးဆွမ်းကျွေး အလှူရှင်တွေရဲ့ ပံ့ပိုးလှူဒါန်းမှုကလည်း ရှိလာပြန်တော့ မင်္ဂလာဇနီးမောင်နှံနဲ့ မင်္ဂလာဆောင်ပြီးသူတွေ၊ မင်္ဂလာဆောင်မယ့်သူတွေ အတွက်ပါ မှတ်သားနာယူနိုင်မယ့် တရားတစ်ပုဒ်ကို ရွေးထုတ်ပြီး ဟောကြားပေးဖြစ်ခဲ့ပါတယ်။ ဒါကြောင့် ဒီလရဲ့ လစဉ်ဟောကြား မြတ်တရားရဲ့ မှတ်သားဖွယ် တရားတော်ကိုလည်း “အဟောင်လည်းစား၊ အသစ်လည်းပွား”ဆိုတဲ့ အမည်လေးနဲ့ ဟောကြားချီးမြှင့်ပေး ဖြစ်ခဲ့ပါတယ်။

ဒီတရားတော်ဟာ ကျောင်းအမကြီး ဝိသာခါနဲ့ ဆက်စပ်ပြီး ဟောကြားပေးဖြစ်တဲ့ တရားတော်ပဲ ဖြစ်ပါတယ်။ ဘဒ္ဒိယမြို့၊ မေဏ္ဍကသူဋ္ဌေးရဲ့ မြေး၊ ဓနဉ္စယသူဋ္ဌေးနဲ့ သုမနဒေဝီတို့ရဲ့ သမီးဖြစ်တဲ့ ဝိသာခါဟာ ဘဒ္ဒိယမြို့ကို ကြွတော်မူလာတဲ့ ဘုရားရှင်ရဲ့ တရားတော်ကို နာကြားပြီး အသက် (၇)အရွယ်မှာပဲ သောတာပန် တည်သွားခဲ့တဲ့ ဘုရားတပည့် အမျိုးကောင်းသမီး တစ်ယောက်ဖြစ်ပါတယ်။ အရွယ်ရောက်တဲ့အခါ ဝိသာခါတစ်ယောက် မိဘသဘောတူညီမှုကြောင့် မိစ္ဆာဒိဋ္ဌိဖြစ်တဲ့ မိဂါရသူဋ္ဌေးရဲ့သား ပုဏ္ဏဝဎုန သူတို့သားနဲ့ အကြောင်းပါကာ လက်ထပ်ဖြစ်ခဲ့ပါတယ်။ မင်္ဂလာဆောင်ပြီး လင်ယောက်ျားရဲ့နောက်ကို လိုက်သွားရမယ့် သမီးဝိသာခါကို ဖခင်ဖြစ်သူ ဓနဉ္စယသူဋ္ဌေးက အမှာစကား ဆယ်ခွန်းကို မှားကြားလိုက်ပါတယ်။ အဲဒီစကား ဆယ်ခွန်းက
၁။ အတွင်းမီးကို အပြင်မထုတ်ဖို့
၂။ အပြင်မီးကို အတွင်းမသွင်းဖို့
၃။ ပေးကမ်းသောသူကိုသာ ပေးကမ်းဖို့
၎။ မပေးကမ်းသောသူကို မပေးကမ်းဖို့
၅။ ပေးကမ်းသောသူကိုလည်းကောင်း၊ မပေးကမ်းသောသူကိုလည်းကောင်း ပေးကမ်းဖို့
၆။ ချမ်းသာစွာ နေထိုင်ဖို့
၇။ ချမ်းသာစွာ စားသောက်ဖို့
၈။ ချမ်းသာစွာ အိပ်ဖို့
၉။ မီးကိုလုပ်ကျွေးဖို့နဲ့
၁၀။ အိမ်တွင်းနတ်ကို ပူဇော်ဖို့
ဆိုတဲ့ စကားဆယ်ခွန်းပဲ ဖြစ်ပါတယ်။

နောက်ပိုင်းမှာ ဒီစကားဆယ်ခွန်းနဲ့ ပတ်သက်ပြီး ဝိသာခါက ရှင်းပြပေးခဲ့ပါတယ်။ အိမ်ထောင်ကျပြီးတဲ့ အိမ်ထောင်ရှင်များ အနေနဲ့ အတွင်းမီးကို အပြင်မထုတ်ဖို့ လိုသလို အပြင်မီးကိုလည်း အတွင်းမသွင်းဖို့ လိုပါတယ်။ ဒီမှာပြောလိုတဲ့ အတွင်းအပြင် မီးဆိုတာ ကိုယ့်ရဲ့အိမ်တွင်းက ပြဿနာ၊ လင်ယောက်ျား၊ ဇနီးမယားနဲ့ ပတ်သက်တဲ့ မကောင်းတဲ့ အပြစ်များကို အပြင်တွင် ဟိုပြောဒီပြောမပြောဖို့နဲ့ အပြင်မှာကြားလာတဲ့ အိမ်တွင်းပြဿနာများ အကြောင်း၊ လင်ယောက်ျား၊ ဇနီးမယားတို့ရဲ့ မကောင်းတဲ့ အပြောအဆိုများ အကြောင်းကိုလည်း အိမ်တွင်းကို ယူဆောင်မလာဖို့ လိုပါတယ်။ ပေးကမ်းတဲ့သူကို ပေးကမ်းပြီး မပေးကမ်းတဲ့သူကို မပေးကမ်းနဲ့ ဆိုတာက ပစ္စည်းဥစ္စာများကို ချေးငှါးပြီး ကတိအတိုင်း တိတိကျကျ ပြန်လည်ပေးကမ်းတဲ့ သူတွေကို ပေးကမ်းဖို့လိုပြီး ချေးငှါးပြီး မပေးဘဲထားတဲ့ သူတွေကို မပေးကမ်းဖို့လိုကြောင်းနဲ့ ပေးသည်ဖြစ်စေ၊ မပေးသည်ဖြစ်စေ ပေးကမ်းရမယ်ဆိုတာက ဆွေးမျိုးဉာတိများထဲမှ မရှိဆင်းရဲလှတဲ့ အမျိုးအဆွေများကို သူတို့ပြန်လည်ပေးနိုင်သည်ဖြစ်စေ မပေးနိုင်သည်ဖြစ်စေ တတ်နိုင်သလောက် ပေးကမ်းရမယ်လို့ ဆိုလိုတာ ဖြစ်ပါတယ်။ ချမ်းသာစွာ နေထိုင်ရမယ်ဆိုတာက လင်ယောက်ျား၊ ယောက္ခမများနဲ့ လူကြီးသူမများ ရှေ့မှာ မရိုမသေမဖြစ်ဖို့၊ အထက်အောက်ပုံစံမျိုး မဖြစ်ဖို့နဲ့ အဆင်ပြေအောင် နေတတ်ဖို့၊ ချမ်းသာစွာ စားသောက်ရမယ်ဆိုတာက အစားအသောက်နဲ့ ပတ်သက်ပြီး လင်ယောက်ျားနဲ့ ယောက္ခမ လူကြီးသူမများအရင် ဦးဦးဖျားဖျား စားသောက်တာမျိုး မဖြစ်စေဘဲ ပြည့်စုံလုံလောက်စွာ စီမံဖန်တီးကာ အပြစ်မဖြစ်အောင် စားသောက်တတ်ဖို့ဖြစ်ပြီး၊ ချမ်းသာစွာအိပ်ရမယ်ဆိုတာက ဇနီးမယားရဲ့ ဝတ္တရားအတိုင်း လင်ယောက်ျားလူကြီးသူမများ အရင်စောစောစီးစီး မအိပ်ဘဲ အိပ်ရာထချိန်မှာတော့ စောစောစီးစီး ထဖို့လို့ကြောင်း ပြောလိုတာ ဖြစ်ပါတယ်။ မီးကို လုပ်ကျွေးရမယ်ဆိုတာက ကိုယ့်ရဲ့လင်ယောက်ျားကို မဖြစ်မနေ အရေးကြီးတဲ့ ပုဂ္ဂိုလ်တစ်ယောက်လို၊ ကြီးမားတဲ့ ပုဂ္ဂိုလ်တစ်ယောက်လို အလေးထားပြီး လုပ်ကျွေးရမယ်လို့ ဆိုလိုတာဖြစ်ပြီး အိမ်တွင်းနတ်ကို ပူဇော်ရမယ်ဆိုတာက နှစ်ဘက်မိဘများကို အိမ်တွင်းနတ်လို့ သဘောထားပြီး ရိုသေလေးစားစွာ ထောက်ပံ့ပူဇော် ကျွေးမွေးပြုစုပေးရမယ်လို့ ဆိုလိုတာ ဖြစ်ပါတယ်။ ဖခင်ကြီးမှာလိုက်တဲ့ စကားဆယ်ခွန်းကို ဝိသာခါက ဒီအတိုင်း ရှင်းပြပေးဖြစ်ခဲ့ပါတယ်။

ဒါပေမယ့် ပြဿနာက သောတာပန်နဲ့ မိစ္ဆာဒိဋ္ဌိ တစ်မိသားစုတည်း ဖြစ်နေပြီး တစ်အိမ်ထဲမှာ အတူနေနေရတဲ့ အဖြစ်ပဲ ဖြစ်ပါတယ်။ ဝိသာခါဟာ အသက် (၇)နှစ်အရွယ်တည်းက သောတာပန် ဖြစ်နေခဲ့ပေမယ့် လင်ယောကျာ်းနဲ့ ယောက္ခမများကတော့ ရှေးအစဉ်အလာတည်းကာ အဝတ်မဝတ်တဲ့ တက္ကဒွန်းများကို ကိုးကွယ်လာခဲ့ကြတဲ့ အဖြစ်ပါ။ ဒီလို ကိုးကွယ်ရာ မတူဘဲ တစ်အိမ်တည်း ဖြစ်နေတာက နားလည်မှု မရှိရင် တစ်နေ့မဟုတ်တစ်နေ့ ပြဿနာ ဖြစ်တတ်တဲ့ အဖြစ်ပဲ ဖြစ်ပါတယ်။ ပိုဆိုးတာက ရတနာသုံးပါးနဲ့ ကံကံရဲ့ အကျိုးကို အကြွင်းမဲ့ယုံကြည်သွားတဲ့ သောတာပန်ဖြစ်တဲ့ ဝိသာခါမှာ မိစ္ဆာဒိဋ္ဌိ အိမ်ရောက်လာပြီးမှ ရတနာသုံးပါးနဲ့ ဝေးကွာလာတဲ့အချက်က အဆိုးဆုံးပဲ ဖြစ်ပါတယ်။ မလွန်ဆန်နိုင်တဲ့ အနေအထားအရ ဝိသာခါဟာ ကိုယ်လုပ်ရမယ့် ဝတ္တရားကိုပဲ ကျေပွန်အောင် လုပ်ပေးနေရပေမယ့် စိတ်မှာတော့ တော်တော်တင်းကျပ်နေတဲ့ သဘောရှိပါတယ်။

တစ်နေ့ ဝိသာခါဟာ ယောက္ခမဖြစ်တဲ့ ဓနဉ္စယ သူဋ္ဌေးကြီး ထမင်းစားနေတာကို ဘေးမှနေပြီး ယပ်ခပ်ပေးနေချိန် အိမ်ရှေ့မှာ ရဟန်းတစ်ပါး ဆွမ်းခံကြွလာတာနဲ့ ကြုံတွေ့ပါတော့တယ်။ ရဟန်းတော်ကိုမြင်တော့ ဝိသာခါတစ်ယောက် ဝမ်းသာအားရ ဖူးမျှောင်ပြီး ရှိသမျှဆွမ်းဆွမ်းဟင်တွေ လောင်းလှူလိုလှပေမယ့် အနားမှာရှိနေတဲ့ ယောက္ခမရဲ့ မသိသလို နေနေမှု၊ သဘောမတူတဲ့ အခြေအနေတွေ ရှိနေမှုကြောင့် လက်အုပ်ချီပြီးတော့ပဲ “အရှင်ဘုရား ကန်တော့ဆွမ်းပါဘုရား၊ တပည့်တော်ရဲ့ ယောက္ခမက အဟောင်းကိုသာ စားနေတဲ့ အဟောင်းစားဖြစ်တဲ့အတွက် ဆွမ်းမလောင်းနိုင်ဘဲ ဖြစ်နေလို့ပါဘုရား” လို့ လျှောက်ထားလိုက်ရပါတယ်။ ဝိသာခါရဲ့ ကန်တော့ဆွမ်းကို အလှူခံပြီး ရဟန်းတော်လည်း ကြွသွားပါတယ်။ ပြဿနာက ဝိသာခါပြောတဲ့ အဟောင်းစား ဆိုတဲ့စကားက ယောက္ခမကို အတော်ဒေါသ ထွက်စေခဲ့တဲ့ သဘောရှိပါတယ်။ မိဂါရသူဋ္ဌေးဟာ သူ့ကိုဝိသာခါက မကောင်းတဲ့အရာ၊ အဟောင်းတွေကို စားတယ်ဆိုတဲ့ အဓိပ္ပါယ်နဲ့ ပြောတယ်ဆိုပြီး ရပ်မိရပ်ဖများရှေ့မှာ ပြဿနာ ရှာလာခြင်း ဖြစ်ပါတယ်။ ဒီတော့မှ ဝိသာခါက သူပြောတဲ့ အဟောင်းစားဆိုတာ တခြားအဓိပ္ပါယ်ကို ဆိုလိုတာ မဟုတ်ကြောင်း၊ မိဂါရသူဋ္ဌေးဟာ အတိတ်ဘဝတွေက လုပ်ခဲ့တဲ့ ကုသိုလ်ကောင်းမှု အရှိန်ကြောင့် ဖြစ်ပေါ်လာတဲ့ ချမ်းသာမှု ကုသိုလ်အဟောင်းကိုသာ စားနေပြီး အခုဘဝမှာ ဘာကုသိုလ်ကောင်းမှုမှ မပြုဘဲ နေနေတဲ့ အဖြစ်ကို ရည်ရွယ်၍သာ ပြောဆိုခြင်း ဖြစ်ကြောင်း ပြန်လည်ဖြေရှင်းခဲ့ပါတယ်။ နောက်ဆုံးတော့ မိဂါရသူဋ္ဌေးဟာ သူ့ရဲ့စွပ်စွဲချက်တွေ မှားယွင်းပြီး ဝိသာခါ အလိုကျ ရတနာသုံးပါးကို ကိုးကွယ်ခွင့်ပြုကာ သူကိုယ်တိုင်လည်း ဘုရားတရားနာပြီး ဗုဒ္ဓဘာသာ အဖြစ်ခံယူကာ ဒါနသီလဘာဝနာ ကုသိုလ်အလုပ်တွေကို ကြိုးစားလုပ်လာ ဖြစ်ခဲ့ပါတယ်။ ဒါက အဟောင်းစား ဆိုတဲ့စကားနဲ့ ပြောင်းလဲလာတဲ့ ဝိသာခါနဲ့ မိဂါရတို့ရဲ့ ဇာတ်ကြောင်း တစ်စိတ်တစ်ဒေသပဲ ဖြစ်ပါတယ်။

ဒီနေရာမှာ ပြောလိုတာက မင်္ဂလာဇနီးမောင်နှံကို အကြောင်းပြုပြီး ဟောကြားပေးခဲ့တဲ့ ဒီတရားတော်မှာ ဘဝတစ်ခု တည်ထောင်ဖန်တီးကြသူများ အိမ်ထောင်ပြုပြီး ဘဝခရီး ဆက်သွားကြမည့်သူများ အနေနဲ့ ဝိသာခါရဲ့ အဖေက သမီးကို မှားလိုက်တဲ့ ဆုံးမစကားတွေကို မိမိတို့ဘဝမှာလည်း လက်တွေ့လိုက်နာကျင့်သုံးကြည့်ကြဖို့နဲ့ ရရှိလာတဲ့ ဘဝမှာ အဟောင်းကိုပဲ စားနေလို့မဖြစ်ဘဲ အသစ်လည်းပွားနိုင်အောင် ကြိုးစားနိုင်ကြဖို့ အသိပေး ပြောလိုတာ ဖြစ်ပါတယ်။ အိမ်ထောင်တစ်ခု ရေရှည်တည်တံ့ဖို့မှာ နှစ်ဦးနှစ်ဖက် တစ်ဦးအပေါ်တစ်ဦး အမြင်ကြည်ကြဖို့၊ ဝတ္တရားတွေ ကျေကြဖို့ လိုပါတယ်။ အိမ်ထောင်ရေးတည်တံ့ဖို့ အရေးမှာ အတွင်းအပြင်မီးတွေကို ထုတ်သွင်းထုတ်ယူ မလုပ်ဖို့ အထူးသတိပြုရမှာ ဖြစ်ပါတယ်။ ကိုယ့်အလုပ်၊ ကိုယ့်တာဝန်ကို ကိုယ်စီကျေအောင် ကြိုးစားပြီး ပြဿနာများကို မရှာမိကြဖို့ လိုအပ်လှပါတယ်။ နေထိုင်သွားလာ စားသောက်မှုတွေက အစ အရာရာမှာ အပြစ်မရှိအောင်နဲ့ ပြုစုစောင့်ရှောက် ချီးမြှောက်ရမယ့် အရာတွေမှာ တတ်နိုင်သမျှ ကြိုးစားလုပ်ဆောင်ကြရမှာ ဖြစ်ပါတယ်။ အဲဒီလို နေထိုင်လေ့ကျင့်နိုင်မယ်ဆိုရင် အိမ်ထောင်တစ်ခုဟာ ပြဿနာ ဖြစ်စရာ သိပ်မရှိလှဘူးလို့ ထင်ပါတယ်။ ဝိသာခါကို မှာတဲ့စကားတွေ ဆိုပေမယ့် လက်တွေ့ဘဝမှာ ယူသင့်လိုက်နာသင့်တာတွေ ရှိနေတဲ့အတွက် ဒီအဆုံးအမတွေကို အသုံးချပြီး အိမ်ထောင်တစ်ခု သာယာလှပအောင် ကြိုးစားရမှာ ဖြစ်ပါတယ်။

နောက်အရေးကြီးတဲ့ အချက်က အဟောင်းစားပြီး အသစ်ပွားနိုင်အောင် ကြိုးစားရမယ့် အချက်ပဲ ဖြစ်ပါတယ်။ အတိတ်အတိတ်က ပြုလုပ်စောင့်ထိန်းခဲ့တဲ့ ကောင်းတဲ့ကံတွေကြောင့် လူဘဝကိုရလာ၊ ရလာတဲ့ လူဘဝမှာလည်း မိဘကောင်း၊ ပတ်ဝန်းကျင်ကောင်း၊ ကိုယ်လက်အင်္ဂါကောင်းတွေ ဖြစ်ခဲ့ရပြီး အထိုက်အလျောက် နေနိုင်စားနိုင် သွားနိုင်လာနိုင် စတာလေးတွေ ဖြစ်လာခဲ့တာတွေဟာ တကယ်တော့ အတိတ်ရဲ့ အကျိုးပေးတွေပဲ ဖြစ်ပါတယ်။ အတိတ်ဆိုတာ ကျန်ခဲ့ပြီဖြစ်တဲ့အတွက် ဒီအကျိုးပေးတွေဟာလည်း အဟောင်းတွေပဲ ဖြစ်နေတာ ဖြစ်ပါတယ်။ အတိတ်ကောင်းခဲ့လုို့ အဟောင်းကောင်းခဲ့ရတဲ့ အပေါ်မှာ ဒီအဟောင်းတွေကိုပဲ သာယာကာ ကျေနပ်နေကြလို့ မဖြစ်ပြန်ပါဘူး။ အဟောင်းတွေပဲ စားပြီးအဟောင်းတွေ ကုန်သွားမယ်ဆိုရင် မကောင်းဘုံကိုလည်း သွားနိုင်သေးတဲ့အတွက် အဟောင်းချည်းပဲ စားနေလို့မဖြစ်ဘဲ အသစ်လည်း ပွားပေးကြဖို့ လိုပါတယ်။ အတိတ်က လုပ်ခဲ့တဲ့ ဒါနသီလဘာဝနာ အလုပ်ဟောင်းတွေရဲ့ အကျိုးပေးဟောင်းတွေကို ဆထက်မက တိုးပွားရအောင် ဒီဘဝမှာလည်း အသစ်အသစ်တွေ များများထပ်လုပ်ကြ၊ များများထပ်ပွားကြဖို့ လိုပါတယ်။ အခုစားနေတာတွေဟာ အဟောင်းတွေ ဖြစ်နေပြီး နောင်စားဖို့အတွက်ကတော့ အခုလုပ်မှရမယ့် အသစ်တွေ ဖြစ်လာမှာဖြစ်လို့ အဟောင်းလည်းစားရင်း အသစ်လည်း ပွားနိုင်အောင် ကြိုးစားကြရမှာ ဖြစ်ပါတယ်။ အတိတ်က လုပ်ခဲ့တဲ့ ဒါနသီလဘာဝနာ အဟောင်းတွေကို အတုယူပြီး ဒီဘဝမှာလည်း တတ်နိုင်သမျှ ဒါနသီလဘာဝနာ ကုသိုလ်ကောင်းမှု အသစ်တွေကိုလည်း ကြိုးစားအားထုတ်ကြရမှာ ဖြစ်ပါတယ်။ ဒါမှလည်း အဟောင်းလည်းစား အသစ်လည်း ပွားရာ အမှန်အစစ် ဖြစ်လာကြမှာ ဖြစ်ပါတယ်။

ဆိုလိုတာက ဘဝသံသရာ အဆုံးမသပ်ကြသေးတဲ့ ပုထုဇဉ်တွေအဖို့ အတိတ်အနာဂတ်ပစ္စုပ္ပန် ကာလတွေမှာ အချိန်တိုင်းက တန်ဘိုးရှိနေပြီး အလုပ်တိုင်းက အရေးကြီးတဲ့အတွက် ကိုယ်လုပ်တဲ့ အလုပ်တွေဟာ အနာဂတ်ဘဝ သံသရာအတွက်လည်း ထည့်တွက်ပြီး လုပ်ကြရမှာ ဖြစ်တာကြောင့် လက်ရှိဘဝကို မဏ္ဍိုင်ပြုကာ အတိတ်ရဲ့ အကျိုးကို ခံစားရင်း အနာဂတ်အတွက်လည်း ရင်းနှီးကြဖို့နဲ့ အတိတ်ကလုပ်ခဲ့တဲ့ ကံအကျိုးပေးတွေလောက်နဲ့ ကျေနပ်မနေကြဘဲ အနာဂတ်အတွက်လည်း လုပ်သင့်လုပ်ထိုက်တဲ့ အလုပ်တွေကို လုပ်ရင်း ရေရှည်အကျိုး ပွားတိုးအောင် ကြိုးစားကြဖို့ ဆိုလိုရင်း ဖြစ်ပါတယ်။ လူ့ဘဝမှာ ဘယ်လိုအကျိုးပေးတွေပဲ ကွာခြားကွာခြား အရေးအကြီးဆုံးဖြစ်တဲ့ လူ့ဘဝကို ရရှိလာတာကိုက အဟောင်းကောင်းခဲ့ကြလို့ ရလာခြင်း ဖြစ်တဲ့အတွက် ဒီလောက်ကောင်းတဲ့ အဟောင်းကို ဖြစ်သလိုနေ၊ ဖြစ်သလိုစား ဘဝနဲ့ အဆုံးမသတ်ကြဘဲ ရရှိလာတဲ့ လူ့ဘဝကို အသုံးချက အနာဂတ်ဘဝတွေကနေပြီး နိဗ္ဗာန်အထိ တက်လှမ်းနိုင်ကြဖို့ ဒါနသီလဘာဝနာ အလုပ်တွေကို ကြိုးစားအားထုတ်ရင်း အသစ်အသစ်တွေ စုဆောင်းပွားများကြဖို့ အသိပေးလိုရင်း ဖြစ်ပါတယ်။ ဒါနမှလည်း အဟောင်းလည်းစား အသစ်လည်းပွားရာရောက်မှာ ဖြစ်ပါတယ်။

ဒါကြောင့် ဒီတစ်လရဲ့ တရားတစ်ပုဒ်အဖြစ် ဟောကြားပေးဖြစ်ခဲ့တဲ့ “အဟောင်းလည်းစား အသစ်လည်းပွား”ဆိုတဲ့ တရားတော်အတိုင်းပဲ ဘဝသံသရာခရီး မပြီးဆုံးသေးလို့ ဆက်လွက်ထွက်ခွာ သွားလာနေကြမယ့် သံသရာ ခရီးသွားတွေ အနေနဲ့ အတိတ်ကောင်းလို့ လူ့ဘဝကို ရရှိလာပြီး အဟောင်းကောင်းနေတဲ့ အပေါ်မှာပဲ သာယာကာ အဟောင်းကိုပဲ စားမနေကြဘဲ သံသရာတစ်လျှောက် အကောင်းစားနိုင်ဖို့ အတွက်လည်း အကောင်းအလုပ်တွေ လုပ်ပြီး အသစ်ပွားနိုင်အောင် ကြိုးစားကြရမှာ ဖြစ်ကြောင်း အသိပေးတင်ပြရင်း အတိတ်က အဟောင်းကို ခဏနထား အခုလက်ရှိအချိန်မှာပဲ အသစ်ဖြစ်တဲ့ ဒါနသီလဘာဝနာ အလုပ်တွေကို ရနိုင်သမျှ ကြိုးစားအားထုတ်ကာ နောက်ဆုံးဖြစ်တဲ့ နိဗ္ဗာန်အထိ အရောက်သွားကြပါလို့ တိုက်တွန်းကာ ဒီတစ်လရဲ့ လစဉ်ဟောကြား မြတ်တစ်ရားတစ်ပုဒ် အဖြစ် ရွေးထုတ်ဟောကြားလိုက်ရပါတယ်။

အားလုံး အဟောင်းလည်းစား အသစ်လည်း ပွားနိုင်ကြပါစေ..။

Read more »

လစဉ်ဟောကြား မြတ်တရား (၃)

အနှစ်ထုတ်ယူ စွမ်းတဲ့သူ
တစ်လတစ်ကြိမ် အထူးကျင်းပ ပြုလုပ်ပေးဖြစ်နေတဲ့ လစဉ်တရားပွဲနဲ့ ရွှေမြန်မာ ဆုံညီပွဲကို လေးလပိုင်းမှာလည်း ပုံမှန်အတိုင်း ကျင်းပပြုလုပ် ဖြစ်ခဲ့ပါတယ်။ ဒီလမှာတော့ မြန်မာ့နှစ်သစ်ကူးလည်း ရှိနေတဲ့အတွက် နှစ်သစ်ကူးအလှူပွဲ ကျင်းပမယ့်ရက်နဲ့ အချိန်ကိုက်ယူပြီး ၁၇-၄-၂၀၁၁၊ တနင်္ဂနွေနေ့၊ ၁၃၇၃ခုနှစ်ရဲ့ မြန်မာ့နှစ်ဆန်း တစ်ရက်နေ့မှာပဲ လစဉ်တရားပွဲ၊ နှစ်ဦးအလှူပွဲ၊ ဇီဝိတဒါနပွဲစတဲ့ ခေါင်းစဉ်များနဲ့ အထွေထွေ ကုသိုလ်ပွဲအဖြစ် ကျင်းပဖြစ်ခဲ့ပါတယ်။ ကုသိုလ်အမျိုးအစား စုံသလောက် ပရိတ်သတ်ကလည်း စည်ကားလှတဲ့အတွက် တရားပွဲအချိန်ကို တော်တော်လေးညှိပြီး ဟောကြားပေးခဲ့ရပါတယ်။ သူ့အစီအစဉ်နဲ့သူ အချိန်ကိုက်အောင် အပိုင်းလေးတွေခွဲပြီး စီစဉ်ရတာဖြစ်တဲ့အတွက် တရားဟောတာကို အရင်လို အေးအေးဆေးဆေး မဟောကြားနိုင်ခဲ့ပါဘူး။ ဒါပမယ့် ဟောကြားခွင့်ရတဲ့ နာရီဝက်ကျော်ကျော် အချိန်အတွင်းမှာတော့ လိုရင်းပါအောင် ဟောကြားပေးဖြစ်ခဲ့ပါတယ်။ နှစ်သစ်ကို စိတ်သစ်လူသစ်နဲ့ ဖြတ်သန်းနိုင်ဖို့၊ အတိတ်က အရိပ်တွေကို သင်ခန်းစာယူပြီး အနာဂတ်မှာ အမှားမဖြစ်ဖို့၊ တစ်နှစ်တစ်နှစ် ဖြတ်သန်းရတဲ့ အချိန်ဟာ အလွန်တိုတောင်းလှတဲ့အတွက် အချိန်တိုင်းမှာ အနှစ်သာရရှိရှိ ဖြတ်သန်းနိုင်ကြဖို့၊ အနှစ်နဲ့အကာ ခွဲခြားကာ အနှစ်သာရကို အရယူနိုင်ကြစေဖို့ စတဲ့စတဲ့ ရည်ရွယ်ချက်လေးတွေနဲ့ ဒီလရဲ့ တရားခေါင်းစဉ်ကိုလည်း “အနှစ်ထုတ်ယူ စွမ်းတဲ့သူ”လို့ အမည်ပေးကာ လစဉ်ဟောကြား မြတ်တရား တစ်ပုဒ်အဖြစ် ဟောကြားချီးမြှင့် ပေးဖြစ်ခဲ့ပါတယ်။

ဟုတ်ပါတယ်။ လူတိုင်းလူတိုင်း ဖြတ်သန်းခဲ့ရတဲ့ အတိတ်အချိန်တွေကိုကြည့်ရင် များသောအားဖြင့် ဟိုလိုဒီလိုလိုပဲ ဖြတ်သန်းခဲ့ကြရတာ များတတ်ပါတယ်။ တဒင်္ဂအခိုက်အတံ့ ကြီးပွားရေးနောက်ကိုလိုက်ပြီး ပညာရှာသူကရှာ၊ ဥစ္စာရှာသူကရှာ၊ မဆိုစလောက်သူတွေက တရားရှာသူကရှာနဲ့ပဲ အချိန်တွေဟာ ကုန်ပြီးရင်းကုန်ရင်း ဖြစ်နေကြတာ များလှပါတယ်။ တစ်ချို့လည်း ပညာရှာရင်း၊ စီးပွားရှာရင်းနဲ့ပဲ ဘာမှမရလိုက်ဘဲ ဘဝဆုံးသွားသူတွေ ရှိသလို တစ်ချို့လည်း စီးပွားရှာရင်း စီးပွားလည်းပျက်၊ အကျင့်တရားလည်းပျက်ကာ ဘဝပါ ပျက်သွားကြတဲ့အထိ ဖြစ်ကုန်ကြသူတွေလည်း ရှိတတ်ပါတယ်။ တစ်ချိုဆိုရင် စည်းစိမ်ဥစ္စာ နောက်ကိုလိုက်ရင်း စည်းစိမ်ဥစ္စာလည်း မရ၊ ခန္ဓာကိုယ်လည်း နွမ်းလျကာ အသက်ရှင်နေရတဲ့ ဘဝဟာလည်း အဓိပ္ပါယ်မဲ့ဖြစ်ပြီး နောက်ဆုံး ပစ္စုပ္ပန်မှာရော သံသရာမှာပါ ဘာမှအနှစ်သာရ မရလိုက်ဘဲ ရရှိလာတဲ့ လူ့ဘဝကို အရှုံးနဲ့ပဲ နိဂုံးချုပ်သွားကြရတဲ့ သူတွေအထိ ဖြစ်သွားကြတာတွေ ရှိတတ်ပါတယ်။ ဒါကြောင့် သိပ်မကြာလှတဲ့ လူ့ဘဝမှာ အနှစ်သာရကို ရနိုင်သမျှ ထုတ်ယူပြီး အစွမ်းရှိတဲ့သူများဖြစ်အောင် ကြိုးစားကြဖို့ တိုက်တွန်းကြခြင်း ဖြစ်ပါတယ်။

ဘဝမှာ အနှစ်သာရတွေ ထုတ်ယူပြီး အစွမ်းရှိတဲ့သူတွေ ဖြစ်စေဖို့ ထုတ်ယူသင့်တဲ့ အနှစ်သာရက အများကြီး မရှိပါဘူး။ သုံးမျိုးပဲ ရှိပါတယ်။ အဲဒီသုံးမျိုးက
၁။ စည်းစိမ်းဥစ္စာတွေရဲ့ အနှစ်သာရ
၂။ ခန္ဓာကိုယ်ရဲ့ အနှစ်သာရနဲ့
၃။ အသက်ရှင်နေတဲ့ ဘဝရဲ့ အနှစ်သာရ
ဆိုတဲ့ အနှစ်သုံးမျိုးပဲ ဖြစ်ပါတယ်။ ဒီသုံးမျိုးရဲ့ အနှစ်သာရကို ရနိုင်သမျှ ထုတ်ယူသွားနိုင်မယ် ဆိုရင်တော့ အဲဒီပုဂ္ဂိုလ်ဟာ တကယ့်ကိုပဲ စွမ်းနိုင်တဲ့သူ၊ အနှစ်ရှိတဲ့သူ၊ ပစ္စုပ္ပန် သံသရာ ကြီးပွားတိုးတက်မယ့်သူ ဖြစ်နေမှာ အမှန်ပဲ ဖြစ်ပါတယ်။ ဒီသုံးမျိုးကို အရင်းတည်ကာ ထုတ်လို့ရသမျှ အနှစ်သာရတွေကို ထုတ်ယူသွားနိုင်တဲ့သူဟာ ဗုဒ္ဓအလိုရှိတော်မူတဲ့ အနှစ်ထုတ်ယူ စွမ်းတဲ့သူ ဖြစ်နေမှာ အသေအချာပဲ ဖြစ်ပါတယ်။

ဆိုတော့ကား စည်းစိမ်ဥစ္စာတွေရဲ့ အနှစ်သာရကို ဘယ်လိုထုတ်သင့်သလဲ ဆိုတော့ ဗုဒ္ဓစာပေက “ပဉ္စန္နံ ဝေရာနံ သာဓာရဏ ဘာဝေန နိဿာရဿ ဣမဿ ဓနဿ ဒါနံ နာမ သာရော”လို့ ဖွင့်ဆိုရှင်းပြပါတယ်။ ဒီစကားရဲ့ ဆိုလိုရင်းက “စည်းစိမ်ဥစ္စာဆိုတာ ရေ၊ မီး၊ မင်း၊ ခိုးသူ၊ အမွေခံ သားဆိုးသမီးဆို ဆိုတဲ့ ရန်သူမျိုးငါးပါးနဲ့ အမြဲမပြတ် ဆက်ဆံနေတဲ့အတွက် အနှစ်သာရ ရှာမရတဲ့ အဲဒီစည်းစိမ်ဥစ္စာတွေရဲ့ အနှစ်သာရဟာ ပေးကမ်းလှူဒါန်းခြင်းဆိုတဲ့ ဒါနတရားပဲ” လို့ ဆိုလိုတာ ဖြစ်ပါတယ်။

မှန်ပါတယ်။ ဒီစာပေအဖွင့်အတိုင်းပါပဲ။ ကိုယ်ကိုယ်တိုင် ကြိုးစားရှာဖွေ စုစောင်းထားတဲ့ စည်းစိမ်ဥစ္စာဆိုတာ ရေ၊ မီး၊ မင်း၊ သူခိုးဓားပြ စတဲ့ ရန်သူများကြောင့် အချိန်မရွေး ပျက်စီးသွားနိုင်သလို သေပြီးနောက်လည်း တပါတည်း ယူဆောင်သွားလို့မရ ထားခဲ့ရမယ့် အရာများပဲ ဖြစ်ပါတယ်။ နောက် ပစ္စည်းဥစ္စာရဲ့ သဘောက ကိုယ်နဲ့ထိုက်မှလည်း ရတတ်တဲ့ သဘောရှိတဲ့အတွက် ကိုယ်ကဘယ်လောက်ပဲ ကြိုးစားရှာဖွေ စုစောင်းပေမယ့် မရထိုက်ဘူးဆိုရင် တစ်မျိုးမျိုးနဲ့ကို ပျောက်ပျက်ကုန်တော့တာ ဖြစ်ပါတယ်။ ဒီဘဝမှာ ကိုယ့်အတွက် အဆင်မပြေလို့ နောင်ဘဝအတွက် ထုတ်ပိုးယူသွားလို့ ရသလားဆိုတော့လည်း သေသွားရင် ကိုယ်နဲ့မဆိုင်တော့ဘဲ ကိုယ်ပိုင်ဆိုင်တာတွေကို သူများတွေက ရယူသွားကြတော့တာ ဖြစ်ပါတယ်။ ဒီလိုရန်သူတစ်မျိုးမျိုးကြောင့် ပျက်စီးတတ်တဲ့သဘော၊ ကိုယ်နဲ့ထိုက်မှ ရတတ်တဲ့သဘော၊ သေရင်ယူသွားလို့မရ ထားသွားရတဲ့ သဘောရှိတဲ့အတွက် စည်းစိမ်ဥစ္စာဆိုတာ တကယ်တော့ ဘာမှအနှစ်သာရ မရှိတဲ့အရာတွေလို့ ဆိုခြင်းဖြစ်ပါတယ်။ ဒါကြောင့် ဒီစည်းစိမ်ဥစ္စာတွေကို အနှစ်သာရရှိသွားဖို့၊ ထာဝရ မပျောက်ပျက်အောင် ထိန်းသိမ်းထားဖို့၊ သေရင်ကိုယ်နဲ့ တပါတည်း ယူဆောင်သွားဖို့ဆိုတာ ဒီစည်းစိမ်ဥစ္စာတွေကို အသုံးပြုပြီး ဒါနလုပ်ကာသာ ယူဆောင်သွားရမှာ ဖြစ်ကြောင်း၊ ဒါနလုပ်ခြင်းဟာ စည်းစိမ်ဥစ္စာတွေရဲ့ အနှစ်သာရကို ထုတ်ခြင်းဖြစ်ကြောင်း၊ ဒီလိုစည်းစိမ်ဥစ္စာတွေကို အရင်းပြုပြီး ဒါနလုပ်ကာ အနှစ်ထုတ်သွားနိုင်သူသည် စွမ်းနိုင်သူဖြစ်ကြောင်း စသဖြင့် ဆိုခြင်းဖြစ်ပါတယ်။

နောက် ခန္ဓာကိုယ်ရဲ့ အနှစ်သာရနဲ့ ပတ်သက်ပြီးတော့ ဗုဒ္ဓစာပေမှာ ဖွင့်ဆိုထားတဲ့ အဖွင့်လေးက “ဗဟုရောဂါနံ သာဓာရဏ ဘာဝေန နိဿာရဿ ဣမဿ ကာယဿ သီလံ နာမ သာရော” ဆိုတဲ့ ဖွင့်ဆိုချက်လေးပဲ ဖြစ်ပါတယ်။ ဒီအဖွင့်လေးရဲ့ ဆိုလိုရင်းက “ခန္ဓာကိုယ်ဆိုတာ အနာရောဂါ အမျိုးမျိုးနဲ့ အမြဲမပြတ် ဆက်ဆံနေတဲ့အတွက် အနှစ်သာရ ရှာမရတဲ့ ဒီခန္ဓာရဲ့ အနှစ်သာရဆိုတာ ကိုယ်ကျင့်သိက္ခာကို ထိန်းသိမ်းစောင့်ရှောက်ခြင်း ဆိုတဲ့ သီလတရားပဲ” လို့ ဆိုလိုတာ ဖြစ်ပါတယ်။

ဒီအဖွင့်အတိုင်းပါပဲ။ ကိုယ်ပိုင်ဆိုင်တယ်လို့ ထင်နေရတဲ့ ဒီခန္ဓာကိုယ်ကြီးဟာ သေချာတွေးကြည့်တော့ အပုတ်ကောင်ကြီး ရုပ်ဆောင်ထားခြင်းပဲ ဖြစ်ပါတယ်။ တရားသဘောအရ ခန္ဓာကိုယ်တစ်ခုလုံးကို ခြုံပြီးကြည့်လိုက်ရင် အနှစ်သာရရှိတယ်ဆိုတာ ဘာတစ်ခုမှ တွေ့ရမှာ မဟုတ်ပါဘူး။ ခန္ဓာကိုယ်က ထွက်သမျှအရာတွေဆိုရင်လည်း ဘယ်အပေါက်ကပဲ ထွက်ထွက် ကောင်းတယ်ဆိုတာ တစ်ခုမှ မရှိလှပါဘူး။ အရေပြားလေးဖုံးထားလို့သာ ဒီခန္ဓာကိုယ်ကြီးက လှတပတ ဖြစ်နေတယ်လို့ ထင်နေရပေမယ့် အပေါ်အရေပြားကို ခွာကြည့်ရင် အားလုံးဟာ စက်ဆုတ်ရွံရှာဖွယ်တွေပဲ ဖြစ်ပါတယ်။ ပြီးတော့ ဒီလိုအပုတ်အစုတွေနဲ့ တည်ဆောက်ထားတဲ့ ဒီခန္ဓာကိုယ်ကြီးဟာ ရောဂါအမျိုးမျိုးနဲ့ ဆက်ဆံနေတဲ့အတွက် အချိန်မရွေး တစ်ခုပြီးတစ်ခု ဖောက်ပြန်ပျက်စီးမှုတွေ ဖြစ်နေမှာ အမှန်ပဲ ဖြစ်ပါတယ်။ ရောဂါရတယ်ဆိုတာ တကယ်တော့ အပုတ်တွေနဲ့ ဖွဲ့စည်းထားတဲ့ ဒီရုပ်ကောင်ကြီး ဖောက်ပြန်ခြင်းသဘောကို ဆိုလိုတာ ဖြစ်ပါတယ်။ လူတွေပြောပြောနေတဲ့ ရောဂါရောဂါဆိုတာ တခြားမဟုတ်ပါဘူး။ ဒီရုပ်အစုကိုပဲ ဆိုတာဖြစ်ပါတယ်။ ရုပ်ရှိတဲ့အတွက် ဖောက်ပြန်ခြင်း သဘောတွေရှိနေပြီး ဒီလိုဖောက်ပြန်နေခြင်းဟာ ရောဂါရှိနေခြင်းပဲ ဖြစ်ပါတယ်။ ဒီလိုရုပ်တရားကို အမှီပြုပြီး ရောဂါတွေ အမြဲမပြတ် ရှိနေတဲ့အတွက် ခန္ဓာကိုယ်ဆိုတာ အနှစ်သာရ ဘာတစ်ခုမှ ရှာမရတဲ့ အပုတ်ကောင်ကြီးသာ ဖြစ်တယ်လို့ ဆိုခြင်းဖြစ်ပါတယ်။ ဒီလို ရောဂါအမျိုးမျိုးနဲ့ ဆက်ဆံနေတဲ့ အပုတ်ကောင်ဆိုတဲ့ ခန္ဓာကိုယ်ကြီးဟာ အနှစ်သာရ ရှာမရတဲ့အတွက် ဒီခန္ဓာကိုယ်ရဲ့ အနှစ်သာရကို ထုတ်ပါဆိုရင် ခန္ဓာအစုကို အရင်းပြုပြီး ကိုယ်ကျင့်သီလ ကောင်းအောင်သာ ကြိုးစားကြရမှာ ဖြစ်ပါတယ်။

ဒါကြောင့် သီလစောင့်ထိန်းခြင်းဟာ အနှစ်သာရမရှိတဲ့ ခန္ဓာကိုယ်ကို အရင်းပြုပြီး အနှစ်သာရ ထုတ်နေခြင်း ဖြစ်တဲ့အတွက် ခန္ဓာကိုယ်ကြီး ဒီထက်ပိုပြီး မဖောက်ပြန်ခင်၊ ခန္ဓာကိုယ်ကြီးကို သယ်ဆောင်သွားလို့ ရနေသေးခင်၊ ခြေလက်အင်္ဂါတွေကို လိုသလို လှုပ်ရှားလို့ ရနေသေးခင် ကိုယ်ကျင့်သီလကို ကြိုးစားစောင့်ထိန်းကြဖို့၊ ကိုယ်ကျင့်တရား မလုံခြုံဘဲ အနှစ်တစ်ရာကျော် အသက်ရှင် နေရခြင်းထက်စာရင် ကိုယ်ကျင့်တရား လုံအောင်စောင့်ထိန်းပြီး တစ်နေ့တစ်ရက် တစ်မနက်လောက် အသက်ရှင်နေရခြင်းက ပိုပြီးမြင့်မြတ်လှတဲ့ အတွက် အကျင့်သီလကို အထူးစောင့်ထိန်းကြဖို့နဲ့ ဒီလို ခန္ဓာကိုယ်ကို အရင်းပြုပြီး သီလစောင့်ထိန်းခြင်းဟာ အနှစ်သာရကို ထုတ်နေခြင်းဖြစ်ပြီး အစွမ်းရှိတဲ့သူတွေဖြစ်အောင် ကြိုးစားနေခြင်း ဖြစ်တဲ့အတွက် သီလဆောက်တည်ခြင်းဖြင့် ခန္ဓာကိုယ်ရဲ့ အနှစ်သာရကို စွမ်းနိုင်သမျှ ထုတ်ကြည့်ကြဖို့ စသဖြင့် ဆိုခြင်းဖြစ်ပါတယ်။

နောက်ဆုံးအနှစ်သာရ တစ်ခုဖြစ်တဲ့ အသက်ရှင်နေတဲ့ ဘဝရဲ့ အနှစ်သာရနဲ့ ပတ်သက်လို့ စာပေက “အနိစ္စာဒိ သဘာဝေဟိ အဘိဏှပ္ပဋိပီဠနတ္တာ နိဿာရဿ ဣမဿ ဇီဝိတဿ ဘာဝနံ နာမ သာရော” လို့ ဖွင့်ဆိုရှင်းပြပါတယ်။ ဒီအဖွင့်ရဲ့ ဆိုလိုရင်းက “အသက်ရှင်နေတဲ့ ဘဝဟာဆိုတာ မမြဲခြင်း အနိစ္စစတဲ့ သဘောတရားတွေနဲ့ အမြဲမပြတ် နှိက်စက်နေတဲ့အတွက် အနှစ်သာရ ရှာမရတဲ့ အသက်ရှင်နေရတဲ့ ဒီဘဝရဲ့ အနှစ်သာရဟာ တရားဓမ္မ ကျင့်ကြံအားထုတ်ခြင်း ဆိုတဲ့ ဘာဝနာ အလုပ်ပဲ ဖြစ်တယ်”လို့ ဆိုလိုတာ ဖြစ်ပါတယ်။

ဒီမှာဖွင့်ဆိုပြတဲ့ အဖွင့်အတိုင်းပါပဲ။ အသက်ရှင်နေတယ်ဆိုတဲ့ ဘဝဟာ အချိန်မရွေး ပျက်စီးတတ်တဲ့ မမြဲခြင်း အနိစ္စသဘော၊ အသက်ရှင်နေတဲ့ အခိုက်မှာ အချိန်မရွေး ဆင်းရဲနိုင်တဲ့ ဒုက္ခသဘော၊ အသက်ရှင်နေပေမယ့် ကိုယ်လိုသလို ဖန်တီးလို့ မရဘဲ သူ့အလိုအတိုင်း၊ သူဖြစ်ချင်တဲ့အတိုင်း ဖြစ်နေတဲ့ အနတ္တသဘော တွေနဲ့ အမြဲနှီးနွယ် ဆက်စပ်နေတဲ့အတွက် သေချာတွေးကြည့်ရင် အချိန်မရွေး ပြောင်းလဲနေတယ်ဆိုတာ ခံစားမိမှာ ဖြစ်ပါတယ်။ အသက်ရှင်နေတယ်ဆိုတဲ့ ဘဝဟာ အချိန်မရွေး သေနိုင်တဲ့သဘော၊ အချိန်မရွေး ဆင်းရဲနိုင်တဲ့သဘော၊ အချိန်မရွေး သူ့သဘော သူဆောင်သွားနိုင်တယ်ဆိုတဲ့ သဘောတရားတွေက ရှိနေတဲ့အတွက် တကယ်တော့ အနှစ်သာရ ဘာမှမရှိဘူးဆိုတာ သိမြင်နိုင်မှာ ဖြစ်ပါတယ်။ ဒီလို အနှစ်သာရ မရှိတဲ့အတွက်ကြောင့်လည်း အသက်ရှည်မှု မရှည်မှုဟာ အဓိကမကျဘဲ အသက်ရှင်နေတဲ့ အခိုက်မှာ လုပ်သင့်လုပ်ထိုက်တာကို အမိအရ လုပ်လိုက်နိုင်ခြင်းဟာ အဓိကကျတယ်လို့ ဆိုကြခြင်း ဖြစ်ပါတယ်။ အသက်ရှင်နေတဲ့ ဘဝမှာ အဓိကကျတာက ဒီအခိုက်အတံ့ကို အရင်းပြုပြီး တရားအလုပ် အားထုတ်နိုင်မှုဆိုတဲ့ အချက်ပဲ ဖြစ်ပါတယ်။ တရားအားထုတ်ခြင်းဟာ အချိန်မရွေး ပြောင်းလဲတတ်တဲ့ အသက်ရှင်နေတဲ့ ဘဝရဲ့ အနှစ်သာရကို ထုတ်နေခြင်း ဖြစ်တဲ့အတွက် ရှင်နေတုန်းမှာ အနှစ်သာရကို ထုတ်နိုင်အောင် ကြိုးစားရမှာ ဖြစ်ပါတယ်။ တရားရှာ ကိုယ်မှာတွေ့ဆိုသလို ရုပ်နာမ်နှစ်ခုနဲ့ တည်ဆောက်ထားပြီး သွားလာလှုပ်ရှား အသက်ထင်ရှား ဖြစ်နေတဲ့ ဒီဘဝမှာ အနိစ္စ၊ ဒုက္ခ၊ အနတ္တဆိုတဲ့ လက္ခဏာရေး သုံးပါးကို ဘာဝနာဉာဏ်နဲ့ အမှန်မြင်အောင် ကြိုးစားကျင့်ကြံ အားထုတ်ကြရမှာ ဖြစ်ပါတယ်။ ဒါကြောင့် ဘဝရဲ့ အနှစ်သာရကို ထုတ်နိုင်ဖို့ သမထဘာဝနာ၊ ဝိပဿနာ ဘာဝနာဆိုတဲ့ ဘာဝနာ တစ်ခုခုကို ကြိုးစားအားထုတ်ကြည့်ကြဖို့နဲ့ ဒီလို တရားအလုပ် အားထုတ်နေခြင်းဟာ အသက်ရှင်နေတဲ့ ဘဝရဲ့ အနှစ်သာရကို ထုတ်နေတာဖြစ်တဲ့အတွက် သေချာပေါက် စွမ်းနိုင်တဲ့သူများ ဖြစ်နေမှာဖြစ်ကြောင်း ဆိုခြင်းဖြစ်ပါတယ်။

ဆိုလိုတာက ဒီနေရာမှာ ပြောလိုတဲ့ အစွမ်းရှိသူဆိုတာ ဒါန၊ သီလ၊ ဘာဝနာအလုပ်ကို ဘယ်လောက်လုပ်နိုင်သူ၊ ဘယ်လိုလုပ်နိုင်သူ၊ ဘယ်လိုကျင့်ကြံ အားထုတ်နိုင်သူကိုသာ ဆိုခြင်းဖြစ်တဲ့အတွက် ပစ္စုပ္ပန် သံသရာဆိုတဲ့ ဘဝနှစ်ဖြာမှာ အစွမ်းရှိတဲ့သူ၊ စွမ်းနိုင်တဲ့သူဖြစ်ဖို့ လူတိုင်းလူတိုင်း စည်းစိမ်ဥစ္စာတွေရဲ့ အနှစ်သာရ၊ ခန္ဓာကိုယ်ရဲ့ အနှစ်သာရနဲ့ အသက်ရှင်နေတဲ့ ဘဝရဲ့ အနှစ်သာရတွေကို ဒါန၊ သီလ၊ ဘာဝနာ အလုပ်တွေကို ကြိုးစားအားထုတ်ရင်းဖြင့် လက်တွေ့လုပ်ဆောင်ကြည့်ကြဖို့ ဆိုလိုတာ ဖြစ်ပါတယ်။ စည်းစိမ်ဥစ္စာဆိုတာ ရန်သူမျိုးငါးပါးနဲ့ အမြဲဆက်ဆံနေတတ်သလို၊ ခန္ဓာကိုယ်ဟာလည်း ရောဂါအမျိုးမျိုးနဲ့ အမြဲဆက်ဆံနေတတ်ပြီး အသက်ရှင်နေပါတယ်ဆိုတဲ့ ဘဝဟာလည်း မမြဲခြင်းသဘော၊ ဆင်းရဲခြင်းသဘော၊ အစိုးရမခြင်း သဘောတွေနဲ့ အမြဲနှိပ်စက်နေတတ်တဲ့အတွက် အနှစ်မရှိတဲ့ ဒီစည်းစိမ်ဥစ္စာ၊ ဒီခန္ဓာနဲ့ ဒီအသက်ရှင်နေမှုတွေရဲ့ အနှစ်သာရကို ဒါနပြုလုပ်ခြင်း၊ သီလဆောက်တည်ခြင်း၊ တရားအားထုတ်ခြင်းဖြင့်သာ စွမ်းနိုင်သမျှ ထုတ်ယူကြရမှာဖြစ်ပြီး ဒီလိုအနှစ်သာရများနဲ့ပဲ ဘဝမှာအစွမ်းရှိတဲ့ သူတွေဖြစ်အောင် ကြိုးစားကျင့်ကြံ အားထုတ်ကြရမှာ ဖြစ်ကြောင်း ဆိုလိုတာ ဖြစ်ပါတယ်။

ဒါကြောင့် ဒီလရဲ့တရားပွဲမှာ အမည်ပေးထားတဲ့ “အနှစ်ထုတ်ယူ စွမ်းတဲ့သူ”ဆိုတဲ့ တရားခေါင်းစဉ်အတိုင်း ဘဝသံသရာ ခရီးဆက်ကြမယ့် သံသရာ ခရီးသွားများ အနေနဲ့ သံသရာခရီးမှာ သက်သောင့်သက်သာ သွားနိုင်ရန်အတွက် အမှန်တကယ် ယူဆောင်လို့ရနိုင်မယ့် ဒါနကုသိုလ်၊ သီလကုသိုလ်၊ ဘာဝနာကုသိုလ်များကိုသာ စည်းစည်ဥစ္စာကို အရင်းပြုကာ အလှူဒါနပြုခြင်း၊ ခန္ဓာကိုယ်ကို အရင်းပြုကာ သီလဆောက်တည်ခြင်း၊ အသက်ရှင်နေတဲ့ ဘဝအခိုက်အတံ့ကို အရင်းပြုကာ တရားဘာဝနာအလုပ် အားထုတ်ခြင်းဖြင့် ရနိုင်သမျှ အရယူကာ စွမ်းနိုင်တဲ့သူများဖြစ်အောင် ကျင့်ကြံကြိုးကုတ် အားထုတ်ကြဖို့ တိုက်တွန်းရင်း “အနှစ်ထုတ်ယူ စွမ်းတဲ့သူ”ဆိုတဲ့ တရားတော်ကို ဒီတစ်လရဲ့ လစဉ်ဟောကြား မြတ်တရားတစ်ပုဒ်အဖြစ် ထုတ်နှုတ်တင်ပြလိုက်ရပါတယ်။

- စည်းစိမ်ဥစ္စာ၊ နှစ်ဆိုတာ၊ ဒါနလုပ်ကာ ထုတ်ရသည်။
- ခန္ဓာကိုယ်မှ၊ နှစ်သာရ၊ သီလဆောက်ကာ ထုတ်ရသည်။
- သက်ရှင်နေရ၊ နှစ်သာရ၊ ဘဝနာကျင့်ကာ ထုတ်ရသည်။

Read more »

လစဉ်ဟောကြား မြတ်တရား (၂)

အကောင်းဆုံးဘဝ အရတော်ကြပါစေ
လစဉ်ပြုလုပ်လာခဲ့တဲ့ တရားပွဲနဲ့ ရွှေမြန်မာတွေ့ဆုံပွဲမှာ (၃)လပိုင်းရဲ့ တရားပွဲကို ပြီးခဲ့တဲ့ ၂၇-၃-၂၀၁၁ရက်၊ တနင်္ဂနွေနေ့က ကျင်းပပြုလုပ်ခဲ့ပါတယ်။ ဒီပွဲမှာလည်း ထုံးစံအတိုင်း တရားခေါင်းစဉ်လေး တစ်ခုပေးပြီး ဓမ္မလက်ဆောင်အဖြစ် ဟောကြား ချီးမြှင့်ပေးဖြစ်ခဲ့ပါတယ်။ တရားနာပရိတ်သတ် အများစုဟာ လူငယ်အမျိုးသားတွေပဲ ဖြစ်နေတဲ့အတွက် ဒီပရိတ်သတ်နဲ့ ကိုက်ညီမယ့် တရားတော်နဲ့ ဟောကြားမယ့် အကြောင်းအရာကိုလည်း ဘုန်းဘုန်းအနေနဲ့ ကြိုတင်စဉ်းစားရပါတယ်။ အများစုဟာ ဘာသာတရားနဲ့ အလှမ်းဝေးကြတဲ့ သူတွေဖြစ်သလို မိရိုးဖလာ ဗုဒ္ဓဘာသာဝင်တွေ အဖြစ်နဲ့သာ ကျင်လည်နေကြရတာ ဖြစ်တဲ့အတွက် ဝိပဿနာဆိုင်ရာ၊ အဘိဓမ္မာဆိုင်ရာ တရားတော်တွေ ဟောပေးဖို့ကျတော့ တော်တော်စဉ်းစားရပါတယ်။ ဟောမယ်ဆိုလည်း နားလည်လွယ်စေမယ့် အကြောင်းအရာကိုပဲ ရွေးချယ်ဟောပေးရပါတယ်။ တရားနာပရိတ်သတ်ဟာ ဒီပရိတ်သတ်တွေပဲ အဖြစ်များ နေတာကြောင့်လည်း သူတို့အတွက် မှတ်မိတာ မမှတ်မိတာ အသာထား။ ကိုယ့်အတွက်ကတော့ ဟောပြီးသားတရား ထပ်ဟောလို့ မဖြစ်ပြန်ပါဘူး။ ဒါကြောင့် မဟောဖူးသေးတဲ့ တရားကို ရွေးချယ်ပြီး သူတို့သူတို့လေးတွေနဲ့ သင့်လျော်တဲ့ တရားအမည်တစ်ခုပေးကာ နားလည်လွယ်အောင်ပဲ ဟောကြားပေးရတာ ဖြစ်ပါတယ်။ ဒီတစ်ကြိမ်တရားပွဲမှာ ဟောကြားပေးဖြစ်ခဲ့တဲ့ တရားတော်ရဲ့ အမည်က “အကောင်းဆုံးဘဝ အရတော်ကြပါစေ” ဆိုတဲ့ တရားတော်ပဲ ဖြစ်ပါတယ်။

အကောင်းဆုံး ဘဝဆိုတာ အကောင်းဆုံးတွေ ရနေတဲ့ဘဝ၊ ရခဲတဲ့ အရာကို ရနေတဲ့ဘဝကို အကောင်းဆုံလို့ ဒီနေရာမှာ ဆိုလိုတာ ဖြစ်ပါတယ်။ ဒီရခဲခြင်းဆိုတဲ့ စကားကို ပါဠိလို ဒုလ္လဘဆိုတဲ့ စကားလုံးနဲ့ ညွန်းဆိုပြီး ဒုလ္လဘတရား ငါးပါးရှိကြောင်းလည်း ဗုဒ္ဓဘုရား ဟောကြားတော်မူါတယ်။ ဒီငါးပါးကတော့
၁။ ဘုရားပွင့်တော်မူရန် ရခဲခြင်း (ဗုဒ္ဓုပ္ပါဒေါ ဒုလ္လဘော)
၂။ လူအဖြစ်ကို ရခဲခြင်း (မနုဿဿဘာဝေါ ဒုလ္လဘော)
၃။ သဒ္ဓါတရားနဲ့ ပြည့်စုံရန် ရခဲခြင်း (ဒုလ္လဘာ သဒ္ဓါသမ္ပတ္တိ)
၎။ ရဟန်းအဖြစ်ကို ရခဲခြင်း (ပဗ္ဗဇ္ဇိတဘာဝေါ ဒုလ္လဘော)
၅။ သူတော်ကောင်းတရား ကြားနာဖို့ရန် ရခဲခြင်း (သဒ္ဓမ္မဿဝနံ ဒုလ္လဘံ)
တို့ပဲ ဖြစ်ပါတယ်။

ဒီငါးပါးမှာ အခုလူ့ဘဝကို ရနေကြတဲ့ သူတွေဟာ ရခဲခြင်းတရားကို ရနေကြတဲ့ သူတွေဖြစ်တဲ့အတွက် အကောင်းဆုံးဘဝကို ရနေကြတဲ့ သူတွေလို့ ဆိုရမှာ ဖြစ်ပါတယ်။ လူ့ဘဝဟာ တခြားတခြား ဘုံသားတွေနဲ့ နှိုင်းယှဉ်ကြည့်ရင် အလွန်ရခဲ့တဲ့ ဘဝဖြစ်ပါတယ်။ ကမ္ဘာမှာ လူတွေသန်းပေါင်း မြောက်များစွာ ရှိနေပေမယ့် နေ့စဉ်သတ်ဖြတ် စားသောက်နေကြတဲ့ သတ္တဝါတွေ၊ ပြိတ္တာဖြစ်နေကြတဲ့ သတ္တဝါတွေ၊ ငရဲခံနေရတဲ့ သတ္တဝါတွေ စတဲ့ အပါယ်ဘုံသားတွေနဲ့ ယှဉ်ကြည့်လိုက်ရင် လူ့ဘဝ ရနေတဲ့သူတွေဟာ အလွန်အမတန် နည်းပါးနေတာကို တွေ့ရမှာ ဖြစ်ပါတယ်။ ဒါကြောင့်လူ့ဘဝဟာ ရခဲတဲ့ဘဝလို့ ဆိုခြင်းဖြစ်ပါတယ်။ ပြီးတော့ လူ့ဘဝဟာ လိုချင်တာတွေကို အရယူနိုင်တဲ့ ဘဝလည်း ဖြစ်ပါတယ်။ လူအဖြစ်နဲ့ အကောင်းဆုံးအရာတွေကို ပြုလုပ်အားထုတ်ပြီး အကောင်းဆုံးဘဝတွေကို ရောက်အောင် ရွေးချယ်သွားနိုင်သလို အမြင့်ဆုံးဖြစ်တဲ့ ဘုရားအဖြစ်၊ ရဟန်းအဖြစ်တွေကိုလည်း လူ့ဘဝနဲ့ အရယူနိုင်ကြမှာ ဖြစ်ပါတယ်။ ဒီလို ရခဲတဲ့ဘဝ၊ ရချင်တဲ့အရာတွေကို ရွေးချယ်ရယူနိုင်တဲ့ ဘဝ ဖြစ်တဲ့အတွက် လူ့ဘဝဟာ အကောင်းဆုံးဘဝလို့ ဆိုခြင်းဖြစ်ပါတယ်။

လူ့ဘဝနဲ့ ပတ်သက်ပြီး ဗုဒ္ဓစာပေမှာလာတဲ့ သုတ္တန်တစ်ခုကတော့ လူ့ဘဝဟာ အကောင်းဆုံးဘဝ၊ သုဂတိဘဝ ဖြစ်ကြောင်း ဖွင့်ဆိုရှင်းပြထားပါတယ်။ ဒီသုတ်တော်ဟာ ပုဗ္ဗပဉ္စနိမိတ္တသုတ်ပဲ ဖြစ်ပါတယ်။ နတ်ပြည်က နတ်သား၊ နတ်သမီးတွေထဲမှာ အချို့နတ်သား နတ်သမီးတွေဟာ နတ်သက်ကြွေ စုတေခါနီးအချိန်မှာ နိမိတ်ငါးမျိုး ထင်တတ်တယ်လို့ ဆိုပါတယ်။ စတုမဟာရာဇ်၊ တာဝတိံသာ စတဲ့ နတ်ပြည်လောက နတ်သားနတ်သမီးတွေဟာ လူတွေလို ပဋိသန္ဓေနေရခြင်း၊ အိုခြင်း၊ နာခြင်းမရှိဘဲ ကုသိုလ်ကောင်းမှု အရှိန်ကြောင့် နတ်သားနတ်သမီးတွေဟာ အရွယ်ရောက်သူတွေအဖြစ် တစ်ခါတည်း တန်းဖြစ်လာကြပါတယ်။ ဒီလိုအရွယ်ရောက်ပြီး နတ်သားနတ်သမီးအဖြစ်နဲ့ပဲ အိုခြင်းနာခြင်းမရှိ ကုသိုလ်အရှိန် ရှိသမျှ နတ်စည်းစိမ်ချမ်းသာကို ခံစားကြရတယ်လို့ ဆိုပါတယ်။ ဒါပေမယ့် နတ်သားနတ်သမီးတွေ သေတာတော့ ရှိပါတယ်။ အိုနာတာတွေ မရှိပေမယ့် သေတဲ့အခါ သေခါနီးကာလမှာတော့ နိမိတ်လက္ခဏာတွေ ထင်လာတတ်ပါတယ်။ နတ်သက်ကြွေခါနီး နတ်သားနတ်သမီးတွေမှာ စုတေခါနီး နိမိတ်ငါးမျိုး ထင်လာတတ်ပါတယ်။ အဲဒီ နိမိတ်ငါးမျိုးကတော့
၁။ သူတို့သူတို့ ပန်ဆင်အသုံးပြုထားတဲ့ နတ်ပန်းတွေ ညှိုးနွမ်းလာခြင်း
၂။ သူတို့ဝတ်ဆင်ထားတဲ့ နတ်ဝတ်တန်ဆာတွေ ညစ်နွမ်းလာခြင်း
၃။ လက်ကတီးကြား၊ ဂျိုင်းကြားမှာ ချွေးတွေထွက်လာခြင်း (ပုံမှန်အားဖြင့် နတ်သားနတ်သမီးများ ချွေးထွက်လေ့မရှိ)
၎။ ကိုယ်ရောင်ကိုယ်ဝါတွေဟာ တဖြေးဖြေး မှေးမှိန်ပျောက်ကွယ်လာခြင်း
၅။ နေနေရတဲ့ နတ်ဘုံဝမှာ မပျော်မွေ့တော့ခြင်း
ဆိုတဲ့ နိမိတ်ငါးမျိုးပဲ ဖြစ်ပါတယ်။

ဒီလို နိမိတ်တွေ ထင်လာတာကို တွေ့ရတဲ့အခါ တစ်ခြားနတ်သားနတ်သမီးတွေက ဒီနိမိတ်တွေကိုကြည့်ပြီး အဲဒီနတ်သား နတ်သမီးတွေ နတ်သက်ကြွေကာ စုတေတော့မယ်ဆိုတာ သိကြပါတယ်။ အဲဒီလို နိမိတ်ထင်လာတဲ့ နတ်သားနတ်သမီးတွေကို သူတော်ကောင်းနတ်တွေကနေ သွားပြီးတော့ အမှာစကားဆိုကြပါတယ်။ ဒီသုတ်တော်မှာတော့ စကားသုံးခွန်းမှာတယ်လို့ ဆိုပါတယ်။ နတ်သက်ကြွေခါနီး နတ်သားနတ်သမီးတွေကို မှာတဲ့အဲဒီ စကားသုံးခွန်းကတော့
၁။ ဒီဘဝကနေ စုတေပြီးနောက် သုဂတိ ဘဝကို ရောက်အောင်သွား
၂။ သုဂတိဘဝရောက်တဲ့အခါ ရသင့်ရထိုက်တာကို ရအောင်ယူ
၃။ ရသင့်ရထိုက်တာကို ရပြီးရင် အဲဒီအရာကို တည်တံ့ခိုင်မြဲအောင် ကြိုးစား
ဆိုတဲ့ စကားတွေပဲ ဖြစ်ပါတယ်။
နတ်တွေမှာတဲ့ ဒီစကားသုံးမျိုးမှာ သုဂတိဘဝဆိုတာ လူ့ဘဝကို ဆိုခြင်းဖြစ်ပြီး၊ ရသင့်ရထိုက်တဲ့အရာ ဆိုတာ သဒ္ဓါတရားကို ဆိုခြင်းဖြစ်ကာ အဲဒီအရာကို ခိုင်မြဲအောင် ကြိုးစားဆိုတာ သဒ္ဓါတရားမြဲအောင် ကြိုးစားလို့ ဆိုခြင်းဖြစ်ကြောင်း ဒီသုတ္တန်နဲ့ စာပေအဖွင့်တွေက ဆိုပါတယ်။ ဒါက နတ်တွေကတောင် ပြောဆိုလေ့ရှိတဲ့ လူ့ဘဝအကြောင်း အကောင်းလေးတွေပဲ ဖြစ်ပါတယ်။

ဒီဒေသနာတော်အရ လူ့ဘဝဟာ တကယ့်ကို အကောင်းဆုံး ဘဝဖြစ်တယ်ဆိုတာ သိနိုင်ကြပါတယ်။ ဒါပေမယ့် ဒီလိုအကောင်းဆုံးဘဝမှာ နတ်တွေပြောသလို ရသင့်ရထိုက်တာကို ရအောင်ယူပြီး၊ မြဲသင့်မြဲထိုက်တာကို မြဲနေနိုင်မှ အကောင်းဆုံးဘဝ အရတော်ကြမှာ ဖြစ်ပါတယ်။ အဲလိုမှ မဟုတ်ရင် အကောင်းဆုံး ဘဝကို ရထားပေမယ့် အရမတော်တဲ့ အဖြစ်တွေနဲ့လည်း ကြုံတွေ့တတ်ပါတယ်။ လက်ရှိရထားတဲ့ အကောင်းဆုံး လူ့ဘဝမှာ အရတော်ကြဖို့ စာပေတွေက ပြောတဲ့အတိုင်း သဒ္ဓါတရားကို ရရှိအောင် ကြိုးစားပြီး သဒ္ဓါမြဲဖို့လည်း အထူးလိုအပ်လှပါတယ်။ သိတဲ့အတိုင်း သဒ္ဓါတရား ရှိဖို့၊ သဒ္ဓါတရား ခိုင်မြဲဖို့ဆိုတာ လွယ်တဲ့ကိစ္စမဟုတ်ပါဘူး။ ပုထုဇဉ်သဘာဝ စိတ်တွေကလည်း ခုတစ်မျိုး တော်ကြာတစ်မျိုး ဖြစ်နေတတ်တဲ့ အတွက်ကြောင့် သဒ္ဓါတရားကို ထိန်းဖို့ခက်နေကြခြင်းလည်း ဖြစ်ပါတယ်။

သဒ္ဓါဆိုတာ ရတာနာသုံးပါးနဲ့ ကံကံရဲ့ အကျိုးကို ယုံကြည်မှုလို့ ယေဘုယျ နားလည်ထားနိုင်ပါတယ်။ ဒီအဖွင့်တွေအရ ပုထုဇဉ်တွေမှာ ရတနာသုံးပါးနဲ့ ပတ်သက်ပြီး ယုံကြည်မှုမြဲဖို့၊ ကံတရားနဲ့ ပတ်သက်ပြီး ယုံကြည်မှုခိုင်ဖို့ အတော်ခဲယင်းတာကို တွေ့ရမှာ ဖြစ်ပါတယ်။ သေချာတွေးကြည့်ရင် ကိုယ့်မှာရှိနေတဲ့ သဒ္ဓါတရားဟာ တစ်ခါတလေ အကောင်းဆုံးအလုပ်တစ်ခုခုကို လုပ်ဖို့ဆုံးဖြတ်ထားပေမယ့် တော်ကြာပြောင်းရင် ပြောင်းသွားတတ်သလို ဘယ်နေ့ဘယ်အချိန်မှာ ဒါနလုပ်လိုက်မယ်၊ သီလဆောက်တည်လိုက်မယ်၊ ဘာဝနာ တစ်ခုခုကို အားထုတ်လိုက်မယ်၊ ဘယ်သူ့ကို ဘာလေးကူညီလိုက်မယ်၊ ဘာလေးလုပ်ပေးလိုက်မယ် စတဲ့အတွေးအကြံ ရည်ရွယ်ချက်တွေ ရှိနေပေမယ့် တကယ်လုပ်မယ်ဆိုတော့ ပျက်ပြယ်သွားတာတွေလည်း ရှိတတ်ပါတယ်။ မရခင်တုန်းကတော့ ရလာရင် ဘာလုပ်လိုက်မယ်လို့ ရည်ရွယ်ထားတတ်ပေမယ့် တကယ်ရလာတဲ့အခါကျတော့ စိတ်ပြောင်းသွားတတ်တာ၊ သဒ္ဓါတရား လျော့သွားတတ်တာတွေလည်း အများကြီး ဖြစ်တတ်ကြပါတယ်။ ဒီလို အဖြစ်မျိုးကတော့ ပုထုဇဉ် မှန်သမျှ သူသူကိုယ်ကိုယ် ဖြစ်တတ်တဲ့ သဘောတွေပဲ ဖြစ်ပါတယ်။ ဖြစ်တတ်တဲ့ သဘောဆိုတာထက် ဒါဟာ သဒ္ဓါတရား မခိုင်မြဲတဲ့ သဘောပဲ ဖြစ်ပါတယ်။ ဒါကြောင့် သဒ္ဓါတရားဟာ ရှိဖို့ခဲရင်းသလို၊ မြဲဖို့လည်း ခဲရင်းတယ်လို့ ဆိုခြင်းဖြစ်ပါတယ်။

လူအတော်များများမှာ သဒ္ဓါတရား ရှိဖို့ခဲယင်းတတ်သလို ရှိပြီးသား အရာကို မြဲဖို့အတွက်လည်း ကိုယ်ကိုယ်တိုင်ပဲ ထိန်းသိမ်းရမှာ ဖြစ်ပါတယ်။ တစ်စုံတစ်ယောက်ရဲ့ သဒ္ဓါတရား တည်တံ့ဖို့အတွက် ဘယ်တန်ခိုးရှင်ကမှ လုပ်ဆောင်ပေးလို့ မရပါဘူး။ ဗုဒ္ဓလက်ထက်က တန်ခိုးတော်အရာမှာ ဧတဒဂ် ရတော်မူတဲ့ အရှင်မဟာမောဂ္ဂလာန် မထေရ်ကြီးတောင်မှ တစ်စုံတစ်ယောက်ရဲ့ သဒ္ဓါတရားကို မြဲမြံတည်တံ့အောင် တန်ခိုးတော်နဲ့ မလုပ်ပေးနိုင်ဘူးလို့ ဆိုပါတယ်။ ဒီစကားတော်ကို အရှင်မဟာမောဂ္ဂလာန် မထေရ်မြတ်ကြီး ကိုယ်တော်တိုင် အလုပ်အကျွေး ဒကာကြီးတစ်ယောက်ကို မိန့်တော်မူဖူးပါတယ်။

တစ်ခါက မြတ်စွာဘုရားရှင်မှာ ဆွမ်းကိစ္စ အလှူနှစ်ခုနဲ့ ကြုံခဲ့ရဖူးပါတယ်။ တစ်ဦးက အရှင်သီဝလိလောင်းကို (၇)နှစ်ပတ်လုံး ကိုယ်ဝန်ဆောင်ခဲ့ရတဲ့ မယ်တော် သုပ္ပဝါသာ ဒကာမဖြစ်ပြီး တစ်ဦးက အရှင်မောဂ္ဂလာန်မထေရ်ရဲ့ အလုပ်အကြွေး ဒကာကြီးပဲ ဖြစ်ပါတယ်။ မြတ်စွာဘုရားရှင် အနေဖြင့် အလုပ်အကျွေးဒကာကြီးက အရင်ဆွမ်းပင့်ထားတာ ဖြစ်ပေမယ့် ကိုယ်တိုင်ချီးမြှောက်ရမယ့် အကြောင်းရှိနေတဲ့အတွက် သုပ္ပဝါသာ ဒကာမကြီးရဲ့ ဆွမ်းကို အရင်ချီးမြှောက်လိုတာ ဖြစ်ပါတယ်။ ဒါကြောင့် ဘုရားရှင်က အလုပ်အကျွေး ဒကာကြီးရဲ့ ခွင့်ပြုချက်ကိုယူဖို့ အရှင်မဟာမေဂ္ဂလာန် မထေရ်ကို အမိန့်ရှိတော်မူပါတယ်။ အရှင်မောဂ္ဂလာန် မထေရ်လည်း ဒကာကြီးဆီရောက်ပြီး အကျိုးအကြောင်းပြောပြတော့ ဒကာကြီးက “ကောင်းပါပြီဘုရား အရှင်ုဘရားအနေနဲ့ ဒီခုနှစ်ရက်အတွင်းမှာ တပည့်တော်ရဲ့ စည်းစိမ်ဥစ္စာရယ်၊ တပည့်တော်ရဲ့ အသက်ရယ်၊ တပည့်တော်ရဲ့ သဒ္ဓါတရားရယ် ဒီသုံးမျိုး မပျက်အောင်၊ မပြောင်းအောင် တာဝန်ယူပေးပါဘုရား”လို့ လျှောက်ထားပါတယ်။ ဒီတော့ မထေရ်မြတ်က “ဒကာကြီးရေ စည်းစိမ်ဥစ္စာနဲ့ အသက်ကိုတော့ တာဝန်ယူပေးလို့ရတယ်၊ သဒ္ဓါတရားကိုတော့ ဒကာကြီးကိုယ်တိုင်ပဲ တာဝန်ယူပါ”လို့ ပြန်မိန့်လိုက်ပါတယ်။ နောက်ဆုံးတော့ သူ့သဒ္ဓါတရားကို သူယုံကြည်တဲ့ ဒကာကြီးက ဘုရားရှင် အမိန့်ရှိတော်မူတဲ့အတိုင်း လိုက်နာဆောင်ရွက် သွားခဲ့ပါတယ်။


ဒီမှာ အဓိက ပြောချင်တာက သဒ္ဓါတရားနဲ့ ပတ်သက်ပြီး ပြောချင်တာ ဖြစ်ပါတယ်။ တန်ခိုးတော်အရာမှာ ဧတဒဂ် ရတော်မူတဲ့ အရှင်မဟာမောဂ္ဂလာန် မထေရ်ကြီးကိုယ်တိုင်တောင် တစ်စုံတစ်ယောက်ရဲ့ သဒ္ဓါတရားကို မြဲမြံအောင် လုပ်မပေးနိုင်ဘဲ သဒ္ဓါတရားမြဲဖို့ ကိုယ်တိုင်ပဲ လုပ်ရမယ်ဆိုတဲ့ အချက်ပဲ ဖြစ်ပါတယ်။ သဒ္ဓါတရားဟာ အဲဒီလောက်ကို တည်တံ့ဖို့ ခဲယင်းတာဖြစ်ပါတယ်။ ဘယ်တန်ခိုးရှင်ကမှ သဒ္ဓါတရားမြဲအောင် လုပ်မပေးနိုင်သလို ဖြစ်ဖို့ရဖို့ ခဲရင်းတဲ့ ဒီသဒ္ဓါတရားကိုလည်း ကိုယ်ကိုယ်တိုင်ပဲ လုပ်ယူရမယ်ဆိုတာပဲ ဖြစ်ပါတယ်။ ဒါကြောင့် နတ်တွေမှာသလို ရခဲတဲ့ သဒ္ဓါကို ရအောင်လုပ်ဖို့က ကိုယ်ကိုင်တိုင်ပဲ လုပ်ကြဖို့ ဆိုခြင်းဖြစ်ပါတယ်။

နောက် အဲဒီလို ရလာတဲ့ သဒ္ဓါတရားကို ကောင်းစွာတည်တံ့အောင် ထာဝရမပျောက်အောင် လုပ်ဖို့အတွက်ကလည်း အနည်းဆုံး သောတာပန်အဆင့်ကို ရောက်ထားမှ စိတ်ချရမှာ ဖြစ်ပါတယ်။ သောတာပန်ဖြစ်သွားရင်တော့ သဒ္ဓါတရား လုံးဝမြဲသွားပြီ ဖြစ်ပါတယ်။ ဒါပေမယ့် ဒီဘဝ သောတာပန် ဖြစ်အောင် မလုပ်နိုင်သေးပေမယ့်လည်း သောတာပန်အလား သရဏဂုံနဲ့ ကံငါးပါးလုံထားမယ်ဆိုရင်တော့ သဒ္ဓါတရားလည်း ကောင်းကောင်းမြဲနေနိုင်မှာ ဖြစ်ပါတယ်။ ဒါကြောင့် ဘာပဲဖြစ်ဖြစ် ဒီဘဝမှာ သောတာပန် အဖြစ်ကို မရနိုင်သေးတာတောင်မှ အနည်းဆုံး သရဏဂုံနဲ့ ငါးပါးသီလလောက်တော့ လုံထားမှ ဖြစ်မှာလို့ ဆိုခြင်းဖြစ်ပါတယ်။

ပြောချင်တာက အကောင်းဆုံးဘဝ အရတော်ကြစေဖို့ ပြောချင်တာ ဖြစ်ပါတယ်။ အကောင်းဆုံးဘဝ တစ်ခုအဖြစ် ရရှိလာတဲ့ လူ့ဘဝမှာ ရသင့်ရထိုက်တဲ့ သဒ္ဓါတရားကို ရအောင်ကြိုးစားပြီး အဲဒီသဒ္ဓါတရားကို တတ်နိုင်သမျှ မြဲမြံအောင်ကြိုးစားကာ အရတော်တဲ့ ဘဝဖြစ်အောင် ကြိုးစားကြဖို့ ပြောချင်တာ ဖြစ်ပါတယ်။ ရရှိထားတဲ့ အကောင်းဆုံးဘဝ ထာဝရကောင်းစေဖို့၊ သဒ္ဓါတရား ထာဝရတည့်တံ့စေဖို့ ဆိုတာဟာ အရိယာအဖြစ်ကို ရရှိထားမှ စိတ်ချရနိုင်ပေမယ့် ဒီဘဝမှာ ကံငါးပါးကို လုံအောင်ထိန်းပြီး ဒါနအလုပ်၊ ဘာဝနာအလုပ်တွေကို ကြိုးစားအားထုတ် ထားနိုင်မယ်ဆိုရင်တော့ သောတာပန်အလား သဒ္ဓါတရားအားကောင်းကာ လားရာဂတိလည်း ကောင်းနေနိုင်မှာ ဖြစ်တဲ့အတွက် လက်ရှိရရှိထားတဲ့ လူ့ဘဝမှာ အနည်းဆုံးတော့ ကံငါးပါးကို လုံအောင်ကြိုးစားကြဖို့ အသိပေး တိုက်တွန်းလိုတာ ဖြစ်ပါတယ်။

ဒါကြောင့် အကောင်းဆုံးဘဝ အရတော်ကြပါစေ ဆိုတဲ့ ဒီနေ့တရားတော်အရ အကောင်းဆုံးဘဝဖြစ်တဲ့ လူ့ဘဝကို ရရှိထားကြတဲ့ သူတွေအနေနဲ့ လူလည်းဖြစ်၊ ဘုရားသာသနာနဲ့လည်းကြုံ၊ အထိုက်အလျောက် သဒ္ဓါတရားလေးတွေလည်း ရှိနေကြပြီ ဖြစ်တဲ့အတွက် ကိုယ်လက်ရှိရထားတဲ့ အကောင်းဆုံး အခြေအနေကို ဒီထက်ပိုတဲ့ အရတော်တဲ့ အကောင်းဆုံး ဘဝမျိုးဖြစ်အောင် ဒါန၊ သီလ၊ ဘာဝနာ အလုပ်တွေကို ကြိုးစားအားထုတ်ရင်း သဒ္ဓါတရားအားကောင်းတဲ့ဘဝ အရကောင်းတဲ့ သူတွေဖြစ်အောင်လည်း ဆထပ်ပိုပြီး အားထုတ်လိုက်ကြဖို့ အလေးဂရု တိုက်တွန်းသမှု ပြုလိုက်ရပါတယ်။

အားလုံး အကောင်းဆုံးဘဝ အရတော်ကြပါစေ…

Read more »

လစဉ်ဟောကြား မြတ်တရား (၁)

ဘာအကောင်းဆုံးလဲ
ဘုန်းဘုန်းတို့ ကိုရီးယားနိုင်ငံ၊ ဒယ်ဂူးမြို့ စိတ္တသုခ မြန်မာဘုန်းတော်ကြီးကျောင်းမှာ လစဉ်တစ်လတစ်ကြိမ် တရားပွဲများနဲ့ ရွှေမြန်မာတွေ့ဆုံပွဲများကို ဒီနှစ် ၂၀၁၁ခုနှစ် (၂)လပိုင်းကစပြီး ကျောင်းအကျိုးဆောင် ဒကာတော်များရဲ့ ဦးဆောင်မှုနဲ့ လစဉ်ကျင်းပ ပြုလုပ်လာဖြစ်ခဲ့ပါတယ်။ အရင်တုန်းက သီးသန့်သတ်မှတ်ချက် မရှိဘဲ အခြေအနေအရ သာရေးနာရေးပွဲများ လုပ်ဖြစ်ခဲ့ကြပေမယ့် အခုလို သတ်သတ်မှတ်မှတ်လေး လုပ်ဖြစ်ဖို့ကတော့ ဒီနှစ်မှ စလုပ်ဖြစ်ကြတာ ဖြစ်ပါတယ်။ အမိမြန်မာပြည်ကနေ ထွက်ခွါလာပြီး ကိုယ့်စိတ်နဲ့ သူများကိုယ်ဖြစ်ကာ တနင်္ဂနွေလို နေ့မျိုးတွေတောင်မှ ကိုယ်ပိုင်အချိန် ဖြစ်ခွင့်မရကြတဲ့ ဘုန်းဘုန်းတို့ မြန်မာလူမျိုးတွေအတွက် ဖြစ်နိုင်ရင် တစ်လတစ်ခါလောက်ပဲဖြစ်ဖြစ် ကျောင်းကန်ဘုရားနဲ့ နီးစေဖို့၊ တစ်လုံးတစ်ပါဒပဲဖြစ်ဖြစ် ဘာသာတရားအသိ တိုးစေဖို့၊ မြန်မာလူမျိုးအချင်းချင်း ချစ်ခင်ရင်းနှီးမှု ရစေဖို့ စတဲ့စတဲ့ ရည်ရွယ်ချက်တွေနဲ့ ဒီပွဲလေးတွေကို လုပ်ပေးဖြစ်တာ ဖြစ်ပါတယ်။ ဒါတောင် တစ်ချို့က ဒီလိုတရားပွဲမျိုးကို လာချင်ပေမယ့် တနင်္ဂနွေနေ့ကို မဖြစ်မနေ အလုပ် ဆင်းပေးနေရတဲ့ သူတွေက ရှိနေပြန်ပါတယ်။ သူတို့ကလည်း တရားပွဲကို မလာနိုင်ပေမယ့် တရားပွဲမှာ ဟောတဲ့တရားကိုတော့ သိရှိမှတ်သားလိုကြဟန် ရှိပါတယ်။ တစ်ချို့က ဖြစ်နိုင်ရင် တရားပွဲမှာ ဟောတဲ့တရားကို အကျဉ်းချုပ်ပဲဖြစ်ဖြစ် ပို့စ်ရေးပြီး တင်ပေးဖို့ တောင်းပန်လျှောက်ထားလာတာတွေ ရှိပါတယ်။။ ဒါကြောင့် ဘုန်းဘုန်းလည်း သူတို့သူတို့လေးတွေရဲ့ ဆန္ဒအရ လစဉ်ဟောကြားတဲ့ တရားအနှစ်ချုပ်ကို ပြန်လည်ရွေးနှုတ်ကာ အခုလို တင်ပြဖြစ်ခဲ့ခြင်း ဖြစ်ပါတယ်။ ပြီးခဲ့တဲ့ ၂၇-၂-၂၀၁၁ရက်၊ တနင်္ဂနွေနေ့မှာ ဟောကြားပေးဖြစ်ခဲ့တဲ့ တရားခေါင်းစဉ်လေးကတော့ “ဘာအကောင်းဆုံးလဲ” ဆိုတဲ့ တရားတော်ပဲ ဖြစ်ပါတယ်။

ဘာအကောင်းဆုံးလဲလို့မေးရင် လူအတော်များများကတော့ ကိုယ်အလိုလားဆုံးအရာ၊ အနှစ်သက်ဆုံးအရာကို အကောင်းဆုံးလို့ပဲ ပြောကြမှာ ဖြစ်ပါတယ်။ ချစ်ခင်မြတ်နိုးသူတွေနဲ့ အတူတကွ နေထိုင်ရတာကို လိုချင်တဲ့သူတွေကလည်း ဒီလိုချစ်ခင်နှစ်သက်သူတွေနဲ့ အတူတကွ နေရခြင်းဟာ အကောင်းဆုံးလို့ ပြောကြမှာ ဖြစ်သလို မချစ်မနှစ်သက်သူတွေနဲ့ အတူနေရတဲ့ သူတွေကလည်း ဒီလိုသူတွေနဲ့ မနေရဘူးသာဆိုရင် ဘာပဲဖြစ်ဖြစ် အကောင်းဆုံးပဲလို့ ပြောကြမှာ ဖြစ်ပါတယ်။ ဒီလိုပါပဲ ကြိုက်တဲ့ပစ္စည်း၊ ကြိုက်တဲ့အစားအစာ၊ ကြိုက်တဲ့နေရာ၊ စတာတွေကို လိုချင်တောင့်တချိန်မှာ ရရှိ၊ ရောက်ရှိလာခဲ့ရင် သူတို့အတွက် အကောင်းဆုံးပဲလို့ ပြောကြမှာ ဖြစ်ပါတယ်။ လိုချင်တဲ့အရာတွေ ရလာတဲ့အခါ အကောင်းဆုံးလို့ ပြောလေ့ရှိတတ်ကြသလို၊ မလိုချင်တဲ့အရာတွေ မရှိတော့တဲ့အခါ၊ ရောက်မလာတဲ့အခါဆိုရင်လည်း အကောင်းဆုံးလို့ ပြောလေ့ရှိတတ်ကြပါတယ်။ ဒါဟာ မျက်မှောက်ခေတ် လူအတော်များများ တောင့်တတတ်တဲ့ အကောင်းဆုံးအရာ၊ အကောင်းဆုံး သဘောတရားတွေ ဖြစ်ပါတယ်။

ဒါပေမယ့် ဗုဒ္ဓစာပေမှာတော့ ဒီအကောင်းဆုံးဆိုတဲ့ စကားလုံးကို “ပရမ”ဆိုတဲ့ ဝေါဟာရနဲ့ တစ်ခါတလေ ပြောဆိုသုံးနှုန်းလေ့ ရှိတတ်ပါတယ်။ မြတ်ဗုဒ္ဓကိုယ်တော်တိုင်လည်း ဒီပရမဆိုတဲ့ စကားလုံးကို အသုံးပြုပြီး လောကမှာ ပရမတရား လေးပါးရှိကြောင်း ဟောပြတော်မူပါတယ်။ မြန်မာလိုဆိုရင်တော့ အကောင်းဆုံးတရား လေးပါးပေါ့။ ဗုဒ္ဓရှင်တော်မြတ်က ပရမတရားလေးပါးနဲ့ ပတ်သက်လို့
“အာရောဂျ ပရမာ လာဘာ၊ သန္တုဋ္ဌီ ပရမံ ဓနံ။
ဝိဿာသ ပရမာ ဉာတိ၊ နိဗ္ဗာန ပရမံ သုခံ”
ဆိုပြီး တရားစကား ဟောကြားပေးတော်မူထားပါတယ်။ ဒီစကားတော်ရဲ့ ဆိုလိုရင်း အဓိပ္ပါယ်က
- ကျန်းမာခြင်းသည် အကောင်းဆုံး လာဘ်လာဘ
- ရောင့်ရဲလွယ်ခြင်းသည် အကောင်းဆုံး စည်းစိမ်ဥစ္စာ
- ချစ်ကျွမ်းဝင်ခြင်းသည် အကောင်းဆုံး ဆွေမျိုး
- နိဗ္ဗာန်ချမ်းသာသည် အကောင်းဆုံး ချမ်းသာ
ဆိုတဲ့ အဓိပ္ပါယ်ပဲ ဖြစ်ပါတယ်။ ဒီလေးမျိုးဟာ ဘုရားဟောတဲ့ ပရမတရားခေါ် အကောင်းဆုံးတရား လေးပါးပဲ ဖြစ်ပါတယ်။

ဒီတရားတော်ကို မြတ်စွာဘုရားရှင်ဟာ ကောသလမင်းကြီးကို အကြောင်းပြုပြီး ဟောတော်မူတာ ဖြစ်ပါတယ်။ ကောသလမင်းကြီးဟာ အစားအလွန်ကြီးတဲ့ ရှင်ဘုရင်တစ်ပါး ဖြစ်ပါတယ်။ ဘယ်လောက်တောင် စားလဲဆိုရင် တစ်ခါစားရင် ဆန်တစ်စိပ်ချက် ကုန်အောင်စားတယ်လို့ ဆိုပါတယ်။ အဲဒီလို အစားကြီးတဲ့ ဘုရင်ကြီးဟာ တစ်နေ့တော့ နံနက်စာ ပွဲတော်တည်ပြီး ထမင်းဆိပ်တက်နေချိန်မှာ ဘုရားကျောင်းကိုသွားပြီး ဘုရားတရားဟောနေတဲ့ တရားပွဲတစ်နေရာမှာ သွားငိုက်နေပါတယ်။ ဘုရင်ကြီးရဲ့ အခြေအနေကို သိနေရတဲ့ ဘုရားရှင်ဟာ တရားဟောပြီးတော့ ဘုရင်ကြီးကို “အစားများခြင်း၊ အစားကြီးခြင်းဟာ ဆင်းရဲငိုက်မျည်းခြင်းကို ဖြစ်တတ်ကြောင်း၊ အစားအစာဆိုတာ အတိုင်းအရှည်ကိုသိပြီး စာတာကောင်းကြောင်း” မိန်ကြားရင်း ဘုရင်ကြီးရဲ့ တူတော်မောင် သုဒဿနကို ဘုရင်ကြီးပွဲတော်တည်နေတဲ့အချိန် နောက်ဆုံးထမင်းလုပ်ကို မစားဖို့ သတိပေးကာ အဲဒီနောက်ဆုံးလုပ် ထမင်းရဲ့ ဆန်အရေအတွက်အတိုင်း ထမင်းချက်တဲ့အခါ လျော့လျော့ချက်သွားဖို့ မှာကြားတော်မူပါတယ်။ သုဒဿနလည်း ဘုရားရှင်မှာကြားတဲ့အတိုင်း ဘုရင်ကြီး ပွဲတော်တည်တဲ့အခါတိုင်း နောက်ဆုံးထမင်းလုပ်ကို မစားဖြစ်အောင် သတိပေးရင်း အဲဒီထမင်းလုပ် အရေအတွက်အတိုင်း ဆန်ကိုလျော့လျော့ချက်ပြီး စားစေခဲ့ရာ နောက်ဆုံးမှာ ဆန်တစ်စိပ်ချက်စားတဲ့ ဘုရင်ကြီးဟာ ဆန်တစ်ကွမ်းစား (တစ်စလယ်)ချက်ပဲ စားဖြစ်ခဲ့ပါတယ်။ အစားအသောက် လျော့ချပြီးစားလာတဲ့ ကောသလဘုရင်ဟာ အရင်ကနဲ့မတူအောင် ခန္ဓာကိုယ်ပေါ့ပါးကာ ကျန်းမာရေးတွေလည်း ကောင်းလာပါတယ်။ ကောသလဘုရင်ဟာ သူဒီလိုဖြစ်လာတာ မြတ်စွာဘုရား ကျေးဇူးကြောင့်ဖြစ်ကြောင်း ဝမ်းမြောက်ဝမ်းသာဖြစ်ကာ ဘုရားရှင်ကျောင်းသို့သွားရောက်၍ သူရဲ့ကျန်းမာရေး အခြေအနေနဲ့ ဘုရားရှင်ရဲ့ ကျေးဇူးတရားအကြောင်း လျှောက်ထားပါတယ်။ ဒီတော့မှ ဘုရားရှင်က ကောသလမင်းကြီးကို “အာရောဂျ ပရမာ လာဘာ…” စတဲ့ အထက်ပါ တရားစကားကို ဟောကြားတော်မူလိုက်ပါတယ်။

ဒီဒေသနာတော်မှာ ဗုဒ္ဓရှင်တော်မြတ် မိန့်တော်မူတဲ့ ပရမတရားလေးပါးဟာ လောကီလောကုတ္တရာ ကောင်းကျိုးများ အတွက် အတုယူ လိုက်နာစရာကောင်းတဲ့ အချက်တွေပဲ ဖြစ်ပါတယ်။ မှန်ပါတယ်။ ဘုရားရှင် ဟောတော်မူတဲ့ “အာရောဂျ ပရမာ လာဘာ - ကျန်းမာခြင်းသည် အကောင်းဆုံးလာဘ်”ဆိုတဲ့ ပထမဆုံး ပရမစကားလိုပဲ ကျန်းမာရေးဟာ သိပ်ကိုအရေးကြီးပါတယ်။ စည်းစိမ်ဥစ္စာတွေ၊ ရာထူးဌာနန္တရတွေ၊ ပညာအရည်အချင်းတွေ ဘယ်လောက်ပဲ ပြည့်စုံပြည့်စုံ ကျန်းမာရေး မကောင်းဘူးဆိုရင် အဲဒီပြည့်စုံမှုတွေဟာ အလကားပဲ ဖြစ်ပါတယ်။ ဒါကြောင့် လူတွေအားလုံးက ကျန်းမာရေးသာ ကောင်းသွားမယ်ဆိုရင် ပိုက်ဆံဘယ်လောက်ကုန်ကုန်၊ ဘယ်မှာပဲသွားကုရကုရ အကုန်အကျခံပြီး သွားကုကြတာ ဖြစ်ပါတယ်။ လူအတော်များများက ကျန်းမာရေး ကောင်းနေတဲ့အချိန်မှာ ဒီတန်ဘိုးကို မသိကြပေမယ့် ကျန်းမာရေးတကယ်မကောင်း ဖြစ်လာပြီဆိုတော့မှ တန်ဘိုးသိကာ ကြောက်လန့်တတ်တဲ့ သဘောရှိပါတယ်။ အမှန်တော့ အဲဒီလိုဖြစ်လာမှ ကြောက်လန့်တကြား ဖြစ်ကြတာထက်စာရင် မဖြစ်ခင်ကတည်းက အသက်ဉာဏ်စောင့် ဥစ္စာကံစောင့်ဆိုသလို အသက်ကို ဉာဏ်လေးနဲ့ စောင့်ရှောက်ပြီး ထိန်းသိမ်းနေထိုင်ကြမယ်ဆိုရင်တော့ ကျန်းမာရေးလေးတွေ အထိုက်အလျောက် ကောင်းနေကြမှာ အမှန်ပဲ ဖြစ်ပါတယ်။

သေချာတွေးကြည့်ရင် ကျန်းမာရေး မကောင်းတာဟာ ရုပ်တရားဖောက်ပြန်တာပဲ ဖြစ်ပါတယ်။ ဗုဒ္ဓစာပေတွေ အလိုအရ ရုပ်ဖောက်ပြန်ခြင်းဟ ကံကြောင့်လည်း ဖောက်ပြန်နိုင်သလို၊ စိတ်ကြောင့်၊ ဥတုကြောင့်၊ အာဟာရတွေကြောင့်လည်း ဖောက်ပြန်တတ်ပါတယ်။ ဒီကံ၊ စိတ်၊ ဥတု၊ အာဟာရဆိုတဲ့ အကြောင်းတရား လေးပါးကြောင့် ရုပ်တရားဖောက်ပြန်ပြီး ကျန်းမာရေး မကောင်းဖြစ်တတ်တဲ့ သဘောရှိတဲ့အတွက် ဒီလေးပါးကို ဉာဏ်လေးနဲ့ ယှဉ်ပြီးနေထိုင်နိုင်မယ်ဆိုရင် ဒါဟာ အသက်ဉာဏ်စောင့်တာပဲ ဖြစ်ပါတယ်။ ဒီလေးပါးမှာ အတိတ်ကံ တစ်ခုခုကြောင့် ရုပ်ဖောက်ပြန်မှုဟာ ဝဋ်ကျွေးမပါခဲ့ရင် ပစ္စုပ္ပန်ကောင်းကံလေးတွေနဲ့ စောင့်ရှောက်နိုင်သလို၊ စိတ်ကြောင့် ဖြစ်တဲ့ရုပ်ဖောက်ပြန်မှုကိုတော့ စိတ်နဲ့ပဲ စောင့်ရှောက်ရမှာ ဖြစ်ပါတယ်။ ဒီလိုပဲ ဥတုကြောင့် ရုပ်ဖောက်ပြန်ရင်လည်း ဥတုနဲ့မျှတအောင်၊ အာဟာရကြောင့် ရုပ်ဖောက်ပြန်ရင်လည်း အစားအသောက်တွေမှာ ကျန်းမာရေးနဲ့ ညီညွတ်တဲ့ အစားအသောက်တွေ စားနိုင်အောင် အားထုတ်ပေးခြင်းဖြင့် သင့်လျော်သလို စောင့်ရှောက်နိုင်မှာ ဖြစ်ပါတယ်။ ဒီလို ကံ၊ စိတ်၊ ဥတု၊ အာဟာရတွေကို မျှတအောင် ကြိုးစားနေထိုင်နိုင်ရင် အသက်ကိုဉာဏ်စောင့်သလို ဖြစ်နေမှာဖြစ်ပြီး အသက်ဉာဏ်စောင့်နေသမျှ ကျန်းမာရေးလည်း ကောင်းနေကြမှာ ဖြစ်ပါတယ်။ ကျန်းမာရေး ကောင်းနေခြင်းဟာ အကောင်းဆုံး လာဘ်ကို ရနေခြင်း ဖြစ်တဲ့အတွက် ကျန်တဲ့ဘယ်အရာတွေနဲ့မှ မလဲနိုင်ကြခြင်း ဖြစ်ပါတယ်။ ဒါကြောင့် ကျန်းမာခြင်းဟာ အကောင်းဆုံးလာဘ်ပဲလို့ ဆိုခြင်းဖြစ်ပါတယ်။

ဒုတိယ ပရမတရား တစ်ခုဖြစ်တဲ့ “သန္တုဋ္ဌီ ပရမံ ဓနံ- ရောင့်ရဲလွယ်ခြင်းဟာ အကောင်းဆုံး စည်းစိမ်ဥစ္စာ”ဆိုတဲ့ တရားဟာလည်း ဘဝစားဝတ်နေရေးအတွက် ကြိုးစားရုန်းကန်နေသူတွေအတွက် လိုအပ်တဲ့ အချက်ပဲ ဖြစ်ပါတယ်။ ရောင့်ရဲလွယ်ခြင်းဟာ အကောင်းဆုံး ဥစ္စာလို့ ဆိုတဲ့အတွက် တစ်ချို့က ဘာမှမလုပ်၊ မကြိုးစားဘဲ နေရမယ်လို့ သဘောပေါက်လွဲတတ်ပါတယ်။ အဲလို မဟုတ်ပါဘူး။ ရောင့်ရဲလွယ်ရမယ်ဆိုတာ ကိုယ့်အခြေအနေအရ ကြုံလာရလာတဲ့ အပေါ်မှာ ကိုယ့်ကိုယ်ကို သက်သောင့်သက်သာ ဖြစ်အောင်နေလိုက်ခြင်း သဘောကို ဆိုလိုတာ ဖြစ်ပါတယ်။ မရောင့်ရဲနိုင်တဲ့အတွက် လိုချင်တက်မက်မှုနောက်ကို လိုက်ရင်း မဆုံးနိုင်ဖြစ်နေတဲ့ လောဘကို အကန့်လေးတစ်ခုနဲ့ ထိန်းပေးခြင်း သဘောပဲ ဖြစ်ပါတယ်။ ကိုယ့်အစွမ်းအစ၊ ကိုယ်ရနိုင်တာထက် ပိုပြီးလိုချင်တတ်ကာ မတရား အရယူတဲ့အထိ မဖြစ်ရအောင် ကိုယ့်အတိုင်းအတာအရ ကျေနပ်နိုင်အောင် ကြိုးစားတဲ့ သဘောမျိုး ဖြစ်ပါတယ်။ မရောင့်ရဲနိုင်ကြတဲ့အတွက် ဖြစ်တတ်တဲ့ ကိုယ်စိတ်ပင်ပန်းမှု၊ သောကဖြစ်မှု၊ ဒေါသဖြစ်မှု စတာတွေကို သက်သောင့်သက်သာ ဖြစ်စေဖို့ ကိုယ့်ကိုယ်ကို ထိန်းသိမ်းနေထိုင်ခြင်း သဘောမျိုးကို ဒီနေရာမှာ ရောင့်ရဲလွယ်ခြင်းလို့ ပြောလိုတာ ဖြစ်ပါတယ်။ အဲဒီလို အခြေအနေ အမျိုးမျိုး အပေါ်မှာ ကိုယ့်ကိုယ်ကို သက်သောင့်သက်သာ ဖြစ်အောင် နေထိုင်နိုင်ခြင်းဟာ စည်းစိမ်ဥစ္စာတွေနောက်ကို လိုက်ရင်းလောဘဖြစ်မှု၊ စိုးရိမ်ကြီးမှု စတဲ့ ဆိုးကျိုးတွေကနေ စောင့်ရှောက်ကာကွယ်ခြင်း ဖြစ်တဲ့အတွက် ဘာပဲဖြစ်ဖြစ် ရောင့်ရဲလွယ်ခြင်းဟာ အကောင်းဆုံး စည်းစိမ်ဥစ္စာဖြစ်ကြောင်း ဆိုခြင်းဖြစ်ပါတယ်။ ရောင့်ရဲလွယ်ခြင်းကို ပရမတရားတစ်ခုလို့ ဘုရားရှင် ဟောတော်မူခြင်း ဖြစ်ပါတယ်။

နောက် ပရမတရားတစ်ခု ဖြစ်တဲ့ “ဝိဿာသ ပရမာ ဉာတိ- ချစ်ကျွမ်းဝင်ခြင်းသည် အကောင်းဆုံး ဆွေမျိုး” ဆိုတဲ့ အချက်ဟာလည်း တစ်မိထဲဖွားတဲ့ အမျိုးတွေထက် ဘာမှသွေးမတော် သားမစပ်ဘဲ ကောင်းနေကြတဲ့ သူစိမ်းတွေနဲ့ အတူကျင်လည် နေထိုင်ကြသူတွေအတွက် လက်တွေ့ကျတဲ့ အကောင်းဆုံးတရားတစ်ခု ဖြစ်ပါတယ်။ ခင်ရာဆွေမျိုး မိန်ရာဟင်းကောင်းဆိုသလို အမျိုးမတော်ပေမယ့် ချစ်ခင်ကျွမ်းဝင်နေပြီး သူ့အကျိုး ကိုယ့်အကျိုး ဆောင်နေကြမယ်ဆိုရင် ဒါဟာ အကောင်းဆုံး ဆွေမျိုးတွေပဲ ဖြစ်ပါတယ်။ တစ်ခါတလေ ဒီဘဝမှာလာပြီး တစ်မိသားစုတည်း ဖြစ်နေကြပေမယ့် ချစ်ခင်မှုမရှိ၊ ရင်းနှီးမှုမရှိ၊ အကျိုးဆောင်မှု မရှိဘဲ ဖြစ်နေကြတဲ့ အမျိုးတွေထက်စာရင် ဘာမှတော်စပ်မှု မရှိဘဲ လိုအပ်တဲ့အချိန်မှာ အကူအညီဖြစ်၊ အကောင်းတွေကို ညွန်ပြ၊ အဆိုးတွေကို တားမြစ်ကာ မေတ္တာအားတွေနဲ့ ချစ်ခင်စောင့်ရှောက်ကြတဲ့ သူစိမ်းတွေက ပိုပြီးအကျိုးပြုမှုတွေ ရှိနေတဲ့အတွက် အမျိုးဆိုတာ တကယ်တော့ ချစ်ကျွမ်းဝင်ခြင်း၊ အကျိုးလိုလားခြင်း ရှိသူတွေသာ အကောင်းဆုံး ဆွေမျိုးဖြစ်ကြောင်း ဆိုခြင်းဖြစ်ပါတယ်။

နောက်ဆုံး ပရမတရားဖြစ်တဲ့ “နိဗ္ဗာန ပရမံ သုခံ - နိဗ္ဗာန်ချမ်းသာသည် အကောင်းဆုံး ချမ်းသာ”ဆိုတဲ့ အချက်ကတော့ ချမ်းသာတယ်ထင်ပြီး လိုက်မိပေမယ့် မချမ်းသာဘဲ ဖြစ်နေကြတဲ့သူတွေ အနေနဲ့ နောက်ဆုံးရွေးချယ်သင့်တဲ့ အကောင်းဆုံး ချမ်းသာစစ်ပဲ ဖြစ်ပါတယ်။ လောကီချမ်းသာတွေဟာ ဘယ်လောက်ပဲ ချမ်းသာပါတယ်ပြောပြော ခံစားတုန်း အခိုက်အတန့်လောက်ပဲ ချမ်းသာတဲ့ တဒင်္ဂ ချမ်းသာတွေပဲ ဖြစ်ပါတယ်။ ကာမဂုဏ် ချမ်းသာတွေဖြစ်တဲ့ အိပ်ကောင်းခြင်းချမ်းသာ၊ စားကောင်းခြင်းချမ်းသာ၊ နေကောင်းခြင်းချမ်းသာ စတာတွေဟာ ခံစားပြီးနောက်မှာ ဖြစ်ပေါ်တတ်တာက ဆင်းရဲခြင်းတွေပဲ ဖြစ်နေတတ်ပါတယ်။ အိပ်ကောင်းတယ်ထင်လို့ အိပ်ပြီးပဲနေတဲ့အခါ၊ စားကောင်းတယ်ထင်လို့ စားပြီးပဲ နေတဲ့အခါ စတာတွေရဲ့ နောက်မှာတော့ ဆင်းရဲခြင်းတွေပဲ ရောက်လာနေတော့တာ ဖြစ်ပါတယ်။ ဒါကြောင့် ဒါတွေဟာ ချမ်းသာတယ်လို့ ထင်နေရတဲ့ အခိုက်အတန့် ချမ်းသာတွေဖြစ်နေပြီး ဒီလိုချမ်းသာတွေထက် ကိလေသာ တဏှာကင်းနေတဲ့ သန္တိသုခခေါ် ငြိမ်းအေးတဲ့ နိဗ္ဗာန်ချမ်းသာသည်သာ နှိုင်းယှဉ်လို့မရတဲ့ အကောင်းဆုံး ချမ်းသာလို့ ဆိုခြင်းဖြစ်ပါတယ်။ ဒီနိဗ္ဗာန်ချမ်းသာသည်သာ ဒုက္ခကင်းရာ ချမ်းသာအစစ်အမှန်ဖြစ်ကြောင်း ဆိုခြင်းဖြစ်ပါတယ်။

ဆိုလိုတာက အကောင်းဆုံး အကောင်းဆုံးလို့ လူတွေက ဘာတွေကို ဘယ်လောက်ပဲ ပြောနေပြောနေ ဘုရားရှင် ဟောတော်မူတဲ့ အကောင်းဆုံး အရာတွေလောက် အမှန်တကယ် အကောင်းဆုံးဆိုတာ ရှိနိုင်မှာ မဟုတ်ကြောင်း၊ ဘုရားရှင်မိန့်တော်မူတဲ့ ကျန်းမာခြင်းဟာ အကောင်ဆုံးလာဘ်၊ ရောင့်ရဲခြင်းဟာ အကောင်းဆုံး ဥစ္စာ၊ ချမ်းကျွမ်းဝင်ခြင်းဟာ အကောင်းဆုံး ဆွေမျိုး၊ နိဗ္ဗာန်ချမ်းသာဟာ အကောင်းဆုံး ချမ်းသာဆိုတဲ့ ပရမတရား လေးပါးသည်သာ လက်တွေ့ဘဝမှာ ပစ္စုပ္ပန် သံသရာ နှစ်ဖြာချမ်းသာကို ဖြစ်စေမှာ ဖြစ်ကြောင်း၊ ပစ္စုပ္ပန်မှာ ချမ်းသာဖို့ ကျန်းမာရေး ကောင်းရမှာဖြစ်သလို၊ အစစအရာရာမှာ သက်သောင့်သာဖြစ်အောင် ရောင့်ရဲလွယ်ဖို့လည်းလိုပြီး ချမ်းခင်ကျွမ်းဝင်မှုရှိတဲ့ မိတ်ကောင်းဆွေကောင်းလည်း ရှိရမှာ ဖြစ်တဲ့အပြင် သံသရာဒုက္ခ ကုန်ရာမှသည် ထာဝရ ဒုက္ခကုန်ဖို့အတွက် နိဗ္ဗာန်ကို မျောက်မှောက်ပြုဖို့လည်း လိုအပ်နေတာဖြစ်တဲ့အတွက် ဒီဘဝမှသည် နိဗ္ဗာန်အထိ အကောင်းဆုံးဖြစ်ဖို့ ဘုရားဟောတဲ့ ဒီပရမတရားနဲ့အညီ ကျင့်သုံးနေထိုင်ကြရာမှာ ဖြစ်ကြောင်း စသဖြင့် ဆိုလိုတာ ဖြစ်ပါတယ်။

ဒါကြောင့် ဘာအကောင်းဆုံးလဲဆိုတဲ့ ဒီတရားတော်မှာ ပရမတရား လေးပါးနဲ့အညီ ကျင့်သုံးနေထိုင်ခြင်းဟာ အကောင်းဆုံးပဲ ဖြစ်တဲ့အတွက် ဒီပရမတရားလေးပါးကို အမြဲသတိပြု ဆင်ခြင်ကာ ကျန်းမာရေးကောင်းအောင်၊ ရောင့်ရဲလွယ်အောင်၊ မိတ်ကောင်းဆွေကောင်းရှိအောင် ကြိုးစားရင်း နိဗ္ဗာန်အထိရောက်အောင် အားထုတ်ကြည့်ကြဖို့ တိုက်တွန်းသမှုပြု ပြုလိုက်ရပါတယ်။

- လာဘ်သပ္ပကာ အပေါင်းမှာ ကျန်းမာခြင်းသာ အကောင်းဆုံး
- စည်းစိမ်ဥစ္စာ အပေါင်းမှာ ရောင့်ရဲခြင်းသာ အကောင်းဆုံး
- ဆွေမျိုးမိတ်သဟာ အပေါင်းမှာ ကျွမ်းဝင်ခြင်းသာ အကောင်းဆုံး
- သုခချမ်းသာ အပေါင်းမှာ နိဗ္ဗာန်ချမ်းသာ အကောင်းဆုံး

Read more »


RECENT POSTS

သူတုို့သူတုို့၏ မှတ်ချက်များ

အမှတ်တရ ပုံရိပ်များ